युक्ती सुचवा/ युक्ती सांगा- २

योडी कणीक रेडीमेड आणत असशील तर २-२ किलोच एका वेळी आणत जा आणि तांदुळांना एरंडेल लावून ठेव. आम्ही गहू, तांदूळ, डाळी सगळ्यांना एरंडेल लावून ठेवतो. गव्हाचे पोटात जाते, तां.डाळी धुतल्या जातात. रवा, शेंगदाणे भाजून ठेवले जातात. कडधान्ये अगदी पाव-पाव किलोच आणून ठेवते-ह्याला पुन्हा कोण ए. लावणार. कधीकधी तु.डाळ तेली घेतो म्हनजे ए. लावने वाचते.

पुर्वी बिब्बे पण कडधान्यात ठेवत असत. पण आता एकतर ते सहज मिळणार नाहीत शिवाय काही जणांना त्याची तीव्र अ‍ॅलर्जी असते.

बिब्ब्यांना भुंगे लागतात. मग भुंगे कसे घालवावेत? असा नवीन प्रश्न येईल.

हे भुंगे म्हणजे कमळावरचे नव्हेत! हे भुंगे म्हणजे पोरकिड्यांचा मोठा भाऊ.

मंजूडे तुला कित्ती माहिती आहे थँक्स.. उद्या पासून २ दिवस सुट्टी आहे, हे चिलटं प्रकरण निकालात काढणारच आहे.
बाईला सांगून ठेवलंय ओला कचरा जाताना बाहेर ठेवून द्यायचा, अगदी कितीही कमी असला तरिही.

बाकरवडी (म्हणजे वरील पारी) कुरकुरीत कशी बनवायची ....हे सांगेल काय कोणी?

अगदी चितळेंसारख्या झाल्या पाहिजेत...

चिलटांवर खात्रीशीर उपाय म्हणजे कोरफड...

कोरफडीचे पाते / छोटे झुडुप किचन मधे ठेवायचे.

स्वयपाकघरात जिथे चिलटं/सिंकचा वास/पावसाळी कोंदट पणा /बारीक झुरळं/मुंग्या असतील तिथे एक "ओडोनिल " थोडेसे उघडुन बॉक्स मधे पुन्हा ठेवुन दोरीने बांधुन लटकवुन ठेवावे..तसेच त्याआधी एक ओडोनिल जरा जास्त उघडुन ठेवावे.कीटक नाहीसे होतात पुन्हा होत नाहीत्.जर सिंक जवळ बान्धुन ठेवले तर वास ही येत नाही.मी बाराही महिने ओडोनिल प्रत्येक खोलीत ,बाथरुम मधे ठेवते.डास ही पर्यायाने कमी येतात .असा माझा अनुभव आहे.

वेका साजूक तुपावर गाजराचा कीस वाफवून थोडे दुध घालून शिजवते सा़खर घालून मिश्रण आळले की वरून थोडी मिल्क पावडर भुरभुरते.तुपावर वाफवल्याने हलवा मस्त होतो किस कोरडा असल्याने लवकरही होतो

ओह आय सी..मस्त गं...ठांकु ठांकु....:)

इतक्या पीठाचं काय करु?? >>>> फेकून दे.

पीठ फेकुनच द्यायचे असेल तर, (लागेल तसे) त्याने तेलकट्ट भांडी पुसुन घ्यावीत अन टाकुन द्यावे. भांडी लगेच स्वच्छ होतात.

सुलेखा -- चिलटांसाठी नामी उपाय सांगीतलास...धन्यु

वाचा आणि लिहा
http://www.loksatta.com/index.php?तुम्ही घडवलाय असा बिघडलेल्या पदार्थातून चविष्ट पदार्थ? काय झालं आणि कसं घडवला नवीन पदार्थ? चटकदार माहितीसह कळवा . पत्ता- लोकसत्ता, चतुरंग,
प्लॉट क्र . ईएल १३८ टीटीसी इंडस्ट्रियल एरिया, महापे, नवी मुंबई ४००७१० आमचा ई-मेल
chaturang@expressindia.com

भरत, आता तोच लेख वाचून आलो होतो.

चिलटासाठी ते कुठलं तरी काडी काडी असलेलं हिरवं झाड असते. ते टांगतात. चिलटं त्याच्या टोकावर गोळा होऊन बसतात.

त्या काडीसारख्या झाडाला शेराच झाड म्हणतात.

समोश्याचं कवर कुरकुरीत रहावं म्हणून काहि टिप्स? माझे समोसे थंड झाले कि नरम होतात.

समोश्याचं कवर कुरकुरीत रहावं म्हणून काहि टिप्स? माझे समोसे थंड झाले कि नरम होतात.>>> समोसे थंड होऊ देऊ नयेत. गरमगरमच खावेत.

प्राची ::हाहा:

प्राची
बरं ,आता एखादी चांगली टिप दे ना. परवा समोसे बनवायचे आहेत.जरा थंड झाले कि अगदीच मऊ नको पडायला.

भान, मी कधी समोसे करत नाही पण ही टीप वारंवार ऐकली आहे - कव्हराच्या पीठात तेल अगदी धूर येईपर्यंत गरम करून घालायचं. चमच्याने पीठ ढवळून ते गरम सगळ्या पीठाला लागेलसं बघायचं. आणि मग कव्हराची कणिक फ्रिजमधल्या थंडगार पाण्याने भिजवायची.

प्रयोग करून पहा, अनुभव नाही

मंजूडे तुला कित्ती गोष्टी माहीती आहेत अगं. मस्तच!

पिठात थोडा लिंबाचा रस पण घालतात. मी सामोसे केले नाहीत पण असे केलेले सामोसे खाल्ले आहेत ते थेट, अन्नपूर्णा मंगला बर्वे यांच्या लेकिच्या हातचे !

थोडा बारीक रवा कव्हरच्या पिठात मधे घातला तर कुरकुरीत होतात म्हणे.

उपासाची भाजणी उरलीय. त्याची थालीपीठे सोडून काय करता येइल ते सांगाल का प्लीज?

लाजोच्या पद्धतीच्या न्योकी करता येतील. साबुदाणा वडा करताना त्यात भर म्हणून घालता येईल. बटाटा पॅटीस करताना, कव्हरमधे भर म्हणून घालता येईल.

थँक यू दिनेशदा.

कांदा / मसाला घालून तसेच इतर भाज्या मिसळून थालिपिठ करता येईल. (अगदी वाईट नाही लागणार )

माझाही भाजणीचाच प्रश्न आहे..चकलीची भाजणी उरलीय त्याच चकल्या सोडुन
काय करता येईल्.थालिपीठ केली तर काही अजुन घालावे लागेल का?

वडे, भजी, झुणका, पिठले, कर्मफळे, मोकळ भाजणी.
अजून काही म्हणजे पीठ का? लागू नये.