पाककृती हवी आहे. माहिती आहे का? -३

आमच्याकडे रिसोचं राब्रा तेल असतं सगळ्या स्वयंपाकासाठी. तळणासकट. घरचे चवीच्या/ स्वादाच्या/ पदार्थाच्या वासाच्या बाबतीत पर्फेक्शनसाठी आग्रही असतात. त्यांनी अजूनतरी तक्रार केलेली नाही. तळणाचं प्रमाण कमी असतं, पण जे असेल ते राईसब्रानमधेच आहे हल्ली. १५ की १३ लिटरचा एक कॅन काही महिने वापरून मस्त संपला. आता दुसरा आणायचाय. मलाही वासाचा काहीही त्रास नाही वाटलाय.

मीपण अधून-मधून राईसब्रान तेल वापरते म्हणजे एखाद्या महिन्यात शेगदाणा तर दुसऱ्या महिन्यात राईसब्रान. तळण्याचे पदार्थ जरा कमीच करते पण मला राईसब्रान तेलात तळल्याने वास आला असे जाणवले नाही. सोयाबीन तेलाचा मात्र प्रचंड वास येतो, ते मी एकदाच आणले परत आणले नाही.

आहे आहे. अबक चौकात परदेशी यांचं दुकान आहे जिथे अनेक तेलं मिळतात. चांगला माल असतो तिथे. त्यांची स्वतःची उत्पादनं आहेत, त्यामुळे स्वस्तही आहेत.

राईसब्रान तेलाच्या वासाचा आम्हालाही काही त्रास झालेला नाही.
सोयाबीन तेलाचा वास मात्र तळणीत भयंकर भयंकर येतो.

@मृणाल१, पुण्यात अल्फा१ हा ब्रॅन्ड मिळतो की नही माहीत नाही गं. मी सिडनीत असते

उसगावात कुठे मिळतं राब्रा... मी अॅमेझाॅनवरनं घेतलं होतं.... पण दुकानात मिळालं तर बेस्टच..

चिवा, मी ट्रेडरजोज मधुन आणल आहे राब्रा.

मालवनी पनीरची क्रुती हवी आहे. कोनाला माहिती आहे का?

मी पंजाबी पनीर एकलय, मालवनी पण असते काय?

हल्लीहल्लीपर्यंत मालवणातल्या लोकांनी पनीर पाहिलं तरी होतं का? दुध फाटले तर सरळ साखर घालुन ते खायची पद्धत होती तिथे.

पनीरचे भाजीसारखे पदार्थ करणे ही पंजाबी स्पेशॅलिटी आहे तर त्याची मिठाई करणे ही बंगाली. बाकी इतर प्रांतात पनीरचे काय करायचे देव जाणे. आता सबगोलंकार झाल्याने सगळ्या प्रांतातले लोक सगळे पदार्थ करतात.

अश्याने उद्याला पंजाबी पुरण्पोळी मिळेल. काही लोकं पुरण्पोळी पराठ्यासारखीच बनवतात...

बरं, मालवणी मसाल्याची ग्रेवी करून पनीर टाका.... हाय काय नाय काय.

बिनपाकाचे बेसनाचे लाडू करताना एक किलो बेसनाला, अर्धा किलो तुप, अर्धा किलो पिठीसाखर हे प्रमाण योग्य होईल ना?

अनुश्री, लगेच बघते ट्रेज्यो मधए...

शर्मिला, पाऊण किलो साखर घे.

नारळाचे दुध घालून दलियाची खीर कशी करतात? इथे गव्हाची खीर सापडली तशीच करायची का? कर्नाटकात हुग्गी असे काहीतरी म्हणतात

काय मस्त कृती आहे ही मेधाची पारंपारिक लाडवांची. मी सकाळी घाईत शोधलं त्यामुळे मिळालीच नाही : (. शेवटी गुगल केलं तेव्हा चकलीच्या ब्लॉगवर मिळाली त्यानुसार प्रमाण घेऊन केले लाडू. त्यात दुध शिंपडल्यावर परतायचं नाही असं आहे. झालेत चांगले लाडू. पण आता या कृतीनेही पुन्हा करुन बघणार.

शर्मिला, गूळाचा कच्चा पाक करून बे.ला. करायची पण कृती आहे इथे. मला खूप आवडतात ते लाडू.

शर्मिला, ahem, ती माझी कृती आहे.

===

साधना,
माझ्या मालवणच्या आजोबांनी आयूष्यात कधी दूध वा चहा घेतला नाही. मालवणात पहिल्यांदा दूधाचा धंदा माझ्या काकांनीच सुरु केला असावा. आजही ते व काकी तोच उद्योग करताहेत.

कुठल्याही ग्रेव्हीत टिपीकल मालवणी मसाला घातला की त्याला मालवणी म्हणायचे, असे झालेय.

आणि ते तिखटजाळच असावे असाही अलिखित नियम आहे.

प्रत्यक्ष मालवणी ( आणि कोल्हापूरी देखील ) घरातून शिजणारे जेवण असे तिखटजाळ कधीच नसते. हाटीलात दारू प्यायल्यावर जिभ बधीर झाल्यावरदेखील चव लागावी म्हणून असे केले जाते बहुदा.

घरी चोको मफीन्स ़़केलेत.थोडे सपक आणि कड्क झालेत.काही करता येईल का?

जिलेबीची रेसिपी शोधली पण लिंक उघडत नाही किंवा काहीतरी प्रॉब्लेम वाटतोय. काही मदत ?

झंपीजी
साधना
मालवनी पनीर हे मी एका होटेल मधे खाल्ले होते. सो मला रेसिपी हवी होती.
रच्याकने थॅन्क्स

देशमुख, इथे आहे बघा क्रंच्-ए-जिलेबी बद्दल माहिती

http://www.maayboli.com/hitguj/messages/103383/769.html?1219340838

आवळा जँम करताना गुळ वापरला तर चालतो का?

आवळ्याचा गोड पदार्थ हा बहुतेक वेळेला साखर घालून केलेला पाहिला / खाल्ला आहे. गूळ घालून केलेला पदार्थ माझ्या तरी पाहण्यात नाही.

आल्याच्या पातीच काही करतात का? कस करतात्..कुंडित खुप आहे..चुरडली की एकदम मस्त वास येतो

वैशाली त्याचे काही करत नाहीत. शिजवल्यावर वास जातोच तो. चहात उकळून पण बघितले मी.
कुंडीतले आले काढताना सगळे नाही काढायचे, एक दोन रोपे ठेवायची. ती वाढत जातात. पाने जोमदार असली म्हणजे आले चांगले वाढते.

आलं तयार झालं कस कळणार?

आलं म्हणजे धावते खोड असते. त्याला नवीन नवीन फुटवे फुटत राहतील. कोवळे फुटवे ठेवून जुन झालेली रोपे
जमिनीखाली कापून काढायची. त्याखाली आले असते. जर रोपांनी कुंडी भरून गेली तर सगळे उपटून, कोंब कापून ( त्या कोंबाच्या खाली थोडा आल्याचा भाग ठेवून ) परत लावायचे व बाकीचे आले वापरायचे.

वैशाली, आल्याची पात बारीक चिरून सॅलडवर किंवा इतर भाज्यांवर गार्निशसारखी वापरायची. ती वाळवूनही वापरता येते म्हणे! मी हा प्रयोग कधी केलेला नाही, पण करायला हरकत नाही. सूपमध्येही गार्निश म्हणून ही पात वापरता येईल.

दह्यात देखील थोडी चिरलेली पात मिसळून सॅलड ड्रेसिंग/ डीप म्हणून वापरता येऊ शकेल कदाचित.