क्रिकेट - ७

सध्या शर्मा नाहीये तेंव्हा ब्रेक घे ह्याच धोरणानुसार

मी नाहीच बघितली आजची मॅच. सहज स्कोर बघायला क्रीकइन्फो ओपन केलं तर तिथे हारलेलो. शर्मा असल्यावर पण मी फक्त त्याची बॅटिंग(शर्मा आऊट झाला की चॅनेल बदलतो), त्याची कॅप्टनशीप, आणि शेवटी सामना रंगात आला तर बघतो.

असामी, धवन विषयी आणि राहूल च्या कॅप्टन्सीबद्दल तू जे लिहीलयंस त्याच्याशी सहमत आहे. कॅप्टन ने मॅचमधे अ‍ॅक्टीव्हली गोष्टी घडवून आणाव्या अशी अपेक्षा आहे. त्यातून मॅच हातातून निसटताना काहीतरी कल्पकता दाखवून मॅच ची दिशा बदलण्याचा प्रयत्न करावा हे अपेक्षित आहे. तिथे राहूल अगदीच पॅसीव्ह वाटतो.

भुवनेश looks like a pale shadow of old Bhuvanesh. ठाकूर रन्स काढतो हे अ‍ॅडिशनल क्वालिफिकेशन चांगलं आहे. पण त्याने त्याचा प्रायमरी जॉब - बॉलर म्हणून - व्यवस्थित करणं ही प्रायोरिटी असावी. आजचा दिवस अपवाद ठरो आणि पुढच्या मॅच मधे पार्टनरशिप तोडणारा, रन्स रोखणारा बॉलर म्हणून तो दिसो.

*भुवनेश looks like a pale shadow of old Bhuvanesh. * +1. काय आशा निर्माण करून ठेवल्या होत्या या गुणी खेळाडूने ! पण इंग्लंडच्या पोषक वातावरणात दोन्ही स्विंग सफाईने करणारा असूनही तो प्रभावी ठरला नाहीं व दुखापतीमुळे कारकीर्दीत खंड पडत राहिला. नंतर त्याचा आलेख वरच्या दिशेने सरकलाच नाहीं!

भुवनेश्वर ने डेब्यु सामन्यात पहिल्याच बॉलला कसलाच बोल्ड काढला होता. संधूने 83 च्या वर्ल्ड कप फायनलला विकेट काढली त्याचा ऍक्शन रिप्ले होता ती विकेट. नंतर नजर लागल्यासारखी झाली त्याला.

राहुल संघात ४,५,६ नंबर वरती पाहिजे किंवा बाहेर
आणि फक्त १च खेळाडू खेळणार असेल तर कर्णधार

भारतीय क्रिकेट मधे सध्या काय चालू आहे? मला काळजी वाटते.
गांगुलीने राजिनामा दिला म्हणे! बुमराह म्हणतो द्रवीड कोच असणे बरे नव्हे. कोहली कर्णधार नाही.
आणि आपण सामने हरतो आहेत!!

"दुखापतीमुळे कारकीर्दीत खंड पडत राहिला." - खरंय. इंज्युरीनंतर कमबॅक करणं हे कुठल्याही अ‍ॅथलिटसाठी खूप कठीण असतं. लहानपणापासून डेव्हलप होत गेलेली वर्षानुवर्षांची मसल-मेमरी आणि इंज्युरीनंतर, मोठ्या वयात त्यात करावा लागणारा बदल ह्या संघर्षातून परफॉर्मन्स ची कमाल पातळी परत गाठणं अवघड होत जातं आणि ह्यातून मानसिक संघर्ष / फ्रस्ट्रेशन सुद्धा येतं. खेळाडूंइतकं 'झालं गेलं गंगेला मिळालं' असं म्हणून लगेच पुढच्या क्षणावर फोकस करणं इतर कुठल्या क्षेत्रात नसावं. अशा वेळी मोठ्या इंज्युरीतून कमबॅक करून परत कमाल दर्जाचा परफॉर्मन्स देणार्या खेळाडूंविषयीचा आदर वाढतो. उदा. सचिन तेंडुलकर (टेनिस एल्बो), किंवा नुकताच इंज्युरीतून परत आलेला बुमराह.

गांगुली आणि शाहची टर्म सप्टेंबर २०२२ला‌ अशीही संपणार आहे. त्याचीच बातमी असेल.

अरे नाही रे, झक्कींचे शेंडेनक्षत्र, बायडन, ट्रंप अशा रणधुमाळीत कोहलीचे गांगूली झाले असेल.

"रणधुमाळी" -

कोहली कर्णधार म्हणून धोनी किंवा गांगुली इतका श्रेष्ठ नक्कीच वाटला नाही.
पण कर्णधार म्हणून त्याचं कर्तृत्व नक्कीच नाकारता येणार नाही.
१. धोनीची संघातली जागा भरून काढणे.
२. उत्तम वेगवान गोलंदाजांचा ताफा बनवणे आणि जोपासणे.
३. अति आक्रमक मानसिकता ठेऊन तसा संघ तयार करणे.
४. कुठल्याही परिस्थितीतून जिंकण्याची जिद्द संघात निर्माण करणे.
(कोहली ऑस्ट्रेलिया दौरा अर्धवट सोडून परतला त्यानंतरचे विजय.) कोहली संघात नसला तरी संघ त्यानेच बनवलेला होता.
५. रहाणे आणि पुजाराला खूप संधी देणे. (आपल्या खेळाडूवर विश्वास ठेवणे.)
(त्या दोघांना धावांची भूक लागण्या ऐवजी माती खाण्याची भूक लागली हा भाग वेगळा)
६. त्याचे आकडे.
७. तंदुरुस्तीला भारतीय संघाची संस्कृती बनवणे.

त्याच बरोबर त्याच्या काही गोष्टी बोचल्या:
१. अति आक्रमकतेच्या नादात मैदानावर तोल सोडणे.
२. संघ वाईट हरलेला असताना ऑस्ट्रेलिया दौरा अर्धवट सोडून आपली वैयक्तिक सुटी पुढे न ढकलणे.
(सचिनचे वडील वारले तेव्हा सुद्धा त्याने दौरा अर्धवट सोडला नव्हता. पुन्हा इंग्लंडला जाऊन शतक काढले होते.)
जेव्हा कर्णधार असं वागतो तेव्हा संपूर्ण संघाचीमानसिकता बदलते.
२. अश्विन सारख्या खेळाडूला संपूर्ण इंग्लंड दौरा बाहेर बसवणे.
३. सूर्यकुमार यादव सारख्या नियमितपणे छान फलंदाजी करणाऱ्या खेळाडूंना संधी न देणे. (गुण क्र ५)
४. कल्पकपणाचा अभाव. (माझ्या मते हे एकही ICC मालिका न जिंकण्याचं कारण आहे).

२. संघ वाईट हरलेला असताना ऑस्ट्रेलिया दौरा अर्धवट सोडून आपली वैयक्तिक सुटी पुढे न ढकलणे. >>>> उलट त्याने संघ इतका स्ट्राँग बनवला होता आणि आपला सक्सेसर ग्रुम केलेला होता, त्यामुळे फक्त त्याच्यावर अवलंबून न रहाता टीम जिंकू शकली. त्यावेळेला वैयक्तिक सुट्टी मुलीच्या जन्माच्यावेळी उपस्थित रहाण्यासाठी घेतली होती तर पुढे कशी ढकलणार ?

*..फक्त त्याच्यावर अवलंबून न रहाता टीम जिंकू शकली.* - तो नसल्यामुळेच टीम जिंकू शकली, असाही अर्थ निघूं शकतो ( जरी मला तसं वाटत नसलं तरीहि) !

तो नसल्यामुळेच टीम जिंकू शकली, असाही अर्थ निघूं शकतो >>> निघू शकतो काय बोलताय भाऊ, तो नसल्यामुळेच टीम जिंकली हे ढळढळीत सत्य आहे. तो असता तर 100% हारलो असतो ती सिरीज.

भारत 300+ च्या वाटेवर आहे असं वाटतं. पंत धमाल खेळतोय !

*तो अ‍ॅग्रेशनवाला, गेम कंट्रोल करणारा, बॉलर्सना डोमिनेट करणारा कोहली कुठे हरवलाय समजत नाही.* - मला तर वाटतं तो हरवलेला कोहली आतां खेळाचा मनसोक्त आनंद घेणारा व देणारा कोहली म्हणूनच बहरात येईल. सध्या तो या मानसिक संक्रमणावस्थेत असावा.

हा शार्दुल ठाकूर बर्‍यापैकी धावा करतो. तसा तो गोलंदाजीहि चांगली करतो. त्याला जरा जास्त संधि द्यायला पाहिजे.

नी काही कोहली रहाणे यांचा फॅन नाही, ते गेले संघातून तर मला काही वाईट वाटणार नाही.

288/3 द आफ्रिका 7 विकेटसनी विजयी ! आपली गोलंदाजी अधिकाधिक निष्प्रभ कां होतेय ?

आपली गोलंदाजी अधिकाधिक निष्प्रभ कां होतेय ? >> हा प्रश्न आहे का खरच ? मला वाटले भारतीय क्रिकेटच्या प्रत्येक प्रश्नाचे उत्तर 'रोहित संघात नसणे' नि 'कोहली संघात असणे' हे नि हेच आहे ह्या बाफांवर, एव्हढे प्रेम तर त्यावर रितिका चे पण नसावे

क्रिकेट सांघिक खेळ आहे वगैरे गोष्टींकडे दुर्लक्ष करायचे नि आपला एकच एक ढोल बडवत बसायचा. रोहित असताना सामने हरलोच नाहित आपण कधी. रोहित कधी फेल गेलाच नाही. रोहित खेळला असताना आपण कधी हरलोच नाहि आहोत. रोहित नसताना आपण कधी हरलोच नाहित. उद्या ८३ चा वर्ल्ड कप सुद्धा रोहित सूक्षरूपात असल्यामूळेच आपण जिंकलो आहोत असे वाचले तरी मला आश्चर्य वाटणार नाही .

असामी

असामीजी, मी सगळ्याच्या मुळाशी रोहित व विराटचं असणं / नसणंच आहे असं मानत नाहीं व तसं कधीं सुचवलेलं पण नाहीं. आपली गोलंदाजी इतकी निष्प्रभ कां वाटतेय , ही माझी खरीखुरी शंका आहे.

"उद्या ८३ चा वर्ल्ड कप सुद्धा रोहित सूक्षरूपात असल्यामूळेच आपण जिंकलो आहोत असे वाचले तरी मला आश्चर्य वाटणार नाही ." - अरे असेल असंच खरंच. तसं स्टॅट्स आणि मीम्स बनवायला सांगू आपण कुणाला तरी. तसंही आपण बघायला लागल्यापासूनचंच क्रिकेट खरं मानायची एक पद्धत आहेच की.

मला वाटतं कि शॉर्ट टर्म - स्टॉप लॉस अरेंजमेंट म्हणून पुढच्या मॅच ला भुवनेश आणि श्रेयस ला बाहेर ठेवून ऋतुराज आणि दीपक चहर ला खेळवावं. ऋतुराज ने ओपनिंग ला यावं आणि राहूल ने ४/५ व्या नंबरवर येऊन मिडल ऑर्डरला मजबूत करावं. ऋतुराज चा खेळ वन-डे साठी जास्त पोषक आहे (इशान किशन ओपनिंग ला का नको ह्या भावी प्रश्नाचं उत्तर).