निसर्गाच्या गप्पा (भाग ३५)

काय सुंदर फोटो आहेत एकेक.

मुसांडा नाव आहे ना
यात लाल रंग ही येतो

ही कोणती फुले ?>>>>> मुसांडा
सावित्रीच्या लेकी बरोबर.
यात लाल, गुलाबी, पिवळा, पांढरा असे रंग येतात.

ऋतुराज यांनी दिलेली फुले इथे सह्याद्रीच्या डोंगररांगात भरपुर दिसतात. पांढरी पाने व पिवळी फुले. आमच्या इकडे शेवरी म्हणतात. तिनही त्रिकाळ फुले असतात. त्यावरुन सुकळ नाय दुकळ नाय शेवरो पालेलो अशी म्हणही आहे. म्हणजे शेवर्‍याला कसले सुखदु:ख नाही किंवा त्याला काळवेळ कळत नाही, तो कायम फुललेला असतो.

मुसांडा, शेवरो.

सुकळ नाय दुकळ नाय शेवरो पालेलो ….

वाह. सदाफुलीच की. छान माहिती.

.

साधना ताई,
काहीतरी गफलत होतेय.
मुसांडा गार्डन व्हरायटी आहे. जास्त करून बागेत लावण्यासाठी वापरतात. तुम्ही म्हणताय ती शेवरा मला माहित नाही. एकदा फोटो टाका जमल्यास.

टाकते.

गार्डन व्हाराइटीसुद्धा कुठल्यातरी नैसर्गिक व्हरायटीवरुनच बनवली असणार ना??

मी लहानपणापासुन पाहतेय शेवरो, तो आता जंगलात घुसला नाहीय. जंगलात टिकोमा घुसलाय, तो इथला नाहीय पण आता रेसिडेण्ट झालाय.

मला पण वाटते हा मासुंडा नाही आहे.. त्याच्या पाकळ्या थोड्या जाड असतात.. & पटकन पडत नाहीत.. ह्या झाडाच्या खाली पांढऱ्या पाकळ्यांचा सडा असतो.. पाकळी एकदम तलम दिसतेय. गावी रस्त्याच्या कडेला असतात हि झाडे.. कदाचित हा जंगली मासुंडा असेल.

https://en.wikipedia.org/wiki/Mussaenda

ऋतुराज ह्या फोटोत आहे तो सह्याद्रीत सर्वत्र आढळतो. मी उद्या पाहते घाटात दिसतो का. तो इतका पसरलेला आहे की मला आठवत नाहीय त्याचा सिझन कुठला आनि कुठे शोधु तो कधीही कुठेही दिसतो

साधनाताई, तुम्ही लिंक दिली आहे तो मुसांडाच आहे. पण हा सह्याद्रीत मुबलक दिसतो?

हो.. तुम्ही कसा पाहिला नाही कधी?? जम्गले भरलीत याने. सफेद पानामुळे लांबुनही उठुन दिसतो. मी आंबोली घाटात व गावात लहानपणापासुन पाहतेय. आमच्याकडे गणपतीत फुलेच नसतात. तेव्हा सोनकी शेवरी वगैरे वाहतात. शेरवड पण म्हणतात.