निसर्गाच्या गप्पा (भाग २०)

व्वा मस्त गप्पा चालल्याय... हेमा ताई, कसला गोड आहे सोनचाफा.
दा, खरच छान बातमी, शशांकजी मस्त अभंग....

पुर्वी अगरबत्तीमधे अगदी मोजके सुगंध असायचे.. नंतर सोनचाफा, रजनीगंधा असे छान छान सुगंध बाजारात आले ( अश्विनीमामी जास्त सविस्तर सांगू शकेल. ) रजनीगंधा हा शब्दच मुळी अमोल पालेकर आणि विद्या सिन्हाच्या चित्रपटानंतर मराठीत आला. पुर्वी निशिगंध किंवा गुलछडी हे शब्दच प्रचलित होते.
कुणाच्या मनात काय संगती असेल सांगता येत नाही... काही काही गंध आणि जागा यांची मनात सांगड असते. गुलछडी आणि झेंडू यांचा एकत्र गंध आणि दादरचा फुलबाजार, टिपीकल केमिकल सुगंध आणि कुर्ला स्टेशनजवळची एक फॅक्टरी असे काहीसे माझ्या डोक्यात आहे.

माझी मावस काकी जे जे मधे शिकत होती. त्यावेळी ती हार्बर लाइनने प्रवास करत असे. ती म्हणायची हार्बर लाईनने प्रवास करताना डोळे उघडून स्टेशन कुठले आले बघायची गरजच नसते.. वासावरून कळते.
हिंगाचा वास.. मसजिद, ताजे मासे - डॉकयार्ड रोड, शेंगदाणे - रे रोड, सुके मासे - शिवडी, डिझेल - वडाळा, सिंधी खाद्यपदार्थ - जीटीबी नगर,
हातभट्टी - चुनाभट्टी, केमिकल्स - कुर्ला, नासलेले दूध - टिळक नगर..... आता ती काकी नाही आणि काहि गंधही इतिहासजमा झाले.

टाटा ऑईलच्या आवारातच इंडस्ट्रीयल पर्फ्यूमस लिमिटेड अशी त्यांचीच उपकंपनी होती. साबणासाठी नवीननवीन गंध तिथे शोधले जात.
एखादा गंध बाजारात आणण्यापुर्वी कृत्रिम रित्या तो कसा तयार करता येईल याची चाचपणी तिथे होत असे. त्यासाठी काही खास क्षमता असलेले लोक तिथे होते. एखाद्या गंधात बुडवलेली कागदाची पट्टी नाकाशी घेऊन ते चिंतन करत आणि मग त्या गंधाचे रासायनिक सूत्र
शोधण्याचा प्रयत्न करत. मला त्यांचा फार हेवा वाटे. काही मोजक्या रसायनांच्या संकरातून ते असे गंध निर्माण करत असत.

वा दिनेशदा मस्त सुगंधी माहिती.

वा दिनेशदा मस्त माहिती.+१००

फक्त ते मासे, केमिकल, नासलेले दूध ह्या गोष्टींकडे (वासांकडे) दुर्लक्ष केलं.

खुप छान धागा आहे हा.. वाचावं ते नविन आहे... मला इथे येऊन खुप मस्त वाटते आहे...

रेणुका भोसेकर - सुस्वागतम् .....

http://www.khapre.org/portal/url/pages/z140401060850/view - या लिंकवर श्री समर्थांना माहित असलेल्या वनस्पतींची यादी आहे (श्री समर्थांच्याच शब्दात असलेली ) .... जरुर वाचणे ...

समर्थांचेबाग प्रकरण! मस्तच.
मी पुण्यात आघारकर संस्थेचा 'परिसर वनस्पती परिचय अभ्यासक्रम' केला होता. त्याच्या प्रकल्पासाठी मी हे 'बाग प्रकरण' घेतले होते. त्यातल्या २७७ वनस्पतींची परिचित नावे, वनस्पतीशास्त्रीय नावे, त्यांची प्रकाशचित्रे, माहिती असे संकलन केले होते. कोणाला इंटरेस्ट असेल, तर या 'बाग प्रकरणावर मी लिहिलेला (पूर्वप्रकाशित) लेख इथे आहे:
http://www.jainvicharitranfula.blogspot.in/
-अश्विनी
--------------
जाताजाता:
मायबोलीकरांचा हा निसर्गाच्या गप्पांचा धागा मला खूप आवडतो. दिवसातून एकदा तरी मी इथे येते. मस्त वाटतं.
इथले बहुतेकजण एकमेकांना प्रत्यक्षातही ओळखतात, पण माझ्यासारख्या आगंतुकांनाही इथे सहज सामावून घेतले जाते, हे खूप छ्हान आहे

इथले बहुतेकजण एकमेकांना प्रत्यक्षातही ओळखतात, पण माझ्यासारख्या आगंतुकांनाही इथे सहज सामावून घेतले जाते, हे खूप छ्हान आहे >>>>>>>>

nisarg gatag hi hot rahataat. yaayache tyaalaa mhanje agantuk raahanar naahi

जागु... अगदी बरोब्बर बोललीस.. जियो!!

सुंदर शुभ्र कण्हेर.मस्त!! प्रसन्न!!!

>> त्या मैत्रीसाठी ही पांढरी कण्हेर

वा! मस्तच!

रेणुका, सुस्वागतम ! कालचीच अ‍ॅडमिशन दिसतेय !
वरील सर्व फोटो मस्त !
नलिनी, ते झाड कसलं सुरेख आहे ग ! सोनचाफा, पांढरी कण्हेर, वा वा वा !

दिनेशदा, ८ जुलै फायनल का ? म्हणजे काऊंट डाऊन ला सुरुवात करायला .....

बालगंधर्वला कट्टे बुक करून ठेवते. आणि हो बहुतेक आमच्याकडचा पाऊस पण तुमच्या येण्याकडेच डोळे लावून बसलाय (बहुतेक), म्हणून तो ईथे यायलाच विसरलाय.

जागू , तुला अनुमोदन.
गुलाबी झाली, लाल झाली, आता पांढरी आणि ती ही मैत्रीसाठी !! हे खूप आवडलं
रेणुका, सुस्वागतम माबो आणि निग वर

ही कसली पाने आहेत ते ओळखा. ( माझ्यासाठी तरी हे आश्चर्य होते. )

हे झाड मी पाहील आहे पण नाव नाही माहीत, याची पाण खुप मऊ आहेत ना?

पलक, हे झाड आपण सगळ्यांनीच पाहीलं आहे. फक्त जरा वेगळ्या रुपात

हे खायचं पान आहे का? पलिकडलं पान तसं वाटतंय.

प्रज्ञा, मग कन्फर्म करतो.
सावलीच्या फोटोतली पाने चवळीच्या पानासारखी दिसताहेत पण चवळी नाही कारण त्याला तीन पाने असतात.

खायचं पान नाही. चवळीपण नाही. वेगळं झाड आहे.

पत्रावळी द्रोण वगैरे बनवतात का याचे?

त्या मैत्रीसाठी ही पांढरी कण्हेर.

सो स्वीट ऑफ यु जागू. धन्यवाद.

जागू समुद्राच्या जास्त जवळ जाऊ नकोस आता. इथेपण पाऊस नाहीच.

वालाच पान आहे का हे?

वाल आणि द्रोणही नाही.

हे पपईचे रोप आहे ( बहुधा ). पपईच्या तीन बिया पेरल्या होत्या. त्यातुन अशी दोन रोपं आली. मला आधी वाटलं की पपईऐवजी मातीतलं दुसरंच काहीतरी उगवुन आलं आहे. अजुन थोडं वाढल्यावर बघु म्हणुन ठेवलं. नंतर काढुन टाकणार होते तेवढ्यात नवी पानं वेगळी आलेली दिसली. आता आता जरा अशी पानं यायला लागली आहेत.
हा अजुन एक फोटो टाकते.

आता अजुन वाढलं की फोटो देईन

खुप छान छान फुलांचे फोटो.:)

खरच कधी एकदा खुप खुप पाऊस पडेल असे झाले आहे....

दिनेश दा खुप दिवसात भेट झाली नाही. या वेळेस खुप वेळ काढुन नक्की या.

पपई.
आधी वाटलं होतं पण खोड जरा वा़कडं वाटले