सोप्पं कॅरेमल पुडिंग

माझी एक शंका आहे वर्षू...१ कप दूधाला दिड कप साखर खूप जास्त नाही होत?

वरच्या काही प्रतिक्रिया बघून ते "सोप्पं" शब्द काढावा लागेल आता.

कृती तशी सोप्पीच आहे.. एंड रिजल्ट जमेल/ न जमेल हा प्रश्न आहे..

माझी एक शंका...कॅरॅमल थंड न होउ देता लिक्विड असतानच वरून मिश्रण ओतले तर कदाचित तो कॅरॅमलचा लेअर जास्त कडक न झाल्यामुळे नंतर पटकन निघून येवू शकेल का? कालचे कॅरॅमल चमचा चमचा खात आज संपले..चव खरच खूप छान होती. पण चित्रातल्यासारखे करावेच लागणार. भरत मयेकर, आपण मायक्रोवेव मधे कसे केलेत सांगाल का? तुमचे कॅरॅमल पण मस्त झालेले दिसते आहे.

माझी ट्रायल अँड एरर पद्धत होती. मायक्रोवेव्हची रेसिपी काही कुठे मिळाली नाही.
मायक्रोवेव्ह प्रूफ बाउल्समध्ये एकेक चमचा साखर आणि अगदी काही थेंब पाणी
घेऊन मायक्रो करायला सुरुवात केली. आधी कॅरॅमल नको असतानाही कॅरॅमल झाल्याचा अनुभव आल्याने अगदी दहा दहा सेकंद तेही पॉवर कमी कमी करत पाहिले. ४० टक्के पॉवर वर अर्धा मिनिट ठेवूनही साखर वितळायचे नाव नाही, तेव्हा सरळ फुल पॉवर अर्धा मिनिट मावे केले. आणि एका बाउलमधल्या साखरेला पाझर फुटला, आणखी १० सेकंदांनी तिने रंगही बदलला. दुसर्‍या बाउलला आणखी १० सेकंद लागले. तिसर्‍या बाउलचे नशीब मात्र फुटके होते, त्यात पुन्हा काही थेंब पाणी टाकल्यावर साखर वितळली, पण रंग नाही बदलला. तेव्हा आपल्या नशिबी ६६ टक्के गुण अर्थात पास क्लास आहे अशी समजूत घालून घेतली.
मग कॅरॅमल कडेलाही येईल अशा प्रकारे बाउल्स हलवून ते रूम टेंपरेचरला आल्यावर त्यात तळाला काजू बदामाचे तुकडे, दूध+ब्रेड+साखरेचे मिश्रण घालून फुल पॉवरला मायक्रोवेव्ह केले. हा सगळा प्रकार उतू जाऊ नये यासाठी देवाचा धावा केला. पाच मिनिटांनी मिश्रण काहीसे ओलसर वाटत होते, त्यामुळे आणखी तीन मिनिटे मावे केले.
मग गार झाल्यावर रात्रभर फ्रीजमध्ये ठेवून आज नववर्ष साजरे करण्यासाठी बाहेर काढले.
एका बाउलमधले काजू बदामाचे तुकडे आश्चर्यकारकरित्या अव्वल डायव्हर्ससारखे वर आले होते.

प्रयोगच आहेत एकेक

मस्त रेसिपी व प्रतिक्रिया.

अंडे घालणार तर व्हॅनिला इसेन्स नक्की घाला. त्याने अंड्याचा फ्लेवर मास्क होतो. मग भरीस एखादा ड्रॉप बटरस्कॉच/ कॉफी/ बदाम फ्लेवर घालता येइल.

जर विदाउट अंडे करणार तर भारतीय फ्लेवर्स जसे जायफळ वेलदोडा, केशर घालता येइल म्हणजे चवीत काँप्रमाइज होणार नाही. ह्याच्या सोबतीला कट फ्रूटस व व्हाइट फेटलेल्या क्रीमचा एक स्टार मस्त दिसेल.

लगे रहो.

परफेक्ट रेसिपी. आताच केलं न्यू इअर ब्रेकफास्ट्साठी. मला १५ मिनिटांऐवजी २५ मिनिटं ठेवावं लागलं. फोटो काढायच्याआधीच मुलांनी घेतल्यामुळे फोटो पुढच्या वेळेला.

वर्षू म्हणते तसं सगळं कॅरॅमल निघत नाही पण पूर्ण लेयर येतो पुडिंगवर. मी ब्लेंडर वापरला. अंड्याचा वास अजिबात येत नाही. मी अंड्याच्या वासाबद्दल खूप सेंसिटिव्ह आहे.

वर्षू, रेसिपिबद्दल thanks. मायक्रोवेव्हमध्ये करून पाहिलं पाहिजे.

वर्षूताई,

मी ते गंमतीने लिहिलेले 'सोप्पं' शब्द काढ म्हणून. हि इतकी सोप्पी पाकृ कशी काय बिघडते हे वरच्या प्रतिक्रिया वाचून ..

मला येणारी ही एकमेव पाकृ मी सुद्धा मस्त करते लहानपणापासून. कारण खरेतर काहीच कठीण नाहीये ह्यत. उलट आई बर्‍याच वेळा करायची सुरुवातीला, मग मीच करायची जरा अक्काल आल्यावर.

माझी आई इडलीच्या भांड्यात करायची. इडलीचे जे जुन्या प्रकाराचे भांडे असते ज्यात वाट्या असतात. इडलीच्या ज्या वाट्या असतात ना त्यात जरा जरा कॅरामल ओतून वरती मिश्रण ओतायचे. मग वाफवायचे. नाहीतर ओवन मध्ये बेक करायचे. काहीच कठीण नसलेली ही पाकृ जेमतेम १५ मिनिटे करायला लागतात व २० मिनिटे वाफवायला म्हणूनच मीच करायची तेव्हा( तेव्हा म्हणजे बचपन मे).

मी करुन बघितलं... पण बरंच काही चुकलं असावं... कॅरेमल तळाशीच चिटकुन राहिलं.. आणि २ वेळा कुकरला लावुनही घट्टपणा आलाच नाही... मी अंडं घालायचं नव्हतं म्हणुन २ ब्रेड स्लाईस घातले.. कदाचीत अजुन १ घालायला हवा होता.. पण चव चांगली असावी कारण माझ्या सव्वा वर्षाच्या भाच्याने, ज्याला गोड अजिबात आवडत नाही, चक्क २ चमचे खाल्लं पातळ पुडींग...

परत एकदा नक्कीच करुन बघेन

वर्षा मी पण बनवल पुडींग.
टेस्ट मस्तच आली, पण काहीतरी चुकलच. कुकर उघडला तेव्हा वाटल की खीरच झाली आहे. तरीपण तु सांगीतल्याप्रमाणे पुर्ण उचलल पण गेल, अप्रतीम रंग आलेला. पण हाय लगेचच मोडल. पण चव खासच.
चुक आली लक्षात माझ्या. अंड कमी झाल. आज जाउन परत बनवणार आहे.

फक्त कॅरॅमल (हमखास कृती, गॅस, मा.वे., प्रमाण, वेळ, भांडी यांच्या डिटेल सकट) बनवायचा एक बाफ काढा पाहू आम्हा पामरांसाठी .

आशू माझी समै मी इडलीपात्रात वाफवायला ठेवलं, खाली ताटली ठेवली होती, त्यावरून भांडं कलंडलं आणि एका बाजूस सहा सेंमि, तर एका बाजूस दोन मिमि अशी जाडी (?) झाली थोडं कॅरेमल चिकटलं, पण ते ओके आहे हे आत्ताच वाचलं. सहा सेंमि जाडीच्या बाजूने पुडींग मस्त झालं होतं. परत करणार आहे. त्यावेळी भांडं कलंडणार नाही ह्याची काळजी घेईन.
थंडीमुळे की काय, माहित नाही, पण कॅरेमल थंड होताना, त्याला क्रॅक गेले. क्रॅक होताना आवाज येतो एक भारी! नक्की कशाचा आवाज येत आहे हे समजायला मला एक मिनिट लागलं!
दीड कप साखर मला जास्त वाटली. पाऊण कपाचं कॅरेमल केल्यानंतर पाव/अर्धी कप साखर पुरावी. बाकी चव मस्त. ती बदामाच्या कापांची आयडिया झकास आहे!
समपातळीचं पुडिंग झालं की फोटो टाकेनच.

नुसत्या या एकाच पाककृतीसाठी माझं काय चुकलं? असा बीबी काढा.

आशूचं वर्णन सॉलिड आहे एकदम

'पार्टी पार्टी' मध्ये लिहिलेल्या कृतीप्रमाणे कॅरेमल पुडिंग एकदम मस्त आणि हमखास होतं. तिथे लिहिलेलं प्रमाण वाचून मी इथे लिहीन. त्यात कॅरेमल करताना साखरेत पाणी घालून कॅरेमल करायचं असं लिहिलेलं आहे, कॅरेमल होतं छान पण त्याचा रंग फिकट सोनेरी येतो. तो टिपीकल सोनेरी-चॉकलेटी असा येत नाही. आता इथे लिहिल्याप्रमाणे पाणी न घालता कॅरेमल करून बघेन.

कशाला? प्रत्यक्ष कृती करणार्‍यांना नसते हौस उगाचच एकेक प्रश्न घेऊन नवनवे बाफ उघडायची!

करत गेलं की चुका समजतात आणि सुधारता येतात. काही गोष्टी आपल्याआपणच कशा सुधारायला हव्या होत्या हे समजलं, काही इथे येऊन काही गोष्टी समजल्या. एका जागी सगळं असलेलं बरं.

आज जाउन परत बनवणार आहे. >>>> हैश्श्या ! लगे रहो !

म्या आज करून पहाणार होते, पण भ्या वाटत आता वरचे प्रयोग पाहूनशान

गेल्या आठवड्यात इटीव्हीवर मेजवानी परिपूर्ण किचनमध्ये कॅरॅमल पुडिंग दाखवलं होतं, त्यात हे अ‍ॅल्युमिनियमच्या भांड्यात करावे असे सांगितले. का ते नाही सांगितले.
इथे दिलेल्या कृतीत कॅरॅमल एका भांड्यात करून मग पुडिंग करायच्या भांड्यात ओतावे आणि वाफवण्याआधी भांड्याला अ‍ॅल्युमिनियम फॉइल लावावी (वाफ जाण्यासाठी फॉइलला छिद्रे पाडून) असे सांगितले आहे.

एकदम सोपी रेसिपी. अचानक पॉट लक ठरलं. काय कराव कळत नव्हत. परवाच घरी ब्रेड केला होता.नवरोजीनच म्हणण दोन दिवस झाले, आता नको. त्याच काय करायचं हे पण कळत नव्हत. -घरी केलेला, त्यामुळे टाकण पण जीवावर आलेलं, आणि हि रेसिपी पहिली. दोन्ही प्रश्न एकदम सुटले. याआधी पुडिंग खाल्ला पण नव्हत, केल पण नव्हत. कस लागेल शंका वाटत होती, पण एकदम अफलातून. सगळ्यांना आवडलं.
मी एंक कप दुधाला ३ ब्रेड slice वापरले. माझ पुडिंग १५ मिनिटात शिजल नाही ( थुलथुलीत होत ) , म्हणून अजून १५ मिनिट ठेवलं. दुध आणि ब्रेड मिश्रणात थोडा मिठाचा दाणा टाकला होता. चव छान लागली. माझ्याकडे कुकर मध्ये राहील असं जाड बुडाच भांड नव्हत, म्हणून वेगळ्या पातेल्यात कॅरॅमल केल. ते कुकरच्या डब्यात ओतल आणि त्यावर मिश्रण घालून शिजवलं

मला धडकीच भर्ली होती आता..कुणी पुडिंग करायला घेतलं कि मलाच परिक्षेला बसल्यासार्खं वाटत होतं.......... >>> वर्षु, बिच्चारी ती !

पण वर्षु, पाहिलंस का ? एवढ्या सोप्या रेसिपीमधेच आम्ही सगळे कसे गोंधळ घालतो आहे. आणि गंमत म्हणजे रेसिपीच्या धाग्याने शंभरी ओलांडण्याची ही पहिलीच वेळ असावी ( माझ्या माहितीत तरी). हिट्ट झाली गं तुझी रेसिपी.

एवढ्या सोप्या रेसिपीमधेच आम्ही सगळे कसे गोंधळ घालतो आहे.>>>>>>> अगदी.....

जेणो काम तेणो थाय
बीजा करे सो कॅरेमल खाय

आशू- क्रेक्ट येकदम. कुठलाही पदार्थ दिसतो तितका अज्याबात सोपा नसतो.

काय फोटो वर्षु ताई. वाह!

वर्षू

आशूडी

ये नये सालकी हिट्ट रेसिपी है....

कॅरेमल पुडिंग, सोबत आवडत्या फळांचे काप, जेली / कस्टर्ड, केक, आईसक्रीम म्हणजे बच्चापार्टीची नुस्ती चंगळ!