निसर्गाच्या गप्पा (भाग ३०)

Submitted by जागू-प्राजक्ता-... on 25 May, 2016 - 23:07

सर्व निसर्गप्रेमींना निसर्गाच्या गप्पांच्या ३० व्या भागाच्या हार्दिक शुभेच्छा.

चैत्रपालवीचा बहर ओसरु लागलाय, झाडाला फुटलेल पानांच कोवळ जावळ वैशाख उन्हाचा तडाका झेलुन एव्हाना तरुण दिसु लागलय. बाहेर उन रटरटतय, दुष्काळाच्या झळा परमोच्च बिंदूवर पोहचल्यात. शुष्क गळा पाण्याची ओल शोधतोय आणी मन सावली, आतुन जाणीव होतेय तो येईल आणी यायलाच हवा. निसर्ग कठोर आहे पण दयाळूही तेवढाच तो आपल्या लेकरांना अस तडफडत ठेवणार नाही. नजरेखालून हवामानखात्याचे अंदाज जाऊ लागतात तो अंदमानात कधी पोहचेल मग केरळ किनारपट्टी नंतर आपला नंबर येईल, हे दिवस त्याचे सरासरीचे अंदाज पाहीले जाण्याचे.

तो येण्याआधी आगोटची तयारी करण्याचे हे दिवस, आबुदाना, आशियाना शोधणार्या पक्ष्यांची लगबग, आगोठाची तयारी करणार्या मुंग्याच्या रांगा दिसू लागतील. आकाशातील ढग दरडवताहेत. पापड,फेण्या,कुरडया,सांडगे,लोणची बनवण्याचा हंगाम संपत आलाय. आंबे, फणस, करवंद खाऊन घ्या तो येतोय.

अभ्यासाचे टेंशन नसल्याने खर बालपण चिमण्या चेहर्यांवर झळकतय पण सोबत नव्याकोर्या पुस्तकांचा , दप्तर घेण्याचा हंगाम आलाय.

आकाशातील मोती झेलुन जमिनीतुन मोती पिकवण्यासाठी तिच्या मशागतीचा हंगाम आलाय. गावाकडे शेतात भाजावळी सुरु होतील. भाजणी झालेली शेत काळी दिसू लागतील. भाजलेल्या मातीचा खरपुस वास आसमंत दरवळून टाकेल. अचानक एका पहाटे साखर झोपेत हवेत गारवा जाणवू लागेल, घराच्या छपरावर तो जादुई टपटप आवाज आसमानीचा संगीतकार राग मेघमल्हार आलापत धरतीवर अवतरल्याची वर्दी देइल.
तो वैशाख वणव्यात तापलेल्या धरतीवर आपल्या ओंजळीचे दान टाकेल मग मातीचा सुगंधही आसमानीचा किमयागार आपल्या जलधारा घेऊन वसुंधरेला साज चढवायला आल्याची वर्दी देईल.
पहाटे पहाटे ढवळ्या पवळ्यांना तयार करुन नांगर घेऊन बळीराजा शेताकडे जाईल.धरणीला अन फाळाला हाथ जोडुन साथ देण्याची विनवणी होईल.
भाजणी झालेल्या शेतात जेव्हा नांगर चालेल त्या स्रुजनतेच्या तयारीच्या तोडीचे सुंदर द्रुष्य नसेल.

क्रुष्णमेघ दाटून येतील वार्‍याची एक थंड झुळुक आणी पाठोपाठ आलेल्या जलधारा धरतीला न्हाऊ घालतील
तोवर निसर्गमय झालेल्या मनाला प्रश्न पडेल, नांगरलेल्या शेतातली ढेकळ जास्त मुलायम की त्या ढेकळांवर जेष्ठाच्या आगमानाची वर्दी देणारे म्रुगाचे लाल चुटुक रेशमी किडे ?
भुरभुरणार्या पावसात लुकलुकणारे काजवे पहाण्यात मन हरपून जाण्याचा ऋतु येतोय.
मग उगा मनाला प्रश्न पडेल, आकाशात चमचमणार्या चांदण्या सुंदर की आता भुतली अवरलेल्या काजव्यांच्या दिपमाळा सुंदर?

उत्तर काहीही असो शेवटी सर्व निसर्गाचीच किमया.
शहरांमध्ये याच्या आगमनाची जोरदार तयारी सुरु होईल. छत्र्या रेनकोट पावसाळी चपलांच्या खरेदीचे दिवस, चिखलाला नाकं मुरडली तरी येणारा पाऊस जीवनदायी आहे मनाला याची पुरेपूर जाणीव असतेच.
तासंतास खिडकीत उभ राहून फक्त याच भुरभुरण,रिपरिपण,जोरदार बरसण अनुभवण्याचा ऋतु येतोय.
दोनचार सरी बरसल्यावर धुळभरला आसमंत स्वच्छ होईल क्षितीजरेषा सुस्पष्ट दिसु लागतील.

झाडांचे पाननपान हिरवेगार दिसू लागेल.जमिनीतून त्रुणांकुर फुटुलागतील.
नद्या, नाले ,आटलेले झरे पुन्हा पाझरु लागतील.निसर्गाची कुस पालटण्याचा ऋतु येतोय.

कागदी होड्या बनवून येरे येरे पावसाचे बोबडे बोल एैकण्याचा
ए आई मला पावसात जाऊदे हा हट्ट पुरवण्याचा निरागस ऋतु येतोय.

पाणी भरल्या रस्त्यातून न भिजता ऑफीसात पोहण्याचा
उलट्या झालेल्या छत्र्या सरळ करण्याची तारांबळ उडुन मजा बघण्याचा ऋतु येतोय.

शेतकर्यांच्या डोळ्यात आशेचे किरण आणणारा त्यांचा दुष्काळलेला संसार पुन्हा उभा करण्याची जिद्द देणारा,
नवचैतन्याची चाहुल देणारा जीवनदायी ऋतु येतोय.
त्याच्या स्वागताची तयारी करा.

वरील प्रस्तावना नि.ग. कर इनमिनतिन यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

सफरचंद चेरी

सफरचंद

चेरी

Submitted by नलिनी on 30 June, 2016 - 05:40

मस्त फोटो. सफरचंदाचे झाड व

मस्त फोटो.
सफरचंदाचे झाड व फुले प्रथमच पाहिली. सुरेख आहेत.

Submitted by शोभा१ on 30 June, 2016 - 06:11

नलिनी , मस्त फोटो .

Submitted by मनीमोहोर on 30 June, 2016 - 06:14

धन्यवाद! शोभा१, या माझ्याकडे

धन्यवाद!
शोभा१, या माझ्याकडे राहायला काही दिवस.

Submitted by नलिनी on 30 June, 2016 - 06:42

शोभा१, या माझ्याकडे राहायला

शोभा१, या माझ्याकडे राहायला काही दिवस.>>>>>>>>>>" या" म्हणालीस तर नाही येणार. "ये" म्हणालीस तर येईन.

Submitted by शोभा१ on 30 June, 2016 - 06:49

नलिनी, मस्त फोटो .

Submitted by अन्जू on 30 June, 2016 - 07:59

मी सफरचंदाचे झाड पाहिले

मी सफरचंदाचे झाड पाहिले होते,पण फुले प्रथमच पाहिली.काय मस्त बहरले आहे झाड फुलांनी! चेरीही मस्त,अगदी खाव्याशा वाटताहेत!

Submitted by sariva on 30 June, 2016 - 08:37

वा सफरचंदाच झाड काय मस्त फुलल

वा सफरचंदाच झाड काय मस्त फुलल आहे.

Submitted by जागू-प्राजक्ता-... on 30 June, 2016 - 08:54

टिनू, आमच्याकडे आहे

टिनू, आमच्याकडे आहे कैलासपतीचे झाड, 12 वर्ष झाली अजून फुलं नाही आली
कमला नेहरू पार्क मधे आहे कैलासपती आणि आपटे रोडला श्रुती मंगल कार्यालयाच्या बाहेरही आहे.

Submitted by सारीका on 30 June, 2016 - 09:38

नलिनी,अतिशय सुरेख

नलिनी,अतिशय सुरेख फोटो.
टीना,निळसर छटा म्हणजे जीव नव्हे ग .रंगाचीच छटा.

Submitted by देवकी on 30 June, 2016 - 09:34

चुकून दोनदा प्रतिसाद झाल्याने

चुकून दोनदा प्रतिसाद झाल्याने संपादित.

Submitted by देवकी on 30 June, 2016 - 13:37

कसले सुरेख फोटो आहेत एकेक! हा

कसले सुरेख फोटो आहेत एकेक! हा धागा म्हणजे डोळ्यांना पर्वणी झाली आहे!!! >> +१

मुंबईतला समुद्र कायम करड्या रंगाचाच दिसतो. नावालाही निळसर छटा नसते त्यात. >>> बहुतेक प्रदुषण आणि बॉम्बे हाय / तारापुर मधुन होणारे प्रदुषण ह्याचा एकत्रित परिणाम असावा. किंवा अरबी समुद्र त्रिकोनी आकारात आकुंचन पावल्याचा परिणाम असेल?? मुंबईच्या उत्तरेचे किनारे मी नाही पाहिले, पण दक्षिणेकडे अलिबाग / किहीम पासुन निळाई दिसते.
देवगड किनार्‍याला समुद्राचे पाणी इतके साफ वाटलेले आठवतय... पंधरा मिनीटांनी समुद्राच्या पाण्यात हात भिजलेले हे देखिल लक्षात राहिले नाही. नाहीतर मुंबई किनार्‍यावर एकतर पाण्यात हातच घालवत नाही आणि घातलाच तर कधी एक्दा धुतो, असे होते.

Submitted by vt220 on 30 June, 2016 - 09:45

मागल्या पानावर इन्द्रधनुष्यने

मागल्या पानावर इन्द्रधनुष्यने टाकलेला ट्रेकच्या वाटेवरचा फोटो कित्ती सुरेख आहे. मला आत्ता उठून तिथे जावेसे वाटतेय...

Submitted by vt220 on 30 June, 2016 - 09:48

वा मस्त फोटो सफरचंद फुलं आणि

वा मस्त फोटो

सफरचंद फुलं आणि झाड मस्त, पहिल्यांदीच पाहिलं

Submitted by जो_एस on 30 June, 2016 - 10:27

नलिनी, सहिच फोटो.. माझ्यासाठी

नलिनी,
सहिच फोटो..
माझ्यासाठी सारे एक्झॉटीक

Submitted by टीना on 30 June, 2016 - 11:47

बॅग्स....अप्रतीम

बॅग्स....अप्रतीम फोटो.
कैलाशपतीची शेड मस्त.
नलिनी सफरचंदाचे झाड इतक्या फुलांनी बहरलेलं पहिल्यांदा बघतीये.
चेरीचं सरबत करून ठेव.

Submitted by मानुषी on 30 June, 2016 - 12:01

नलिनी, सफरचंदाचे फोटो मस्त.

नलिनी, सफरचंदाचे फोटो मस्त. असे बहरलेले असले की मंद सुगंध येतो फुलांचा. जवळ गेलं की मधमाशांचं बझिंग पण ऐकू येतं.

Submitted by मेधा on 30 June, 2016 - 12:34

सफरचंदाची फुलं मी पण

सफरचंदाची फुलं मी पण पहिल्यांदाच बघितली. काय सुंदर दिसतंय झाड. Apple picking ला येऊ का?

Submitted by Bagz on 30 June, 2016 - 13:51

सर्वांचे मनापासून आभार. असे

सर्वांचे मनापासून आभार.
असे बहरलेले असले की मंद सुगंध येतो फुलांचा. जवळ गेलं की मधमाशांचं बझिंग पण ऐकू येतं>> +१

Apple picking ला येऊ का? >> नक्की या.

या" म्हणालीस तर नाही येणार. "ये" म्हणालीस तर येईन >> येणार असलात तर नक्की म्हणेन.

आमच्या परिसरात बरीच सफरचंदाची, चेरीची, प्लमची, पेअरची झाडे आहेत. काही चेरीची झाडं तर आपल्याकडे कडूनिंब, चिंच असतात तेवढी मोठी वाढलेली आहेत. परंतू ह्या सर्व चेरींचा ब्लॉसम हा पांढरा असतो. बर्‍याच चेरी चवीला कडू असतात. फोटोतल्या चेरी चवीला गोड आहेत. माझ्या घराजवळ्ही गोड चवीच्या चेरी आहेत. ह्या चेरी खाल्ल्या की विकतच्या चेरी बेचव लागायला लागतात.

हे सफरचंदाचे झाड घरासमोरच आहे. आंबट असल्याने त्यांचे मी लोणचे बनवते. जवळच एक झाड आहे त्यांना आंबट , गोड कोणतीच चव नाही. परिसरातच काही गोड सफरचंदाची झाडे देखील आहेत.

इथे लोक त्यांच्या बागेतील जास्तीची फळे गेटबाहेर टोपलीत काढून ठेवतात. घराजवळच्या जंगलात ब्लुबेरी, चिमुकल्या स्ट्रॉबेरी मुबलक प्रमाणात मिळतात.

Submitted by नलिनी on 30 June, 2016 - 15:52

Submitted by नलिनी on 1 July, 2016 - 00:58

वा, नले मस्त फोटो. चेरी बघून

वा, नले मस्त फोटो. चेरी बघून हात शिवशिवायला लागले.

जास्तीची फळे बाहेर ठेवतात हे मात्र लई बेस !

व्हीटी, माझ्या लहानपणी मालवणचा समुद्रही स्वच्छ होता.. आता नाही राहिला तसा तो.

Submitted by दिनेश. on 1 July, 2016 - 01:44

इन मिन तिन, मस्त फटू... सायो,

इन मिन तिन, मस्त फटू...

सायो, हॅप्पी बड्डे..

Submitted by टीना on 1 July, 2016 - 02:18

वा नलिनी तू अस वर्णन केलस की

वा नलिनी तू अस वर्णन केलस की धावत यावस वाटतय तुझ्याकडे.

प्रिय सायलीस वाढदिवसाच्या हर्दिक शुभेच्छा.

ही माझ्याकडून वाढदिवसाची भेट सायू.

Submitted by जागू-प्राजक्ता-... on 1 July, 2016 - 02:23