मावशी

“मावशी, तू घरी आहेस का? मी आज तुझ्याकडे जेवायला येतो आहे,” किंवा “मावशी तू माझ्या सोबत शॉपींग ला चल न, तुझी चॉईस आई पेक्षा चांगली आहे.” किंवा “आई, तुला मावशी सारखा चिवडा करताच येत नाही.” अशी हक्क गाजवणारी, कौतुक करणारी भाचे मंडळी असणे हे माझे भाग्यच आहे असं मला कायम वाटत आले आहे.

[पुरुषी मनाला विचार करायला लावणार. बाहेर समाजात वावरणारी स्त्री जिच्यावर अत्याचार होतो, जिला त्रास सहन करावा लागतो, ती तुमची आई, बहिण, बायको, मामी, मावशी कोणीही असू शकते. तेंव्हा स्त्रीचा आदर करा. ]

*********************
दुनियेचे जीवघेणे इशारे
आणि लचके तोडण्यास सरसावलेले हात
चौफेर वखवखलेली नजर
आणि अंग चोरून चालणारी ती…
दुनियेच्या खोचक कमेंट सहन करत
कानाडोळा करून, रस्ता कापणारी
थोडी घाबरलेली,
मनात असंख्य विचारांचं काहूर घेवून
एकटी घराबाहेर पडलेली ती….