खाऊगल्ली - आजचा मेनू - (६)

बऱ्याच दिवसांनी इथे एंट्री टाकत आहे.

बरा अर्धा स्पेशल पनीर टिक्का !

मस्त दिसतेय डिश जाई...
आज गुढी पाडवा त्यामुळे बटाट्याची भाजी, वरण भात तूप लिंबू, कैरीची आंबा डाळ,पन्हं, पापड चिकवड्या तळण, घरी केलेली बासुंदी , मुलाचा मुलगा बासुंदी खात नाही म्हणून त्याच्यासाठी गव्हले खीर आणि घरात सगळ्यांना खोकला आहे म्हणून पुऱ्या न करता पोळ्या असा साग्रसंगीत बेत होता. बाईची वाट बघून शेवट पोळ्या स्वतःच केल्या त्यामुळे खूप उशीर झाला आणि गडबडीत फोटो काढायचा राहिला. बासुंदी अप्रतिम झाली आहे.

हा मेन्यू घ्या झब्बू म्हणून. फक्त पापड मिरगुंडं विकतची. बाकी बासुंदी वगैरे सगळं घरी.

जाई पनीर टिक्का मस्त दिसतोय बघून भूक लागली..
आमचा आजचा गुढीपाडवा मेनू
श्रीखंड पुरी, पापड, कुरडई, वरण भात, कच्च्या केळ्याची भाजी, भजी

कच्च्या फणसाची भाजी

हा माझाही झब्बू जुई च्या ताटाला, फक्त केळ्याची भाजी ऐवजी बटाट्याची भाजी आणि भजी गायब ,बाकी सेम ,पण आज मान श्रीखंड पुरीचा.

आमच्याकडे एक बरे असते सध्या की सकाळी सण झाल्यावर संध्याकाळी ज्याला नॉनव्हेज खायचे असेल त्याला खाऊ देतात Happy>> आमच्यकडेही एक घरात भाऊ आहे जो संकष्टीला माझे मोदक खाऊन ऑम्लेट मागू शकतो आणि त्याला ते देण्यात येतं किंवा तो स्वतः करून खातो.

प्रज्ञा मस्तच दिसतय ताट. थँक्यु... माझा जो फोटो द्यायचा आहे तो तू दिलास... फक्त पुरणा ऐवजी खीर ...
आमच्याकडे पूर्वी नेहमी आमरस नसेल तर आम्रखंड असे पाडव्याला पण सुनबाईना एवढ आवडत नाही म्हणून हल्ली बासुंदी करतो.

सर्वच बेत मस्त…फणसाची भाजी अहाहा…..:)

सगळ्यांचेच पाडवा मेन्यू मस्त ! नेहमीप्रमाणे जेवण झाल्यावर फोटो काढायला हवा …. पश्चात बुध्दी…. उरलेल्या बासुंदी म्हणजे खाणारे म्हणाले म्हणून …
करायला घेतली रबडी! कॅास्टरोचं होल मिल्क आणि हाफ न हाफ दीड तास उकळंल पण घट्ट काही होईना झालं कोजागिरीचं दूध! मिल्क पावडर घातलं तरी त्याची बासुंदी काही होईना…. मग थोडा रवा भाजून घातला. मग ती झाली खीर! पाहुण्यांना बेत काही माहीत त्यातले एक पाहुणे सिख व दुसरे भाची… भाची म्हणे बासुंदी छान झाली मावशी! आम्ही हसायला लागलो. तासभर अमेरिका विरूध्द भारत दूध चर्चा रंगली.
मेन्यू सांगायचाच राहिला. लिंबाच्या रसातली मिरची, मेथांबा, बटाट्याची कांदालसूण विरहित तुपातली रस्सा भाजी, काळे चणे, कोबीच्या वड्या वरण भात व खीर/बासुंदी!

व्वा मंजूताई... मस्त मेनू

रायलसीमा रुचिलु

उगादी (गुढीपाडव्याचे तेलुगु नाव) स्पेशल भोज. मोस्टली तिखट्ट

यंदा भर पाडवा, त्यात रविवार असूनही कामामुळे घरी राहता आले नाही, तस्मात् जैसा देस वैसा भेस.

जुई यांचं ताट मस्तच ताक उसळ आणि नाचणीची भाकरी ऑल टाइम फेवरीट आणि ती तोंडाला पाणी सुटणारी कैरीची फोड मला आताच्या आता हवीय तीही कोकणातल्या घरच्या आंब्याची
फणसाची भाजी खाल्ली नाहीये पण मस्त दिसतेय.

मंजुताई, अनिंद्य मस्त मेन्यू ,उगादी थाळी मध्ये काय काय असतं ?भाज्या पदार्थ वेगळेच दिसतायत .

ईद स्पेशल शेवयाची खीर

कालचा दिवसही खास होता श्री स्वामी समर्थ प्रकट दिन होता त्यानिमित्त नैवेद्याला केलेला शिरा

सगळे मेनु, सणासुदिची ताट मस्त

काय एकेक सुरेख, चविष्ट मेन्यू....
नुसत पाहूनच तोंडाला पाणी सुटलं.
सकाळी सकाळी येऊच नये बॉ इथे...

थॅन्क्स ऋन्मेऽऽष, सिमरन
मुळ्याचे पराठे..

सोबत यांचा पण नाश्ता सुरू असतो

आणि ही जागा किती छान आहे! काय आहे हे जुई? मागचे अंगण ..की पडवी ..?

पराठे तर आवडलेच पण मागची चूल जास्त आवडली.

छल्ला मागची चुलीची पडवी आहे ही...
माझेमन धन्यवाद
शहाळी

जुई, छान फोटो! कित्येक वर्षांनी अशी चुलीची पडवी बघितली.

फार मस्त फोटो

सुंदर फोटो जुई

ओले काजु ३०० रुपये ला ३०० असे आहेत सध्या>>>>
३०० ला १०० ओ ताई… एक रु ला एक काजु १० वर्षापुर्वी असेल. ३ आहे हे नशिब. मला वाटले होते यंदा ५ वर जाईल. शुक्रवारी खाली वाडीत जाणार. तेव्हा आणेन.

प्राजक्ता, स्वाती, ऋतुराज धन्यवाद..
ऋन्मेऽऽष शिमगा आणि जत्रेसाठी गावी जाणे होते..

>>>> ३०० ला १०० ओ ताई… एक रु ला एक काजु १० वर्षापुर्वी असेल.<<<<<
काजूचा गोव्याचा सॉईथ मधल्या गावातला भाव सांगितला ओ.
पणजीत खुप महाग आहेत.