बालकविता

स्वप्नात काल माझ्या
रंगपेटी आली
सगळे रंग मला
देउन ती गेली

माझ्याकडे आहेत सारे
रंगीबेरंगी खडू
विचार करतोय आता
कसले चित्र काढु

एकएक रंग मग
मला सांगु लागला
उपयोग त्यांचा मी
कुठे करु चांगला

ऐटीत पुढे मग
आला रंग निळा
काढा आकाश
मस्त ढगांशी खेळा

हातात हात घालुन आले
पोपटी आणि हिरवा
झाडे काढु छोटी मोठी
हवेत राहील गारवा

हा बघा आला
लाल म्हणजे तांबडा
जास्वंदीचे फूल
आणि तुरेवाला कोंबडा

रंगांच्या मारामारीत
तयार झाला काळा
काव काव करणारा
जसा चतुर कावळा

शुद्धतेचे प्रतिक
पांढरा श्वेत

सांगेल का कुणी मला चांदोबाचे नाव
भेटेल का कुठे सांगा चांदण्यांचा गाव..?

चांदण्यांचे घर हवे चांदण्यांचे दार
चांदण्यांच्या झाडालाही चांदण्यांचा पार..
चांदण्यांच्या वाटेवर चांदण्यांना भाव..

चांदण्यांची शेज तिथे, चांदण्यांची नीज
आभाळात रोज हवी चांदोबाची तीज..
चोहीकडे चांदण्याच,चांदण्यांचा ठाव..?

काय खाई,कुठे राही, कुठे जाई रोज?
कुठे आई, कुठे बाबा, कसा घेई नीज?
कुणासवे खेळे असा रोज लपंडाव..?

सांगा त्याला द्यायचीये तुपाचीच वाटी
आईनेच दिली आहे फक्त तुझ्यासाठी
वाटे आता चांदोबाची मीच सखी व्हावं...!

आला उन्हाळा ,तब्येत सांभाळा
थंडगार पाणी, माठात वाळा
आइसक्रीम नको, खा फळ
उन्हात नको, सावलीत खेळ

परिक्षा संपली, शाळेला सुट्टी
बैठे खेळ, पुस्तकांशी गट्टी
कैरीचे पन्हे, रसदार आंबा
बिघडेल पोट, आता थांबा

===============

आला पावसाळा,हॉटेलींग टाळा
आजार नको, बुडेल शाळा
इंद्रधनुष्य पहाण्यात, गेला वेळ
मस्तच रंगलाय, उनपावसाचा खेळ

छत्री रेनकोट, विसरु घरी
चिंब भिजण्या, रिमझिम सरी
चला मारुया, डबक्यात उड्या
वाहत्या पाण्यात, कागदी होड्या

================

आला हिवाळा,नको शाळा
पेटली शेकोटी, झाले गोळा
बदामाची खीर,डिंकाचे लाडु
पहाटे उठुन, जोरबैठका काढु

एकदा किनई फारच गंमत झाली
ढगांची आई गावाला गेली,
शाळेला छान सुट्टी मिळाली
ढगांना साय्रा मोकळिक झाली,

आकाशात सारे ढग झाले गोळा
बिजलीताईला म्हटले ये खेळायला,
बिजलीताई आली नाचत नाचत
ढगांनी फेर धरला हसत हसत,

ढग लागले सारे गडगडायला
बिजलीताई लागली कडकडायला,
साय्रांचा गोंगाट ऐकुन रागावले वारे
त्यांच्यावर केले त्याने सोट्यांचे मारे,

घाबरून सारे ढग लागले रडू
अंगणात मग पाऊस लागला पडू,
बिजलीताई म्हणाली रडुनका असे
वाय्राचे नाव आपण आईला सांगु कसे,

आईचे नाव ऐकून ढग लागले हसू
आकाशात पिवळे पिवळे ऊन लागले दिसू,
ढग सारे हसले सप्तरंगात
सप्तरंगी इन्द्रधनुष्य उमटले आकाशात.

आला आला गुढीपाडवा
औषधी कडुलिंब वाढवा
नविन वर्ष झाले सुरु
दारात उंच गुढी उभारु

उपवास मस्त आषाढी एकादशी
एकादशी आणि दुप्पट खाशी
करत विठ्ठल नामाचा गजर
दर्शनाने पडतो सगळा विसर

श्रावणात असतात सणच सण
माझा आवडता रक्षाबंधन
ताईने आणली राखी छान
जेवणाला नारळी भाताचा मान

नागपंचमीला पुजा नागोबाची
नैवेद्याला थाळी दुध लाह्यांची
चित्र वापरु, नको सापाला धोका
उंच कसा जातो बघा माझा झोका

बैल पोळा म्हणजे बैलांचा सण
तासलेली शिंगे आणि नवी वेसण
गेरूचे ठिपके आणि रंगित झुल
लाड होतात जसे लाडकं मुल

मुलांचा आवडता आला बाप्पा
आरासीच्या रंगल्या गप्पा
नैवेद्याला एकविस मोदक

मैना खेरचे बडबड गीत !!!
आज मेली मैना खेर
मुलांनी धरला फेर
अर्धी शाळा अर्धी सुट्टी
होती ती तर म्हातारी बुट्टी
अर्धा डबा खाल्ला
अर्धा डबा सांडला
चिमणीच्या दातांनी तोड पेरू
सगळी मजा दोघांनी करू
गळके हौद , चुकार नौकर
आजचा दिवस तरी विसर
कोण कुठला साहेब आला
इंग्रजीचा ताप डोक्याला दिला
मराठीचा जर तास असतो
गाण्याचाच मग का नसतो
इतिहासात होती ही मैना ?
भूगोलात तर शोधून सापडे ना
शास्त्राच्या बाई कावल्या का
पुस्तकात शोधून दमल्या का
छान ,छान चित्रे काढू या
उंच झोके घेऊ या

उंच माझा झोका गेला आकाशी
माउताई ने तारे तोडुन आणले हाताशी
चांदोमामा आला मग तक्रार घेउन
माउताई मग बसली कॉट खाली लपून.

akashkandeel च्या या कवितेला मी लावलेले शेपुट
http://www.maayboli.com/node/19347

////////////////////////////////////////////////////////////

घरभर फिरुन चांदोबा दमला
उपाशी पोटी कॉटवर निजला
रात्री अचानक जाग त्याला आली
तार्‍यांशी खेळताना माउताई दिसली

तोही आता झाला सामील खेळात
खुप भुक लागली थोड्याच वेळात
ग्लासभर दुध केले मामाने फस्त
त्रुप्तीची ढेकर दिली मस्त

थोड्याच वेळात सुर्यदेव आले
सगळे घाबरुन चडीचुप झाले
चांदोबा म्हणाले कानात हळु

ही कवीता माझ्या एक वर्षाच्या मुली साठी (तिला लाडाने 'माउताई' म्हणतो)केली आहे.

उंच माझा झोका गेला आकाशी
माउताई ने तारे तोडुन आणले हाताशी
चांदोमामा आला मग तक्रार घेउन
माउताई मग बसली कॉट खाली लपून.

कोकिळा ताईंचा
मंजुळ आवाज
कुहु कुहु करते
जणू वाजे पखवाज

ससेभाउ सारखा
तुरु तुरु पळतो
पांढरा शुभ्र ढगांचा
कोट घालुन फिरतो

वाघाची मावशी
आमची मनी माउ
उंदीरच तिचा
आवडता खाउ

आमचा मोती
राखी घर -दार
चोरटे हि त्याला
घाबरती फार

आमचा मिठुदादा
मिठु मिठु बोलतो
हिरवी तिखट मिरची
आवडीने खातो

बाबा तुम्मी रोजच का हो उशीरानी येता ?
सकाळी मी उठण्याआधी निघून पण जाता ?

आई मण्ते नोकरीसाठी जावं लागतं असं
सांगा पण मग माझ्याशी खेळाल तुम्मी कसं?

साएब मणुन कोणी मणे नोकरीमद्धे असतात
उशीरानी येणार्‍यांचा पगार पण ते कापतात

आई घेते अॅपल कापून खायला तस का?
आणि कापलेला पगार पण तेच खातात का ?

साय्बांना नस्तात का कोणी बनू आणि बंटी?
विरघळवून टाकेल त्याना अशी ज्यांची मिठी?

अस्ले कस्ले साएब अस्तात तुम्च्या कामावर?
काढून टाका बघु त्याना उद्या गेल्यावर !

बाबा सांगू का हो माझं सिक्रेट तुम्माला ?
फोडू नका बरं का ते ताई नि आईला

तुम्मी जाताना सकाळी जागा अस्तो मी