पुणे गटग - १८ मे, रविवार, फोटो आणि वृ सहित

अहो फा, मी तेच सांगत होते ट्रेन बघायची तर एवढी मेहनत करून टेकडी चढायची काय गरज आहे, रमा ॐ सुद्धा attract होणार नाहीत ट्रेन बघायला तर आपले माबोकर view छान आहे म्हणून वरती घेऊन गेले मला. धनवंती मॅडम कौतुक करताना थकत नव्हत्या टेकडी चा इतिहास भूगोल किती झाडे कोणते प्राणी पक्षी वगैरे सगळं कळलं
परत येताना पायऱ्या उतरून आलो.
एके ठिकाणी मोठी गोगलगाय दाखवत होता ऋतुराज, मी आणि रेशम पुढे गेलो होतो.
ती गोगलगाय बघायला मागे चढून जा आणि परत उतरा त्यापेक्षा कंटाळा करून आम्ही फोटोत बघतो म्हणून पुढे गेलो
दुर्गादेवी चे दर्शन घेतले.
मुलांना आणायला हवे होते असं सारखं वाटत होतं.
ऋतुराज चे जपान चे अनुभव, तिथली खादाडी आणि न खादाडी, वगैरे विविध गप्पा सुरु होत्याच, रेशम पाने फुले गोळा करत होती, मध्येच कुणालातरी अळू ची पाने दिसली, नशीब चला वड्या करु म्हणून कुणी घेतली नाहीत. मुलांना कुठेही हात न लावता घरी चला म्हणून आपण नेतो इकडे तिकडे तसं करत आणावं लागत होतं तरी रेशम ने कडुनिंबाची पाने घेतलीच.
मग त्यातली काही asthetic पाने केसात माळून वनदेवी चा feel देत मॅडम टेकडी उतरत होत्या. रस्त्यात बदक वगैरे कशाकडे माझं interst नव्हता, भूक लागली होती, पायाथ्याशी पोचलो.
तिकडे मस्त खाऊची दुकाने होती,, मला आणि रेशमला तिकडेच आप्पे खायची इच्छा झालेली, पण कुणी ऐकलं नाही आणि श्रीकृष्ण रेस्टॉरंट ला घेऊन गेले. तिकडे table धरून ठेवला होताच मंडळींनी. मनोज, हर्पेन, श्रेयस आलेले होते.
आता मी काय उठत नसते सांगून मी बसून घेतलं, पेरू, खाऊ चं वाटप सुरु झालं. रेशम ने सुरी मागवून मस्त सगळ्यांना फोडी करून दिल्या पेरूच्या. ऑर्डरी गेल्या.
नाश्ता होईपर्यंत काय घडलं ते काय आठवत नाहीये, माझं लक्ष खाण्यात होतं
Video कॉल्स झाले, परत गप्पा, थट्टा मस्करी आणि मजा!.
छान अशी filter coffee घेतली आणि तृप्त होऊन आम्ही तिथून निघालो.