सोप्पं कॅरेमल पुडिंग

भारीच संसर्गजन्य रेसिपी टाकलीस वर्षुताई. आताच कुकरला लावून आलेय.

सिर्फ और सिर्फ तेरे लिये.. >>> कित्ती गोड गं तु वर्षु. थँक्स !

रुनी, कसं कळलं लगेच तुला? खरंच हुश्शार तु.

वर्षु, अगं आता १० पैकी १० तुला. अगदी 'ढ' विद्यार्थ्यालाही जमेल. भारीच.

आयला इतकं लिहिलेल्या निबंधातही कधी फेर्फार केले नवते, मार्क्स ची पर्वा न कर्ता >>>

वॉव! मला फार आवडतं कॅरॅमल पुडिंग... आता बनवायलाही शिकेन...:-)

मामी, फोटो टाक. 'कूकरला लावून आले आहे' असं सांगून वातावरणनिर्मिती केली आहेस तू. आता फोटोशिवाय सुटका नाही!

जरा होऊ तर द्या बायांनो. टाकेन फोटू नक्कीच (फोटो काढण्यासारखं झालं तर)
कारण आता मध्येच काढलं तर जरा अजून व्हायला हवं होतं असं वाटलं म्हणून पुन्हा ठेवलय. एकूणात किती आनंदीआनंद आहे हे लक्षात आलं असेलच.

अरे वा.........वर्षू सर्व सुगरणींना उकसवलस बर्का! सगळ्या लगालगा गेल्यात पुडिंग करायला!
छान गं सुगरणींनो............"आणंद" वाटला!

मामी, माकाचु लिंक हवी का?

घाबरु नका ,टाक इथेच फोटो.

झंपी ...

घ्या, माझ्या सुगरणपणाला कोणाची दृष्ट लागली? चांगलं कुकरला लावलं होतं. ते जरा आधीच बंद केलं गेलं म्हणून पुन्हा लावलं तर त्यावेळी चुकून कुकरला शिट्टीही लावली. ते मला चार शिट्ट्या झाल्यावर ध्यानात आलं कारण तोवर मी मायबोलीवर आले होते आणि एका मायबोलीकरणीशी फोनवर बोलतही होते. मग मात्र कुकर थंड होईपर्यंत थांबले. आतापर्यंत जेव्हा जेव्हा हे पुडिंग केलय त्यात्यावेळी ते तसंच भांड्यातून कापून बाहेर काढलय. पण वर्षुताईचं बघून मारे प्लेट उपडी वगैरे ठेऊन भांडं उलट इ केलं. पण आमचं पुडिंग लै स्मार्टगिरी करून र्‍हायलं ना. ते बरोबर त्या प्लेटमध्येही सुलट जाऊन बसलं. आता हे कसं ते माहित नाही. आणि ते सुलट पुडिंग काही फार प्रेक्षणीय नसल्याने फोटो काढला नाही. एव्हाना अर्धं संपलं आहे. त्यामुळे फोटो नेक्स्ट टाईमला टाकण्यात येईल.

कथा खोटी वाटत असेल तर नीधपला कॉन्टॅक्ट करा. कुकरच्या चार शिट्या ऐकून मी फोडलेल्या किंकाळ्या तिनं फोनवर ऐकल्यात.

मला वाटतं हे सगळं मी मनिमाऊला हसल्यामुळे झालंय

वर्षु तै....

मी पण काल केलं. अंड न घालता. पण ब्रेड ची चव काही गेली नाही. जायफळ घातलं तरी पण. बाकी झालं चांगलं.

धन्स.....

मनीमाऊ ने वाचलं ना तर अशी हसेल आता ती बघ!!!

मामी,

मामी, गंमत गं. तुझी काही रेसिपी चुकली नाहीए. चवीला मस्तच झालं असणार. आणि मी ते इमॅजिन केलं कि तु उलटं टाकल्यावर ते कसं गुदुगुदु हलुन सुलटं झालं असेल. चल संपव. एंजॉय माडी!

हे हे हे .... धन्यवाद मनिमाऊ.

आज सुटी आणि ३१ डिसे. शिवाय इथे उपलब्ध सामग्रीत होण्यासारखा नवा पदार्थ म्हणून पुडिंग करायला घेतलं.एकटीसाठीच हवे होते म्हणून प्रमाण कमी कमी घेतलं. आणि साखर वितळल्यावर लक्षात आलं की आपल्या गरीबीच्या संसारात मिक्सरही नाही आणि कुकरही. मग एग बीटर आणि चमचा यांनी हात भरुन येईस्तोवर दूधाचं मिश्रण फेटलं.पहिल्याच सूचनेप्रमाणे साखरेचं भांडं बसेल असं दुसरं एक भांडं होतं.त्यात पाणी घालून कसरत करुन पुडिंग करायला ठेवलं. पण वरुन झाकण ठेवल्यावर कळाले की 'कुकर इफेक्ट' येणार नाही. म्हणून बाजूने नॅपकिन लावून वाफ कोंडायचा प्रयत्न केला. या खटपटीत नुसत्या कानांवर तग धरुन राहिलेल्या भांड्याने किंचित मान टाकलेली कळाले नाही. पुडिंग सेट झाल्यावर कळाले की भांडे तिरके होते. डोके थंड ठेवून पुडिंग थंड करायला ठेवले . तर लिक्विड कॅरेमल वर येऊन 'मी आहे, मी आहे' सांगत होते. मग डिशवर भांडे उलटे केल्यावर मजा अशी की कॅरेमलच्या प्रमाणात दूध असूनही भांडे पसरट असल्याने पुडिंग गुबगुबीत व्हायच्या ऐवजी चपटे झाले. शिवाय तिरके झाल्याने उताराच्या दिशेने 'संथ वाहते कॅरेमल' असे विलोभनीय दृश्य ओटातटावरून दिसत होते. चवीला अत्यंत सुंदर झाले यात शंका नाहीच. एखाद्याला एप्रिल फूल करायचे असल्यास ते पुडिंगचे चपटे त्रिकोण पपईच्या फोडी म्हणून खपवता येतील.पण खरा चमत्कार तर पुढेच आहे. पुडिंग ओतल्यानंतरही १ सेंमी उंचीचे बाळ कॅरेमल आपल्या आईला सोडायला तयार नाही असे कळाले! तर त्या कॅरेमलात पाणी घालून पाक करुन त्यात पुर्‍या सोडणे हा पुढचा प्रयोग आहे. इच्छुकांनी सुरुवात चुकवू नका, शेवट बुडवू नका.
* प्रत्येक पदार्थ त्याचे नशीब भांड्यावर लिहून आणतो.
* नाटकातील सर्व घटना या काल्पनिक नसून सत्यघटनाच आहेत. त्याचा त्या वेळी हजर असलेल्या स्वयंपाकघरातल्या जिवंत व्यक्तीशी कोणताही संबंध नाही. मिक्सर नसणे, कुकर नसणे, भांडी पसरट असणे या गोष्टींचा नवशिकाऊंच्या बालमनावर विपरीत परिणाम होऊ शकतो.
* पुडिंग ला पपई दाखवणारे फोटो देऊन पुडिंगचा अपमान करायचा नाही म्हणून फोटो मागू नये.
* कोणताही पदार्थ दिसतो तितका सोपा नसतो.
धन्यवाद.

आशुडी

किती चिवट सुगृहिणी आहेस आशूडी. कुकर नाही कळताच दुध-अंड्याचं मिश्रण मी तरी तसंच पिऊन टाकलं असत ब्वा! मग नंतर कॅरॅमलची काळजी करत बसले असते.

वर्षुताईच्या कृपेनं (चुकुन कुरापतीनं म्हणणार होते) सगळ्यांचा सुग्रणपणा उतू चाल्ललाय बहुधा. धन्य हो!

वर्षुताई, वरील विविध प्रयोग वाचून शीर्षक बदलावसं वाटल तर बिंधास बदल ग. - एक फु.स.

मी आत्ताच कूकरमधे ठेवलय हे पुडिंग. त्यानंतर मामी आणी आशूडीच्या प्रतिक्रिया वाचल्या. नशिब!!!

वर्षु-नीलताई,
मी देखील पुडींग ट्राय केले. आपण दिलेल्या कृतीबरहुकुम सुरुवातीला सगळे यथासांग पार पडले पण जेव्हा पुडींगची उचलबांगडी करायची होती तेव्हा फक्त कॅरॅमलचा थर भांड्याला चिकटून राहीला व उरलेला थर बाहेर निघून आला. काय चुकले असेल समजत नाही पण आत्ताच वरची पोस्ट वाचली आशुडीची म्हणून लिहावेसे वाटले. मी परत तो वरचा निघून आलेला थर भांड्यात ठेवून फ्रिज करायला ठेवले आहे व आता चमच्याने कॅरॅमल जरास्से खरवडून मग थोडे थोडे संपवत आहे. काय चुकले असेल?

अगदी बरोब्ब्ब्ब्ब्बर ! मी केलं तर असंच होणार.. म्हणून म्या करनारच न्हाई... केरॅमल तसंच रहाणार आणि नुस्ता पांढरा गोळा तेवढा येणार ! आता तो खरवस समजून खा.

सुमेधाव्ही. सेम पिंच.

माझं पुडिंग चांगलं अर्धा तास कूकरमधे ड्यान्स करत होते. (आईच्यान, कूकरमधून ताक धिनाधिन आवाज पण येत होता) पण तरी ते थलथलीतच झाले. शिवाय कॅरेमल भा.ण्ड्यात राहिलं ते वेगळंच. नवर्‍याने चमच्याने खरवडून खायचा प्रयत्न केला ते जमलं नाही म्हणून त्यात पाणी घालून ठेवलय. मी पुडिंग्मधे बटरस्कॉच इसेन्स घातलेला. (असंच लहर म्हणून. आणल्यापास कधीच कुठल्या पदार्थात वापरलेला नव्हता) छान चव आली आहे. चमच्याने खाता येतय पण तुकडे पडत नाहीयेत. आता थंड व्हायला फ्रीझमधे ठेवलं आहे.

वर्षू, माझ्यामते एक कप दूध, साखर आणि एका अ.ण्ड्याला एका ब्रेडची स्लाईस कमी पडतेय. मी पुढच्या वेळेला अजून ब्रेड स्लाईस घालून करून बघेन म्हणतेय.

वरती एक अंडे किंवा २ ब्रेड स्लाइस असे दिले आहे..

>>साखर वितळून सुरेखसा डार्क सोनेरी रंगाची झाली कि भांडं "लगेच"गॅसवरून उतरून थंड होऊ द्या>><<

वरचे वाक्यामध्ये "लगेच" शब्द घातला तर असे कॅरमल तळाशी चिकटणे होणार नाही.
बर्‍याच वेळ ठेवले की पाक होतो साखरेचा व कडक होवून चिकटतो पाक ते कॅरमल न रहाता. मग क्यासे क्या ह्प गया असे प्रश्ण पडतात.

हे फक्त ब्रेड वापरून काचेच्या बाउल्स मध्ये मायक्रोवेव्हमध्ये केलेले.