Wordle! एक मस्त ऑनलाईन खेळ

Submitted by व्यत्यय on 17 January, 2022 - 06:40

Wordle (https://www.powerlanguage.co.uk/wordle/) या खेळाचा मी फॅन झालोय. हा एक ऑनलाईन खेळायचा शब्दकोड्याचा एक प्रकार आहे. दर दिवशी एक नवं कोडं या वेबसाईटवर उपलब्ध होतं. खेळाचे नियम अगदी सोप्पे आहेत
१. त्या दिवसाचा पाच अक्षरी शब्द ओळखायचा
२. सुरुवात अर्थात एका रॅन्डम गेस ने करायची. प्रत्येकाचा एक आवडीचा पहीला शब्द असतो असं माझं निरीक्षण आहे. मी नेहमी T A B L E या शब्दाने सुरुवात करतो
३. तुम्ही गेस केलेल्या शब्दामधली जी अक्षरं बरोब्बर जागी असतील ती हिरव्या पार्श्वभुमीवर दिसतात
४. जी अक्षरं चुकीच्या जागी आहेत, ती पिवळ्या पार्श्वभुमीवर दिसतात
५. जी अक्षरं कोड्यामधल्या शब्दात नाहीच आहेत, ती राखाडी पार्श्वभुमीवर दिसतात.
६. आपलं उद्दीष्ट आहे की कोड्यातला शब्द बरोबर ओळखणे. म्हणजेच सगळी अक्षरं हिरव्या पार्श्वभुमीवर दिसायला हवीत.
७. आपण गेस केलेला शब्द डिक्शनरी मध्ये असायला हवा. म्हणजेच आपण A E I O U असा गेस नाही करु शकत

कालचं उदाहरण घेउ. कालचा शब्द होता S O L A R
मी नेहमी सारखी सुरुवात केली T A B L E ने. खेळाने सांगितलं की A आणि L हे चुकीच्या जागे आहेत. ती अक्षरं पिवळ्या पार्श्वभुमीवर दिसली.
मग मी पुढचा गेस केला F I N A L. यात मी A आणि L ची जागा बदलली आणि काही नवीन अक्षरं वापरली. आता खेळाने सांगितलं की A बरोबर जागी आलाय पण L मात्र अजुनही चुकीच्या जागी आहे. शिवाय इतर ३ अक्षरंही चुकीची आहेत.
पुढच्या गेस साठी मला A चौथ्या घरात पण L पहिल्या ३ घरात असलेला शब्द शोधायचा होता. आणि जमल्यास O किंवा U देखिल वपरायचे होते. L O A N. हा शब्द सुचला पण तो फक्त चार अक्षरी होता. मी S L O A N. हा शब्द चालतो क बघितलं तर तो चालला.
आता S आणि A हे बरोबर जागी होते पण L आणि O मात्र चुकीच्या जागी होते. या येवढ्या माहीतीवरुन पुढच्या गेस मधे S O L A R शोधणे सोपे होते.

हा खेळ खुप व्हायरल होतोय. याचं कारण म्हणजे, खेळ संपल्यावर तुम्हाला हिरवे, पिवळे चौकोन असलेलं चित्र (?) मिळतं जे तुम्ही तुमच्या सोशल मिडियावर शेअर करु शकता. एखाद्याचं चित्र बघुनही त्यानी तो शब्द ओळखण्यासाठी केलेली धडपड आणि त्यांची thought process आपण समजु शकतो.

तुम्ही देखिल हा खेळ खेळा आणि इथे तुमची "रांगोळी" इतरांबरोबर शेअर करा Happy

तळटीप १: डॉक्टर कुमार यांनी जुन्या सर्व शब्दांचा खजिना उघडून दिला. या लिंक वर सगळे जुने wordle शब्द मिळतील https://www.devangthakkar.com/wordle_archive/

तळटीप २: पुरुष आयडी यांनी सहा अक्षरांच्या Wordle २ खेळाची ओळख करून दिली आहे. https://www.wordle2.in/ इथे तुम्ही खेळू शकता.

विषय: 
मनोरंजन
शब्दखुणा: 
'खेळ'
Groups audience: 
विरंगुळा
Group content visibility: 
Use group defaults
शेअर करा

रीपीट व्हायला हरकत नाही, पण ते अक्षर चुकीच्या ठिकाणी असेल तर पिवळं दाखवणं ही ठीकच. पण बरोबर ठिकाणी आलं तर हिरवं दाखवून पुरेसं नाही, पर्पल दाखवलं पाहिजे असं वाटलं. अ‍ॅंबिग्युईटी येते. अर्थात ती येऊन गेमची मजा वाढत असेल तर काही म्हणणं नाही. मी तीनच दिवस झाले खेळतोय त्यामुळे फार अनुभव नाही.

Submitted by अमितव on 20 January, 2022 - 09:41

Screenshot_2022-01-21-07-22-28-439_com.whatsapp~2.jpg

आज डेस्कटॉपवरून रिझल्ट शेअर करता आला नाही. फोनवरून पुन्हा सोडवावं लागलं.
(फक्त सोडवणं पुरेसं नाही, शेअर करावं लागतं. शास्त्र असतं ते.)

तो अन्लिमिटेड वाला पाहिला. त्यात अनेकवचनं, भूतकाळाची रूपं वगैरे वापरलीत. त्यामुळे मजा येत नाही.

Submitted by भरत. on 20 January, 2022 - 20:57

फक्त सोडवणं पुरेसं नाही, शेअर करावं लागतं. शास्त्र असतं ते
सत्यवचन Happy

Screenshot_20220121-073202.jpg

Admin / वेमा : युनिकोड कॅरॅक्टर एनेबल करा ना. म्हणजे रांगोळी डायरेक्ट कॉपी पेस्ट करता येईल. आता स्क्रीनशॉट अपलोड करावा लागतो म्हणजे उगाच सर्व्हरची जागा फुकट जाते. इतरही सगळ्या स्मायली उपलब्ध होतील

Submitted by व्यत्यय on 20 January, 2022 - 21:09

*तो अन्लिमिटेड वाला पाहिला. त्यात अनेकवचनं, भूतकाळाची रूपं वगैरे वापरलीत. त्यामुळे मजा येत नाही. >>+१११
अशी रूपे वापरणे हे शब्दखेळांच्या मूलभूत नियमांचे विरुद्ध आहे

Submitted by कुमार१ on 20 January, 2022 - 21:15

माझ्या रांगोळीतील शेवटल्या दोन लाईनी पाहिल्या की लक्षात येईल शेवटले अक्षर कुठले डोक्यात धरून बसलो होतो.
Screenshot_20220121-085016_WhatsApp.jpg

आज एकही पिवळा चौकोन नाही सगळे हिरवेच तरीही ५ अटेम्पट्स.

Submitted by मानव पृथ्वीकर on 20 January, 2022 - 22:33

a, e असलेले शब्द असतात का कधी? मी कधी कधी हे स्वर एलिमिनेट करायला पहिला शब्द खर्ची पाडतो.

Submitted by भरत. on 20 January, 2022 - 22:38

माझ्या आता लक्षात आलं आज मला पण एकही पिवळा चौकोन नाही चार प्रयत्नात.
आज माझा दुसरा रॅन्डम गेस योगायोगाने चांगला निघाला. मग पुढचं सोपं होतं

Submitted by व्यत्यय on 20 January, 2022 - 22:55

मी_आर्या, दुसऱ्या प्रयत्नात तुम्ही पहिल्या प्रयत्नात मिळालेली दोन अक्षरे का वापरली नाहीत?
vowels शोधायला?

Submitted by मानव पृथ्वीकर on 20 January, 2022 - 23:40

<<दुसऱ्या प्रयत्नात तुम्ही पहिल्या प्रयत्नात मिळालेली दोन अक्षरे का वापरली नाहीत?<<
एवढ सुचले नाही तेव्हा. Lol अन पहिली दोन्ही व्यंजने होती, मला स्वर शोधायचे होते.

Submitted by मी_आर्या on 20 January, 2022 - 23:54

<<नंबर 2 चे wordle खतरनाक आहे! 5 व्या लाईनला जमलं<<
अगदी अगदी! दोनदा सेम अक्षरे आली तरी इथे जमत नाही. इथ तर.. Proud

अन मला अनेकवचने आली की फार वैतागवाणे वाटते.

Submitted by मी_आर्या on 20 January, 2022 - 23:57

Screenshot_20220121-061848.jpg

पहिल्या लाइन मधे सगळे काळे येण्याचा आनंद्/फायदा वेगळाच Proud

Submitted by नाबुआबुनमा on 21 January, 2022 - 02:45

तीन

Submitted by विक्रमसिंह on 21 January, 2022 - 06:14

Screenshot_20220121-082631_WhatsApp.jpg
आजही तिसऱ्या प्रयत्नात आले.

हो स्वरुप , सगळ्यांना एकच/सारखाच शब्द असतो.

Submitted by अस्मिता. on 21 January, 2022 - 09:29

ती रांगोळी अपलोडच होत नव्हती..... page error येत होती!!
<<
मायबोलीवर ती रांगोळी "पेस्ट" होते पण अपलोड होत नाही. त्याचा फोटू काढून टाकावा लागतो. वरती भरत म्हणालेत तसं, "शास्त्र असतंय ते" Rofl

Submitted by आ.रा.रा. on 21 January, 2022 - 09:53

Pages