फिफा विश्वचषक २०१४

एक गोल करून रुनीचं घोडं एकदाचं गंगेत न्हायलं म्हणायचं ...२०१८ मधे तो असण्याची शक्यता कमीच!

ग्रीस-जपान मॅचमधे ग्रीसनं किती ती यलो कार्डस घेतली

तुम्ही इंग्लंडचे फॅन आहात का? >> आता नाहीये...! काल किती वाईर्‍ट्ट हारले. युरुग्वे चा दुसरा गोल इंग्लंडच्या खेळाबद्दल सर्वकही सांगून जातो.

जेरार्ड अगदीच सुमार होता काल. रूनी चांगला खेळला. काल तो इंग्लंडचा सर्वोत्तम खेळाडू होता. इंग्लंडचा बचाव खराब आहे ते माहित होते, पण इतका...?

आता इंग्लंड क्वालिफाय होण्यासाठी इटली ने उरलेले दोनही सामने जिंकायला हवेत.

उदयन... अगदी खरं. मला हे साम्य बर्याचदा जाणवते.

आता इंग्लंड क्वालिफाय होण्यासाठी इटली ने उरलेले दोनही सामने जिंकायला हवेत - आणि इंग्लंडने कोस्टारिकाला मोठ्या गोल फरकाने हरवायला हवे आहे..

ज्या पद्धतीत कोस्टारिकाने उरुग्वेला हावरले ते बघता ही शक्यताच रहाणार..

हिम्सकूल, हो तेही खरेच... २ गोलनेतरी हरवायला हवे.

<< आता इंग्लंड क्वालिफाय होण्यासाठी इटली ने उरलेले दोनही सामने जिंकायला हवेत >> एखाद्या चांगल्या संघाला 'क्वालीफाय' होण्यासाठीं इतरांच्या कामगिरीवर अवलंबून रहावं लागणं, हें जरा लाजिरवाणंच ! पण बर्‍याचदां विविध खेळांच्या मोठ्या स्पर्धांमधे अशा तर्‍हेने 'क्वालीफाय' झालेले संघही नंतर खेळ उंचावून विजेते पण होतात, असाही अनुभव आहेच [ उदा. पाकिस्तानने जिंकलेला क्रिकेट विश्वचषक, आत्तांच आयपीएलमधे सुरवातीला निराशाजनक खेळ करून केकेआरने शेवटीं मारलेली मुसंडी इ.इ.] त्यामुळें, सध्यां कोणत्याही संघावर काट न मारणं हेंच उत्तम !

<< केकेआर ने सलग ९ सामने जिंकुन चषक जिंकलेला आहे.... >> मुद्दा तर तोच आहे; सुरवातीचे सलग पांच सामने हरून, गुण-तक्त्यात तळाला असूनही केकेआरला नंतर लय मिळूं शकली !!!

थोडं सविस्तरपणें मला असं कां वाटतं तें - १] नविन हवामान व वातावरणाशी जुळवून घेताना कांहीं संघांची लय सुरवातीला कांहींशी बिघडण्याची शक्यता असते. [ 'अ‍ॅक्लेमटायझेशन'चं महत्व पूर्वींच्या विश्वचषकांच्या तयारीत प्रत्येक देशात लक्षात घेतलं जायचंच]. ब्राझीलचा अपवाद वगळतां बहुतेक द. अमेरिकेतील संघ सुरवातीपासूनच अपेक्षेपेक्षां चांगला खेळ करताहेत, हेंही याबाबतींत लक्षांत घ्यायला हवं; २] बर्‍याच देशांच्या संघांतील खेळाडू वेगवेगळ्या क्लबमधून विखुरलेले असल्याने संघ म्हणून एकत्र सामने खेळण्याचा सराव त्याना कमीच असतो. जस जसे सामने होत जातील तस तशी त्याना एकत्र खेळण्याची लय सांपडून संघाचा खेळ उंचावूं शकतो. [ कदाचित हें खूपच 'थिऑरेटिकल' वाटेल पण मला ही शक्यता जाणवते, हें खरं ]

मध्यंतर होतां होतां कोस्टा रीका- १, इटली -० !

<< इंग्लैंडा बोंबल रे आता >> आत्तां मध्यंतर तर झालंय !
कोस्टारिकाचा गोल मात्र अप्रतिम सेंटर व हेडर होता !!

अंतिम स्कोअर - कोस्टारिका -१ , इटली -० !!
इटलीने शर्थीचे प्रयत्न केले पण कोस्टारिकाचं 'मिडफिल्ड मार्कींग' जबरदस्त होतं. इटलीच्या बहुतेक चाली त्यानी परतवल्या. 'ऑफ-साईड ट्रॅप'चाही योग्य उपयोग केला व मुख्य म्हणजे आघाडी मिळाल्यावरही बचावावर न थांबतां आक्रमण चालूच ठेवलं. निकाल न्याय्यच !

लय भारी खेळले कोस्टारिका.. इटलीला फार कमी चान्सेस दिले गोल मारण्याचे.. पझेशन जरी इटलीचे जास्त दिसत असले तरी चान्स कमी मिळाले त्यांना...

फ्रान्सनी पार धुव्वा उडवला स्विसचा.. ५-२..

<< साला काल जागरण झाले त्याच्या नादात >> भारतातल्या अनेक घरात सकाळीं ही कुरकूर फिफा फायनल होईपर्यंत ऐकायला मिळणार, हें नक्की !

वाॅट ए गेम! हातातुन मॅच निसटली पण पैसे वसुल!! ९४ व्या मिनीटाला गोल? धिस इज इनक्रेडिबल,,,

निदान हरले नाही हेच समाधान. गेम मात्र एकदम पैसे वसूल झाला .

I believe that we can win !

पुढच्या फेरीतल्या प्रवेशासाठी ग्रूप 'ए'मधला ब्राझील, मेक्सिको व क्रोएशिया यांच्यातला तिढा आज रात्री सुटणार !
मॅराडोना 'येने केन प्रकारेण.. ' यानुसार प्रसिद्धीच्या झोतात रहाण्यासाठी भडक विधानं करून स्वतःचं हंसं करून घेतोय ! [ आणि मीं येडपटासारखं अर्जेंटीनाच्या प्रशिक्षणात तो सहभागी आहे असं इथं म्हणून बसलों !].

चला, ग्रूप 'ए'मधून यजमान व मेक्सिको पुढच्या फेरीत दाखल !

इटली बाहेर.... युरोपीन टीम्सनी बाहेर पडायचा सपाटाच लावला आहे..

अमेरिका चांगली सरळ जिंकत होती तर शेवटच्या एक दोन मिनिटात घोटाळा झाला. टाय! वाईट वाटले. पोर्तुगालचा रोनॉल्डो फारसा चमकला नाही. त्याचा पाय अजून दुखत असावा.

आणि ही चावाचावी कुठून आली सॉकरमधे? तो सुअरेझ म्हणे बरेचदा चावतो, पूर्वीसुद्धा तीनदा पकडला गेला होता. अजूनहि त्याला फिफा मधून हाकलले कसे नाही?

काय अप्रतिम सामना झाला : अर्जेंटीना ३ - नायजेरिया -२ !
अत्यंत वेगवान व शैलीदार हल्ले व प्रतिहल्ले ! मेस्सीच्या 'लेफ्ट फूट'ची कमाल [ गोलकडे ४ शॉटस , २ गोल !] !! पुढच्या फेरीत काय मेजवानी वाढून ठेवलीय त्याची एक झलकच पहायला मिळली आज !