सामाजिक उपक्रम -२०१९

Submitted by निशदे on 8 March, 2019 - 12:00

सामाजिक उपक्रमाचे हे आपले दहावे वर्ष. हा उपक्रम तसा मायबोलीकरांना नवा नाही. मायबोलीकरांच्या साथीने गेली ९ वर्षे स्वयंसेवक हा उपक्रम यशस्वीपणे पार पाडत आले आहेत.समाजासाठी कार्य करणार्‍या संस्थांना सामाजिक उपक्रमाद्वारे मदत मिळवून देण्यास आपण प्राधान्य देतो. या उपक्रमात दरवर्षी ज्यांना सरकारकडून फारशी मदत मिळत नाही (वा मिळतच नाही) किंवा संस्था मुख्यत्वे फक्त देणगीदारांवर चालते अशा गरजू संस्थांना प्रामुख्याने वस्तुरुपात मदत करण्यावर आपला भर असतो.

गेल्यावेळेप्रमाणेच देणग्या खालील पद्धतीने स्वीकारल्या जातील,
१) ज्यांना देणगी द्यायची आहे त्यांनी स्वयंसेवकांपैकी कोणालाही संपर्क करुन तुम्ही किती देणगी देणार आहात इतकेच कळवावे. यासाठी ३१ मार्च ही मुदत ठेवत आहोत.

२) एप्रिलपासून, किती देणगी मिळत आहे ते पाहून सर्व संस्थांना साधारण समान निधीवाटप करण्यात येईल. त्याचवेळेस त्या निधीतून त्या संस्थेसाठी दिलेल्या यादीतून काय सामान घेता येईल, तेकोठून घेता येईल वगैरे ठरवले जाईल.

३) देणगीदारांचे गट करुन कोणी कोणत्या संस्थेला देणगी पाठवायची, संस्थेच्या अकाउंटची माहिती इत्यादी कळवण्यात येईल. त्यानंतर तुम्ही संस्थेच्या खात्यावर रक्कम जमा करु शकता.संस्थेच्या अधिकृत टॅक्स खात्याची माहिती इथेही लिहिण्यात येईल.

४) देणगीदारांनी देणगी पाठवल्यावर स्वयंसेवकांपैकी कोणालाही त्याबद्दल कळवणे महत्वाचे आहे. त्याप्रमाणे संस्थेला कळवले जाईल.

५) सर्व देणगीदारांनी देणग्या पाठवल्याचे आम्हाला कळवले की प्रत्येक संस्थेकडून खातरजमा केली जाईल.

६) सर्व जुळले की मग वस्तू विकत घेण्यासाठी पाऊल उचलले जाईल.

७) वस्तू खरेदी झाली व संस्थेला पोचली की इथे सांगितले जाईल.

ही पद्धत गुंतागुंतीची वाटेल पण देणगीदारांनी योग्य त्या संस्थेला फक्त योग्यवेळी देणगी पाठवायची आहे. बाकी काम उपक्रमाचे स्वयंसेवक करतील.

काही संस्था अभारतीय चलन पण स्विकारतात. ज्यांना वेगळ्या चलनामधे देणगी द्यायची आहे त्यांनी संपर्क किंवा विपुद्वारे स्वयंसेवकांशी संपर्क साधावा. जे मायबोलीचे सभासद नाहीत परंतु मदत करण्यासाठी उत्सुक आहेत ते सुनिधीशी lataismusic@yahoo.com या ईमेलवर संपर्क साधू शकतात.

या वर्षीच्या उपक्रमाद्वारे मदत केल्या जाणार्‍या संस्था खालीलप्रमाणे आहेत.

१. संस्थेचे नाव:- सहारा अनाथालय.
संस्थेचा पत्ता:- सहारा अनाथालय परिवार, बालग्राम, गेवराई, बीड.
संस्थेचे कार्यक्षेत्र:-
ऊसतोडणी कामगारांच्या, आत्महत्याग्रस्त शेतकऱ्यांच्या तसेच वेश्याव्यवसाय करणाऱ्या महिलांच्या ८५ मुलामुलींचे पालकत्व, पालन पोषण, वैद्यकीय खर्च, शैक्षणिक खर्च, शिक्षणेतर उपक्रम.
आयकरातील सवलत :- ८०जी.
संपर्क :- संतोष गर्जे, +919763031020
नोंदणी क्रमांक :- Mumbai Public Trust Act 1950-F- 13146 Beed.
वेबसाईट:- http://www.aaifoundation.org/
संस्थेचे प्रकल्प आणि त्याचा अंदाजे खर्च:-
बालग्राममध्ये खालील साहित्याची गरज आहे.
1) 10 कॉट- 30,000 ₹
2) 50 गादी- 40,000₹
3) 20 फॅन- 30,000₹
4) 25 खुर्ची- 15,000₹
5) कलर प्रिंटर 1- 11,000₹
6) स्टील रॅक 4 नग 20,000₹
7) पाणी टाकी 1 (2k लि) 11,000₹
8) स्टील बेंच 4 नग 18,000₹
9) बुक सेल्फ 2 नग 12,000₹
10) किचन रॅक 2 (ट्रॉली) 12,000₹
एकूण 1लक्ष 99 हजार ते 2 लक्ष 4 रुपये खर्च येईल

२. संस्थेचे नाव:- शबरी सेवा समिती.
संस्थेचा पत्ता:- 'Anand', Dr Phadke hospital, Kotwal Nagar, Karjat (Dist Raigad)
संस्थेचे कार्यक्षेत्र:-
वनवासी क्षेत्रातील बालकांचे कुपोष, बालमृत्यू थांबवणे, आनंददायी शिक्षण, महिला विकास
आयकरातील सवलत :- ८०जी.
संपर्क :- प्रमोद करंदीकर Tel: (02148)-222102
नोंदणी क्रमांक :- F / 26509 (Mumbai).
वेबसाईट:- http://www.shabarisevasamiti.org/english/index.html
संस्थेचे प्रकल्प आणि त्याचा अंदाजे खर्च:-

१) सुरेश पाडवी (दिव्यांग) हात नसलेला. दुकान बांधणे खर्च: अंदाजे -३५ हजार.
Gav- सुर ग स तालुका अक्कलकुवा जिल्हा नंदुरबार.
२) कुप नलीका - २०० फूट खोल. मोटर , पाइप इत्यादी
गाई व गुरे, माणसे सर्वांना पाणी उपलब्ध होईल. पाण्यासाठी एक हौदा.
एकूण खर्च - 60000/-
शिवाय २ मोठे प्रकल्प हाती घेत आहोत.
१) उपसा जल सिंचन.
गाव मोहीदे, तालुका शिरपूर, जिल्हा धुळे.
साधारण १४०० ते १५०० मीटर ४ इंची पाइप लाइन,. ३ फूट जमिनी खालून नेणें.
अंदाजे खर्च ४ लाख ५० हजार .शेतकरी सहभाग २ लाख. व श्रमदान.
या प्रकल्पातून ७१ ते ७५ एक र जमीन सिंचनखाली येत आहे.
पुढील २० ते २५ वर्षे शेतकरी विना खर्च पिके घेतील. वीज, मोटर, डिझेल पंप असा कोणताही खर्च नाही. नैसर्गिक उतारावरून पाणी आणणार आहोत.
२) सिमेंट बंधारा.
गाव धाबा देवी पाडा, तालुका शिरपूर जिल्हा धुळे.
डोंगरातून येणाऱ्या एका ओढ्यावर हा ६० फूट लांब व ४/५ फूट उंच बंधारा बांधला जाईल. बंधारा झाले वर गावाची पाण्याची समस्या कायम स्वरुपी संपेल. ३०/४० एक र शेती सिंचन होईल.
लोक सहभाग श्रमदानतून होईल. संस्थेला साधारण ३.५ ते ४ लाख खर्च येईल.

३. संस्थेचे नाव:- स्नेहवन
संस्थेचा पत्ता:- हनुमान मंदिर, चक्रपाणी वसाहत
भोसरी, पुणे ४११०३९
संस्थेचे कार्यक्षेत्र:-
ऊसतोडणी कामगारांच्या, आत्महत्याग्रस्त शेतकऱ्यांच्या तसेच दुष्काळग्रस्त शेतकर्‍यांच्या मुलामुलींचे पालकत्व, पालन पोषण, वैद्यकीय खर्च, शैक्षणिक खर्च, शिक्षणेतर उपक्रम.
आयकरातील सवलत :- ८०जी.
संपर्क :- अशोक देशमाने, +91-8796400484
नोंदणी क्रमांक :- F/46512//P
वेबसाईट:- http://www.snehwan.in
www.facebook.com/snehwan
संस्थेचे प्रकल्प:
मुलांसाठी बंक बेड्स,
RO Water purifier,
संस्थेच्या कामासाठी दुचाकी,
स्वयंपाकाचे साहित्य

४. संस्थेचे नाव:- सावली
संस्थेचे कार्यक्षेत्र:-
सावली संस्थेकडून देवदासी,वेश्याव्यवसायातील स्त्रिया, एच आय व्ही पॉझिटिव्ह पालक, एकटे व गरीब पालक, व्यसनाधीन पालक, गरीब शेतकरी व झोपडपट्टीत राहाणार्‍या गरीब पालकांच्या वंचित मुलांना आधार देण्यात येतो. आपल्या आर्थिक मदतीतून आम्ही खालील गोष्टी करू शकलो :
# आम्ही हुजूरपागा मुलींच्या शाळेत शिकणार्‍या ज्यु. के.जी. ते बारावीपर्यंतच्या ७३ गरजू मुलींची फी भरू शकलो.
# इयत्ता आठवी ते पोस्ट ग्रॅज्युएशन पर्यंतच्या सावलीतील ७८ गरजू मुलांच्या फी आम्ही भरत आहोत.
# आम्ही मुलांना गणवेश, दप्तरे, शैक्षणिक साहित्य, सँडल्स, स्वेटर्स इत्यादी पुरवू शकलो. तसेच नूतन समर्थ विद्यालय बुधवार पेठ शाळेतील ६० मुलांची सहल संस्कृती रिसॉर्ट येथे घेऊन जाऊ शकलो.
# आमच्या १३ मुलांना आदर्श स्कूल, आगरकर स्कूल, भावे स्कूल येथे इयत्ता आठवीसाठी प्रवेश मिळाला आहे.
# सावलीतील ७ मुले इयत्ता १०वीच्या परीक्षेसाठी बसत आहेत आणि ४ मुले बारावीच्या बोर्डाच्या परीक्षेसाठी बसत आहेत.
# आम्ही ६ मुलांसाठी वसतिगृह व भोजनाची सोय केली आहे.
आयकरातील सवलत :- ८०जी.
संपर्क :- मृणालिनी भाटवडेकर
Mob-9823270310
Land line- 020-24203282
नोंदणी क्रमांक :- Reg No. E-5079 (Pune)
संस्थेचे प्रकल्प:
Screen Shot 2019-03-07 at 9.26.16 AM_0.png

सामाजिक उपक्रम स्वयंसेवक चमू -
अरुंधती कुलकर्णी, सुनिधी, अतरंगी, कविन, महेंद्र ढवाण, निशदे, प्राची.

मागील काही वर्षी केल्या गेलेल्या सामाजिक उपक्रमांबद्दल खाली वाचता येईल - -
सामाजिक उपक्रम २०१८
सामाजिक उपक्रम २०१७
सामाजिक उपक्रम २०१६
सामाजिक उपक्रम २०१५
सामाजिक उपक्रम २०१४
सामाजिक उपक्रम २०१३
सामाजिक उपक्रम २०१२
सामाजिक उपक्रम २०११
सामाजिक उपक्रम २०१०

आतापर्यंत खालील संस्थांना सामाजिक उपक्रमाद्वारे वस्तुरुपी मदत केली गेली आहे - -
१. भगीरथ ग्रामविकास प्रतिष्ठान, ता. कुडाळ, जि. सिंधुदुर्ग २. शबरी सेवा समिती, ता. कर्जत ३. सुमति बालवन, पुणे ४. अनामप्रेम, अहमदनगर ५. माताबालक उत्कर्ष प्रतिष्ठान, सांगोला - सोलापूर, ६. दीनदयाळ बहुउद्देशीय प्रसारक मंडळी, यवतमाळ ७. परिवर्तन संस्था, डोंबिवली ८. सावली सेवा ट्रस्ट, पुणे ९. अनुराधा किल्लेदार प्रशाला सांगली १०. घरकुल परिवार नाशिक ११. सुहित जीवन ट्रस्ट १२. माऊली सेवा प्रतिष्ठान १३. सहारा अनाथालय

मागील काही वर्षातल्या कामाचा आढावा खाली वाचता येईल
सामाजिक उपक्रम २०१८- आढावा
सामाजिक उपक्रम २०१७- आढावा
सामाजिक उपक्रम २०१६- आढावा
सामाजिक उपक्रम २०१५- आढावा
सामाजिक उपक्रम २०१४- आढावा

शब्दखुणा: 
Group content visibility: 
Public - accessible to all site users

खुप खुप शुभेच्छा.

यंदा आमच्या लग्नाला १५ वर्षे झाली म्हणून आम्ही शांतीवनला भेट दिली व तिथेच जरा पुढे एका गावात कर्ण-मुक बधीर शाळा आहे. त्यांनाही शासनाची मदत नाही. तिथल्या मुलींसाठी आम्ही सॅनीटरी नॅपकिन्स चे २०० पॅकेट्स दिले व खाऊ दिला. फार फार समाधान वाटले. तिथे कोणी सॅनीटरी नॅपकिन्सची लाजेखातर मदत देत नाही म्हणून आम्ही द्यायचे ठरवले.

सतत दहा वर्षे असा उपक्रम राबवणे हे खरोखरच स्तुत्य आहे.
त्याकरता तुम्हा सर्वांनाच धन्यवाद.

ह्या उपक्रमाअंतर्गत 'मैत्री' संस्थेला मदत दिली गेली होती त्याचा उल्लेख राहून गेलाय बहुतेक.

जागू खूप उत्तम काम >>+१