निसर्गाच्या गप्पा (भाग ३०)

Submitted by जागू-प्राजक्ता-... on 25 May, 2016 - 23:07

सर्व निसर्गप्रेमींना निसर्गाच्या गप्पांच्या ३० व्या भागाच्या हार्दिक शुभेच्छा.

चैत्रपालवीचा बहर ओसरु लागलाय, झाडाला फुटलेल पानांच कोवळ जावळ वैशाख उन्हाचा तडाका झेलुन एव्हाना तरुण दिसु लागलय. बाहेर उन रटरटतय, दुष्काळाच्या झळा परमोच्च बिंदूवर पोहचल्यात. शुष्क गळा पाण्याची ओल शोधतोय आणी मन सावली, आतुन जाणीव होतेय तो येईल आणी यायलाच हवा. निसर्ग कठोर आहे पण दयाळूही तेवढाच तो आपल्या लेकरांना अस तडफडत ठेवणार नाही. नजरेखालून हवामानखात्याचे अंदाज जाऊ लागतात तो अंदमानात कधी पोहचेल मग केरळ किनारपट्टी नंतर आपला नंबर येईल, हे दिवस त्याचे सरासरीचे अंदाज पाहीले जाण्याचे.

तो येण्याआधी आगोटची तयारी करण्याचे हे दिवस, आबुदाना, आशियाना शोधणार्या पक्ष्यांची लगबग, आगोठाची तयारी करणार्या मुंग्याच्या रांगा दिसू लागतील. आकाशातील ढग दरडवताहेत. पापड,फेण्या,कुरडया,सांडगे,लोणची बनवण्याचा हंगाम संपत आलाय. आंबे, फणस, करवंद खाऊन घ्या तो येतोय.

अभ्यासाचे टेंशन नसल्याने खर बालपण चिमण्या चेहर्यांवर झळकतय पण सोबत नव्याकोर्या पुस्तकांचा , दप्तर घेण्याचा हंगाम आलाय.

आकाशातील मोती झेलुन जमिनीतुन मोती पिकवण्यासाठी तिच्या मशागतीचा हंगाम आलाय. गावाकडे शेतात भाजावळी सुरु होतील. भाजणी झालेली शेत काळी दिसू लागतील. भाजलेल्या मातीचा खरपुस वास आसमंत दरवळून टाकेल. अचानक एका पहाटे साखर झोपेत हवेत गारवा जाणवू लागेल, घराच्या छपरावर तो जादुई टपटप आवाज आसमानीचा संगीतकार राग मेघमल्हार आलापत धरतीवर अवतरल्याची वर्दी देइल.
तो वैशाख वणव्यात तापलेल्या धरतीवर आपल्या ओंजळीचे दान टाकेल मग मातीचा सुगंधही आसमानीचा किमयागार आपल्या जलधारा घेऊन वसुंधरेला साज चढवायला आल्याची वर्दी देईल.
पहाटे पहाटे ढवळ्या पवळ्यांना तयार करुन नांगर घेऊन बळीराजा शेताकडे जाईल.धरणीला अन फाळाला हाथ जोडुन साथ देण्याची विनवणी होईल.
भाजणी झालेल्या शेतात जेव्हा नांगर चालेल त्या स्रुजनतेच्या तयारीच्या तोडीचे सुंदर द्रुष्य नसेल.

क्रुष्णमेघ दाटून येतील वार्‍याची एक थंड झुळुक आणी पाठोपाठ आलेल्या जलधारा धरतीला न्हाऊ घालतील
तोवर निसर्गमय झालेल्या मनाला प्रश्न पडेल, नांगरलेल्या शेतातली ढेकळ जास्त मुलायम की त्या ढेकळांवर जेष्ठाच्या आगमानाची वर्दी देणारे म्रुगाचे लाल चुटुक रेशमी किडे ?
भुरभुरणार्या पावसात लुकलुकणारे काजवे पहाण्यात मन हरपून जाण्याचा ऋतु येतोय.
मग उगा मनाला प्रश्न पडेल, आकाशात चमचमणार्या चांदण्या सुंदर की आता भुतली अवरलेल्या काजव्यांच्या दिपमाळा सुंदर?

उत्तर काहीही असो शेवटी सर्व निसर्गाचीच किमया.
शहरांमध्ये याच्या आगमनाची जोरदार तयारी सुरु होईल. छत्र्या रेनकोट पावसाळी चपलांच्या खरेदीचे दिवस, चिखलाला नाकं मुरडली तरी येणारा पाऊस जीवनदायी आहे मनाला याची पुरेपूर जाणीव असतेच.
तासंतास खिडकीत उभ राहून फक्त याच भुरभुरण,रिपरिपण,जोरदार बरसण अनुभवण्याचा ऋतु येतोय.
दोनचार सरी बरसल्यावर धुळभरला आसमंत स्वच्छ होईल क्षितीजरेषा सुस्पष्ट दिसु लागतील.

झाडांचे पाननपान हिरवेगार दिसू लागेल.जमिनीतून त्रुणांकुर फुटुलागतील.
नद्या, नाले ,आटलेले झरे पुन्हा पाझरु लागतील.निसर्गाची कुस पालटण्याचा ऋतु येतोय.

कागदी होड्या बनवून येरे येरे पावसाचे बोबडे बोल एैकण्याचा
ए आई मला पावसात जाऊदे हा हट्ट पुरवण्याचा निरागस ऋतु येतोय.

पाणी भरल्या रस्त्यातून न भिजता ऑफीसात पोहण्याचा
उलट्या झालेल्या छत्र्या सरळ करण्याची तारांबळ उडुन मजा बघण्याचा ऋतु येतोय.

शेतकर्यांच्या डोळ्यात आशेचे किरण आणणारा त्यांचा दुष्काळलेला संसार पुन्हा उभा करण्याची जिद्द देणारा,
नवचैतन्याची चाहुल देणारा जीवनदायी ऋतु येतोय.
त्याच्या स्वागताची तयारी करा.

वरील प्रस्तावना नि.ग. कर इनमिनतिन यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

सायु, वाढदिवसाच्या हार्दिक

सायु, वाढदिवसाच्या हार्दिक शुभेच्छा !!!

From mayboli

Submitted by मनीमोहोर on 1 July, 2016 - 12:24

भन्नाट फोटो हेमाताई.

Submitted by अन्जू on 1 July, 2016 - 12:27

नलिनी.... माऊथ वॉटरिंग

नलिनी.... माऊथ वॉटरिंग वर्णन.... जास्तीची फळं टोपलीत भरून बाहेर ठेवण्याची कल्पनाच किती दिलदारीचीये..

हिमाचलातील एका मित्राची अ‍ॅपल बाग.. आम्ही विजिट केली तेंव्हा कितीतरी एकर बाग शुभ्र फुलांनी डंवरलेली होती.. सोनेरी, लाल आणी हिरव्या अ‍ॅपल्स ची झाडं..

Submitted by वर्षू. on 1 July, 2016 - 22:25

आणी हे त्याचं आडबाजूला असलेलं

आणी हे त्याचं आडबाजूला असलेलं खेडंगाव..

आता जुलै मधे सफरचंदांनी लगडलेली असतील झाडं..

Submitted by वर्षू. on 1 July, 2016 - 22:24

भन्नाट फोटो हेमाताई. >>>>

भन्नाट फोटो हेमाताई. >>>> +१११११

वर्षूदी - सफरचंदाची मस्त बाग, गोमटं खेडे - सगळंच स्वप्नवत .....

Submitted by पुरंदरे शशांक on 1 July, 2016 - 23:13

सुंदर बाग ! डॉ. नारळीकरांनी

सुंदर बाग !

डॉ. नारळीकरांनी पुण्यात सफरचंदाचे झाड वाढवले होते असे मी मागे वाचले होते. आणि त्याचे रोपटे त्यांनी थेट न्यूटनच्या झाडापासून तयार केले होते, असे काहिसे वाचले होते.

आपण नेहमी बघतो, त्यापेक्षा बर्‍याच जाती आहेत सफरचंदाच्या. इथे अंगोलातही होतात सफरचंदे. ब्राऊन रंगाची केसाळ साल असते त्यांची. आणि चवीला आंबट गोड असतात. तसेही इथले स्थानिक लोक फार गोड फळे खात नाही.

Submitted by दिनेश. on 2 July, 2016 - 01:34

आहाहा हेमाताई, वर्षूताई खुप

आहाहा हेमाताई, वर्षूताई खुप सुंदर फोटो.

आत्ताच उठले अजून वेणी करायचीये ग.

Submitted by जागू-प्राजक्ता-... on 2 July, 2016 - 01:55

वर्षुताई फोटो लय भारी. जागु

वर्षुताई फोटो लय भारी.

जागु मस्तच.

Submitted by अन्जू on 2 July, 2016 - 04:39

सायली, वाढदिवसाच्या अनेकानेक

सायली, वाढदिवसाच्या अनेकानेक हार्दिक शुभेच्छा!

Submitted by manuruchi on 2 July, 2016 - 04:54

ममो, वर्षू, जागू, मस्त फ़ोटो.

Submitted by शोभा१ on 2 July, 2016 - 04:59

मी आताच हिमाचल ला जाऊन आले,

मी आताच हिमाचल ला जाऊन आले, सफरचंदाची झाडं पाहिली,पण फुले प्रथमच पाहिली. मस्त बहरले आहे झाड फुलांनी, चेरीही मस्त दिसतायत

Submitted by manuruchi on 2 July, 2016 - 05:04

तूम्ही कुणी झाडावरचे कच्चे

तूम्ही कुणी झाडावरचे कच्चे सफरचंद खाऊन बघितले आहे का ? कच्चा तुरट पेरू खाण्यात जी मजा आहे, तिच आहे त्यात. आंबट, किंचीत तुरट चव आणि घश्याला तोठरा !!!

Submitted by दिनेश. on 2 July, 2016 - 06:38

वर्षू, सुंदर आहे ही

वर्षू, सुंदर आहे ही बाग.

तूम्ही कुणी झाडावरचे कच्चे सफरचंद खाऊन बघितले आहे का ? कच्चा तुरट पेरू खाण्यात जी मजा आहे, तिच आहे त्यात. आंबट, किंचीत तुरट चव आणि घश्याला तोठरा !!! >> अगदी अगदी. आम्ही मायलेकं कच्च्या चेरी, कच्चे पेअर हे पण खाऊन पाहतो.

Submitted by नलिनी on 2 July, 2016 - 08:28

यस्स्स... मी पण खाऊन पाहिलेत

यस्स्स... मी पण खाऊन पाहिलेत कच्चे अ‍ॅपल्स, पेअर्स.. नॉट एक्सायटिंग..

Submitted by वर्षू. on 2 July, 2016 - 09:38

लोणावळा, खंडाळा, कोल्हापूरचा

लोणावळा, खंडाळा, कोल्हापूरचा पन्हाळा
माळशेज, भंडारदरा, ताम्हिणी कि मुंबईला
कुठं कुठं जायाचं "भिजायला"

यावर्षीच्या मुंबईतील धुंवाधार पावसाने जुलै महिन्याच्या पहिल्या आठवड्यातच पवई तलाव ओसंडुन वाहायला लागला.
प्रचि ०१

प्रचि ०२

प्रचि ०३

प्रचि ०४

Submitted by जिप्सी on 3 July, 2016 - 13:16

सहीच फोटो जिप्सी.

Submitted by अन्जू on 3 July, 2016 - 13:26

वर्षु, जिप्सी, मस्त फोटो

Submitted by मनीमोहोर on 3 July, 2016 - 13:32

वाह.. जिप्सी मस्तं फोटो..

Submitted by वर्षू. on 3 July, 2016 - 21:47

मस्त फोटो.. अजून हा तलाव

मस्त फोटो.. अजून हा तलाव राखलाय हेच महत्वाचे !

Submitted by दिनेश. on 4 July, 2016 - 05:05

जिप्सी, मस्त फोटो.

Submitted by शोभा१ on 4 July, 2016 - 05:09

जिप्स्या मस्त फोटो आहे. हा

जिप्स्या मस्त फोटो आहे.

हा कोण बरे? आमच्या उशीवर धडक मोर्चा आणला होता याने.

Submitted by जागू-प्राजक्ता-... on 4 July, 2016 - 05:13

जिप्सी, मस्त

जिप्सी, मस्त फोटो!
दुष्काळाच्या बातम्यांनंतर हे फोटो पाहताना जीव सुखावतो अगदी.

हा कोण बरे>> लेडी बगचा कोणी काका, मामा?
लेकाला हा फोटो दाखवला तर म्हणेल , आई ह्याचे वय सांगू? चार वर्ष असणार.

Submitted by नलिनी on 4 July, 2016 - 05:47

लेक हुषार आहे. मी हा विचार पण

लेक हुषार आहे. मी हा विचार पण नाही करत किती वयाचा असेल ते पहिला प्रश्न हा कोण हाच पडतो मला.

Submitted by जागू-प्राजक्ता-... on 4 July, 2016 - 06:22

ओळखलं का?

Submitted by इंद्रधनुष्य on 4 July, 2016 - 06:24

काजवा

Submitted by जागू-प्राजक्ता-... on 4 July, 2016 - 06:26

हुशार मुलीची स्मार्ट आई...

Submitted by इंद्रधनुष्य on 4 July, 2016 - 06:28

(No subject)

Submitted by जागू-प्राजक्ता-... on 4 July, 2016 - 06:38

(No subject)

Submitted by प्रज्ञा कुलकर्णी on 4 July, 2016 - 10:37

जागूताई, हा Hitler Bug आहे...

Submitted by अ'निरु'द्ध on 4 July, 2016 - 13:17

सर्वांचेच फोटो व माहिती

सर्वांचेच फोटो व माहिती मस्तच!
आज सेव्हन ओक्स लव्हेन्डर फार्मला भेट देण्याचा योग आला.
इथे लव्हेन्डरची शेती करतात. शेती करणारी ही तिसरी पिढी. इथे काही ठराविक दिवस हा फार्म सर्वांसाठी खुला असतो.
याचं तुम्ही फोनवरून बुकिंग करू शकता. अगदी नॉमिनल चार्ज आहे. आत गेल्यावर लगेच आपल्याला खूप अटेन्टिव्ह आणि हसतमुख मदतनीस मिळतात. सर्व माहिती मिळते. ( तशी आपल्याला www.sevenoakslavenderfarm.com इथे याची अगदी मनोरंजक माहिती मिळेल.)
तर इथे आपल्याला परडी आणि कात्री मिळते. आणि लव्हेन्डरची काडी कुठून कशी खुडायची...अर्थातच कात्रीने...याची माहिती मदतनीसाकडून मिळते. ज्या काडीला लव्हेन्डरची पूर्ण उमललेली भरपूर फुलं असतील अशी १ काडी १५ सेन्ट्सना विकत मिळते.
हो...या काड्या घरी नेऊन पाण्यात घालून ठेवायच्या. सुगंध दरवळत रहातो.
बाकी इतरही अनेक प्रकारची फुलं , गाईगुरं, खण्यापिण्याची माफक सोय असलेली एक छोटी शेड...असं बरंच काही आहे.
अत्यंत व्यवस्थितपणे हे सर्व मॅनेज केलं जातं.
आत शिरल्यावर एक छोटंस ऑफिस आहे....जिथे पैशाचे व्यवहार होतात. इथेच लव्हेन्डरपासून बनवलेल्या ....आपण कल्पनाही करू शकणार नाही अश्या वस्तू विकण्यासाठी ठेवलेल्या आहेत. सगळीकडे लव्हेन्डरचा अप्रतीम सुगंध हवेत भरून राहिलेला.
लव्हेन्डर पासून आधी एक तर लव्हेन्डर इसेन्शियल ऑइल बनवतात. मग ...ब्लुबेरी लव्हेन्डर सारखी इतर अनेक कॉम्बिनेशन्स करून असंख्य प्रकारचे जॅम व जेलीज, स्ट्रेस रिलीफ लोशन्स, हॅन्ड बॉडी लोशन , साबण, स्क्रब.....आपण कल्पनाही करू शकत नाही अशी लव्हेन्डरपासून प्रॉड्क्ट इथे दिसली.

हे ऑफिस...