क्रिकेट - ७

एकेकाळी आत किमान ४ प्लेअर हवेत असा नियम होता.
आता पॉवरप्ले २ ला किमान ५ आत चा नियम आहे
मग ४० ओवरनंतर पुन्हा ४ च आत चालतात.
बहुधा २०-२० ला पहिल्या पॉवरप्ले नंतर ४ चाच नियम आहे.
खूप दिवसांनी शर्मा वन डे खेळला. त्यातही कप्तान म्हणून .. विसर पडत असेल त्याला.. पंतला मोजायचे काम द्यावे.

कर्णधार रोहितचा विजयरथ सुस्साट; कमी वेळातच कोहली, कपिल देव यांना मागे सोडत बनला ‘एक नंबर’

रोहित सर्वात कमी सामन्यांमध्ये संघांला १० विजय मिळवून देणारा भारतीय कर्णधार बनला आहे. रोहितने आतापर्यंत फक्त १२ वनडे सामन्यांमध्ये भारतीय संघाचे नेतृत्त्व केले आहे. त्यापैकी केवळ २ सामने गमावत त्याने १० सामना विजयांचा आकडा पूर्ण केला आहे. याबरोबरच त्याची वनडेतील विजयी सरासरी ८३.३३ इतकी राहिली आहे.

यापूर्वी वनडे क्रिकेटमध्ये सर्वात जलद १० विजय मिळवण्याचा विक्रम विराटच्या नावे होता. त्याने कारकिर्दीतील अवघ्या १३ व्या वनडेत दहावा विजय मिळवला होता. त्याच्यानंतर कपिल देव यांनी १५ सामन्यांमध्ये हा किर्तीमान केला होता. तर मोहम्मद अझरुद्दीन (१७ सामने), सौरव गांगुली (१९ सामने) यांनीही २० पेक्षा कमी डावांमध्ये १० विजय मिळवले होते. तसेच राहुल द्रविड (२० सामने), एमएस धोनी (२२ सामने), सचिन तेंडूलकर (२९ सामने) आणि सुनिल गावसकर (३३ सामने) हेदेखील या यादीमध्ये आहेत.

भारत आणि वेस्ट इंडिज या दोन्ही संघांमध्ये पहिली वनडे मालिका १९८३ मध्ये पार पडली होती. तेव्हापासून ते आतापर्यंत दोन्ही संघांमध्ये २१ वनडे मालिका झाल्या आहेत. या २१ वनडे मालिकांमध्ये भारतीय संघ एकही वेळेस वेस्ट इंडिज संघाला क्लीन स्वीप करू शकला नाहीये. तर वेस्ट इंडिज संघाने भारतीय संघाला ३ वेळेस क्लीन स्वीप केले आहे. त्यामुळे हा सामना भारतीय संघांच्या दृष्टीने मोठा सामना असणार आहे. हा सामना जिंकून भारतीय संघ नवा विक्रम रचू शकतो

१) पहिल्यांदा विंडीजला व्हाईटवॉश देतोय हे अर्थपुर्ण नसेल तर द्विपक्षीय मालिकांना अर्थच काय उरला

२) तीन फॉर्मेटमध्ये शतक मारणारा प्लेअर त्याचा विविध फॉर्मेटशी जुळवून घ्यायचा क्लास दाखवतो. सर्व प्लेअरना नाही जमत हे. जर जगभरातल्या कंडीशनमध्ये खेळणार्‍या सचिन राहुलचे कौतुक करू शकतो. तर तिन्ही फॉर्मेट गाजवणार्‍याचेही कौतुक करू शकतोच.

३) पहिल्या दहा बारा सामन्यात कप्तानीत शर्मा सर्वप्रथम हे हाऊजी मधील जल्दीफाईव्ह सारखे आहे. फुल हाऊस ५०० रुपये असेल तर जल्दी फाईव्ह जिंकणार्‍याला देखील पन्नास शंभर रुपये द्यायला हरकत नाही

3) केवळ सामने जिंकले हे कर्णधार चांगला असण्याचा पुरावा नाहीं, हें माझं इथे मांडलेलं ठाम मत आहे.
>>>>>
अरे वाह, हे तर माझेही मत आहे. किंबहुना ज्या कोणालाही क्रिकेटचा गंध आहे त्याचे प्रत्येकाचे हे मत असेल. कारण आपला संघ काय आहे आणि समोरचा संघ कसा आहे हे दोन महत्वाचे फॅक्टर आहेत जे दोन कर्णधारांच्या तुलनेत कधीच कॉन्स्टंट नसतात.

त्यामुळे धोनी आणि शर्मा हे केव्हाही कोहलीपेक्षा चांगलेच कर्णधार आहेत हे सांगायला मलाही कुठलेही आकडे शोधावे लागत नाहीत. ते मत मी माझ्या क्रिकेटच्या समजेवरूनच बनवले आहे.

पण त्याचवेळी कर्णधाराचे काम संघाला जिंकवून देणे हेच असते हे देखील विसरून चालणार नाही. त्यामुळे दोन कर्णधारांच्या तुलनेला हा एकच निकष योग्य नसला तरी त्या त्या कर्णधाराच्या कामगिरीचे मूल्यमापन करायचा हाच पहिला निकष झाला.

2) *यांच्याव्यतिरिक्त कोणालाही वेस्ट इंडिजविरुद्ध तिन्ही क्रिकेट प्रकारात शतक करता आलेले नाही.*, *इतर
किती जणांना असं करण्याची किती संधी मिळाली, कोणत्या गोलंदाजी विरूद्ध, कोणत्या विकेटसवर हे लक्षात न घेतां त्याना '.... शतक करतां आलेलं नाहीं ' असं कसं म्हणता येईल.
>>>>>>>
हे असले स्टॅटस आणि रेकॉर्ड त्या त्या खेळाडूचे कौतुक करायला लोकं शेअर करतात. याचा अर्थ ज्यांना हे जमले नाही वा संधीच मिळाली नाही त्यांना हलके दाखवायला नसते ते.

वेस्ट इंडीज संघाविरुद्ध वनडेत सर्वाधिक धावा करणारे भारतीय सलामीवीर फलंदाज :
१०२४ धावा – सचिन तेंडुलकर
१०२४ धावा – रोहित शर्मा
१०१५ धावा – सौरव गांगुली

हा लवकर फॉर्मात यायला हवे.

With the dismissal, Kohli ended the West Indies ODI series scoring just 26 runs which includes scores of 8 off 4 and 18 off 30 respectively in the first two games. It is the second-lowest he has ever scored in a three-match bilateral ODI series and the first since the home series against Pakistan in 2012/13, where he had managed only 13 runs in three innings averaging 4.33.

रहाणेने गेमवर फोकस करावा आणि बॅटने उत्तर द्यावे. हे असे वाद ऊकरून का काढतोय?
...

‘बॅकस्टेज विथ बोरीया’ कार्यक्रमात अजिंक्य रहाणेने मौन सोडलं व करीयर संबंधीच्या तसेच ऑस्ट्रेलिया दौऱ्याबद्दल भाष्य केलं. बॉर्डर-गावस्कर मालिकेत विराट कोहलीच्या अनुपस्थितीत अजिंक्य रहाणेने संघाचं नेतृत्व केलं. रहाणेने प्रथमच एक मोठं विधान केलं आहे. “मैदानात तसंच ड्रेसिंग रुममध्ये मी काही निर्णय घेतले पण कोणी दुसऱ्यानेच त्याचं श्रेय घेतलं” असं रहाणे म्हणाला. अजिंक्य रहाणेचा रोख नेमका कोणाकडे आहे, ते स्पष्ट झालेलं नाही.

असामी ओके. मी ती बातमी कॉपीपेस्ट केली आहे. त्याचा रोख कोणावर का असेना. मला हे अनावश्यक वाटले. पब्लिक सब जानती है. त्या काळात सोशल मिडियावर त्याच्या नावाचा जयघोष चालू होता. पब्लिक त्याला क्रेडीट देत होतीच. पण नंतर त्यानेच आपल्या मैदानावरील खेळाने माती केली. आणि या काळात त्याला एक फलंदाज म्हणून पुरेपूर संधी मिळाली आहे. त्याबाबत त्याच्याशी कसलेही राजकारण झाले नाहीये. उलट तो ईतका लाडका का आहे असा पब्लिकमध्ये ओरडा व्हावा ईतकी संधी सातत्याने अपयशी ठरूनही मिळाली आहे. आणि अजूनही मिळेल कारण कसोटीत स्पर्धा कमी आहे. ईथे टिकायचे असल्यास तंत्राला पर्याय नाही. नवोदीतांमध्ये शॉर्ट बॉलवर उड्या मारणारा श्रेयस अय्यरसारखा एखादा भारतात चमकेल. पण बाहेर जाताच पुन्हा संगीत खुर्ची चालू होईल हे निवडसमितीलाही ठाऊक आहे. त्यामुळे ज्यांनी तंत्राच्या कसोटीवर स्वत:ला सिद्ध केले आहे त्या पुजारा रहाणे जोडीवर कायमस्वरुपी फुल्ली कधीच मारली जाणार नाही.

अशा वेळी त्याने आपले फ्रस्ट्रेशन व्यक्त केले फारसे चुकीचे नसावे नाही का ?
>>>>

फ्रस्ट्रेशनमध्ये काही बोलून त्याला फायदा शून्य आणि नुकसानच जास्त होणार आहे. मी त्याच्या भल्यासाठीच सांगतोय की हे अनावश्यक आहे. त्याला काही आरोपीच्या पिंजऱ्यात उभे करत नाहीये.
असो, मी भारतीय क्रिकेटचा हितचिंतक आहे आणि टेस्ट मॅच लव्हर. फॅब फोर काळाचा वारसा चालवणारे रहाणे-पुजारा एकत्रितपणे संघातली जागा गमावण्याच्या स्थितीत आले आहेत हे दुर्दैवी आहे.

काल श्रेयस अय्यरने ८० मारले आणि सामनावीरही पटकावला. पण ज्यांनी मॅच पाहिली त्यांना लक्षात येईल की त्याचा शॉर्ट बॉल प्रॉब्लेम कायम होता. तो त्याला सोडवावाच लागणार अन्यथा बाहेर खेळताना तो माझ्या कसोटी संघात कधीच नसेल. किंबहुना येता २०-२० वर्ल्डकप ऑस्ट्रेलियात आहे. तिथेही तो सध्या तरी माझ्या अकरात नाहीये. मिडलला सुर्या आणि पंतच हवेत.

अय्यरला आमच्या शाहरूखने घेतला
१२.२५ करोडला