गझल - अक्षरे
Submitted by शिवशंकर गोंड on 10 September, 2026 - 13:23
वृत्त : स्त्रग्विणी
कागदावर जरा उतरली अक्षरे
भावनांच्या सवे खेळली अक्षरे
फार केली जगाने प्रशंसा अशी
लाव काजळ म्हणू लागली अक्षरे
ती म्हणू लागली थांब आता इथे
पण तरीही पुन्हा जन्मली अक्षरे
स्पर्श झाला तुझा थांबली वेळ ही
मौन मी अन् इथे लाजली अक्षरे
ऐक माझे शिवा संपली ही कथा
शेवटी एकदा बोलली अक्षरे
- शिवशंकर सू. गोंड
विषय:
शब्दखुणा:
