बेत काय करावा- २

नंदिनी, मिसळीसोबत सांज्याच्या वड्या मस्त लागतील....
गुळाचा सांजा करुन तुप लावालेल्या ताटात थापायचा..वर मस्त ओलं खोबरं पेरायचं...
टिपिकल मराठी मेनु,

गुलाबजाम, जिलेबी, केक काहिही चालेल यातलं... लस्सी पण चालेल.

मिसळपाव अन कोल्ड कॉफी...... (माझं एक्दम फेव्हरेट कॉम्बि आहे)

कोल्ड कॉफी वुईथ व्हॅनिला आईसक्रीम न चॉको सॉस / चॉको फ्लेक्स
फ्रूट्स + जेली + कस्टर्ड + कपकेकचे पीसेस
फळे + आईसक्रीमचा स्कूप

आणि मग.....

चहा!!!

मैसूरपा देखील छान वाटेल स्वीट डिश म्हणून. रसगुल्ले / सोंदेश मिळत असतील तर तेही चांगले कॉम्बो वाटते. नाहीतर दुधीहलवा / गाजरहलवा आहेतच!

मिसळ पाव जिलबी/गुजा!
त्या तिखट जाळ मिसळीनंतर जिभेवर एक्दम गोड रस पडला पाहीजे! मस्त!

ओ ताई, आईस्क्रीम नी फ्रूट सॅलड वा तत्सम नको म्हणून सांगितलंय ना आधीच.

चहाचा काय प्रश्न नाही. तो अखंड वाहता राहणारच आहे.

अर्धा किलो मटकीचे मोड सहा-सात जणांना पुरतात साधारण- हा माझा अंदाज.>>>> काय बाई पेशन्स आहेत मटकीपासून मोड वेगळे काढण्याचे!!
बरं, मोड काढल्यावर उरलेल्या मटकीचे तुम्ही काय करता?

मोड काढल्यावर मटकी उरवायची कशासाठी? (प्रश्न नाही कळला). सगळ्याची मिसळ करून टाकायची.

अंदाजापेक्षा जास्त मटकी झाली असेल तर उकडून फ्रीझर मध्ये ठेवायची. नंतर कधी उसळ किंवा आमटी किंवा मिसळ करायची.

मोड काढल्यावर मटकी उरवायची कशासाठी? (प्रश्न नाही कळला). सगळ्याची मिसळ करून टाकायची. >>>> सीमंतिनी, अगं अर्धा किलो 'मटकीचे मोड' पुरतील असं लिहिलंय त्यावरुन मंजूने ती कोटी केली. म्हणजे फक्त मोडच तोडून घ्यायचे का? मटकीचं काय करायचं? असं

काय रे देवा!

आमच्यावेळी नव्हतं बाई असं...

बरं, मोड काढल्यावर उरलेल्या मटकीचे तुम्ही काय करता?>>>>>>>>>> मंजूडे.........:खोखो:

दोन्ही डी महान आहेत!

संत्री सोलण्याऐवजी इथं मटक्यांचे मोड काढणं चालू आहे वाटतं.

मिसळीसोबत शिराच पाह्यजे (तो पण सत्यनारायणाचा!!!) अशी डीमांड आज ग्रूप सदस्यांकडून आली आहे. एकदमच सोपं काम झालंय.

नंदिनी
कधी नव्हे ते चान्स मिळतोय म्हणून म्हणून घेतीये एवढच (सिरीयसली घेऊ नकोस ) - मी तर आधीच सांगितल होत शिरा म्हणून (आता लोकांना कोल्हापुरी गुळाची चव माहित नाही म्हणून प्रसाद म्हणतात तर कर प्रसादाचा)

लोक चहाला येणार असले तर मिसळ-पाव + शिरा ठिके. पण जेवायला बोलवल असेल तर मी ह्यात पुलाव्-रायता/ दही-बुत्तीतरी add केली असती.

बी एस, पण मी जेवायला कुठं बोलावलंय?

मंजूडी ,

मंजूडे!!! हद्द झाली बाई. आमच्यावेळी तर हे असं अजिबातमुळीच नव्हतं!

बरं, मोड काढल्यावर उरलेल्या मटकीचे तुम्ही काय करता?>> आम्ही नाऽऽऽ, असं विचारणार्‍या व्यक्तीला दोन धपाटे देतो!! ते शक्य नसेल तर व्हॉट्सॅपवर भयानक स्मायल्या पाठवतो

दोन धपाटे देतो!! ते शक्य नसेल तर व्हॉट्सॅपवर भयानक स्मायल्या पाठवतो >>>

मटकीला मोड आल्यावर ते काढूनच टाकायचे असतील तर आधी ते आणावेत कशाला?
बरं मग त्या मोडांचं आणि भुंड्या मटकीचं तुम्ही काय करता?

भुंड्या मटकीचं >>>>>:हहगलो:

भुंड्या मटकीचं -
सार्थक झाल माझ्या सकाळी सकाळी इथे येण्याच.

बरं मग त्या मोडांचं आणि भुंड्या मटकीचं तुम्ही काय करता? हाहा>> रमड, वाच ना नीट.... मोडांची मिसळ करतो असम पूनमने लिहिलंय..
म्हणून भुंड्या मटकीचं काय करता असा सोज्वळ प्रश्न मी तिला विचारला तर त्याबदल्यात मला दोन धपाटे मिळाले

लेकाच्या शाळेत सोमवारपासून हेल्थ वीक साजरा करण्यात येणार आहे.

या उपक्रमात सोमवारी प्रत्येकाने टिफिनमध्ये न्युट्रिशियस डीश आणायची आहे. सकाळी ६.३० वाजता तो निघतो. तेव्हा डबा तयार हवा. काही पर्याय सुचवाल का?
मिश्र डाळींचे पराठे व स्प्राउट्स भेळ हे मी या आधी दिले आहे, तेच पुन्हा नको आहे मुलाला. काहीतरी वेगळे, नावीन्यपूर्ण दे म्हणतोय.

ड्रायफ्रुट्सचे लाडू (काजू, बदाम, खारीक, बेदाणे, न खारवलेले पिस्ते एकत्र वाटून) साखर व तेल/तूप काहीच घालावे लागत नाही. असे करते मी, ते कसे वाटतील?

मिश्र डाळींचे आप्पे

डाळी भिजवून आदल्या रात्री वाटून आंबवायला ठेवता येतील. सकाळी आप्पे करायचे, भराभर होतात.

फ्लॉवर मटारच्या बेक्ड करंज्या ?

धन्स मंजुडी, फक्त आप्पे पात्र नाहीये, ते आणायला हवं.

सीमंतिनी - रेसिपी पण सांगाल का? किंवा मा.बो. वर असेल तर लिन्क द्या प्लीज.

आशिका, आप्पेपात्र नसेल तर त्याच पिठाचा ढोकळा लाव कूकरच्या लंगडीत.

ओके, अश्विनी, ढोकळा पात्र आहे, मग ढोकळा करेन.