चित्रपटातील अप्रतिम पण खटकलेली गाणी

संध्याचा सर्वोत्तम अभिनय बहुतेक नवरंगमधे त्याच्या बायकोच्या (काल्पनिक प्रेयसीच्या नाही) भूमिकेत असेल. तो त्यातल्या त्यात सहज आणि नैसर्गिक होता.

परछाई चित्रपटात शांताराम नायक होते आणि नायिका त्यांच्या दोन्ही पत्नी जयश्री आणि संध्या. जयश्रीबाईंनी बराच सुसह्य अभिनय केला आहे त्यात आणि दिसतातही छान. चित्रपटातली गाणी ऐकायला अतिसुंदर 'मोहब्बत चीज ना समझे', 'कटते है दुख मे ये दिन', 'अपनी कहो कुछ मेरी सुनो' पण पडद्यावर बघणं म्हणजे डोळ्यांवर अत्याचार आहे. विशेषतः शेवटचे गीत ज्याच्यात शांताराम आणि संध्या आहेत.

काय भयंकर आढळले हो तुम्हाला यात?? विश्वजित बबितापेक्षा गोड दिसतो/लाजतो/ठुमके मारतो/आणि बरेच काही>>> याला सहमत पण बबिताही या गाण्यात आवडली आहे.

कटते हैं दुख में ये दिन आणि मोहब्बत ही न जो समझे ही दोन्ही गाणी खूप आवडती आहेत. ही व्ही शांताराम यांच्या चित्रप टातली आहेत हे माहीत नव्हतं. अपनी कहो हे ही खूप गोड आहे. सी रामचंद्रंचा स्टँप आहे या गाण्यांवर.

दो आंखे , बारा हाथ सिनेमा आवडला होता मला. कर्मा कि तशाच कुठल्यातरी थीम च्या हिंदी सिनेमापेक्षा खूपच परिणाम्कारक आहे. त्यात शांताराम दिस्तात पण छान. पण एकुणच भालजी पेंढारकर आणि शांताराम या मावस भावंडांच (संदर्भ : नाच ग घुमा) स्त्रियांबद्दल च मत फारसं काही उदात्त नसावं , आणि त्यांची एकापेक्षा जास्त लग्न हे अगदी खटकतं.

आज बऱ्याच वर्षांनी छुपाना भी नही आता चा व्हिडीओ पाहिला.गाणं सुंदरच आहे.विनोद राठोड च्या सूट वर भयंकर चंदेरी वेलबुट्टी आहे.शाहरुख च्या सूट च्या लॅपेल वर मांजर ओकल्या सारखे किंवा जपानी मधली 3 अक्षरे वाटतील असे डिझाइन आहे.टॉप ऑफ चार्ट म्हणजे सुशांत रे चा टाय आहे.त्यावर रंग रंग रांगोळी खेळासारखे भरपूर रंग आहेत.शिवाय हे कमी पडलं म्हणून कॉलेजातला सुशांत पांढऱ्या आणि रंगीत प्रिंट च्या स्वेटर वर जांभळा प्रिंटेड स्कार्फ घालून दाखवला आहे.गाणं सुंदर आहे पण ते कपडे अगदीच बघवत नाहीयेत.काजोल चा पांढरा सोनेरी घागरा तेवढा चांगला वाटतो.

तेव्हाच्या बऱ्याच पिक्चर्समधले कपडे आता चमत्कारिक वाटतात.
मराठीत धूमधडाकामधे निवेदिता जोशी ज्या कपड्यांंत टेनिस की badminton खेळून येते त्याच कपड्यात झोपून उठताना दाखवली आहे.

त्या काळात अधिक लग्ने अलवूड होती

शांतारामनि विमल , जयश्री अशी दोन लग्ने केली होती , दोघी प्रेमाने रहात होत्या

मग संध्याशी सूत जमले , तिच्याबरोबर लग्न करायलाही दोघी बायकांना काही प्रॉब्लेम नव्हता, पण दागिन्यांवरून जयश्री व शांताराम चे भांडण झाले

तेंव्हा हिंदू घटस्फोट कायदा नुकताच पास झाला होता, त्याच्या आधारे त्यांचा घटस्फोट झाला, भारतातील पहिल्या काही हिंदू घटस्फोटातील हा एक आहे, जयश्री x शांताराम

द्वि भार्या प्रतिबंध कायदाही लागू होणार होता, म्हणून त्याच्या आधी काही दिवस शांताराम व संध्या ह्यांनी पटकन लग्न केले, संध्या x शांताराम

विमलबाई व संध्याही एकत्रच राहिल्या, शांतारामानी दुसऱ्या विवाहानंतर नसबंदी केल्याने संध्याला मुले झाली नाहीत, आधीच्या सात मुलांना त्यांनी आपले मानले. त्यांना ह्याची कल्पना होती,

हिंदू घटस्फोट कायदा व द्वि भार्या प्रतिबंध कायदा ह्यांच्या अगदी सीमारेषेवर घटस्फोट व लग्न झाले आहेत

मराठीत धूमधडाकामधे निवेदिता जोशी ज्या कपड्यांंत टेनिस की badminton खेळून येते त्याच कपड्यात झोपून उठताना दाखवली आहे. >>

त्या काळात अधिक लग्ने अलवूड होती > हो बरोबर. पण नवरंग मध्ये नायिकेला नवरा दुसरीच्या नादी लग्ला आहे हा संशय अस्तो म्हणून ती माहेरी जाते ; आणि जेव्हा ती दुसरी म्हणजे कवीकल्प्नेतली आपण् च आहोत असा साक्षात्कार झाल्यावर खूश होते. म्हणजे चित्रपटात दाखवताना व्यवस्थित कळत होत , पण प्रत्यक्षात मात्र वेग्ळंच

अलवूड होते आणि ह्यांच्या तिन्ही लग्नात इतर बायकांची परवानगीही होती
आणि 1,2 आणि 1,3 एकत्रही राहिल्या

शिवाय , प्रत्येक पुढची पत्नी पूर्वीच्या पत्नीपेक्षा तरुण होती , तरीही एकमेकींत दुस्वास नव्हता

एकुणच भालजी पेंढारकर आणि शांताराम या मावस भावंडांच (संदर्भ : नाच ग घुमा) स्त्रियांबद्दल च मत फारसं काही उदात्त नसावं , आणि त्यांची एकापेक्षा जास्त लग्न हे अगदी खटकतं.>>>

पेंढारकरांचे माहीत नाही, त्यांचे बहुतेक चित्रपट शिवकालीन होते पण शांतारामानी स्त्रीप्रधान चित्रपट बनवले आणि तेही चांगले चित्रपट बनवले. व्यक्तिगत आयुष्यात तीन लग्ने केली पण जबाबदारी टाळली नाही. शेवटी तेही एक कलाकार होते. पहिली पत्नी घरेलू होती, जयश्री सुशिक्षित व बुद्धिमान होती. त्यामुळे तिच्याकडे आकर्षित झाले असतील. त्यांच्या पहिल्या बायकोच्या मुलीने लिहिलेल्या चरित्रातही तिने हेच लिहिलेय की संध्या आयुष्यात आल्यावर जयश्री दूर झाली. तिला मंजूर नव्हते म्हणून घटस्फोट झाला तरी दोघांनीही एकमेकांना शेवटपर्यंत मिस केले. केवळ तीन लग्ने केली म्हणजे स्त्रियांबद्दल मत चांगले नव्हते असे नाही.

जयश्रीचे संध्याबद्दल मत चांगले नव्हते. संध्याची पार्श्वभूमी चांगली नसल्यामुळे ती शांतारामांचा उपयोग समाजात प्रतिष्ठा मिळवण्यासाठी करतेय असा तिचा समज होता. गम्मत म्हणजे त्या तिघांचा एकत्रित चित्रपट परछाईची हीच कथा आहे. शांताराम व जयश्री प्रेमात असतात, काही कारणांमुळे शांतारामची दृष्टी जाते. संध्या व जयश्रीच्या आवाजात साम्य असते. त्याचा फायदा घेऊन संध्या जयश्रीला दूर करते व तिची जागा स्वतः घेते. परत बघायला हवा, गाणी व कामे दोन्ही सुंदर आहेत.

अलवूड होते आणि ह्यांच्या तिन्ही लग्नात इतर बायकांची परवानगीही होती
आणि 1,2 आणि 1,3 एकत्रही राहिल्या>>>>>

1,2 एकत्र नव्हत्या. शांताराम 2 सोबत वेगळे राहात होते. संध्याने मात्र पहिल्या पत्नीसोबत सगळेजण एकाच घरात राहुया हा हट्ट धरला व ती शेवटपर्यंत एकत्र कुटुंबात राहिली.

आता आधीच खूप अवांतर झालंय म्हणून 2 आणे माझे पण,
मला खरं तर दोन बायकासोबत एकत्र राहण्याच्या पद्धतीचं खूप विशेष वाटतं, तो एक नवरा दोघींना कसा ऍडजस्ट करत असेल, (हे लिहिताना मला खूप अवघड वाटतंय )विशेषतः रात्री?
आज हिच्यासोबत,उद्या तिच्यासोबत असे नंबर लावत असतील की आठवडा वगैरे वाटून घेत असतील?
नव-याचा दुसरी सोबतचा turn असताना पहिलीला नक्की कसं वाटत असेल???

आज हिच्यासोबत उद्या तिच्यासोबत??? आदमी है मशीन नही...

गम्मत म्हणजे त्या तिघांचा एकत्रित चित्रपट परछाईची हीच कथा आहे. शांताराम व जयश्री प्रेमात असतात, काही कारणांमुळे शांतारामची दृष्टी जाते. संध्या व जयश्रीच्या आवाजात साम्य असते. त्याचा फायदा घेऊन संध्या जयश्रीला दूर करते व तिची जागा स्वतः घेते. परत बघायला हवा, गाणी व कामे दोन्ही सुंदर आहेत.>>>
गाणी अप्रतीम आहेत, जयश्री चांगल्या दिसतात आणि अभिनयही बराच चांगला आहे, नाटकी नाही. शांताराम नायक म्हणून फारसे आवडत नाहीत पण त्यांचं underacting सुसह्य आहे. पण त्याची कमी संध्याने तिच्या overacting ने भरून काढली आहे. सुरवातीला बरी वाटली होती पण मग ते स्प्रिन्गच्या बाहुलीसारखं डोकं आणि मान फिरवणं सुरु झालं आणि असह्य झालं

"याद किया दिल ने कहा हो तुम"

गाण छान आहे पण देव आणि उषा हातात हात घालुन म्हणतायेत!
अर्थात तेव्हा चालायचं

आँ??? नायिका (रेखा) किती छान गाणे गात आहे, आपकी आँखों में कुछ महके हुए से राज़ हैं आणि नायक (विनोद मेहरा) तिच्या तोंडावर सिगारेट चा धूर सोडतोय? अरे काय दिग्दर्शकाची बुद्धी भ्रष्ट झाली होती कि काय? तसेही या एकूण गाण्यातच विनोद मेहराचा प्रेझेन्स दिग्दर्शकाने ज्याप्रकारे दाखवलाय, अजिबात आवडला नाही.

अजून एका गाण्यात नायक (बहुतेक नसिरुद्दीन शहा) नायिकेला (बहुतेक रेखाच) पायाने ढोसलताना दाखवलाय. हाताने कोपरखळी मारावी तसेच पण हा पायांने मारतोय. लिंक सापडली कि देतो. काय च्या काय दाखवत होते नी लोकसुद्धा बघत होते.

किशोरकुमार व लताजी यांनी गायिलेले छेडो ना मेरी जुल्फे सब लोग क्या कहेंगे गाणे आताच थोड्या वेळापूर्वी बघितले. गाणे यापूर्वी अनेकवेळा ऐकले होते अर्थातच. पण माझी कल्पना होती कि चित्रीकरण बागेत किंवा बाहेर कुठेतरी झाले असेल. जिथे आसपास लोक असतात, कळत नकळत पाहतात वगैरे. म्हणून सब लोग क्या कहेंगे. पण नाही. बंद बंगल्यात हे दोघेच, किशोरदा आणि कुमकुम, असतात. आता असे असताना जुल्फे छेडली तर कोण कशाला काय म्हणेल?

बाकी, हा भाग सोडला तर मात्र गाणे खूप मस्त चित्रण. किशोरदा आणि कुमकुम दोघेही खूप खूप ग्वाड ग्वाड

रेखाला सिगरेट आवडत असेल, त्यामुळे त्या वेळच्या 'सांकेतिक' प्रणयानुसार ते धूम्रचुंबन असावे (आपकी आंखो में कुछ)

आँ??? नायिका (रेखा) किती छान गाणे गात आहे, आपकी आँखों में कुछ महके हुए से राज़ हैं आणि नायक (विनोद मेहरा) तिच्या तोंडावर सिगारेट चा धूर सोडतोय? Uhoh अरे काय दिग्दर्शकाची बुद्धी भ्रष्ट झाली होती कि काय? तसेही या एकूण गाण्यातच विनोद मेहराचा प्रेझेन्स दिग्दर्शकाने ज्याप्रकारे दाखवलाय, अजिबात आवडला नाही. >>>
अगदी अगदी. गाणं किती छान आहे. महके हुए राज म्हणजे त्या सिगारेटच्या धुराची महक आहे का?

किशोरकुमार व लताजी यांनी गायिलेले छेडो ना मेरी जुल्फे सब लोग क्या कहेंगे गाणे आताच थोड्या वेळापूर्वी बघितले. गाणे यापूर्वी अनेकवेळा ऐकले होते अर्थातच. पण माझी कल्पना होती कि चित्रीकरण बागेत किंवा बाहेर कुठेतरी झाले असेल. जिथे आसपास लोक असतात, कळत नकळत पाहतात वगैरे. म्हणून सब लोग क्या कहेंगे. पण नाही. बंद बंगल्यात हे दोघेच, किशोरदा आणि कुमकुम, असतात. आता असे असताना जुल्फे छेडली तर कोण कशाला काय म्हणेल>>> +१११

यासारखंच देव आनंद -नूतनचं 'छोड दो आन्चल, जमाना क्या कहेगा', सुदैवाने त्याचे चित्रीकरण बाहेर बगिच्यात आहे पण आजूबाजूला चिटपाखरूही नाही मग कोण काय म्हणायला येईल. नूतन प्रचंड आवडते पण या गाण्यातील तिची केशभूषा, कुरळे केस अजिबात नाही आवडले, चित्रपटात ती गरीब घरातील दाखवली आहे त्यामुळे ही स्टायलिश केशभूषा नाही तेवढी शोभत.

ते 'आपकी आँखों में कुछ महके हुए से राज़ हैं' नीरीक्षण अगदी अगदी खरे आहे.

गुलजार आणि आखोंकी महक याचं काहीतरी नातं असावं.
डोळ्यात याला महके हुए से राज दिसतात, महकती खुशबू दिसते ..डोळे आणि सुवास हे समीकरण biologically अनाकलनीय असलं तरी

घर मध्ये रेखाला सिगरेट च्या धुराचा वास आवडत असतो असे ती विनोद मेहराला सांगते असा एक सीन आहे. त्याच्या संदर्भाने असे चित्रिकरण करण्यात आले असेल गाण्याचे.

>> गुलजार आणि आखोंकी महक

वाह! काय जबरी निरीक्षण आहे खरंच कि, अशी शब्दरचना आली आहे त्यांच्या काही गीतांत. वेगळं जग असतंय त्यांच्या गीतात. जे न देखे रवी ते देखे कवी.

>> रेखाला सिगरेट च्या धुराचा वास आवडत असतो

य्यो! हा ॲंन्गल असू शकतो कल्पना केली नव्हती. पण हो, घडते असे. आपण अल्बम बघितल्यासारखे फक्त गाणे बघतो. सिनेमातले संदर्भ माहित नसल्यास विचित्र वाटते काही वेळा.

कदाचित 'राज' चा माहौल निर्माण करण्यासाठी धूर सोडत असेल नायक.