देवा

मोक्ष मुक्ती नको देवा
जन्म पंढरीत व्हावा
तुझ्या नामाची ही गोडी
मज तुजसंगे जोडी

देह कापूर होऊनी
तुझ्या पायाशी जळावा
साधू संत येता दारी
तुझा गाभारा उजळावा

तुझ्या नामाचे सेवन
हरपेल भूक तहान
सरूदे रे देहभान
गळूदे बुध्दीची जाण

तुझी दासी मी होईल
तुझी आरास करील
घालील पंचामृत स्नान
तुज प्रेमाने भरवीन

ऐसी घडू द्यावी सेवा
जन्मोजन्मी हे केशवा
नको संपत्ती वा धन
पायी एकची मागणं

© दत्तात्रय साळुंके

देवा जाग्यावर - १

"देवा"

देवा तुझे जरी सुंदर आकाश
मी तुझा प्रकाश
अंधारी का------------------ll १ ll

सुंदर वेलींना सुंदर हि फुले
माझीच का मुळे
खुडलेली -------------------ll २ ll

साखरेचे खाई त्याला तूच देशी
मी का रे उपाशी
तुझ्या घरी ------------------ll ३ ll

भिकारी तुही तुझ्या आईविना
माझ्या का वेदना
जाणेनाशी ------------------ll ४ ll

काठीला तुझ्या आवाजच नाही
तरी त्राही त्राही
करावे मी- -----------------ll ५ ll

जगवीशी असा मला कशासाठी
रोज गाठीभेटी
मरणाच्या- ----------------ll ६ ll

देवा, श्री गणराया

देवा ऐकतोयस ना??

जास्त् काही नाही देवा
फक्त् थोडच मागतोय
गाडी,बंगला अन सेवेला नोकर
एवढच तर द्यायला सांगतोय
पण तु ऐकतोयस ना??

आधी संगीता नंतर ऐश्वर्या
मला सोडुन निघुन गेली
आता कतरिना मिळावी
एवढच तर म्हणतोय ना
देवा ऐकतोयस ना??

एकजण म्हणाला देव हळवा असतो
तपश्चर्ये ला लगेच भुलणारा असतो
म्हणुन मी हि तपश्चर्या करतोय ना
तीन ऐवजी दोन वेळाच जेवतोय ना
पण तु हे बघतोयस ना??

डोकं जरा कर थंड
मन जरा हलकं
काय सांगू देवा तुला
आभाळ झालं परकं