भारताचा ऑस्ट्रेलिया दौरा (२०११-२०१२)

आता ऑस्ट्रेलिया सोडून परत भारतात यावे. अजून भारतात हवा फारशी गरम नसेल, त्रास होणार नाही. मग एप्रिलमधे आय पी एलचे सामने थंड हवेच्या ठिकाणी ठेवावेत. तिथे श्रीमंत लोक येतात. तिकीटाचे दर चौपट केले तरी हरकत नाही. शिवाय खेळ फुकटच्या चॅनेल्स वर न दाखवता पैसे घेऊन दिसेल अश्याच काही चॅनेलवर दाखवावेत, म्हणजे आणखी पैसे!!
जडेजाला १० कोटी तर सचिनला किती? धोणीला किती?

>> आजचा पराभव अतिशय लाजिरवाणा आहे.
आजचाच का? इंग्लंड व ऑसीजनी टेस्टमधे ४-० धुतला. पहिल्या वनडे मधेही वाईट मार खाल्ला. ते का नाही लाजिरवाणे म्हणे?

>> त्याने ५ एकदिवसीय सामन्यात एकूण १८ धावा केल्यात.
सचिनने त्याच्यापेक्षा जास्त केल्यात. सचिन झिंदाबाद!

>> गांगुलीच्या काळात एक दोनदा हरले की नंतर एकदम पेटत.
काहीही काय? आठव तो फेमस वर्ल्ड कप!

सेहवाग पाहीजे होता असं कुणीच कसं म्हंटलं नाही?

८ वीत असताना माझ्या वर्गाच्या टीम विरुद्ध माझ्या कॉलनीची टीम अशी मॅच ऑर्गनाईज केली होती. २० ओव्हर्स मध्ये पहिले बॅटिंग घेऊन माझ्या कॉलनीच्या टीमने ११३ धावा केल्या. आमच्या वर्गाच्या टीमने बॉलींग केल्यावर थकून गेल्यामुळे व आपल्याकडून ११४ धावा निघत नाहीत हे आधीच माहित असल्यामुळे कॉलनीच्या टीमला ५ रू देऊन टाकले. व बॅटींग घेतलीच नाही. शाळेची टीम महान होती कारण त्यांना विचार करता येत होता. त्यांनी लगेच बाजूच्या लिंबूटिंबूशी दुसरी मॅच घेतली १० ओव्हरस्ची अन ती जिंकली. हिशोब टोटल खेळ ४० ओव्हर्स, एक जिंकने एक हार, पण निघतानाची मॅच जिंकली. , पैसे ५ दिले, ५ घेतले.

तस्मात - भारतीयांनी तिथून वापस यावे. सर्व मॅच सोडून देऊन अन बांग्लादेश (सॉरी नवीच आलेले अफगाण) ह्यांच्यासोबत मॅच घ्याव्यात. म्हणजे परत कॉन्फिडन्स की काय तो येईल.

अगदीच राहवले नाही म्हणून ..

जातील हे ही दिवस जातील.

येण्या आधी सगळ्या खेळाडूंनी आय पी एल मधे मिळालेल्या पैशातून ऑस्ट्रेलिया नि श्रीलंकेला लाच देऊन उरलेले सगळे सामने जिंकावेत. मग परत यावे. कदाचित आय पी एल वाले आणखी पैसे देतील, जिंकून आले म्हणून.
म्हणजे कपिल सिब्बल म्हणतो तसे 'झिरो सम'!

परत आल्यावर अफगाण नि बांगला देशला भारतात बोलवावे, आपण तिकडे जाउ नये. आपल्या घरी आपल्याला खेळणे जमते. मग सचिनचे महाशतक, आणि कुणाचे काय विक्रम राहिले असतील ते आटपून घ्यावेत, मगच पाकीस्तान, इंग्लंड, द. अफ्रिका इकडे लक्ष द्यावे.
कारण काय आहे, सध्या भारतापुढे सचिनचे महाशतक, क्रिकेटमधे जिंकणे हे सर्वात जास्त महत्वाचे प्रश्न आहेत, त्यापुढे चार कसाब येऊन गेले, काश्मीर गेले, चीनकडे काय किंवा पाकीस्तानकडे काय, काही फरक पडत नाही!

काहीही काय? आठव तो फेमस वर्ल्ड कप!>>> कोणता चिमण? २००३ चा? तेव्हा सुरूवातीला हरल्यावर सलग ८ जिंकले नव्हते का फायनल पर्यंत. मी ४-५ उदाहरणे देऊ शकतो.

सचिन अशा मूडमधे असला तर रणजी मधे सुद्धा फेल होईल, नाहीतर ऑस्ट्रेलिया काय किंवा आफ्रिका काय, काही फरक पडत नाही.

सचिन अशा मूडमधे असला तर रणजी मधे सुद्धा फेल होईल, नाहीतर ऑस्ट्रेलिया काय किंवा आफ्रिका काय, काही फरक पडत नाही. >> +1

तो अचानक एखाद्या शेल मध्ये गेल्यासारखा वाटतोय. येईल बाहेर सप्टे पर्यंत.

फारेन्डा, सॉरी! मला वाटलं २००७ पण गांगुलीच होता कॅप्टन!

>> त्याची ऑस्ट्रेलियाच्या एकदिवसीय संघातून हकालपट्टी झाली आहे.
अरेरे! आपल्याला हमखास मिळू शकणारी एक विकेट गेली?

धोनीला बसवल्यामुळे शेवटी जिंकून कोण देणार हा प्रश्न निर्माण झाला आहे.

आज कोणीच नाही?

थिरिमाने, थिरिमाने!!!
जंग जंग पछाडले बीसीसीआय च्या गोलंदाजांनी, श्रीलंकेला ३०० धावा करून देण्यासाठी. पण नाही जमले!
आता डकवर्थ लुइस ची प्रार्थना करा!!

रोहीत शर्माच्या ऐवजी सेहवागला घ्यावा.
घेतले सेहवागला. एक चेंडू खेळला. पण मग कंटाळा आला. पुरे आता म्हणून परत गेला.

चला. तेंडूलकरहि गेला. आता झोपावे.
उद्या सकाळी ११ वाजता भेटू, साडेअकरा धरा.

लोक शोकसभेला गेलेत की काय?

मास्तरा, धोनी नसला की आपली इनिंग कशी लवकर संपते ते पाहीलस ना?

अरे काय झाले काय इथे? भाउ, मास्तुरे, असामी, केदार, फारेंडा, गेलात कुठे सगळे?
भाउ जरा एक चित्र टाका ना? तेव्हढीच गंमत, सामने बघून नैराश्य येते!

बोलण्यासारखे काहिच नव्हते, नीट हरलो शेवटची मॅच.

थिरामणीच्या विरुद्धा अपील मागे घेणे हा शुद्ध मूर्खपणा होता. अशा प्रकारे बाद करणे हे ICC rules प्रमआणे योग्य आहे त्यामूळे त्यात spirit of the game वगैरेचा प्रश्न कुठे आला ? सेहवागचे कारण तर अतिशय हास्यस्पद आहे, त्यात तेंडुलकरचा सहभाग असेल तर त्यातून आपण कसे शिकत नाहि हे उघड होते. श्रीलंकेच्या matthews ने शेवटचा no ball टाकून सेहवागचे शतक पूर्ण होउ दिले नव्हते तेंव्हा spirit of the game कुठेहि अडकले नव्हते ? एव्हढे सगळे करुन ह्या प्रकारावर जयवर्धनेची टिप्पणी काय तर म्हणे तर "मूळात अपिलच करायला नको होते ?".

तेंडूलकरने high point वर retire व्हायला हवे ह्याबद्दल कपिलने लिहिणे, रैनाला short pich balling बद्दल गंग्याने सल्ला देणे, धोनी काही cricketers अधिक support करतो ह्याबद्दल गंग्याने बोलणे (हरभजन, युवराज, झहीर ही नावे आठवतात का त्याला ?) अशा गोष्टी सुरू असल्यावर आपल्यासारख्या पामरांनी काय बोलावे ? सगळे आपापले जुने पुराणे हिशेब कोणा-कोणाचे हिशेब कोणाकोणाच्या माध्यमातून चुकते करायला लागले आहेत ... "गिदड कि जब मौत आती है तो सब कौव्वे जमा हो जाते है" असे काहितरी होते ते आठवले.

सगळे आपापले जुने पुराणे हिशेब कोणा-कोणाचे हिशेब कोणाकोणाच्या माध्यमातून चुकते करायला लागले आहेत >>

थोडक्यात त्यांची मायबोली झाली आहे.:)

झक्कीजी, 'इंडियन पब्लिक'ला तुमच्यासारखी चांगली स्मरणशक्ती नसते, या पक्क्या गृहितकावर तर राजकारणातले खेळ आणि खेळातलं राजकारण इथं रंगत, फोफावत असतं !!!

बाकी सध्या खेळापेक्षा, खेळातले राजकारण, हेच जास्त मनोरंजक आहे. खेळ गेलाय खड्ड्यात!
बाकी इतर राजकारण, ज्यात शरद पवार, सोनिया, कपिल सिब्बल, दिग्विजय, राहुल इ. लोक आहेत, ते सर्वात जास्त भयानक आहे.
त्यामुळेच जनता खेळातील राजकारणाकडे जास्त लक्ष देते.

>>त्यामुळेच जनता खेळातील राजकारणाकडे जास्त लक्ष देते.
बॅट चा ऊस झाला की (दोन्ही अर्थाने!) की आणखिन काय वेगळे होणारे..? ईतकी वर्षे गुर्‍हाळातून रस निघत होता तेव्हा बाजूचा "चारा", "शेण" व "चोथा" पब्लिक ला दिसला नाही... किंवा दिसला तरी दुर्लक्ष केले होते. आता रस आटल्यावर या बाकीच्या गोष्टी नजरेत येवू लागल्या आहेत.
आपलाच ग्लास आणि आपलेच ओठ

>>थोडक्यात त्यांची मायबोली झाली आहे
"अनुल्लेख" शिकले तर बरे होईल..

दुसरीकडे सचिन ने अजून किती (वर्षे?) खेळावे या चर्चेला पेव फुटले आहेच- हे म्हणजे मुळात अजून किती वर्षे क्रिकेट या खेळाला(च) फक्त आपण डोक्यावर चढवावे असे विचारण्यासारखे आहे. सेहवाग, लक्षमण, व ईतरांची वाढती शारिरीक वलये पाहता त्यांची जागा गल्ल्यावर किंवा गल्लीत असायला हवी. रणतुंगा ची फिगर ठेवून क्रिकेट सामने जिंकण्याचे दिवस इतीहासजमा झालेत. च्यामारी खेळात फिटनेस च निकष नाही लावणार तर काय सरकारी कार्यालयात लावणार का? असो हेही प्रकरण "आपलेच दात..." या कॅटेगरीतील आहे.
बाकी गांगुलीने फिल्डींग बद्दल बोलणे म्हणजे कॅटरीना ने मराठी/हिंदी व्याकरणाबद्दल बोलण्या सारखे आहे. त्याचे काय एव्हडे "आता" त्याला बोलायचे पैसे मिळतात- शास्त्री व सन्नी नंतर परंपरा पुढे चालवायला तयार झाला आहे.
रिकी ला बाहेरचा दरवाजा दाखवला ऑसी ने. आपल्याकडे असता रिकी तर तेंडूलकर खेळतोय तोवर तूही खेळ (म्हणजे विक्रमाची बरोबरी होत नाही तोवर) म्हणून त्याला आत ठेवला असता. "विक्रमा"दित्यांचे आम्हा भारतीयांना भारी वेड नाही. अगदी चांदोबा/किशोर पासून ते ट्विटर पर्यंत आम्हाला विक्रमादित्य हवेच असतात. मग आता भोगा लेको... why this vaadaavaadi D?

योग, गांगुली फिल्डिंगबद्दल बोललाय? जरा लिन्क देतोस का? मला वाटले फिल्डिंगबद्दल बोलायचेही श्रम घेणार नाही तो

पण तो सचिनबद्दल योग्य बोलला आहे - गेली १-२ वर्षे सचिन फक्त अधूनमधून वन डे खेळतोय. आधी त्याला वर्ल्ड कप पर्यंत फिटनेस ठेवायचा होता तोपर्यंत ठीक होते. पण आता त्याने(च) ठरवायला हवे की वन डे खेळायचे की नाही. टीम एक दोन सिरीज खेळते आणि मग अचानक तेंडुलकर लाईन-अप मधे दिसतो. त्याने इतरांचाही गोंधळ होत असेल. त्याने वन डेत ती राहिलेली दोन शतके मारून मोकळे व्हावे व मग फक्त टेस्ट्स खेळाव्यात. नाहीतरी आता वन डे मधे अजून काय करणे बाकी आहे?

अजून बराच काळ खेळणार असेल तर आम्हाला हवेच आहे. पण मग पुन्हा "धुलाई मोड" मधे खेळावे, आता काही त्याच्यावर एवढे अवलंबून नाही. गावसकर ने कारकीर्दीच्या शेवटच्या एक दोन वर्षात जसे क्रिकेटची मजा घेण्यासाठी खेळणे चालू केले होते (वन डेत) तसे काहीतरी.

अरे आणि हो.. आता पुढीलपैकी एखाद्या एकदिवसीय सामन्यात सचिन ने ते विक्रमी शतक केले (ठोकले लिहीणार होतो पण भावनांना आवर घातला!) की पुन्हा ये रे माझ्या मागल्या...
मग मथळे झळकतीलच. silencing critics with his bat.. वगैरे वगैरे.. हे सर्वच सो कॉल्ड आपणच बनवलेले "देव" जेव्हा गाभारा सोडून कळसावर बसू पाहतात तेव्हा केमिकल लोचा होतो हेच खरे

>>त्याने वन डेत ती राहिलेली दोन शतके मारून मोकळे व्हावे व मग फक्त टेस्ट्स खेळाव्यात. नाहीतरी आता वन डे मधे अजून काय करणे बाकी आहे
त्याच साठी तर त्याला "आत" ठवले असेल रे ईतका काळ.. पण आता काळापेक्षा कळा सोसवेना झाल्या आहेत.

>>गावसकर ने कारकीर्दीच्या शेवटच्या एक दोन वर्षात जसे क्रिकेटची मजा घेण्यासाठी खेळणे चालू केले होते (वन डेत) तसे काहीतरी.
बस का! विश्वचषक जिंकल्यावर सचिन नेमका त्याच मूड मध्ये खेळतोय असे मी गृहीत धरत होतो.. पण झोल असा झालाय की त्या विक्रमापायी वि. संघ व आपण निव्वळ मजा पहात आहोत. असो. त्याच्याबद्दल काहीही न बोलणे हा त्याच्या भक्तांचा नियम भक्तांनी बर्‍यापैकी बराच काळ पाळला आहे. तरी "विठ्ठलमूर्तीने" आता पावले ऊचलावीत अशी किमान अपेक्षा! आणि ते करायला क्रिकेट च्या नव्या पंढरी (ऑसी) शिवाय दुसरे योग्य ठिकाण नाही.

फारएण्ड, अगदी पटलं.

तरी "विठ्ठलमूर्तीने" आता पावले ऊचलावीत
पंढरीनाथा, झडकरी आता, पंढरी सोडून चला, विनवते रखुमाई विठ्ठला!
(आम्ही जुने. आम्हाला मराठी कविता, गाणीच आठवतात. भारतातल्या मराठी लोकांना आजकाल उर्दू शेर, फ्रेंच गाणी वगैरे आठवतात. तेंव्हा क्षमस्व!)