श्रिम्प किंवा फिश फुड प्रोसेसरमधून पल्स करून बारीक करुन घ्यावेत. फार वेळ फु प्रो फिरवू नये.
त्यात बारीक चिरलेला कांदा, मिरची, कोथिंबीर, शेंगा, फिश सॉस, हॉट सॉस / करी पेस्ट, कॉर्न स्टार्च, तेल, व फेटलेले अंडे घालून नीट मिसळून घ्यावे.
नॉन स्टिक तव्यावर थोडे सढळ हाताने तेल घालावे. हाताला पाणी लावून फिश मिश्रणाचे साधारण इंच -दीड इंचाचे चपटे गोलसर फिश केक्स घालून मध्यम आचेवर दोन्ही बाजूने खरपूस भाजून घ्यावेत. सर्व्ह करताना दोन मिनिटे पेपर टावेल वर टाकून मग सर्व्ह करावेत.

पाव वाटी फिश सॉस,पाव वाटी राइस व्हिनेगर यात बारीक चिरलेल्या मिरच्या टाकून ठेवाव्यात व हे सॉस फिश केक बरोबर सर्व्ह करावे .

मेयो अन क्रीम चीझ एकत्र फेटून घ्यावे .

त्यात कांदा, शॅलटस, ऑलिव्ह्स, कोथिंबीर, मिरची घालून मिसळून घ्यावे.

शेवटी हलक्या हाताने सामनचे तुकडे मिक्स करावेत. मीठ अगदी थोडे लागेल. चव बघून मीठ घालावे.

फ्रेंच ब्रेडच्या स्लाइसेसवर किंवा क्रॅकर्सवर घालून सर्व्ह करावे. ६-७ तास आधी करुन फ्रिज मधे ठेवता येईल. त्यापेक्षा जास्त मी कधी ठेवून पाहिले नाही.