पछाडलेल्या वास्तूत येणारे अनुभव.

Submitted by अनिळजी on 25 September, 2020 - 12:16

नमस्कार, मी काही दिवसांपूर्वी एक घर घेतलं. साधारण महिना झाला असेल आम्ही म्हणजे मी, पत्नी, आणि दोन वर्षांचा मुलगा या घरात शिफ्ट झालो. जेव्हा पहिल्यांदा हे घर पाहायला आलो तेव्हा मी आणि हिने इथे प्रचंड अस्वस्थता अनुभवली. पण स्वस्त मिळत असल्याने हे घर फायनल केलं. इथे राहायला आल्यापासून आठवड्यात वाईट अनुभव यायला लागले आहेत. आमच्या तिघांशीवाय इतरही कोणीतरी इथे वावरत असल्याचा भास होतो. वारा नसताना दरवाजे जोरात उघडझाप होणे. कोणीतरी हाक मारल्याचा भास होणे, मध्यरात्री भांडी जोरात वाजणे असले प्रकार सर्रास घडत आहेत. पाच दिवसांपूर्वी बाथरूममधला नळ अचानक सुरू झाला होता. मुलाचं वागणही बदलायला लागलंय एकटाच कोणीतरी समोर असल्यासारखा बडबडत असतो. ही या प्रकाराने खूपच घाबरली त्यामुळे सासु सासऱ्यांना काही दिवस बोलावून घेतलं होतं. काही दिवस आधार वाटला पण आता पुन्हा आम्ही एकटे आहोत. सासू सासऱ्यांनाही ईथे विचित्र अनुभव आले. त्यांनी हे घर विकून दुसरं घेण्याचा सल्ला दिलाय. ज्याच्याकडून हे घर घेतलं होतं तो आता हे सगळे आमचे भास आहेत म्हणून हात वर करतोय. सध्यातरी लगेच दुसरीकडे शिफ्ट होणं कठीण वाटतंय.अजून हानी पोहचेल असं तरी काही घडलं नाही. पण सारखे भीतीत वावरत असतो. हा प्रकार कोणी अनुभवला आहे का? आणि अनुभवला असेल तर यातून काय मार्ग काढलात?

विषय: 
मायबोली
अवांतर
Groups audience: 
माहिती हवी आहे
Group content visibility: 
Use group defaults
शेअर करा

आज दुपारी आम्ही झोपलो असताना हॉलमध्ये कोणाच्यातरी फिरण्याची चाहूल लागली. बाहेर गेलो तर कोणी न्हवतं पण खूपच गारवा जाणवत होता.

Submitted by अनिळजी on 15 October, 2020 - 08:46

भंकस करत आहेत अशी शंका खरच येते आहे. कोणी राहील का अशा घरात. हार्ट अ‍ॅटॅक येइअल एखाद्याला. रोज नवा प्रकार .... आणि तरी हे रहातायत.

Submitted by धनश्री- on 15 October, 2020 - 08:47

खरं सांगायचं तर आज दुपारी भिंतीवर कोणाच्यातरी पावलांचे ठसे उमटले होते. अगदी छतापर्यंत ते गेले होते पण मायबोलीकरां विश्वास बसणार नाही म्हणून गप्प होतो.

Submitted by अनिळजी on 15 October, 2020 - 09:03

खरंय बोकलत
माझा तर आहे ब्वा विश्वास तुम्ही नेहमी खर्याखुर्या गोष्टी. सांगता.

Submitted by mrunali.samad on 15 October, 2020 - 09:03

भिंतीवर कोणाच्यातरी पावलांचे ठसे उमटले होते. अगदी छतापर्यंत ते गेले होते >> मोराचं पीस ठेवा भिंतीवर. पाली येणार नाहीत.

Submitted by हरचंद पालव on 15 October, 2020 - 09:08

मला असं वाटतंय आपण अनिळजींच्या बोलण्यावर विश्वास ठेवून त्यांना या प्रकरणातून बाहेर निघण्यास मदत करायला पाहिजे.

Submitted by बोकलत on 15 October, 2020 - 09:11

<<< खरं सांगायचं तर आज दुपारी भिंतीवर कोणाच्यातरी पावलांचे ठसे उमटले होते. अगदी छतापर्यंत ते गेले होते पण मायबोलीकरां विश्वास बसणार नाही म्हणून गप्प होतो. >>> अहो त्यात काय एवढे, काढायचा छताचा फोटु अन टाकायचा ईकडे. अस्थाव्यस्थ घराचा फोटु पण टाकता येईल की

ह्या असल्या टीपीमुळे कुणाला खरच गरज असेल सल्ला - माहितीची तरी शंका येते हेतुवर

Submitted by VB on 15 October, 2020 - 09:11

होना आता इतके पुरावे मिळताएत तर टाकायचा न फोटो
घरातल्या पसार्याचा
भिंतीवरील पावलांच्या ठशांचा
मदत मिळायला उपयोगी झाले असते न

Submitted by mrunali.samad on 15 October, 2020 - 09:13

काही असेल तर टाकतील न फोटो.

दया येते अश्या लोकांची अन अश्या मानसिकतेची.

लहान मुलगा लिहुन वर अजुन सिंपथी मिळवायची हौस असते काहींना Angry

Submitted by VB on 15 October, 2020 - 09:17

मला असं वाटतंय आपण अनिळजींच्या बोलण्यावर विश्वास ठेवून त्यांना या प्रकरणातून बाहेर निघण्यास मदत करायला पाहिजे.
>> u r d expert! Houn jaudya kusti!

Submitted by नानबा on 15 October, 2020 - 09:45

अनिलजी प्लीज फोटो टाका. हे काहीतरी विचित्र वाटतय. कोणीतरी माणुस / माणसं तुम्हाला घरातून हाकलायला बघतय/ बघतायत असे वाटते.

Submitted by धनश्री- on 15 October, 2020 - 10:16

ईथे पोथ्या, स्तोत्र बित्र रिकमेंड करणार्‍या गलेबल लोकांबद्दल फार हसू येते आहे आणि त्यांच्याबद्दल कीव आणि काळजी सुद्धा वाटली.
बहुतांश हेच लोक डिप्रेशनच्या धाग्यावर डॉक्टरची मदत घ्या , काऊन्सिलिंग घ्या वगैरे सांगत आहेत.
डिप्रेशन काय किंवा नसलेल्या गोष्टींची भिती वाटून भास होणे (अर्थात हा धागा तद्दन फार्स आहे हे आधीच लिहिले होते) दोहोंसाठी मानसोपचार तज्ञांची मदत घेणे जरूरी आहे. पण जिथे सेफ आहे तिथे पोथ्या/मंत्र, कर्मकांड रिकमेंड करायची आणि जरा रिस्क वाटली की डॉक्टर/तज्ञ गाठा म्हणायचे Lol

Submitted by हायझेनबर्ग on 15 October, 2020 - 10:23

>>बाहेर गेलो तर कोणी न्हवतं पण खूपच गारवा जाणवत होता. >> हे डिमेंटर्स तर नसतील ना? पेट्रोनस जमतो का?

Submitted by अमितव on 15 October, 2020 - 10:59

Pages