कान्हा तुझ्या बासुरीने वेड लाविले
वेड लाविले
हातातले काम विसरुन ध्यान लागले
कान्हा तुझ्या बासुरीने वेड लाविले
रासलिला खेळताना रंग सांडले
रंग
भिजलेल्या काया माझी जग विसरले
कान्हा तुझ्या बासुरीने वेड लाविले
वेड लाविले
नको ना तु छळु असा छुनछुन वाजले
नादात मी पावलाच्या ताल लावले
कान्हा तुझ्या बासुरीने वेड लावीले
माझ्या मध्ये राहुनी तु मी तुझी जाहले
खोटारडा तू आहेस कान्हा
सदा ठकवितोसी आम्हा गोपीकांना !! धृ!!
सवंगड्यास घेऊनी घरामध्ये येतो
दही, दूध, लोणी खाऊन जातो
किती शोधू याला, कुठे सापडेना !! १ !!
यमुनेच्या पाण्या जाता अडवितो वाट
खडे मारूनी हा फोडीतसे माठ
काय सांगू बाई सासुसासर्यांना !! २ !!
स्नान करायासी गेलो यमुनेच्या डोही
कसा कोठोनि हा आला कळालेच नाही,
घेऊनिया वसने म्हणतो, जोडा करांना !! ३ !!
कुणा हसवितोसी, कुणा रडवितोसी,
कुणा तारीतोसी, कुणा मारीतोसी
हरी तुझी लीला, कुणाला कळेना !! ४ !!
तुंगा...
गौळण: अरे कान्हा तू मजला असा छेडू नको
अरे कान्हा तू मजला असा छेडू नको
हात धरूनी वाट माझी तू अडवू नको ||धृ||
नेहमीची मी गवळणबाई, जाते आपल्या वाटंनं
डोक्यावरती ओझं आहे, लोणी आलंय दाटून
बाजारात मला जावूदे, वाट माझी अडवू नको
अरे कान्हा तू मजला असा छेडू नको ||१||
लांबून मी आले बाई, जायचे अजून कितीक लांब
चालून चालून थकून गेले, करू किती मी काम
इथे थांबले थोडा वेळ, दम माझा तोडू नको
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
