.

श्रिम्प किंवा फिश फुड प्रोसेसरमधून पल्स करून बारीक करुन घ्यावेत. फार वेळ फु प्रो फिरवू नये.
त्यात बारीक चिरलेला कांदा, मिरची, कोथिंबीर, शेंगा, फिश सॉस, हॉट सॉस / करी पेस्ट, कॉर्न स्टार्च, तेल, व फेटलेले अंडे घालून नीट मिसळून घ्यावे.
नॉन स्टिक तव्यावर थोडे सढळ हाताने तेल घालावे. हाताला पाणी लावून फिश मिश्रणाचे साधारण इंच -दीड इंचाचे चपटे गोलसर फिश केक्स घालून मध्यम आचेवर दोन्ही बाजूने खरपूस भाजून घ्यावेत. सर्व्ह करताना दोन मिनिटे पेपर टावेल वर टाकून मग सर्व्ह करावेत.

पाव वाटी फिश सॉस,पाव वाटी राइस व्हिनेगर यात बारीक चिरलेल्या मिरच्या टाकून ठेवाव्यात व हे सॉस फिश केक बरोबर सर्व्ह करावे .

१. चिकनचे तुकडे स्वच्छ धुवून, कोरडे करून मधे चीर देउन open करून त्याला मीठ, मीरपूड लावा.
२. एका बोलमधे (किंवा झिपलॉकमधे) चिकन, १/२ कप संत्र्याचा रस, १ टे. स्पून सोयासॉस, थोडे आल्याचे तुकडे, १ चमचा मीट टेंडरायजर घालून नीट मिसळून एक तास फ्रिजमधे मॅरीनेट करायला ठेवा.
३. एका पॅनमधे तीळाचं किंवा शेंगदाण्याचं तेल घेउन उरलेले आल्याचे तुकडे घाला. मिरच्या, पातीचा कांदा, मश्रूम्स घालून परतून घ्या. चिकन स्टॉक घालून, सोया सॉस घालून चव बघून मीठ घाला. संत्र्याचा रस आंबट असेल अगदी थोडा मध घालायचा. उकळी आली की कॉर्नफ्लॉवर पाण्यात मिसळून घाला. बाजूला ठेवा.
४. एका तासाने चिकन बाहेर काढून Cast Iron ग्रिल पॅन असेल तर त्यावर ग्रिल करून घ्या. बार्बेक्यूवर ग्रिल करून घेतलं तरी चालेल. नाहीतर एखाद्या पॅनमधे दोन्ही बाजूनी नीट शिजवून घ्या.
सर्व्ह करताना चिकन डिशमधे ठेउन त्यावर सॉस घालून द्या. बरोबर पांढरा भात द्या.