लष्कराच्या भाकऱ्या(२) : जागरूक वाचक मंच

Submitted by कुमार१ on 1 January, 2023 - 20:22

भाग १: https://www.maayboli.com/node/75324
..................................................................................................
नववर्षानिमित्त सर्व मायबोलीकरांचे स्वागत आणि सर्वांना शुभेच्छा !
भाग १ मधील पृष्ठसंख्या बरीच फुगल्यामुळे हा भाग काढतो आहे.

नव्या वाचकांसाठी थोडी पार्श्वभूमी :
वृत्तमाध्यमांमधून असंख्य बातम्या आणि विविध प्रकारची माहिती प्रसारित होत असते. अलीकडे माध्यमांमध्ये घाईघाईत अर्धवट बातम्या देणे, मूळ इंग्लिशमधील बातमीचे ढिसाळ व हास्यास्पद भाषांतर आणि एकंदरीतच लेखनाबद्दलची बेफिकिरी या गोष्टी मोठ्या प्रमाणावर दिसून येतात. अपवाद म्हणून काही माध्यमांमधून इतरांपेक्षा काहीतरी वेगळे किंवा चांगले सुद्धा सादर केले जाते. अशा वृत्तापैकी तुम्हाला आवडलेले/ नावडलेले/ खटकलेले असे काहीही तुम्ही इथे संबंधित दुव्यासकट लिहू शकता.

शीर्षकाच्या नामविस्तारासह सादर आहे हा “लष्कराच्या भाकऱ्याचा” दुसरा भाग..

विषय:

लेखन

शब्दखुणा:

जागरूक वाचक

Groups audience:

गुलमोहर - ललितलेखन

Group content visibility:

Public - accessible to all site users

शेअर करा

जावळीक्य नाही केले यातच

जावळीक्य नाही केले यातच समाधान मानावे.

Submitted by मानव पृथ्वीकर on 23 March, 2025 - 12:30

जवळीक पुरेसे आहे. <<

जवळीक पुरेसे आहे. <<

खरं तर 'जवळीक पुरेशी आहे'

Submitted by अ'निरु'द्ध on 23 March, 2025 - 12:43

जवळीकता

मागे दुसरीकडे कुठेतरी अशा शब्दांवर चर्चा झाली होती. गरज नसताना ता लावलेले. माधुर्यता वगैरे. लोकांनी मग त्यावर माधुर्यत्वतापण वगैरे शब्द काढले.

Submitted by हरचंद पालव on 23 March, 2025 - 17:11

राजकीय फोटो आहे. ता वरून

राजकीय फोटो आहे. ता वरून लोकांनी ताकभात समजून घ्यावा म्हणून लिहीले असेल ते

मागे दुसरीकडे कुठेतरी अशा शब्दांवर चर्चा झाली होती. गरज नसताना ता लावलेले >>> हो

बटाट्याची चाळ मधे "हा फोटो आहे. याला परमनंटनेसपणा आहे..." असे वाक्य आहे चाळीतील लोकांच्या तोंडी. (पुढे "...बायकांना खुर्च्यांवर बसवून आम्ही उभे राहिलो तर लोक तोंडात शेण घालतील आमच्या" वगैरे आहे चाळीतील सर्वांचा एक फोटो काढायचे ठरते. उपस्थित लोकांपेक्षा उपलब्ध खुर्च्या कमी असतात. मग तेथे कोणी बसायचे यावरची चर्चा आहे ती)

Submitted by फारएण्ड on 23 March, 2025 - 19:35

बापता

परमनंटनेसपणा

अमिंद्य, अभ्यासूता म्हणायचं होतं का?

Submitted by rmd on 24 March, 2025 - 10:18

आमच्या घरच्या मदतनीस बाईंना

आमच्या घरच्या मदतनीस बाईंना अधूनमधून भयंकर वीकणेसपणा येतो. मग त्या चार दिवस हक्काची सुट्टी घेतात.

Submitted by मनिम्याऊ on 24 March, 2025 - 10:21

प्रतिसादसंख्या हजारी ओलांडतेय

प्रतिसादसंख्या हजारी ओलांडतेय.

नवा भाग ३ काढायची वेळ झाली आहे.

Submitted by अनिंद्य on 24 March, 2025 - 12:26

अनिंद्य तुम्ही काढा भाग ३.

अनिंद्य
तुम्ही काढा भाग ३.

Submitted by कुमार१ on 25 March, 2025 - 01:45

… तुम्ही काढा भाग ३…..

या धाग्यावर पोस्ट करत असतांना चुकांवर हसायला येणे ही माझी पहिली reaction असे- असते. परंतु लेखनात इतक्या प्रचंड प्रमाणात इतक्या बेसिक चुका सर्वत्र होत असतांना राग, दुःख आणि सुधारणेसाठी फार काही करू न शकण्याची हतबलता अशा नकारात्मक भावना (इथे लिहिल्या नाहीत तरी) वरचढ होतात हल्ली.

म्हणून माझ्यापुरते थांबतो, भाग ३ काढण्यासाठी माझा नकार.

अर्थात तुम्ही / इतर कुणी काढला तर वाचणार.

Submitted by अनिंद्य on 26 March, 2025 - 03:08

*राग, दुःख आणि सुधारणेसाठी

*राग, दुःख आणि सुधारणेसाठी फार काही करू न शकण्याची हतबलता अशा नकारात्मक भावना (इथे लिहिल्या नाहीत तरी) वरचढ होतात हल्ली. >>> +1111
म्हणूनच मलाही आता उत्सुकता वाटत नाही.
असो.
. . .
काहीतरी नवी कल्पना आणि नवे शीर्षक यासह एखाद्या नव्या दमाच्या गड्याने हा कारभार हाती घ्यावा असे वाटते
(अर्थात इच्छा असल्यास)

Submitted by कुमार१ on 26 March, 2025 - 03:23