मायबोली

सानिया,
वय साडेपाच.
माध्यमः पेन्सिल, पेस्टल्स.
माझी मदत : तोरणावरचा गणपती दाखवून दिला.

तोरण वार्‍याने हलते होते म्हणून हलता गणपती आहे जो चित्रामधे तिरका काढण्यात आलेला आहे. टांगायची दोरी मुकूटावर काढलेली आहे. "tilted means it is wavering" असे सांगून "एव्हढे सुद्धा कळत नाही हा लुक मिळाला

नावः आदिती
वयः तीन वर्षे ४ महिने
माध्यम: प्लॅस्टिक, कागद, फोम
मदतः सामान गोळा करुन देणे, भोके पाडणे आणि प्रोत्साहन

--------------------------------------------

मी करत असलेल्या टाकाऊतुन टिकाऊ प्लॅस्टिक बाटल्यांच्या कलाकृती बघुन आदितीलाही काहितरी करायचे होते. मधेमधे लुडबुड करत होती. मग विचार केला तिच्याकडुनही काहितरी टातुटि च करुन घ्यावे. सोप्यात सोप्पे, फार वेळ न लागणारे असे काहितरी

--------------------------------------------

कार मिरर डँगलर:

नावः सिद्धार्थ हर्डीकर
वयः दहा वर्षॅ
माझी मदतः रंगकामासाठी मार्गदर्शन आणि डोळे चिकटवणे. बाबांनी कौतुकाने नातवाने केलेल्या गणपतीला लावण्यासाठी मीना वर्क केलेले डोळे आणले सोनाराकडून.

सिद्धार्थने केलेला शाडूचा गणपती - रंगवण्यापूर्वी.

सिद्धार्थने केलेला शाडूचा गणपती - रंगवल्यानंतर.

नाव : ऋचा दामले
वय : ४ १/२ वर्ष
चित्राचे माध्यम : पेन्सिल, क्रेयॉन्स
आमची मदत : चित्र शोधायला मदत करणे आणि इतर पालकांप्रमाणेच सतत भुणभुण

नाव : ईशा दामले
वय : ७ वर्ष
चित्राचे माध्यम : पेन्सिल, कलर पेन्सिल, क्रेयॉन्स
आमची मदत : चित्र शोधायला मदत करणे आणि इतर पालकांप्रमाणेच सतत भुणभुण

मुलाचे नाव - ऋषी वैद्य
वय - ७ वर्षे
माध्यम - क्रेयॉन्स
शाळेत "ग्रीन गणेशा" नावाच्या संकल्पनेवर आधारीत कार्यक्रमासाठी हे चित्र काढले होते. पानांचे आकार मी काढून दिले आहेत, त्याने चित्र रंगवून खाली सही केली आहे.

नाव : मिहिका
वय : ६ वर्षे

'किलबिल' ची घोषणा झाल्यापासूनच मिहिका चित्र काढून पाठवणार हे नक्की होते. त्यासाठी काही चित्रंही आम्ही सिलेक्ट केली होती. पण शाळेची परीक्षा सुरु झाल्याने जरा हा विषय बाजूला पडला. आता परीक्षा संपल्यावर शेवटी आज मुहुर्त लागला.

आमची मदत : तिला काढायला सोप्पी पडतील अशी चित्रं निवडणे.

मुलीचे नांव - प्रांजल
वय - ३.५ वर्षे
चित्राचे माध्यम - पेन्सिल
मदत - प्रथम मी तिला गणपतीचे चित्र काढून दाखवले. नंतर तिच्या हाताला धरून चित्र काढायला शिकवले.मग तिला स्वतः चित्र काढायला लावले. एक ,दोन प्रयत्नानंतर तिने हे चित्र काढले. गणपतीबाप्पाला तोंड कुठंय????
म्हणून सोंडेवरती तिने तोंडही काढले.

!!!! गणपतीबाप्पा मोSSSलया !!!!

नाव- नचिकेत
वय- सात वर्ष

नचिकेताने काढलेले हे बाप्पाचे चित्र, एक चित्र होतं, ते पाहून काढलंय. तीन रफ चित्र काढून शेवटी, 'आई हे फायनल आहे' असं ठरलं

माझी मदत- लग्गा लावणे, मागे लागणे, भुणभुण करणे वगैरे

लेगो गणेश

नाव : हर्ष
वय : साडेनऊ वर्षे
माध्यम : लेगो ब्लॉक्स
मदत : मॉडेल म्हणून गणपतीचा फोटो शोधून देणे.

आज सकाळी मायबोली गणेशोत्सवाबद्दल घरी सांगत होते तेव्हा त्याला एकदम मागच्या वर्षीच्या गणेशोत्सवात दिलेल्या चित्राची आठवण झाली. ह्या वर्षी चित्राऐवजी दुसरं काहीतरी म्हणून मग लेगोचा गणपती करायचा ठरवला. आणि अवघ्या १/२ तासात हा बाप्पा तयार झाला