तांदळाची भाकरी, भरली वांगी, मिरचीचा ठेचा, चिकन रस्सा च्या जोडीला स्टार्टर काय ठेवावेत कुणी सुचवेल का?

पाटवड्या कशा वाटतील? तुला हवी असेल तर रेसीपी देते.

पाटवड्या म्हणजे पिठल्याच्या वड्या ना?

हो त्याच वड्या पण थोड्य खमन्ग असतात.

फिकट हिरव्या लाम्बुडक्या मिरच्या मिळतात ( हंगेरियन म्हणत असावेत त्यांना किंवा बनाना ) त्यांना मधे चीर देऊन बिया काढून टाकून त्यात खोबरं कोथिंबीर, भाजलेल्या जिर्‍याची पुड, मीठ लिम्बाचा रस, थोडसं मायक्रोवेव्ह मधे भाजलेलं बेसन कालवून भरायचं अन तव्यावर थोडं थोडं तेल सोडून मंद आचे वर मिरच्या खरपूस भाजायच्या. आधी करुन ठेवून आयत्या वेळी टोस्टर ओव्हन मधे गरम करून वाढायच्या. मिरच्या तिखट असतील तर थोडावेळ लिम्बाचा रस अन मीठ आतून लावून ठेवून मग धुवून घेता येतील.

पाटवड्या मस्तच..... प्रज्ञा, सुरळीच्या वड्या, कोथिंबीर वडी, मेथी वडी, अळूवडी, किंवा मटार पॅटीस बघ कसं वाटतंय....

लाल भोपळ्याचे भरित, किंवा काकडीची कोशिंबीर. बाकि झणझणीत पदार्थाना समतोल ठरतील.

धन्यवाद सगळ्यांना. शोनू मिरच्या मस्तच. मिनोती देशील का तुझी कृती. मला आवडेल करून बघायला तुझ्या कृतीने.

प्रज्ञा इथे बघ!
http://www.maayboli.com/node/2631

----------------------------------------------------------------
~मिनोती.

हेची दान देगा देवा तुझा विसर न व्हावा.

हा मेनु कसा आहे ?
१. दाल्-बाटी, व्हेज बिर्याणी, काकडीची कोशींबीर, गुलाब्-जामुन. सुरुवातीला- पनीर टिक्का (कोरडा), पुदिना चटणी, हमस.
२. पनीर मसाला, भरली मिर्ची, दाल्-तडका, जीरा-राइस, टोमॅटोची कोशींबीर, पोळ्या, रस्-मलई. सुरुवातीला- आलु टिक्की, पुदिना चटणी.
.
दोन प्रसंगी लोक येणार होते. पहिल्या लोकांना थोडे वेगळे खायचे होते. म्हणुन दाल्-बाटी केली. शिवाय त्यातली एक जण दोन्ही वेळेस होती. त्यामुळे एकच पदार्थ परत करुन चालणार नव्हता. परत कुणाला असे combination करण्या आधी तुमचे मत घ्यावे म्हणुन पोस्टले

हा मेनु कसा आहे ? >>>>
.
प्रत्यक्ष अनुभव घेतल्याशिवाय सांगता येनार नाही.

तृप्ती, लोक झोपले का तुमच्या घरीच नंतर दाल बाटी बट्ट्या स्टाईल म्हआण्जे खूप तूप न ओतता तर ठीक नाहीतर व्हेज बिर्यानी, गुलाबजामुन आणि पनीर टिक्का सगळेच खूप हेव्ही वाटतेय व्हेज बिर्यानी ऐवजी पुलाव आणि पनीर टिक्का ऐवजि एखादे हलके अपेटाईझर शक्य होईल का?
दुसरा मेनु एक्दम मस्त आहे पण - will not change a thing!
----------------------------------------------------------------
~मिनोती.

हेची दान देगा देवा तुझा विसर न व्हावा.

तूप न ओतता तर ठीक >>>> कसचं, मस्त ताजं ताजं तुप केलं होतं बाट्या अक्षरशः हाणल्या सगळ्यांनी. बिर्याणी थोडी उरली खरे. आणि जेवणं झाल्यावर कुठे-कुठे जायचे ठरले होते ते आळसावुन घरातच गप्पा ठोकत बसलो

८ मैत्रिणी आणि त्यांची प्रत्येकी १ अशी ८ मुलं (सगळी ५ वर्षाची) संध्याकाळी ७च्या सुमारास येणार आहेत. कृपया कांदा-लसूण विरहित असा बेत सुचवा. आईसक्रीम केकही नको आहे. मुलं आली की काही सुचू देणार नाहीत, त्यामुळे शक्यतो सगळं तयार करून ठेवायचे आहे, आयत्यावेळी काही (तळणे वगैरे) नको. एक मुख्य पदार्थ, एक बाजूचा आणि एक गोड पदार्थ हवाय.
------------------------------
झाडावर प्रेम करा, झाडा’खाली’ नको!

संध्याकाळी ७ वाजता म्हणजे पोटभरीचंच हवं (dinner cum snacks)......
.
फरसबी, गाजर, मटार घातलेला उपमा/मटार भात्/मसाले भात्/पुलाव याबरोबर दाबेली बघ कशी वाटतेय.. जनरली मुलांना आवड्तेच. त्यावर कच्चा कांदा घालू नकोस फक्त शेव+दाणे घाल. (जरा खटपटीचा प्रकार आहे हा... पण बरीचशी तयारी आदल्या दिवशी होऊ शकते) गोड पदार्थ छोटे रसगुल्ले किंवा बुंदी जामून (हे विकत आणावे लागतील) किंवा गाजर/दूधी हलवा.
.
अमिरी खमण+दहीवडे+कसल्याही वड्या
.
किंवा मुख्य पदार्थ म्हणून गोड शीरा (अननस किंवा आमरश घालून), कोथिंबीर वडी/मेथी वडी/ढोकळा/कचोरी आणि त्यावर कुठलंही मिल्कशेक.
.
अजून काही सुचलं तर बघते..

पावभाजी ( कमी तिखट, लाल भोपळा वापरून ) किंवा दाबेली हा मुख्य पदार्थ.
आणि केळी घालून केलेला शिरा, कसा वाटेल ? दोन्ही पदार्थ आधी करता येतील.

बघा एकमत झाले. तेही एकाच वेळी.

इडली एकदम सोपे आणि मुलांना आवडणारे खाद्य आहे..मायक्रोवेव्ह मधे गरम केले की झाले...
केळी घालून केलेला शिरा>> हे सोबत छान वाटेल

मला ना ६ जणांसाठी टीपीकल मराठी शाकाहरी जेवण करायचे आहे येत्या नागपंचमीला.

वालाचे बिरडे नी निवर्‍या चार जणांची फर्माईश आहे. तर त्याबरोबर काय जाईल? कृपया कोणी सुचवेल का?

मी हा मेनुचा विचार केला आहे. सगळे जेवण मी एकटीच करणार आहे(मदतीला कोणी नाही आहे). फक्त त्याच दिवशी ऑफीसला दांडी मारून सकाळी उठून करणार आहे दुपारच्या जेवणाला १ पर्यन्त. तेव्हा एवढे सगळे करायचे आहे.

मी साधारण वेळेचा अंदाज बांधून आहे. त्यात काही तयारी जसे नारळाचा चोव,चटण्या,वाल साफ करणे,खोबर्‍याचे वाटण वगैरे आदल्या दिवशी करेन.
गोडा: वेळः १ तास
निवर्‍या,
उकडीचे मोदक,
आमरस शीरा,

मुख्य जेवण: ३ तास अंदाजे
आमटी(गूळ्,गोडा मसाला टाकून),
तोंडली भात (?) करु का हा प्रश्ण आहे,
साधा भात,
वालाचे भिरडे,
कोथींबीर चटणी,
खमंग काकडी,
चपाती(त्याच दिवशी सकाळी),
कोबीची भाजी मिरची ,ओले खोबरे टाकून,
पापड,
मठ्ठा,
आणखी काय काय करु शकते चमचमीत? एखादी आणखी कुठली भाजी जावु शकते?

खाणारे खूप चवीचे आहेत.

मनु, तु अगदी what will go? चा शब्दशः मराठी अनुवाद केला आहेस. असो, भा. पो.

तुझ्या इथे अळू मिळतं का माहित नाही, मिळत असेल तर बिरड्याबरोबर अळू हा टिपीकल मराठी मेनू होऊ शकेल. डाळ, दाण्यांबरोबर मस्त काजू घालून कर. आणि तोंडली भात केलास तरी त्याच्याबरोबर खाता येऊ शकेल. मला वाटतं की मोदक, निवर्‍या, शिरा आणि बिरडं इतके चविष्ट पदार्थ असताना दुसर्‍या भाजीची आवश्यकता नाही. तसंही तू आमटी आणि कोशींबीर करणार आहेसच. कोबीच्या भाजीऐवजी कोबीची भजी कर, मस्त कांदा भजीसारखीच लागतात.
बाकी तुझी खरंच कमाल आहे. मोदकांपासून सगळं जेवण एकटीने करणार म्हणजे अगदी तुझं कौतुकच आहे.

मंजू, धन्यवाद, अग मला कोबीची भाजी विषेश आवडत नाही म्हणून खटकत होती. तळणीचे पदार्थ मी टाळतेच, उगाच एकदा तळून तेल फेकून देणार. मग नुसते बिरडं नी आमटीच ठीक आहे ना? म्हणून तोंडली भात. अळूचे बघायला हवे. बघुया कितपत झेपतय ते नाहीतर दुपार होईपर्यन्त कामवाली बाई दिसेन थकून लोकांपुढे.

btw हे होणार्‍या खास तिकडच्या मंडळीसाठी आहे. आधीच तिकडच्या एकीने 'साधेसंच' आहे ना हा मेनु असे (उगीचच)म्हटले नी मला विचारात पाडलेय. .(स्वतला तर मोदक सुद्धा येत नाहीत).
असो.

आमरस असेल तर त्याबरोबर पिठ्पोळ्या किंवा गवसण्या करायची आपल्याकडे पद्धत होती. कृति असावी इथेच. सांज्याच्या पोळ्या पण करता येतील. हे दोन्ही प्रकार आदल्यादिवशी करता येतात.
टिनमधे तयार अळूवड्या मिळतात. त्याची रस्साभाजी किंवा त्या फोडणीला देऊन वापरता येतील.
जर मसाले भात असेल तर आमटीपेक्षा काकडीचा कायरस चांगला लागेल. हाहि आदल्या दिवशी करुन ठेवता येतो. पंचामृत देखील करता येईल. तेहि आधी करुन ठेवता येते.

btw हे होणार्‍या खास तिकडच्या मंडळीसाठी आहे.
अरे व्वा, मनु, हार्दिक अभिनंदन!! मस्त बातमी दिलीस तू.... पण चुपके चुपके दिलीस ती...
.
आधीच तिकडच्या एकीने 'साधेसंच' आहे ना हा मेनु असे (उगीचच)म्हटले नी मला विचारात पाडलेय.
ही सुरुवात झाली म्हणायची का?
.
तुला तळण आवडत नसेल तर तोंडी लावणं म्हणून भरली मिरचीचा विचार कर....

(स्वतला तर मोदक सुद्धा येत नाहीत).
मन्जू, ही सुरुवात झाली गं
.
अभिनंदन मनुस्विनी तू सगळंच इतकं मनापासून करतेस, की सगळेच खुश होतील नक्की. 'ते'ही
मला 'वैयक्तिक' असं वाटतंय की खूप जास्ती पदार्थांचा घोळ घालू नकोस. बिरड्या, कोशींबीर, मोदक, शीरा, तोंडली भात याबरोबर टमॅटोचं सार चालेल. पांढरा भात नकोच. आणि पापडाऐवजी, मन्जू म्हणते तसं तळण- भजी, किंवा छोटे वडेही चालतील. गोडाच्या जेवणाला तळण हवंच गं
------------------------------
झाडावर प्रेम करा, झाडा’खाली’ नको!

बरं.. निवर्‍या कशा करायच्या? मुळात 'निवर्‍या' कशाला म्हणतात तेच मला माहित नाहीये.. मी आपली तू मोदकांबरोबर करत्येस म्हणजे निवग्र्या असतील असं धरून चालले होते.. पण त्या तू गोड पदार्थात लिहिल्या आहेस, म्हणून विचारतेय....

अभिनंदन मनु. पुनमला मोदक. फार जास्त करत बसु नकोस.
तुझ्या मेनुमध्ये तोंडलीभातापेक्षा मसालेभात(optional), साधा भात-आमटी/सार/साध वरण, भरली मिरचीपेक्षा भरली वांगी-पोळ्या, तळण करत असशील तर भजी नाहीतर फ्रोझन पात्रा- ऐनवेळी तव्यावर गरम करणे. वाटणे आणि चटण्या आदल्या दिवशी करणे. आमरस शिरा पटकन होणार असेल तर नाहीतर श्रीखंड(घरी करणार असशील तर आधी करून ठेवता येइल.)

thanks to all for the wishes and suggestions! ते कधीच मार्च मध्ये ठरले पण होणार आहे नोव्हेंबर मध्ये सर्वांच्या वेळा साधून. असो.
बरे तर माझा मेनु ठरला,
साधा भात,
मसाले भात /तोंडली भात्(जर fresh मस्त तोंडली मिळाली तर नाहीतर मसाले भातच करेन),
तूरीची आमटी,
बीरडं,
भरली वांगी,(चिन्नुची idea, thanks)
कोथींबीर चटणी,
खमंग काकडी,
भाजलेले (microwave ) पापड,
चपाती,
मट्ठा,
गोडात मोदक, निवर्‍या, आमरस शीरा.
गवसणीचा विचार डोकावला मध्येच कारण मोदकाचे पिठ जरा ज्यास्त करून कामी येइल. पण खूपच होइल ते. भजी वगैरे करायला आवडेल पण मोदकच वेळखाउ काम आहे नी गस जवळ उभे रहायचे आणखी थकायला होणार. त्यात चपात्या पण बर्‍याच करायच्या आहेत. चापून आवडीने खाणारी माणसे येणार आहेत.

मंजू,
निवर्‍या म्हणजेच उकडीचे कानवले. सेम मोदकाचेच पिठ घेवून आकार करंजीसारखाच द्यायचा पण ती desing काढायची जी रोजच्या करंजीला काढतो ती. करंजी बीबी वर बघ मिळेल्.(त्या design ला काय म्हणतात विसरले.)

मनुस्विनी, अभिनंदन !!! बाप रे तु हे सगळे एकटी करणार ? मोदकाचे सारण पण आदल्या दिवशी होउ शकेल ना ? मोदक करायच्या आधी microwave मधे नरम करुन घ्यायचे. बर निवर्‍या म्हणजे काय ?
.
आधीच तिकडच्या एकीने 'साधेसंच' आहे ना हा मेनु >>> असे खोडसाळपणे कुणी बोलले तर विचारात पडु नकोस. शांततेत "बर मग ?" किंवा "हो का..बर बर" म्हणुन आपण ठरवले तेच करायचे

मने
अभिनंदन. म्हणूनच एन जे मधे लग्नाचे हॉल वगैरे विचारत होतीस

बरं मी एक विद्रोही मेनु सुचवू का? साधंसंच वाटतंय म्हणणार्‍यांसाठी -
फलाफल अन पीटा ब्रेड चे रोल, चांगले कॉर्न टाको आणून केसाडिआ, कोवळे सॅलड मिक्स ( एमरिल त्याला mache म्हणतो ) त्यावर थोड्या रोस्टेड रेड पेपर स्ट्रिप्स अन ऍस्परॅगस घालून ऑ.ऑ अन बाल्सामिक व्हिनेगर चे ड्रेसिंग,
ग्रिल असेल तर जांम्भळे अंजीर ग्रिल करून त्यावर २५ वर्षे जुना बालसामिक व्हिनेगर, नाहीतर छान, मोठ्या स्ट्राबेरी अर्धे तुकडे करून त्याबरोबर हाच व्हिनेगर, सोबत व्हिप्ड क्रीम अन वरून एक पुदिन्याचं पान. मिळत असल्यास चांगलं फ्रेंच व्हनिला आइस्क्रीम. वरून
लाडे लाडे मान वेळावून म्हणावं "सारखं सारखं बिरड्या, आमट्या अन फदफदं काय खायचं ते? मी नै बै ते सगळं करत"

शूनू, thanks ग. NJत करायचे का कुठे अजून एकमत नाही कुणाचे. असो.
अग हे मराठी टीपीकल जेवण नागपंचमी आहे म्हणून ठरवलेय. उलट हे असच जेवण कीती महीन्यात नाही केलेय. आता एवढी तयारी (मनाची ) केलीय की हाच मेनु करणार तेव्हा आता कोणी का साधेस म्हणोत ना.

एक काम करु शकते, साधेसे म्हणणारीला जरा लवकर बोलवून बिरडे साफ करायला बसवत नी निवर्‍या करायला..

मने, अभिनंदन ग. तरीच इकडे दिसत नाहिस हल्ली.

ए आम्ही वालाच्या आमटीला बिरडं म्हणतो ग. तू वालाची उसळ म्हणते आहेस का? नाहितर दोन दोन आमट्या होतील. आगाऊ सल्ला वाटला न? का एकाच जेवणात सगळी सुग्रणता दाखवणार आहेस?

मसालेभात आणि भरली वांगी दोन्ही एकदम? मसाला दोघांनाही सारखाच असतो न? परत एकदा आगाऊपणा.

बरं ग जावईबापूंना एकदम खूष करून टाकणारस दिसतय. बघ हो नाहितर त्यांच्या कडून तुझ्या अपेक्षा नेहेमी असाच स्वयंपाक आपल्याला मिळेल अशा होतील.

अग आर्च आगवुपणा कसला आलाय. ते वालाचे बिरडंच म्हणतेय मी. आमटी नाही.
अग आतापर्यन्त चिकन्,मटण,मासे नी बरेच काय काय बनवून झालेय प्रत्येक nj trip मध्ये.(काय आहे ना लग्न इतके पुढे ढकललेय ना तेव्हा हे चालणार आता...त्यात would be in-laws पण इथेच असल्याने बघू काय एवढे जेवण छान करते नी ते केल्याशिवाय कसे कळणार असे झालेय. ). असो.

बरे आता मेनु विषयी, मला पण तो मसाला मसाला पदार्थ खूप झालय असे वाटतेय मग दुसरी भाजी करु तरी काय? खरेच काही दुसरी भा़जी करायची गरज आहे का? कोणी सुचवाल का?

(आशा आधीच वाढवू नको असे सल्ले मिळालेत(मैत्रींणीचे/घरच्यांचे) भरपूर माझे हे सर्व करणे बघून पण मी सांगून टाकलेय 'त्याला' माझे नोकरीचे तास ज्यास्त कधी कधी नी वेळा वेगळ्या असणार आहेत पण जमेल तसे मी आवडीने करेन सर्व तर तो 'हो'हो' हरकत नाही म्हणालाय. आता बघुया).

मनुस्विनी, हार्दिक अभिनंदन!

तुझा मेनू वाचुन मलाच टेंशन आलय. तू खूपच पदार्थ करत्येस अस वाटतय. बघ गोडाचा एखादा पदर्थ जसे आमरस शिरा कमी करता येतोय का? त्या ऐवजी जेवण झाल्यावर कुल्फी देता येइल आणि ती तुला आधी पण करून ठेवता यइल. तूरीच्या आमटी ऐवजी मस्त गोडं वरण कर. सुरुवातीला गरम गरम वरण भात आणि त्यावर तूपाची धार... अगदी झक्कास. त्यातून मसाले भात असल्यावर आमटीची गरज नाही अस मला वाटत. तु आधीच खूप पदार्थ करत्येस पण हवीच असेल तर बटाट्याची भाजी टिपीकल मराठी जेवणात फिट्ट बसते. भरल्या वांग्या ऐवजी वांग्याचे काप शॅलो फ्राय करून ठेवता येतील म्हणजे वड्यांचा प्रश्ण सुटला. साधेसे म्हणणारीला लाव फ्राय करायला. बघ पटतय का.

फार खपून सगळ करू नकोस. तुला 'त्यांच्या' बरोबर बोलायला शक्ती तर उरली पाहिजे ना? नाहीतर थकून जाशील गं एवढ सगळ करता करता...

all the best!

मनुस्विनी, अभिनंदन!! मला काय वाटते बघ हं, पटलं तर..उकडीचे मोदक आणि आमरस शिरा + दोन प्रकारचे भात खूप हेवी होईल. करायलाही आणि खायलाही. आणि त्यात जर ते डाएट कॉन्शस असतील तर? साजुक तुपात भिजलेले उकडीचे मोदकच खरं तर ४-५ खाल्ले तरी जड होतं. मला वाटतं तू आमरस शिरा किंवा निवर्‍या यातले एकच कर.

~~~~~~~~~~~~~~~~~~~~~~~~~~~~~~~~~
क्या मौसम आया है क्या मौसम आया है
गीत गाए नदीया बूँदो मे है सरगम..!!

मनुस्विनी अभिनंदन. तुझ्या नवर्‍याची चंगळ आहे. तू इतके मस्त मस्त पदार्थ बनवत असतेस.

मला तातडीची मदत हवी आहे. उद्या ५ जणाना बोलवायचे ठरले आहे. त्यातले ३ वयस्कर आहेत आणि १ गरोदर आहे. इथे ऊनपण खूप आहे. त्यामुळे मसालेदार, तिखट काही करता येणार नाही. थोडा हलका पण तरिही पार्टीला चालेल असा मेनू सुचवा. आणि आज जरा तयारी करता येईल असा. त्यातले ४ जण चपातीच खातात. भात जवळ जवळ नाही. पण इथल्या हवेत त्या आधी करून ठेवणे शक्य नाही. मला नान हा एक पर्याय बरा वाटतो. कृपया मला लवकर लवकर सांगाल का? आणि हो, मांसाहारीपण चालेल.

नान गरोदर बाईला शक्यतो नको. कारण खाता खाताच ते बर्‍याचदा वातड होतात.

~~~~~~~~~~~~~~~~~~~~~~~~~~~~~~~~~
क्या मौसम आया है क्या मौसम आया है
गीत गाए नदीया बूँदो मे है सरगम..!!

आशु हो गं. मी तिच्यासाठी नान नाही करणार. त्यात यीस्टपण असते ना. एकासाठी गरम गरम फुलके किंवा चपात्या करणे अवघड नाही. पण बाकी मेनू काय करावा ते सुचत नाहिये. पार्टी म्हटली की, सगळे मसालेदार पदार्थच आठवतात.

मेथीचे पराठे आधी करुन ठेवता येतील. त्याबरोबर टॉमेटोचं सार, फुग्या मिरचीचं रायतं, फ्लावर - वटाण्याची भाजी, लेमन राइस किंवा पुळीयोगरे ( टॅमरिंड राइस ) असं चालेल का. सार, भाजी आधीच करून ठेवता येइल. फुग्या मिरच्या परतून ठेवता येतील. आयत्या वेळी मीठ अन दही मिसळायचं.
गोड प्रकार डोहाळकरणीच्या आवडीने करता येइल.
लाडू अन बर्फी चांदीच्या वाटीत झाकून ठेवून तिला एकच उचलायला सांगता येइल

शोनू धन्यवाद. मेनू छान वाटतो आहे. लेमन राइस चालेल. चिंच चवीला घातलेलीपण चालत नाही. बाकी बरचसं आज करण्यासारखे आहे.

thanks to all for wishes and suggestions! Happy weekend to all!

नमस्कार ,
माला पूराणपोळी कशी करावी..हे कोणी सान्गेल का? प्लिझ.....

सोनाली पुरणपोळीची कृती आणि त्याबद्दलची चर्चा ईथे आहे ती बघा
http://www.maayboli.com/hitguj/messages/103383/104771.html?1125492940
--------------------------------------------
Mothers are the necessity of invention.
-Calvin and Hobbs

पुढच्या सोमवारी आमच्या घरी लघुरुद्र आहे. १५ जणांसाठी साबुदाणा खिचडी करायची आहे. किती साबुदाणा लागेल आणि दाण्याचे कुट?
गोड म्हणून पेढा द्यावा का? की आणखी काही? ( उपासाला चालेल असे )
..........................................................................
You are not what you think you are; but what you think,you are.

थन्क्स runi... अग मनगाळागौरी ला पूराण लागताच ना.

दोहालेजेवन- मेनु हवाय - १० बाय् का येनार आहेत. शाकाहारि/ नान् वेज कहिहि चालेल.

मेघना,
उपासाला चालेल आणि पोटभरीचं असं गोड हवे असेल तर छान दाट रबडी ठेवू शकतेस किंवा मसाला दुध.

हाय मनुस्विनी, जेवणाचा बेत कसा झाला? would be ना नक्किइच आवडला असेल..

जेवन मस्त झाले. हो नक्केच आवडले would be ना. आदल्या दिवशी ऑफीसमधून येवून एकटीने जे रात्री १२:३० ला बिरडं (जवळपास १ lbs)साफ करायला सुरुवात केली ते ३:०० ला वगैरे संपले. त्याबरोबर बाजूला मोदकासाठी चोव शिजत होता. चटण्या त्यानंतर.
(बिरडं हा प्रकार ५-६ माणसासाठी कधीही ठेवणार नाही हा खडा लावलाय. ते म्हणतात ना 'वाट लगेली थी')

मनुस्विनि,

अभिनंदन! खरय बिरड हा फक्त दोन लोकांसाठिच करायचा पदार्थ आहे (एक समदु:खि) सो नेक्ष्त बिरड "शादिके बाद".

हे 'बिरड' काय प्रकार आहे कोणी सांगेन का इथे ??

****************************