निसर्गाच्या गप्पा (भाग ३०)

लव्हेन्डरची शेती ------ फारच मस्त माहिती आणि फोटोही सुरेखच ... फुलांचा एखादा क्लोज अपही येऊदेत की...

जिप्सी, मस्त फोटो.

मानुषी...... सुंदर ,सुबक, नीटस शेती.. माझा अती अती प्रिय आहे लॅवेंडर फ्रेगरंस............ फ्रेश फुलांचा तर काय अप्रतिम येत असेल..
मग तू काय काय घेतलंस ?? ब्लूबेरी +लॅवेंडर जॅम.......साऊंडस इंटरेस्टिंग..

सुंदर शेती..

आपल्याकडे पण असे पर्यटन झाले पाहिजे. स्वतः हाताने खुडलेली भाजी वा फळे... ...
पण आपल्याकडचे लोक किती शिस्तीत वागतील का नासधूसच जास्त करतील ??

मस्तच शेती मानुषी..
मला ते मागे दिसतय ते घर पन आवडलं खुप..

पण आपल्याकडचे लोक किती शिस्तीत वागतील का नासधूसच जास्त करतील ??>> याचं उत्तर सारेच जाणुन आहे नै का दि दा... नासधूस ऐवजी तुडवतील असं म्हणुया.. कास पठार ला भेट द्यावी असा विचार आहे. पण आता त्या भागला सुद्धा लोणावळ्याचं स्वरुप येतय म्हणे..

वर्षू...मी कॅन्डल्स, हॅन्ड लोशन, साबण असं बरंच काही घेतलं. खाद्यपदार्थ फार काही घेतले नाहीत. आणि मी सरबतं केली ना ब्लूबेरी, ब्लॅकबेरी आणि स्टॉबेरीची तेव्हा जॅमही करून ठेवलेत. म्हणून.
आणि मुख्य म्हणजे पावसाची खूप शक्यता होती त्यामुळे तिथून इच्छा नसताना काढता पाय घ्यावा लागला ...जरा लवकरच.
दिनेश .....आपल्याकडे परड्या व कात्र्या सकट घरी घेऊन जाऊ शकतात. इथे (विथ ड्यु रिस्पेक्ट टु माय ओन नॅशनॅलिटी अ‍ॅन्ड माय नेशन) ...फार प्रामाणिकपणा शिस्त जागोजागी जाणवते. विशेषतः सार्वजनिक ठिकाणी.
हो ...खरंच असं पर्यटन आपल्याकडे झालं पाहिजे. इथे सध्या अ‍ॅपल पिकिन्ग, ब्लुबेरी व इतर बेरीज पिकिन्ग फार जबरदस्त प्रमाणात चालू आहे.... विशेषतः कॅलिफोर्निया भागात....अगदी सिस्टिमॅटिक कमर्शियल स्वरूपात!
टिना....तो मागे दिसणारा बंगला या शेतकरी कुटुंबा चा जुना वंशपरंपरागत आलेला बंगला आहे। हा बंगला आणि इथली समोरची मोकळी जागा लग्न इ. कार्यक्रमासाठी भाड्याने मिळते.

दिनेश, बरोबरे.. आपल्याकडे पब्लिक प्रॉपर्टी ची काळजी घेण्याची मॉरल जबाबदारी ची जाणीव ना के बराबर आहे.
मानु.. कॅलिफोर्नियात स्ट्रॉबेरी पिकिंग ची मज्जा लुटलीये.. आहाहा.. काय मजा असते ना..
वॉव.. एव्ह्ढी सरबतं आणी जॅम्स .. स्लर्प!!!
परत येऊ देईल ना लेक तुला??

ह्म्म्म्म.... अजून कॅलिफोर्नियात जाणं झालंच नाहीये.
परत येऊ देईल ना लेक तुला?? डोळा मारा.....>>>> या विषयी काय बोलू!

सर्वच फोटो मस्तच.

मानुषीताई माहिती, फोटो सर्व मस्त मस्तच. सुवास पोचला इथेही.

आपल्याकडे अगदीच नाही असे नाही हं. माझ्या लहानपणी बडोद्याला एका पेरुच्या बागेत गेलेलो आठवतोय. आत बागेत खाल तेवढे पेरु फुकट आणि बाहेर न्यायचे तर नाममात्र भाव होता. खाऊन खाऊन माणूस किती पेरु खाणार ?

मीना प्रभूंच्या न्यू यॉर्क न्यू यॉर्क मधे उल्लेख आहे...

कुणी खारीची पिल्ले बघितलीत का ? बहुतेक मोठ्या झालेल्या खारीच दिसतात आपल्याला. गोव्याला माझ्या घराच्या खिडकीत एक घरटे होते. चिमणीचे असते तसेच पण सर्व बाजूनी बंद. त्यातून दिवस रात्र चीं चीं असा आवाज यायचा. मग बर्‍याच दिवसांनी मला कळले ते खारीचे घरटे होते. त्या बहुतेक लहान पिल्लाना बाहेर येऊ देत नाहीत.

आणखी एक, मी सहसा कावळ्यांना त्यांच्या वाटेला गेलेलेही बघितले नाही.

अन्जू...:स्मितः
लहानपणी द्राक्ष मळ्यात द्राक्ष खायला गेल्याचं ...अनेक वेळा ....आठवतंय. पण ते वडिलांच्या मित्राच्या मळ्यात. पण हे असं कमर्शियल बेसिसवर नाही. इथं एन्ट्री फी आणि बाकी चार्जेस नाममात्र पण लव्हेन्डर बेस प्रॉड्क्ट्स....तशी स्वस्त नसावीत. सांगते किंमती बघून.
आणि हो...खारीची पिल्लं नाही पाहिली. इथल्या खारी तर मांजरांएवढ्या.

मानुषी, लव्हेण्डरची माहिती मस्त. वास खूपच छान असतो. मला थोडा सब्जाच्या जवळ जाणारा वाट्ला. निळे तुरे खूप आकर्षक दिसतात.

हा माझा फोटो

From mayboli

आपल्याकडे हे असं आपणच तोडण वैगेरे बिलकुल शक्य नाही आपली मानसिकताच नाही ती. मी सुला वैन्स ला गेले होते तिथले व्यवस्थापक सांगत होते ते पुर्वी द्राक्षाच्या मळ्यात फिरायला देत असत पण पब्लिकने अशी काहे एवात लावायला सुर्वात केली की आता त्यांनी ते बंदच केलय.

सायली, वाढदिवसाच्या उशीराने हार्दिक शुभेच्छा!
जिप्सी,मानुषी झकास फोटो!

लव्हेंडरची माहिती आणि फोटो मस्तच.

रोजच्या रस्त्यावर येता जाता भेट्णारी .....रस्त्याकडेला फुललेली सुंदर फुलं....

मस्तच फोटो

मानुषीताई त्या लव्हेंडरच्या माहितीवर एक वेगळा लेखच लिही ना.

वॉव...भरून पावले ...गुर्जींना फोटो आवडले.
जिप्सीभौ...खरं म्हणजे तिथे खूपच कमी वेळ होतो...त्यामुळे वन ऑफ द मालकीण तिथे असूनही तिच्याशी जे बोलायचं होतं ते बोलता आलं नाही. तिच्याकडूनच सगळी माहिती घ्यायचं मनात होतं.... पण नाही जमलं. म्हणून तिची साइट दिलीय बघ. खरंच खूप इन्टरेस्टिन्ग माहिती आहे बघ तिथे. sevenoakslavenderfarm.com
अगदी आपणही असं काहीतरी करून बघावं असं वाट्त! असं काही पाहिल्यावर.

वा सुंदर धागा!
@मानुषी... चेंडुफ़ुले...फ़ारच छान!
किमयागार निसर्गा ला _/\_

आहाहा......किती निसर्ग सौंदर्य... मानु. बहुत बढिया........

वाह, मानुषी - कस्ली सुर्रेख फुलं आहेत ... फोटोज मस्तच..

ऋतू हिरवा, ऋतू बरवा
पाचूचा वनी रुजवा
युग विरही हृदयावर
सरसरतो मधु शिरवा..

-शांता शेळके

मानुषीताई, फोटो मस्त!

इंद्रा, लय भारी!

मानुषी, फुले सुंदर आणि फोटोग्राफी तर त्यांच्याहुनही सुंदर !!

दि.दा. आपाल्याकडे लोक भाजी सोबत लोळत सेल्फी काढतील.>>>>>>
हिटलर नाव वाचून गंमत वाटली.
सर्वांना धन्यवाद.
इन्द्रा मस्त पावसाळी फोटो.

मानुषी, इंद्रा मस्त फोटो

सर्वच फोटो एकदम भारी, भारी.

परदेशात मनुष्य बळ कमी, म्हणून स्वतः तोडून घ्या, अश्या योजना असतात..

चिनी चॅनेल वर मी काही गावांच्या मालकिची फळझाडे बघितली.. गावाबाहेरच्या एखाद्या टेकडीवर जोपासलेली हि झाडे असतात. त्याची फळे तोडून झाली कि गावातल्या प्रत्येक कुटूंबाला वाटा देतात आणि मग बाकिची विकून पैसा कमावतात.

आमच्या सोसायटीत अशीच काही नारळाची झाडे आहेत. त्यांचे नारळ सोसायटीतल्या लोकांनाच विकतात.
अनेक वर्षांपूर्वी हि झाडे लावली त्यावेळी कुणी अशी कल्पनाही केली नव्हती, आणि ज्यांनी ही झाडे लावली ते सदस्य तर आता हयातही नाहीत.

गुडीपाडव्याला कडूनिंब हवा, तोरणात आंब्याची पाने हवीत म्हणून माझ्या वडीलांनी सहज उगवलेली ही झाडे जोपासली होती. आता या उपयोगासोबत त्या झाडांना आंबेही लागतात.