निसर्गाच्या गप्पा (भाग २०)

मुंबईत झालं बाबा एकदाचं पावसाचं आगमन.

हो, मस्त बरसतोय आपल्याकडे पाऊस......
वर्षूदी, <<<< वितळणार्‍या सोन्याच्या सूर्याचे फोटो>>>>> कित्ती मस्त उपमा दिली आहेस तू, वा!!!!!!!
मानुषीताई, मस्त फोटो. ५ नं. चा फारच आवडला मला.
हे रोज अ‍ॅपल (जाम). हे खाताना खरच रोज सिरपसारखा सुगंध जाणवतो. पण आपल्या नेहमीच्या जाम सारखे खुप ज्यूसी- रसरशीत नसतात हे. चव मस्तच असते ह्याची.

वा उजू, मी पहिल्यांदाच बघतेय हे फळ.

आत्ताच ऑफिसच्या बाहेर आलो होतो. थोड्या वेळापूर्वीच पावसाचा शिडकावा होऊन गेल्याने आकाश अगदी स्वच्छ धुतल्यासारखे दिसत होते. मस्त निळा रंग (जो मुंबईत प्रदुषणामुळे फार कमी दिसतो). पांढरे ढग/काळे ढग आणि निळे आकाश आणि हो त्यावर अर्धवट उमटलेले "इंद्रधनुष्य". आजचा टि ब्रेक एकदम झक्कास + १००००० फक्त इथे शिडकावा नाहीय तर धोधो नळ सुरू झालेला सकाळी.

मला पावसाळा अजिबात आवडत नाही. फक्त तिन गोष्टी चांगल्या असतात - एक म्हणजे अंग घामेजुन जे चिकचिक होत असते ते होत नाही , हवेतला धुळीचा करडा पडदा पावसाने धुवुन काढल्याने सकाळचे उन अगदी करकरीत स्वच्छ सुंदर आणि त्यामुळे आत्ताच सुर्याने प्रसन्न होऊन आपल्याकडे पाठवल्यासारखे दिसते, त्यामुळे झाडे, दगड, धोंडे इ.इ. सगळे काही सुंदर दिसु लागते आणि तिसरे सर्वात महत्वाचे कारण म्हणजे परत हवेतला धुळीचा करडा पडदा पावसाने धुवुन काढल्याने घरात येणारी धुळ ९०% ने कमी होते.

बाकी पावसाळा म्हणजे रस्त्यावरचे काळे पाणी, त्यात वेगाने जाऊन आपल्या अंगावर ते घाणेरडे पाणी उडवणारी वाहने, गळक्या ट्रेन्स आणि बसेस, भिजलेल्या रिक्षा इ.इ.इ. अनंत. नक्को तो पावसाळा हे माझे प्रामाणिक मत आहे. आज सकाळीच रस्त्यांवर पाणी साचले होते.

बाकी पावसाळा म्हणजे रस्त्यावरचे काळे पाणी, त्यात वेगाने जाऊन आपल्या अंगावर ते घाणेरडे पाणी उडवणारी वाहने, गळक्या ट्रेन्स आणि बसेस, भिजलेल्या रिक्षा इ.इ.इ. अनंत. नक्को तो पावसाळा हे माझे प्रामाणिक मत आहे. आज सकाळीच रस्त्यांवर पाणी साचले होते. >>> साधना, १०० % अनुमोदन

उजु... हे फळ पुढे पांढरट गुलाबी होतं का ? गोव्याला मंगेशीच्या देवळाबाहेर असतात विकायला.

मानुषी मस्त फोटो... त्या रंगीबेरंगी होड्यांचा तर खासच !

मानुषीताई फोटो अतिशय सुंदर, माझ्याकडे ओपन होत नव्हते, नेट स्लो झालंय. आत्ता नीट दिसले फोटो.

सर्वांनी काढलेले फोटोज छान.

साधना.. अगदी बरोब्बर बोललीस!!

देस, गाँव, पीपल की छाँव वगैरे कवितेत छान वाटतात वाचायला..परदेशात राहताना तर अजून आवडतात.. कारण त्यावेळी रस्त्यावरची डबकी, डास, चिखल , बीचवर( अप टू इन्फिनिटी ) दिसणारा कचरा, वहाणांचा , प्लास्टिक पिशव्यांचा ढिगोरा.. इ.इ. अजिब्बात आठवत नाही , स्वानुभावावरून..

म्हणून तर आता पावसाळ्याच्या सुरुवातीलाच पळून जातोय ,एकदम सप्टेंबर मधे भेटू , इसी जगह , किसी भी समय

देस, गाँव, पीपल की छाँव वगैरे कवितेत छान वाटतात वाचायला..परदेशात राहताना तर अजून आवडतात.. कारण त्यावेळी रस्त्यावरची डबकी, डास, चिखल , बीचवर( अप टू इन्फिनिटी ) दिसणारा कचरा, वहाणांचा , प्लास्टिक पिशव्यांचा ढिगोरा.. इ.इ. अजिब्बात आठवत नाही , स्वानुभावावरून.. >>> अगदी बरोबर वर्षु, मला ही पावसाळा अजिबात आवडत नाही इथला. पण तु लकी आहेस पळून जाऊ शकतेस. मी पळून नाही जाऊ शकत आत्तातरी इथून.

I love rain!
you heartless people chup baitho

मलाही आवडतो पाऊस, पण मुसळधार पाहिजे. रीपरीप पावसाचा कंटाळा येतो.

रिया

बीचवर( अप टू इन्फिनिटी ) दिसणारा कचरा>>>>>>याचा मात्र खूप राग येतो.

काल वर्सोवा बीचला गेलो होतो (वर्षूदी सॉरी, तुझ्या घराजवळुनच गेलेलो. ), ३-४ दिवस ज्या महाकाय लाटा उसळत होत्या त्यामुळे सगळे प्लास्टिक, कचरा. इ. बीचवर सगळीकडे विखुरला होता. अगदी घाण वाटत होतं. तेथुन लगेचच निघालो

पावसाबद्दल जिप्सीना अनुमोदन.

जिप्स्या... जुहू बीच सोडून सरळ वर्सोवा बीच ला गेलास.......... तुला काय वाटलं ही वर्षूदी न दिसो कुठे जुहू बीच वर वॉक करताना.. उगाच कबाब मे _ _ _ _ हाँ?????????

हो रे पावसाळ्यात सर्व बीचेस ची वाट्ट लागणारे.......... सॅड!!!!!!!!

दिनेश कुठायेस तू.. इथे पावसाळा लवर्स आणी हेटर्स चा डिबेट ग्रुप सुरु होतोय.. तू ये रेफरी बनून

रिये.. तू मिल पहले मुझे..

पाऊस वरून पडतो.. त्यामूळे वर बघावे.. खाली बघू नये.

दिवसेंदीवस मुंबई आणि इतर शहरातला कचरा वाढत चाललाय, त्यात पावसाचा काय दोष ? अच्छे दिन आने वाले आहे म्हणतात. गंगे पाठोपाठ आमच्या मिठी, उल्हास आणि दहीसर नद्याही साफ होऊ द्या.

उजू फळ मस्तय. पहिल्यांदाच पहातेय.
इथे (नगरात) मागील आठवड्यात प्रचंड वादळ आणि पाऊस झाला. त्यामुळे अव्हनचं टेंपरेचर जर्रा कमी झालंय.

आपण जे निसर्गाला देतो ते निसर्ग पावसा थ्रू आपल्याला परत देतो

रस्त्यात कचरा टाकणारे आपण म्हणून पावसाळ्यात गटारं तुंबल्याचा त्रास आपणच सहन करायचा.
पावसाचा काय दोष त्यात? माणसाच्या सवयी बदलल्या की निसर्गाच्याही बदलतील हो

मला खूऊऊऊऊऊऊऊऊऊऊऊप आवडतो पाऊस.
रिमझिम, रिपरिप्,धो धो , मुसळधार! कसाही
पावसाचं नि माझं एक गुढ नातं आहे.
माझा पहिला आणि आयुष्यभराचा बॉयफ्रेण्ड आहे तो.... त्याला काही म्हणाल तर माझ्याशी गाठ आहे कळ्ळ ना?

I love rain!
येच तू मुंबईला लोकलच्या गर्दीत छत्री,पर्स आणि स्वतःला सांभाळत .

तरीही पाऊस आवडतो. मुख्य म्हणजे घामाची चिकचिक कमी होते.आसपासची झाडे मस्त टवटवीत दिसतात.फक्त तो पाऊस ऑफिसला जायच्या वेळी नको.

आय हेट मुंबई

मला नाही जमत मुंबईत रहायला
लोकल, उकाडा, गर्दी! मी नाहीच राहू शकत

बाकी इथेही चिकचिक आणि बसची गर्दी असतेच की गं
तरीही पावसासाठी सगळं माफ

आय हेट मुंबई>>>>> त्रिवार निषेध!!!!

Big Sorry but its fact ! what to do?

रिया माझ्याकडून पण निषेध, आय हेट मुंबईसाठी.

जिप्सी ........तुझा विक्रम यंदेवरचा लेख व फोटो पाहिले होते. पण सध्या नेट गंडलंय त्यामुळे नेट चालू केल्यानंतर सत्राशेसाठ प्रकार होतात. त्यामुळे तिथे प्रतिसाद देण्याचा प्रयत्न केला होता पण.................
अगदी आयपॅड आणि(यू एस ए तलं) वाय फाय पासून ........ हपिसातला डेस्कटॉप आणि बीएसएनएल चं गणलेलं नेट
असा प्रवास झालाय.
असो.......परवाच्या वादळाने दोन्ही नारळाच्या खूपच झावळ्या पडल्यात आणि इकडे तिकडे तारांवर लटकल्यात. माणूस बोलावून सगळं निस्तारणं आलं. दोन्ही झाडं खूप उंच गेली आहेत . वादळात अगदी झुलंत होती. पण बघताना जरा भीतीच वाटंत होती.
आता ३/४ दिवसात आंब्याला कलम करायंचं आहे.
एक झाड कुंडीत आहे वरच्या मजल्यावरच्या सिटाउटमधे. तो आंबा दशहरा आहे. उत्तम.
दुसरं झाड खाली अंगणात आहे. खालीच आलेलं ............तो हापूस असावा. आता कलम करताना कशाची फांदी कशावर कलम करावी? प्लीज सांगा......................साधना, जागू, दिनेश ..............................कोकणातली मंडळी????

असू द्या असू द्या
माफ करा
पण ते आहे ते तसचं रहाणारेय

आज मस्त रिपरिप पावसात भिजत ऑफिसला आले.
आय लव्ह रेन!

आता किमान ४ महिने मी प्रचंड खुष वगैरे असणारेय

आय हेट मुंबई>>>>> त्रिवार निषेध!!!!

मी आय हेट मुंबई गटातली आहे, रिया तुला कंपनी..

माझा निषेध करणा-यांनो, या, तुमचा घसा निषेध करुन कोरडा पडला असेल तर पन्हे देते पण मला मुंबई अज्जिब्बात आवडत नाही हे मात्र त्रिवार खरे. पहिली संधी मिळताच पळणार आहे इथुन. याआधी एकदा पळालेले पण नशिबाने परत इथेच आणले, यावेळी नशिबाला संधी नाही देणार.

मानुषी, मला यातले फारसे कळत नाही पण माझी माहिती अशी आहे -

साध्या जंगली आंब्याचे रोप वाढवतात, ते थोडे मोठे झाले की त्यावर हापुसची फांदी कलम करतात. तु जरी हापुस खाऊन त्याची कोय रुजवली तरी त्यातुन वाढलेल्या झाडाला हापुसच लागेल याची खात्री नाही. त्यामुळे तु वर जे लिहिलेस ती झाडे तु कोयी रुजवुन वाढवली असतील तर मग त्यांचे एकमेकांवर कलम करण्यच्या फंदात न पडता त्यांचे त्यांना वाढू दे, कारण कोणाला कशी फळे लागतील ते सांगता येणार नाही.

जर वरचे झाड दशहरा आहे याची खात्री असेल तर त्याचे कलम कर खालच्या झाडावर. दोन दोन दशहरे येतील. खालचे झाड कोय लावुन आलेले असेल तर ते हापुसच असेल याची खात्री नाही.

आणि मुद्दाम हापुसच हवा असेल तर सरळ भरवशाच्या नर्सरीतुन कलम आण.

जमिनीत आलेले झाड तसेच वाढू द्यावे... त्याला कैर्‍या लागतील, आंबे पण लागतीलच. आंबा गोड नसला तर कैर्‍या वापरता येतील !

सुदुपार,

उजु, सुंदर फोटोज आणि अप्रतिम ओळी....
मनुषी, सरिवा... खुपच छान फोटो...

मानुषी, मस्त फोटो