निसर्गाच्या गप्पा (भाग ३५)

फिक्कट गुलाबी गुलाब अतिशय आवडतो.. हा खूप ताजा टवटवीत पण दिसतोय.

>>>>फिक्कट गुलाबी गुलाब
बेबी पिंक
सर्वच फोटो काय एकसे बढकर एक आहेत. व्हिज्युअल ट्रीट.

सुरेख फोटो आहेत सगळेच!

फणसाला खूप वास असतो ना ?>>>>>

पिकला की वास येतो. बाकी नाही.

किट्टु वाडीत कुठे?? भेटुया की.

सोसायटीच्या बॅक साइड ला असलेला कांचन.. झाड अगदी 4 फीट आहे आणि फुले हाताला लागतात.

रंग आणि रुप दोघातही खूप देखणी व्हरायटी असते ती. हलका सुवास पण असतो > हलकासा सुवास पण आहे गावठी गुलाबाला असतो तसा.

माझ्या घरचा झिनिया

किट्टु वाडीत कुठे?? भेटुया की.>>>
हो साधना ताई, पण यावेळेस चारच दिवस होते गावी.
पुढच्या वेळेस नक्की भेटू.

आम्ही याला काचीकवचं म्हणतो. पिकली की काळी होतात. पिठूळ थोडाशी तुरट चव असते

१००० प्रतिसाद झाले...

किट्टु,
असाण्याची फळे आहेत का ती?

@ऋतुराज
गुगल लेन्सवर हे सापडलं

ऋतुराज, जास्वंदीचा फोटो खूपच तजेलदार दिसतो आहे.

किट्टु
Garcinia indica म्हणजे कोकम.
पण हे कोकम नाही

धनवंती

+ १

रक्तवर्णी जपाकुसुम = ❤

आज मी पहिल्यांदा एक फळ पाहिले आणि मला वाटले ते किट्टुने टाकलेल्या फोटोतलेच आहे. आता फोटो पाहिल्यावर लक्षात आले ते हे नव्हे. मी उद्या फोटो देते इथे, आमच्या ग्रामपंचायतीच्या दारात आहे. धामण्/फालसाची मावसबहिण असावी. पिकलेली फळे पिठुळ व गोड होती. पण घोस लागले होते, पिकल्यावर चनामना बोराचा रंग आला होता.

किट्टुने टाकलेले bridelia stipularis आहे.

https://en.wikipedia.org/wiki/Bridelia_stipularis

दोन फोटो वेगवेगळ्या मोबाईलवरून काढलेले.

मोगरा हसला आणि फुलला.

वर्ष दीड वर्षांपूर्वी वरून कोणीतरी छाटणी केली, एक रोप माझ्या गोकर्ण वेलीत अडकले, मी ते असंच खोचून ठेवलं. सहा महिन्यांपूर्वी तो वेल खूप वाढायला लागला आणि महिन्याभरापूर्वी सर्व गळून सुकून गेलं, मला वाटलं झालं, आता काही येणार नाही, रुसलं रोप माझ्यावर. अचानकपणे काही दिवसांपूर्वी पालवी फुटली आणि आता एक फुल फुललं .

मी याला वेल मोगरा समजतेय पण जाणकारांनी सांगावं की जाई, जुई वगैरे आहे का, की मदनबाण आहे.

अंजू, फुला इतकीच त्या रोपाची गोष्ट रोचक आहे.

अन्जू काय सुंदर फूल आहे.

वाई ला नाना फडणवीस यांच्या वाड्याबाहेरील गोरख चिंच झाड .... असे नाव का कळले नाही. तिथे माहिती लिहिलेली होती म्हणून नाव कळले .

गोरख चिण्च म्हणजे आफ्रिकन बाओबाब. हा वृक्ष आफ्रिकेतुन बहुतेक जगभर पसरला असावा. आपल्याकडेही याचे पुरातन वृक्ष आहेत. २००-३०० वर्षे म्हणजे याचे सामान्य आयुष्य. आपल्या राणीबागेत आहेत याची झाडे. खुप सुण्दर दिसतो, भला मोठा जाड बुंधा आणि निमुळते वर गेलेले टोक. याला खुप सुंदर फुले येतात. फळ आज पहिल्यांदा पाहिले. बिया बहुतेक खात असावेत. आपल्याइथे असेच उगवलेले पण पाहिलेत. आमच्या बेलापुर कॉलनीतल्या झोपडपट्टीत एक झाड होते. नंतर बहुतेक तोडले असावे.

हो साधना , खूपच मोठा बुंधा होता झाडाचा. विशेष म्हणजे त्याची माहिती लिहिली होती त्यात याला ' भुताचे झाड ' असेही म्हणतात असे कळले.

बाओबाबचे फळ पहिल्यांदा पाहिले

+ १

ही झाडे सिल्वासा भागात खूप बघितली आहेत. प्रचंड आकार आणि दीर्घ आयुष्य.

याला ' भुताचे झाड ' असेही म्हणतात असे कळले.>>>

हे मात्र तिथे चुकीचे लिहिलेय. भुताचे झाड हा खिताब कहांडोळ
किंवा कांडोळ ह्या झाडाला मिळालाय. थंडीत ह्याची पुर्ण पानगळ होते आणि याचे पांढरे अंग गुलाबीसर होते. रात्रीच्या चंद्रप्रकाशात हे चमकायला लागते आणि त्या दिव्य पर्णहिन फांद्या अशा हलतात जणु भुत वेगाने हात हलवत आपल्यामागे लागलेय. मी पाहिलेय

फार आवडतो मला हा वृक्ष... पुणे युनिव्हर्सिटी मध्ये एक आहे. वाळवीमुळे कदाचित, काही वर्षांपूर्वी उन्मळून पडला. अतिशय दुःख झालं. पण काही मुळं जमीन धरून होती. नशिबानं तिथल्या अधिकाऱ्यांनी त्याला तसाच पडून राहू दिला. नवी पालवी फुटली आणि नव्या जोमानं फांद्या वाढल्या. कधी गेलो तर त्याची विचारपूस करून आशिर्वाद नक्की घेऊन येतो. आपटे रोड च्या जवळ एक आहे, पण तो एकदम तरणाबांड वाटतो. वाईचा फार वयोवृद्ध आणि प्रचंड आहे. स्वदेस चित्रपटातल्या पंचायतीच्या सीन मध्ये बघितला तेव्हा याचं दर्शन घ्यायला, माहिती काढत वाईला पोहोचलो होतो.

# सोनसकाळ
# आवडता कोपरा
# Slow Sundays

खुपच छान कोपरा….

थँक्यू साधना.

निसर्ग धागा सुस्त पडलाय.

निसर्गप्रेमी चैतन्य परत आणतील ही अपेक्षा.

वरिल फोटो परवा काढला. जुन मध्ये असे निळे आभाळ आणि पांढरे ढग आंबोलीत माझ्या हयातीत तरी बघितले नव्हते.

आता पडतोय पण. वर आदल्या दिवशी लावलेला नाचणा दिसतोय. मधला हिरवा पट्टा अजुन न लावलेल्या नाचण्याची नर्सरी.