पछाडलेल्या वास्तूत येणारे अनुभव.

Submitted by अनिळजी on 25 September, 2020 - 12:16

नमस्कार, मी काही दिवसांपूर्वी एक घर घेतलं. साधारण महिना झाला असेल आम्ही म्हणजे मी, पत्नी, आणि दोन वर्षांचा मुलगा या घरात शिफ्ट झालो. जेव्हा पहिल्यांदा हे घर पाहायला आलो तेव्हा मी आणि हिने इथे प्रचंड अस्वस्थता अनुभवली. पण स्वस्त मिळत असल्याने हे घर फायनल केलं. इथे राहायला आल्यापासून आठवड्यात वाईट अनुभव यायला लागले आहेत. आमच्या तिघांशीवाय इतरही कोणीतरी इथे वावरत असल्याचा भास होतो. वारा नसताना दरवाजे जोरात उघडझाप होणे. कोणीतरी हाक मारल्याचा भास होणे, मध्यरात्री भांडी जोरात वाजणे असले प्रकार सर्रास घडत आहेत. पाच दिवसांपूर्वी बाथरूममधला नळ अचानक सुरू झाला होता. मुलाचं वागणही बदलायला लागलंय एकटाच कोणीतरी समोर असल्यासारखा बडबडत असतो. ही या प्रकाराने खूपच घाबरली त्यामुळे सासु सासऱ्यांना काही दिवस बोलावून घेतलं होतं. काही दिवस आधार वाटला पण आता पुन्हा आम्ही एकटे आहोत. सासू सासऱ्यांनाही ईथे विचित्र अनुभव आले. त्यांनी हे घर विकून दुसरं घेण्याचा सल्ला दिलाय. ज्याच्याकडून हे घर घेतलं होतं तो आता हे सगळे आमचे भास आहेत म्हणून हात वर करतोय. सध्यातरी लगेच दुसरीकडे शिफ्ट होणं कठीण वाटतंय.अजून हानी पोहचेल असं तरी काही घडलं नाही. पण सारखे भीतीत वावरत असतो. हा प्रकार कोणी अनुभवला आहे का? आणि अनुभवला असेल तर यातून काय मार्ग काढलात?

विषय: 
मायबोली
अवांतर
Groups audience: 
माहिती हवी आहे
Group content visibility: 
Use group defaults
शेअर करा

मी रोज सगळ्या घरात अगदी पूर्ण अंधार करून झोपतो, नाइट लॅम्प वगैरे काही नाही.
एवढा अंधार करतो की भूत घाबरतात माझ्या घरात यायला.

Submitted by मानव पृथ्वीकर on 16 October, 2020 - 14:53

>> खूपच भयानक गोष्टी घडत आहेत, उद्याचा सूर्योदय कदाचित मी पाहू शकणार नाही असं वाटायला लागलंय.

"जसं कि आता आपण पाहतो आहोत, या ठिकाणी" असं सांगणारा कोणी का च्यानेल वाला नाही का आसपास ?

Submitted by अतुल. on 16 October, 2020 - 15:02

मोबाईल कॅमेरा लावून ठेवला होता त्यात आलेला दुष्ट शक्तीचा फोटो. ही शक्ती मी म्हटल्याप्रमाणे छतावर चालते.
IMG_20201017_003217.jpg

Submitted by अनिळजी on 16 October, 2020 - 15:04

ए अनिळ्या मेलास तर खबरदार...तिथे येऊन तु भुत बनलास तर त्याला सुद्धा ठार मारेन...आता गोष्ट सांगत रहा...उद्या सुटी आहे...

Submitted by लुटुपुटुचा खेळीया on 16 October, 2020 - 15:15

@ रुन्मेष - वालचंद साण्गली ला , तो पोरगा रॅगिंग नंतर रेल्वे खाली सुसाइड केला होत ते आठवते आहे का ?
त्याचा हात साप्डला नव्ह्ता ,

नंतर खुप दिवस होस्तेल रिकामे होते

नवीन Submitted by शाहिर on 7 October, 2020 - 02:37
.>>>>

आज खूप दिवसांनी पाहिला हा धागा आणि हा प्रतिसाद

येस्स आमच्या आधीच्या कधीतरीच्या बॅचचा तो किस्सा. ऐकून होतो. ते देखील ॲडमिशनच्या वेळीच वडिलांसमोर समजला. त्यामुळे मला बाहेरच पेईण्ग गेस्ट म्हणून राहा म्हणाले होते. एकुलता एक पोरगा पहिल्याण्दा बाहेर एकटा राहणार होता. त्यांना कोणतीही रिस्क नको होती.

Submitted by ऋन्मेऽऽष on 16 October, 2020 - 17:12

अरे हे काय आहेत वरचे सारे प्रतिसाद
म्हणजे हे सारे मजाक होते का? Uhoh
पण तो वरचा भुताचा विडिओ खरेच भयानक आहे Sad

Submitted by ऋन्मेऽऽष on 16 October, 2020 - 17:17

गुगल सर्च वर हे डेकोरेटिव्ह सिलिंग म्हणून दाखवत आहे

https://encrypted-tbn0.gstatic.com/images?q=tbn%3AANd9GcSg6AszMRKoprD3ij...

तुम्ही उगाचच घाबरले

कुणीतरी आधीच फोटू काढून ते डेकोरेटिव्ह म्हणून विकत आहे

Proud

Submitted by BLACKCAT on 17 October, 2020 - 04:39

मला एक कळत नाही की तुम्ही अमावस्येच्या रात्री इतके भयानक अनुभव येत असताना मध्ये मध्ये माबोवर कसे येत होतात,, तुम्ही काय भुताला time please ..म्हणत होता काय ?

Submitted by लावण्या on 17 October, 2020 - 05:56

अ‍ॅडमिनना सांगून हा धागा विनोदी लेखनात हलवा किंवा विश्वास संपादन करून केलेले फ्रॉड्स असा काही तरी ग्रुप आहे, त्यात.

Submitted by भरत. on 17 October, 2020 - 07:05

Pages