लष्कराच्या भाकऱ्या(२) : जागरूक वाचक मंच

Submitted by कुमार१ on 1 January, 2023 - 20:22

भाग १: https://www.maayboli.com/node/75324
..................................................................................................
नववर्षानिमित्त सर्व मायबोलीकरांचे स्वागत आणि सर्वांना शुभेच्छा !
भाग १ मधील पृष्ठसंख्या बरीच फुगल्यामुळे हा भाग काढतो आहे.

नव्या वाचकांसाठी थोडी पार्श्वभूमी :
वृत्तमाध्यमांमधून असंख्य बातम्या आणि विविध प्रकारची माहिती प्रसारित होत असते. अलीकडे माध्यमांमध्ये घाईघाईत अर्धवट बातम्या देणे, मूळ इंग्लिशमधील बातमीचे ढिसाळ व हास्यास्पद भाषांतर आणि एकंदरीतच लेखनाबद्दलची बेफिकिरी या गोष्टी मोठ्या प्रमाणावर दिसून येतात. अपवाद म्हणून काही माध्यमांमधून इतरांपेक्षा काहीतरी वेगळे किंवा चांगले सुद्धा सादर केले जाते. अशा वृत्तापैकी तुम्हाला आवडलेले/ नावडलेले/ खटकलेले असे काहीही तुम्ही इथे संबंधित दुव्यासकट लिहू शकता.

शीर्षकाच्या नामविस्तारासह सादर आहे हा “लष्कराच्या भाकऱ्याचा” दुसरा भाग..

विषय: 
लेखन
शब्दखुणा: 
जागरूक वाचक
Groups audience: 
गुलमोहर - ललितलेखन
Group content visibility: 
Public - accessible to all site users
शेअर करा

या भागाची सुरुवात एका मनोरंजक विषयाने...
https://hellomaharashtra.in/lets-know-the-exact-reason-behind-who-gave-t...
जगातील सर्वात पहिलं Kiss कुणी केलं?, कुठून झाली नक्की सुरुवात…

वाचून रंजन झाले परंतु बातमीतील एक विधान नाही पटले :
किसींगमुळे प्रतिकारशक्ती वाढते.
??

Submitted by कुमार१ on 5 January, 2023 - 10:25

वेबसाइटच्या संपादकांना पत्र लिहिण्यासाठी
वाचकांकडून प्रतिक्रिया ऐकायला आम्ही नेहमीच उत्सुक करतो. कौतुक असो वा तक्रार स्वागत आहे.
userfeedback@indianexpress.com

Submitted by भरत. on 13 January, 2023 - 01:34

कुठल्या पेपरात काढल्यात या झोपा? >> लोकसत्ता app शिवाय आहेच कोण?
ह.पा. Lol
भरत, धन्यवाद. पण या असल्या चुकांसाठी वाचकांना ईमेल लिहायची वेळ का यावी? एक नजर टाकायला काय होतं यांना प्रकाशित करण्याआधी?

Submitted by वावे on 13 January, 2023 - 01:40

पहिल्या भागात या मुद्द्यावर बरीच चर्चा झालेली आहे. भरत व माझ्यासह आपल्यातील काही जण अधूनमधून संपादकांना कळवत असतात.
त्याचा उपयोग होतो का नाही हा संशोधनाचा विषय आहे. तरीही कळवत राहणे यालाच लष्करच्या भाकरी असे आपण म्हणतो !

ज्यांना इच्छा आहे आणि वेळ आहे त्यांनी कळवायला हरकत नाही.
अन्यथा हा विरंगुळा आहेच Happy

Submitted by कुमार१ on 13 January, 2023 - 02:09

भरत, बरोबर आहे.
रोज नियमितपणे असे स्क्रीनशॉट्स काढून दर आठवड्याचे एकत्र करून लोकसत्तेकडे पाठवायचे असा काही सांघिक उपक्रम राबवायचा असल्यास त्यात सहभागी होण्याची माझी तयारी आहे.

Submitted by वावे on 13 January, 2023 - 02:46

https://pudhari.news/vishwasanchar/436461/eating-brinjal-reduces-weight/...

या लेखातून काही माहिती मिळाली पण खालचं मात्र अजिबात झेपले नाही:

वांग्याच्या सेवनाने रक्तदाब सहज नियंत्रित ठेवता येतो. सोडियमयुक्त वांगी बीपीच्या रुग्णांवर औषधाप्रमाणे काम करतात.
??

Submitted by कुमार१ on 20 January, 2023 - 01:59

तिथे लिहिले आहे कि वांगी त्वचा आणि हाडांसाठीदेखील खूप उपयुक्त आहेत >>>>>>हाडांमध्ये होत असेल फरक पण त्वचा मला तर वांगी खाल्यावर खाज उठते।काही उपाय असेल तर सुचवा।

Submitted by Ajnabi on 21 January, 2023 - 07:05

बहुतेक हा एलर्जीचाच प्रकार असावा.
त्यावर मोघम काही सांगण्यापेक्षा तज्ञाकडून चिकित्सा झालेली बरी.
वांग्याच्या जोडीला अन्य काही खाद्यपदार्थांवरही नजर ठेवली पाहिजे असे वाटते.

Submitted by कुमार१ on 21 January, 2023 - 07:19

<<सोडियमयुक्त वांगी बीपीच्या रुग्णांवर औषधाप्रमाणे काम करतात.>>घ
क्दाचित त्यांना लो बीपीच्या रुग्णांवर म्हणायचे असेल? पण मुळात वांग्यांमध्ये सोडीयम जास्त असतं का?
असेल तरी औ़षधासारखे काम करते म्हणजे, बळेच.
एखादा पदार्थ घ्यायचा. त्यात काय काय घटक आहेत ते बघायचे. आणि अमुक घटक असला की अमक्यासाठी चांगला, अमुक आजार रोखतो असे म्हणण्याची फॅशन आहे सध्या. तो घटक किती प्रमाणात आहे, शरीराला किती प्रमाणात लागतो, त्याच्या त्या नमुद केलेल्या परिंणामासाठी सोबत इतर घटक आवश्यक आहेत का वगैरे काही ताळतंत्र नसते.

Submitted by मानव पृथ्वीकर on 21 January, 2023 - 09:08

**अमुक आजार रोखतो असे म्हणण्याची फॅशन आहे सध्या>>>
अगदी अगदी ! आणि बऱ्याचदा ठोकून द्यायचं....

Submitted by कुमार१ on 21 January, 2023 - 09:09

How much sodium is in eggplant and potassium?

As to the sodium content of eggplant, it may be stressed that there are only 5 milligrams of sodium for each pound of the vegetable.

Nutrient Amount Daily Value
Potassium 121.77 mg 3 %
Selenium 0.10 mcg 0 %
Sodium 0.99 mg 0 %

वांग्यातले सोडियम दैनंदिन आहाराच्या गरजेपेक्षा फार फार कमी प्रमाणात आहे. आपण (भारतीय ) अतिरिक्त मीठाचे सेवन करतो त्यामुळे ह्या वांग्यात काही असलं- नसलं तरी कच्चं खात नाही. वांग्यात काही पोषक गुण नसतात म्हणून बंगाली लोक याला 'बेगुना' म्हणतात, त्यावरून हे 'बैंगन' आले असावे.

अगदी अगदी ! आणि बऱ्याचदा ठोकून द्यायचं....+१
तुम्हाला न झेपलेलं वाक्य मला देखील परस्परविरोधी वाटलं. Happy
---------
त. टि. माझ्यासाठी हा विरंगुळाच आहे. मला ईमेल करणं शक्य नाही. पण मला इथे येऊन वाचायला, हसायला व जमल्यास माहितीत भर टाकायला आवडेल. Happy

Submitted by अस्मिता. on 21 January, 2023 - 09:31

मी आज कालनिर्णय च्या मागचे लेख वाचले,एकही चूक आढळून आली नाही आणि स्वल्पविराम, पूर्णविराम पण एकदम योग्य ठिकाणी होते,
खूप छान वाटलं वाचून.

Submitted by आदू on 21 January, 2023 - 12:38

भयंकर आणि त्याचवेळी मनोरंजक आहे हे..
मुद्राराक्षसाचा घोटाळा कि काय असं शीर्षक पूर्वी चांदोबा किंवा चंपक मध्ये वाचल्यासारखं वाटतंय.

Submitted by प्राचीन on 22 January, 2023 - 01:56

आज कालनिर्णय च्या मागचे लेख वाचले
यावरून बऱ्याच वर्षांपूर्वी एका लेखात आलेला विनोद आठवला तो असा:

मराठी वाचकांनी जानेवारी महिना कालनिर्णय दिनदर्शिकेच्या मागची सर्व पाने वाचण्यासाठी राखून ठेवलेला आहे. या महिन्यात ते पुस्तके वाचत नाहीत!

Submitted by कुमार१ on 22 January, 2023 - 01:59

मुद्राराक्षसाचा घोटाळा कि काय असं शीर्षक पूर्वी चांदोबा किंवा चंपक मध्ये >> अमृत मासिकात दोन सदरं असायची. एक, उपसंपादकांच्या डुलक्या, आणि दोन, मुद्राराक्षसाचा विनोद. सध्या फेबुवर त्यावरून उसंडू आणि मुरावि अश्या नावाचं पान आहे.

Submitted by हरचंद पालव on 22 January, 2023 - 06:00

इथल्या (https://www.aksharnama.com/client/article_detail/6533)
लेखात खालील वाक्यातील
"कृत्रिम अल्गोरिदमच्या आवाक्यापलीकडे माणसांमध्ये नेहमीच एक अनोखी क्षमता असेल, ही निव्वळ काल्पनिक कल्पना आहे"

'काल्पनिक कल्पना' हा शब्दप्रयोग वैशिष्ट्यपूर्ण वाटला.

इथे 'कल्पना' चा अर्थ,
मनःपटावर उमटलेलें चित्र
असा घेतला की मग मुद्दा स्पष्ट होतो.

पहिल्यांदाच असा शब्दप्रयोग वाचला. कसा वाटतो ?

Submitted by कुमार१ on 25 January, 2023 - 00:04

Pages