महिला दिन २०१२ निमित्त गरजू संस्थेला मदत उपक्रम/आवाहन

शुभेच्छा.

गेली २ वर्ष हा स्तुत्य उपक्रम मायबोली तर्फे चालू आहे त्यासाठी संयुक्ता सभासदांचे खूप खूप कौतुक.

चांगला उपक्रम. शुभेच्छा.

अमृता +१.
गाजावाजा न करता आपण गेले दोन वर्ष हा निधी गोळा करत आहोत. यंदा हे तिसरे वर्ष.
सातत्याबाबत कौतुक करावे तितके थोडे आहे.

सुनिधी,
धागा सार्वजनिक कर ना.

अमृता + १.

सुनिधी, तुला चेकच पाठवावा लागेल का? तुझे बँक ऑफ अमेरिका किंवा इतर कुठल्या बँकेत अकाऊंट आहे का जिथे सरळ पैसे ट्रांस्फर करता येतील?

धन्यवाद सुनिधी हा धागा सुरु केल्याबद्दल!! काही मायबोलीकरणींनी अगोदरच विचारणा करून ठेवली होती या उपक्रमाबद्दल. त्यांना आता हा धागा सुरु झाल्याचे व उपक्रमाचे कळविते. थँक्स.

सुनिधी,
धनादेश पाठवायची शेवटची तारीख काय आहे?

धन्यवाद सुनिधी!

सुनिधी,
पैसे ट्रान्सफर केले आहेत.

ह्या उपक्रमात सामील झालेल्या सर्वांचे खूप आभार.

एकूण देणगीची रक्कम ५०,५१५.२६ एवढी जमली. त्यापैकी ३५००० रुपये कोथरुड येथील अंधशाळेला वस्तूरुपाने मदत देण्याकरता बाजूला काढून ठेवले गेले. १ वर्ष पुरतील एवढ्या हायजिन प्रॉडक्ट्सची ऑर्डर देण्यात आली आहे आणि ती मिळताच अंधशाळेला देणगीस्वरुपात देण्यात येईल.

वाहतूकखर्च वजा करता, साधारण १५,००० रुपये उरतात, त्या इतर गरजू संस्थांना देण्यात येतील. त्याकरता संस्थांची चौकशी सुरु आहे. आपल्याला अश्या काही संस्था माहिती असल्यास आपणही माहिती कळवू शकता.

पुन्हा एकदा, ह्या उपक्रमात सामील झालेल्या सर्व देणगीदारांचे आणि संयुक्तांचे आभार.

अंधशाळेला वस्तूरुपात देणगी देऊन एकूण उरलेला निधी आहे १५५१५ रुपये.
अंधशाळेकडून वस्तू मिळाल्याची पावती मिळाली की ह्या बाफ वर पोस्ट केले जाईल.

दोन दिवसांपूर्वी अंधशाळेत देणगी वस्तू पोचल्या. काल अंधशाळेत देणगीदाखल पोचलेल्या हायजिन प्रॉडक्ट्सची पार्सल्स मी व मायबोलीकरीण अवल यांच्या उपस्थितीत खोलून सर्व शहानिशा, मोजदाद वगैरे सोपस्कार अंधशाळेचा कर्मचारी वर्ग आणि काही विद्यार्थिनींच्या मदतीने पार पडले. प्राचार्या श्रीमती पुजारी यांनी मायबोलीकरांचे व संयुक्ता सुपंथ परिवाराचे खूप खूप आभार मानले आहेत. त्यांनी लगेच वस्तू देणगीची पावती व आभारपत्रही दिले.

वस्तू देणगीची पावती

क्र. १ :

क्र. २

आभारपत्र १ :

आभारपत्र २ :

अंधशाळेत जाणवले ते म्हणजे स्वच्छ, प्रसन्न वातावरण व मुलींचा मनमोकळा वावर. त्यांची तिथे व्यवस्थित काळजी घेतली जात आहे, त्यांना तिथे एक स्वतंत्र व स्वावलंबी नागरिक बनविण्यासाठी शक्य त्या सर्व तर्‍हेचे उपाय, शिक्षण दिले जात आहे हे पाहून खरेच छान वाटले.

चांगल्या उपक्रमाबद्दल अभिनंदन

धन्यवाद बागुलबुवा!

एका माबोकरीण संयुक्ता सदस्येने अंधशाळेतील मुलींसाठी शैक्षणिक वस्तू ( १२ नग टॉकिंग कॅल्क्युलेटर्स, २ नग टॉकिंग थर्मोमीटर्स व ३ नग टॉकिंग क्लॉक्स) घेण्यासाठी अंधशाळेला नुकतीच देणगी दिली आहे. अंधशाळेने त्या वस्तू ऑर्डर केल्या असून त्या लवकरच शाळेकडे पोचतील.
त्या संयुक्ता सदस्येचे खास खास आभार! (तिने नाव न सांगायची अट घातली आहे.)

संयुक्ता सुपंथ महिलादिन २०१२ गरजू संस्थेला मदत उपक्रमात जमा झालेल्या निधीतून १४,००० रुपयांच्या सोलापूर येथून खरेदी केलेल्या १०० सिंगल कॉटन प्रिंटेड बेडशीट्सची मदत सटाणा, जि. नाशिक येथील निवासी अपंग कल्याण केंद्राच्या वसतिगृहातील मुलांना करण्यात येत आहे. त्यानुसार चादरी संस्थेत पोहोचविण्यासाठी साजिरा यांच्याकडे सोपविण्यात आल्या आहेत. जुलै महिना अखेरपर्यंत त्या सटाण्याच्या संस्थेत पोहोचतील. सुनिधी, साजिरा व बाकीच्या सर्व मदतकर्त्यांना हार्दिक धन्यवाद!

अजुनही जर कोणाला मदत करायची असल्यास पैसे पाठवु शकतो का?

मोहन की मीरा.... हो नक्कीच! थोडा निधी अद्याप उरला आहे त्यातून सटाण्याच्या संस्थेतील मुलांसाठी वाचनासाठी पुस्तके घेऊन देणार आहोत. निधीत भर पडली तर अधिक पुस्तके घेऊन देता येतील.

ठरविल्याप्रमाणे सटाण्याच्या अपंग कल्याण संस्थेला १०० बेडशीट्स पोहोचली आहेत. धन्यवाद साजिरा व सुनिधी! लवकरच संस्थेचे वस्तू मिळाल्याबद्दलचे पत्र मिळेल. ते येथे पोस्ट करूच!

ह्या अतिशय चांगल्या उपक्रमाबद्दल अभिनंदन.
एकच विनंती की खाते क्रमांकासोबत IFSC कोडही द्यावा.

सुनिधी, विपू पहाशील का?

अपंग कल्याण केंद्राकडून मला आज मिळालेलं पत्र सर्वांच्या माहितीसाठी देत आहे.

खूप धन्यवाद, संयुक्ता!

साजिरा व बाकी सर्वांचे धन्यवाद.

१. साजिरा यांनी अपंग कल्याण संस्थेला (सटाणा) महिला दिन उपक्रमांतर्गत देणगीदाखल दिलेली पुस्तके पोचल्याचे कळवले आहे. त्यांच्याकडून पत्र मिळाले की त्या बाफावर व इथे ते पोस्ट करूच!

२. एका संयुक्तेने निनावी राहण्याची विनंती करून पुण्यातील मुलींच्या अंधशाळेला गरज असलेल्या लो-व्हिजन एड्स ची अतिशय महत्त्वाची मदत अमेरिकेतून देणगीदाखल देऊ केली आहे. त्यात वेगवेगळ्या प्रकारची भिंगे, द्रव पदार्थाची पातळी सूचित करणारे यंत्र असे आहे. तेथील प्राचार्या व स्टाफने या मदतीबद्दल अत्यंत कृतज्ञता व्यक्त केली. जर कोणाला अशी मदत पुढे करायची असेल तर आता त्या बद्दलची सर्व प्रोसिजर, कस्टम्स नियम इत्यादीबद्दल माहिती आपल्याजवळ त्या निमित्ताने जमा झाली आहे. अगदी ६ -८ $ पासून २०० - ३०० $ पर्यंत किंमतीची अनेक उपकरणे लो-व्हिजन एड्स मध्ये येतात.

या निनावी राहू इच्छिणार्‍या संयुक्तेचे खूप खूप आभार!

शनिवारी ही मदत अंधशाळेत पोचती केल्यावर त्या भिंगांचा काढलेला हा फोटो.

या अगोदर सटाणा संस्थेला भेटीदाखल दिलेली पुस्तके :

साजिरा यांचे व उपक्रमास हातभार लावलेल्या अनेकांचे धन्यवाद!

[ही यादी व पत्र पुढे पुस्तके भेट देण्याचे ठरल्यास संदर्भासाठी देत आहे ]

दिवाळीत सटाणा संस्थेला संयुक्ता सुपंथ मायबोली परिवारातर्फे भेटीदाखल दिलेल्या पुस्तकांची यादी व आभारपत्र :