निसर्गाच्या गप्पा (भाग २८)

Submitted by जागू-प्राजक्ता-... on 8 October, 2015 - 01:38

नमस्कार
सध्या सोनटक्का, गुलाब, झेंडू अशी फुलझाडं छान बहरली आहेत. पक्षांची घरटी तयार करण्या साठी लगबग चालू आहे. काही पक्षी पिल्लांना घास भरवताना दिसू लागलेत.
पण या बरोबरच एक खंतही आहे. ती म्हणजे अत्यंत कमी झालेला पाऊस.
मी एक कविता लिहिली होती
आहेत तोवर पाहून घ्या
झाडं, रोजच मोजून घ्या
बेरीज शिकता येणार नाही
वजाबाकी शिकून घ्या ....
गंमत म्हणून ठिक आहे असं म्हणायला, पण हे दुर्दैवी चित्र आहे. निसर्गाला तोल राखणं आता कठीण होतय अस वाटतं. दुष्काळ, काही ठिकाणी पूर, भुकंप, ढगफुटी, वाढती उष्णता ही त्याचीच प्रतीकं असावी. आपल्या जवळ जवळ सर्वच कृती निसर्गाला त्रासदायकच आहेत असं वाटत रहातं. अगदी साध्या साध्या रोजच्या गोष्टींमधे हे जाणवतं. प्लॅस्टीकबॅग नको म्हणून कागदी पिशव्या वापराव्या तर त्यासाठीही झाडांचाच जीव जातो. कागद वाचवण्यासाठी ई कम्युनिकेशनचा वापर केला तर त्याच्या वेव्हज मुळे पक्षी डिस्टर्ब होतात. अशी साखळीच सापडत जाते. आपल्या बरोबरच मुलांमधेही निसर्गप्रेम आणि जाण निर्माण व्हावी हे चांगलं आहे. शाळांमधेही पर्यावरणाचा विषय असतो पण मुलांना त्याबद्दल आकर्षण, उत्कंठा, रस वाटण्या ऐवजी त्याना त्याचा त्रासच होताना दिसतो. त्यात लिहावा लागणारा प्रोजेक्ट हा तर निसर्गासाठी फायद्याचा की तोट्याचा? कारण जे मनात रुजायला हवं, ते न होता प्रोजेक्ट खरडायला हजारो मुलं लाखो कागद संपवतात आणि रुजलेल्या झाडांचच नुकसान होतं. असे अनेक विरोधाभास दिसत रहातात. अशा करुया की ही परीस्थिती बदलेल.
असो, निसर्ग म्हटलं की छान, सुंदर असच चित्र उभं रहातं आणि तसच बोलावं लिहावं असं वाटतं. पण वर लिहीलय तीही एक बाजू आहेच.
"निसर्गाच्या गप्पा" या उपक्रमा मुळे बरेच निग प्रेमी एकत्र आले आणि खूपच माहितीची देवाण घेवाण झाली. मुख्य म्हणजे एखादी शंका कोणाला विचारावी हा प्रश्ण सुटला. एखादा प्रश्ण विचारला की जाणकारां कडून लगेच हवी ती माहिती मिळते. याचे असेच शेकडो भाग होवोत आणि निसर्ग प्रेमाचा झरा असाच खळाळत राहो.

वरील मनोगत व फोटो मायबोली निसर्गप्रेमी जो-एस यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

गच्च बहरलेला कैलासपती सुंदरच

गच्च बहरलेला कैलासपती सुंदरच होता. त्याखाली 'शालवृक्ष' हे नाव दिले आहे. शालवृक्ष म्हणजे कैलासपति का? मला माहीत नव्हते.
गंगावर्णनाच्या एका श्लोकातली पहिली ओळ आठवली.
"एतत्तालतमालसालसरलव्यालोलवल्लीलताs
च्छनं सूर्यकरप्रतापरहितं शङ्खेन्दुकुन्दोज्ज्वलम्"
ताल, तमाल, साल असे सरळसोट वृक्ष आणि त्यांमध्ये गुंतलेल्या लतावल्लींनी आच्छादित केलेले आणि त्यामुळे सूर्यकिरणांच्या तापापासून दूर राहिलेले असे हे शंखासारखे नितळ आणि कुंदफुलांसारखे उज्ज्वल गंगाजल...

Submitted by हीरा on 16 November, 2015 - 00:34

अनिल, बया पक्षाचे आणि घरयाचे

अनिल, बया पक्षाचे आणि घरयाचे फोटो अप्रतिम..
आणि बाकीचे फोटोज पण खुपच छान..
आज खुप दिवसांनी आली नि,.ग वर आणि मस्त मस्त फोटोंची मेजवानीच मिळाली...:)

Submitted by सायु on 16 November, 2015 - 02:23

कुंदफुलांसारखे उज्ज्वल

कुंदफुलांसारखे उज्ज्वल गंगाजल...>>> उच्चारायला कठीण असलेल्या श्लोकाचा अर्थ किती सुरेख आहे.धन्यवाद, हीरा!

Submitted by देवकी on 16 November, 2015 - 10:55

माझ्या बटनशेवंतीला

माझ्या बटनशेवंतीला vaaTaaNyaaएवढ्या भरपूर कळ्या आल्या आहेत.जवळ जवळ महिना होत येईल,पण एकही कळी उमलली नाही.एका फांदीवरच्या कळ्या तर जळून(?) काळ्या झाल्या आहेत.उरलेले अन्न,तांदूळ धुतलेले पाणी,चहा पावडर हेच खत म्हणून वापरते.कळ्या उमलायला एवढा वेळ लागतो का?

Submitted by देवकी on 16 November, 2015 - 11:01

देवकी . फार वाईट वाटतेना असं

देवकी . फार वाईट वाटतेना असं झालं की.

Submitted by अन्जू on 16 November, 2015 - 11:09

हो ग. पण दुसर्‍या कळ्या

हो ग. पण दुसर्‍या कळ्या अजूनही तशाच आहेत,मधल्यामधे झाड ४ इंचाने वाढलंय.

Submitted by देवकी on 16 November, 2015 - 23:11

अरेच्या! सगळे गेलेत कुठे?

Submitted by सायु on 18 November, 2015 - 05:43

देवकी, येतील मग फुले नक्की.

Submitted by अन्जू on 18 November, 2015 - 05:48

आमच्याकडे १५ तारखेपासून

आमच्याकडे १५ तारखेपासून आंब्याचा सिझन सुरु झाला. आंब्याची झाडे भरपूर आहेतच आणि बाजारातही खुप असतो. गुलमोहोरही याच दिवसात फुलतो इथे.

Submitted by दिनेश. on 18 November, 2015 - 07:40

एन्जॉय दिनेशदा.

Submitted by अन्जू on 18 November, 2015 - 09:04

Wow! Ata १५ pane wachun

Wow! Ata १५ pane wachun kadhali. Khup diwasani nig war ale. Mast watale.

Submitted by प्रज्ञा कुलकर्णी on 18 November, 2015 - 09:45

व्वा आंबे, मज्जा आहे दा!

व्वा आंबे, मज्जा आहे दा! प्र.ची टाका प्लीज..

Submitted by सायु on 19 November, 2015 - 01:05

खुपच गप्पा झालेल्या

खुपच गप्पा झालेल्या दिसताहेत...
मी आज नेट वर किवी फळाच रोप कस लावायचं ते बघीतल..
आपल्या घरच्या वातावरणात वाढेल का ते ? कि किवी ला काही वेगळ हवामान लागत ?

Submitted by टीना on 19 November, 2015 - 01:11

हे बघा..जालावरुन

हे बघा..जालावरुन साभार..

करुन पाहाव का ?

Submitted by टीना on 19 November, 2015 - 01:15

देवकी.. आम्च्या पण शेवंतीच्या

देवकी.. आम्च्या पण शेवंतीच्या कळ्या अजुन उमलल्या नाहीत.. १-२ आठवडे तरी झाले क्ळ्या येवुन... गुलाब पण तसाच. .. अजुन वाट बघतोय
मोगर्याला नवीन फाटे येतायत.. रोज २-३ नवीन पाने

Submitted by चना@12 on 19 November, 2015 - 01:31

टीना, करुन पहायला हरकत

टीना, करुन पहायला हरकत नाही,पण हवामान ? तरी पण करुन पहा

Submitted by सायु on 19 November, 2015 - 04:17

यंदाचं शेतातलं पिक ...

Submitted by सूर्यकिरण on 20 November, 2015 - 05:52

कित्ती कांदे!! केवढा श्रीमंत

कित्ती कांदे!! केवढा श्रीमंत आहेस तु श्रावणाच्या काळात

Submitted by चना@12 on 20 November, 2015 - 05:54

वॉव कांदेच कांदे.

Submitted by अन्जू on 20 November, 2015 - 06:01

टीना, माझ्या लेकीच्या घरी (

टीना, माझ्या लेकीच्या घरी ( ऑकलंड, न्यू झीलंड ) किवीचा वेल आहे. ऑकलंडचे हवामान थंड असते. पण ते समुद्रकिनारी देखील आहे. किवीचा मोठा वेल असतो. मांडव लागतो. कुंपणावरही वाढतो तिथे तो. रोपावर प्रयोग करून पहाच.

Submitted by दिनेश. on 20 November, 2015 - 06:50