सोप्पं कॅरेमल पुडिंग

वर्षू, कोशिश करनेवालो की कभी हार नही होती.

आज परत बनवलं हे पुडिंग. यावेळेला व्यवस्थित जमलं. प्रमाण एक कप दूध, अर्धाकप (थोडी कमीच) साखर आणि एक अंडं, तीन ब्रेड स्लाईस. अंडं आधी फेटून घेतलं आणि मग त्यामधे दूध साखर वगैरे घातले. कॅरेमल परवापेक्षा चांगलं बनलं होतं पण अर्धंच आलं पुडिंगसोबत. नशीबाने पुडिंग प्लेटमधे जाताच इंर्डियाच्या टीमच्या शेपटासारखं ढेपाळलं नाही. व्यवस्थित तग धरून राहिलं. गरम गरम खायला इतकं छान लागलं की मस्तच. फोटो काढेन म्हणेपर्यंत अर्ध्याहून जास्त पुडिंग सतिशनेच संपवलं

रेसिपी ठिक आहे. पण ब्रेड स्लाईस एक जास्त घालावा लागतोय. मलई ब॑र्फीनंतर हाच बीबी हिट्ट झालाय.

आता जरा धीर यायला लागलाय. करुन बघूया..

आशूडी.............
( वर्षूतै; मी पण ट्राय करणारे... घाबरू नकोस क्यूंकी मेरे समझमें थोडी थोडी रेसिपी आ गयी है!)
एक परश्न इच्यारू का? ते कॅरॅमल आणि साखर घालून विरघळवलेलं दूध परत ढवळून एकजीव नाही करायचं ना? म्हणजे ते कडक कॅरॅमल आणि त्यावर हे दूध असंच कुकरला शिजवायचं ना? ( मी फारच बावळटासारखा प्रश्न विचारला का?)

शांकली, हेश्शा ! मी खुष. चला अजुन लोक आहेत माझ्यासारखेच प्रश्न विचारणारे. अगं कॅरॅमलच्या कडक लेयर वर हे दुध, अंडं आणि ब्रेडवर मिश्रण ओतायचं. कॅरॅमल त्यामधे एकजीव केलंस तर मग वर तो गोल्डन लेयर कसा दिसेल बरं. माझा चांगला अभ्यास झाला आहे आता या रेसिपीचा.

बिचारी वर्षुताई. आता परत एडिट करते का काय रेसिपी कोणास ठावुक.

मनीमाऊ, बाप्रे...... पण मलावाट्टं वर्षूतै नाई एडिटणार रेसिपी!!

वर्षू जमलं गं बाई... चव, थलथलीतपणा एकदम पर्फेक्ट झालं होतं रंगालाही जमलं होतं पण कॅरॅमलचा अर्धा थर खाली आणि अर्धा पुडिंगवर असं झालं पण आय अ‍ॅम हॅप्पी
मी वेलदोडा/जायफळ पूड घातली. मस्त लागत होतं.

भांड्यालाच चिकटलेला हा थर बघ. आता तो काही केल्या निघत नाहीये.

झालंच तर मग... एक पार्टी हिट रेसिपी मिळाली थँक्स

पातेल्यात जे कॅरेमल राहत, त्यात थोड पाणी घालून ठेवायचं, ते पाणी चहा किंवा कॉफी साठी वापरून बघा, मस्त स्वाद लागतो.

आज जाउन परत बनवणार आहे.>>
आणि मी परत बनवल. पण म्हणतात ना 'नकटीच्या लग्नाला सतराशेसाठ विघ्न' तसच. मस्तपैकी कॅरेमल बनवत होते, छान रंग आलेला, तितक्यात दारावर बेल वाजली. रात्री १०.३० वाजता हा. जळल. तरी म्हटल हरकत नाही त्यातच दुध टाकल. ठेवल शिजवायला. मस्त उचलल पण गेल. छान ब्राउन रंग पण आलेला. उत्सुकतेने नावर्‍याला दिल खायला. म्हणतो कसा परवा कॅरेमल खिर दिलेली आज कॅरेमल कडु दिल आहेस. (साखर पण कमी झालेली).
म्हटल असुदे तरीपण मी परत बनवणार. 'प्रयत्न - चुका केल्याशीवाय माणुस शिकणार कसा?'

कॅरेमल खिर दिलेली आज कॅरेमल कडु >>

अरे वाह.. हिट्ट आहे हा बीबी.
वर्षुतै मी तुझ्या पार्टीत, मी बर्याच आधीपासुन बनवते हे..

पण फरक इतकाच की मी ते कॅरमल थंड होईपर्यंत नाही ठेवत. कॅरमल करुन त्यावर लगेच पुडिंग्चे मिश्रण ओतायचे आणि कुकरला लावते.

आता फोटो उद्या टाकते..

नॉन स्टिक भांड्यात साखर वितळवली तर भांडे खराब होते का?

ते कॅरमल थंड होईपर्यंत नाही ठेवत. कॅरमल करुन त्यावर लगेच पुडिंग्चे मिश्रण ओतायचे आणि कुकरला लावते.>> करेक्ट, कॅरेमल थंड होत ठेवले तर त्याचा दगड होणार.

जियो भरत जी जियो.....

हमने बनाया....और हिट हो गया.... मी काल मावेत बनवलं. अप्रतीम झालं. थोडावेळ जास्त ठेवायला लागलं पण झकास झालं. ते ही अंड न घालता. मी १ कपाला २ मोठे ब्रेड घेतले.
धन्स.......

भांड्यात चिकटलेलं कॅरेमल कसं काढायचं. (नाही, नाही, मी अजून बनवून पाहिलेले नाही. बनवण्याआधीच माकाचुची उत्तरं शोधत आहे. :फिदी:)

माझं गॅसवर आहे... तेच ते पुडिंग हो. १५ मि. झाली, उघडुन पाहिलं तर मधे अजुन ओलं लिबलिबीत आहे. सुखरुप बाहेर निघुदे रे बाबा. देवा मला पाव.

आजचा स्कोअर काय ?

मग त्या पावाचं परत पुडिंग करणार का?

वर्षु, कसं वाटतय प्रतिसाद वाचुन?

देवा मला पाव.>>>> देवा मला पुडिंग असं म्हणावं

ऑल द बेस्ट..

मला पण अजुन एकदा करुन बघायचं आहे, न चुकता..

देवा मला पाव.>>> पावाचंच बनवत्येस ना? एक करुन बघ. कूकरचं झाकण काढून जरा फट राखून वर नुसतं ठेव पाच मिनिटं. पटापट कोरडं होईल बहुतेक. खाली पाणी उरलं आहे की नाही ते आधी चेक कर.

एक गोष्ट लक्षात आली का? सोप्पं म्हटल्याने बर्‍याच जणांनी करुन बघितलं ते..

अमॄता काय झालं????

अमृता, काय हाल हवाल? झाल का पुडिंग?

माअ वाटते हे पुडींग थोडे थंड झाल्यावर भांड्यातुन सर्विंग प्लेटमधे काढतात. अर्थात मी तर फ्रीज मधे ठेवुन काढते. त्यामुळे मस्त सेट होते

सखूबाईचीच टीप इथे टाकणार होते. भांड्यातल्या चिकटलेल्या कॅरेमलशी हाणामारी करु नका. थोडं दोन घोट पाणी टाकून पुन्हा गरम करा. गॅसवर असतानाच चमच्याने हळूहळू निघेल. तळाचा थर सगळा उचकटा आणि विरघळवा. मग ते पाणी चहामध्ये वापरा. भांडंही स्वच्छ, उगाच साखर खाऊन संपवावी लागणार नाही आणि चमचाही शाबूत!

मैत्रिणींनो, मला मधेच गॅस बंद करुन (खर तर २५ मि. झालेली.५) लेकीला घ्यायला जावं लागलं. आता पहाते हाल हवाल. बहुदा पुन्हा गॅस वर
अश्वे, पाणी चेक करते. बाकी सगळ्यांनी फक्त फाको केल्या.