मायबोलीचा व्याप जसा वाढतो आहे तशी मायबोली व्यवस्थापनाची कामेही वाढत आहेत. यामुळेच मायबोली व्यवस्थापन टीम आणि प्रशासन टीम या दोन्ही भूमिका वेगळ्या ठेवण्याची आणि त्यांच्या जबाबदार्‍या स्पष्ट करण्याची गरज आहे.
गेल्या महिन्यापासून या विभागात नवीन उपक्रम सुरु केला आहे: महिन्याची जाहिरात.
मायबोलीवर आणि मायबोलीबाहेर (उदा मायबोलीचे फेसबुक पान) या जाहिरातीला विशेष प्राधान्य देऊन दाखवण्यात येईल.
जुलै २०१२ ची महिन्याची जाहिरात आहे:
१ रुम + किचन अपार्टमेन्ट विकणे आहे. वाकड, पुणे
जाहिरातदार आहेत गणेश पाटील (मायबोली आयडी ganoba) आणि ते साडेचार वर्षांपासून मायबोलीकर आहेत.
या जाहिरातीबद्दल अधीक माहिती इथे वाचू शकता.
काल (१७ जून २०१२) रात्री ११ पासून(US EDT) मायबोलीच्या डाटाबेससर्वरवर काही तांत्रिक अडचणी दिसायला लागल्या. त्या दूर करण्याचा पहाटे २-२:३० पर्यंत प्रयत्न केला पण अयशस्वी झाला. त्यामुळे नाईलाजाने मायबोली बंद ठेवावी लागली. याचा अजून एक परिणाम म्हणजे रात्री ११ वाजता साठवलेल्या मजकुरापासून पुन्हा सुरुवात करावी लागते आहे. आणि रात्री ११ नंतरचा मजकूर नष्ट झाला आहे. ११ते २ मायबोली फक्त मधूनच उपलब्ध होती त्यामुळे बहुतेक लेखनावर परिणाम झाला नाही. पण तरी कुणी नेमक्या त्याच वेळात लेखन केले असेल तर ते नष्ट झाल्याबद्दल आम्ही दिलगीर आहोत.
१)प्रत्येक मायबोलीकराने केलेले लेखन त्यांच्या व्यक्तिरेखेत जाऊन पहायची सोय नेहमीच होती. पण त्या पानाची मांडणी बरेच लेखन असेल तर शोधायला तितकीशी सुलभ नव्हती. प्रत्येक लेखनाचा थोडा भाग दिसायचा पण हवे ते लेखन शोधण्यासाठी बरेच आत जावे लागायचे. बर्‍याच मायबोलीकरांनी आपआपल्या विचारपूस पानाच्यावर वेगळी यादी ठेवायला सुरुवात केली.
आजपासून या यादीच्या मांडणीत बदल केला आहे. नवीन लेखनात ज्याप्रमाणे थोडक्यात शीर्षक आणि लेखन प्रकार दिसतो, तश्याच प्रकारे तुमच्या व्यक्तिरेखेबरोबरच्या "लेखन" या टॅबमधे ही यादी दिसेल. या आपोआप होणार्‍या यादीमुळे विचारपूस पानाच्यावर वेगळी यादी ठेवायची गरज नाही.
मायबोलीच्या वाढत्या लोकप्रियतेचा फायदा मायबोलीकरांनाही व्हावा यासाठी मायबोली नेहमीच प्रयत्नशील असते. मायबोली, मायबोलीचे उपक्रम आणि मायबोलीकर ही एक परस्परावलंबी पर्यावरण व्यवस्था (Ecosystem)आहे
या महिन्यापासून मायबोलीच्या जाहिरात विभागात नवीन उपक्रम सुरु करतो आहोतः महिन्याची जाहिरात.
मायबोलीवर आणि मायबोलीबाहेर (उदा मायबोलीचे फेसबुक पान) या जाहिरातीला विशेष प्राधान्य देऊन दाखवण्यात येईल.
जून २०१२ ची महिन्याची जाहिरात आहे
मुंबईत दहावीच्या विद्यार्थ्यांसाठी कार्यशाळा
मायबोलीवरचं आवडलेलं लेखन, मायबोलीकर वेगवेगळ्या पद्धतीने मित्रमंडळीना कळवत असतातच. आता ते थोडं सोपं झालंय. प्रत्येक लेखनाखाली आता फेसबुक आणि गुगलवर टिचकीसरशी आवडलेलं लेखन कळवायची आणि अगोदर किती लोकांना ते आवडलंय ते पहायची सुविधा उपलब्ध आहे.
या सुविधेसाठी मायबोलीवर प्रवेश करायची (लॉगीन) गरज नाही. त्यामुळे जे मायबोलीकर नाहीत किंवा वाचनमात्र आहेत त्यांनाही लेखन आवडले तर कळवता येईल. फेसबुकावर किंवा गुगल मधे मात्र प्रवेश करावा लागेल.
बहु असोत सुंदर संपन्न की महा, प्रिय अमुचा एक महाराष्ट्र देश हा !!!
१ मे. महाराष्ट्र दिनानिमित्त सर्वांना हार्दिक शुभेच्छा !!
मायबोलीचा आणि मायबोलीकरांचा साहित्याशी बराच जुना संबंध आहे. तो अजून दृढ कसा करता येईल, या विचारात असताना पुस्तकखुणा (bookmarks) तयार करण्याचे सुचले.
या पुस्तकखुणांवर मायबोलीकर कवींच्या कविता असणंच उत्तम, असं वाटलं आणि मायबोलीकर कवींना याबद्दल विचारल्यावर त्यांनीही लगेच परवानगी दिली. त्यातून तयार झाला पुस्तकखुणांचा हा पहिला संच.
या उपक्रमात आपल्या कवितांचा समावेश करू दिल्याबद्दल पेशवा, मिल्या, नीधप, जयवी, श्यामली आणि बेफिकीर यांचे मनःपूर्वक आभार.
बूकमार्क कसे मिळतील -
आज गुढी पाडवा!! मायबोलीच्या सदस्यांना व तुमच्या सुहृदाना आणि सर्व वाचकांना नववर्षाच्या हार्दिक शुभेच्छा!!
मायबोलीवर गेली १६ वर्षे वेगवेगळ्या देशात गटग होत आहेत. पण अनेक जुन्या गटगला कोण कोण आले होते याची माहिती उपलब्ध नाही. त्यांचे फोटोही नाही. प्रत्येक गटग (विशेषतः ज्याला बरेच जण जमले असतात) आपल्या परीने एक वेगळा अनुभव असतो. असे अनुभव जतन व्हावे म्हणून ज्या गटगला १० पेक्षा जास्त मायबोलीकर जमले होते त्यांचे ग्रूप फोटो जतन करून ठेवायचा आमचा प्रयत्न आहे. या ग्रूप फोटोला मायबोलीच्या अधि़कृत फेसबुकपानावर विशेष अल्बम मधे जागा दिली जाईल.
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
