शब्दखेळ (२)

अगदी हेच म्हणणार होते , कानवले ऐकून आहे.

धन्यवाद
आई मला नेहमी देते निघताना पण नुसतीच मुरड म्हणतो.
लेकीन मुरडी सारखे लवकर मुरडून यावे म्हणून !!
खरंच गोड शब्द आणि त्या मागची कल्पनाही गोड

कानवला म्हणजे करंजीच ना?
आमच्याकडे साखरेचीच करतात, पण मला गुळाची जास्त आवडते. मोदक, पुरणपोळी, अनारसे, सातूचे लाडू, पोळीचे लाडू, कलाकंद बहुतेक पदार्थ मला गुळाचे जास्त आवडतात.

ओल्या नारळाची करंजी गुळाची. पण रव्याचं सारण असलेली साखरेची.

विदर्भात ओल्या नारळाची सुद्धा साखरेची करतात.
आणि पुरणपोळी तर साखरेचीच करतात. आमच्या घरी गुळाची व्हायची त्याला लोक हसायचे गावी, म्हणायचे सणासुदीला साखर घेण्या एवढेही पैसे नाहीत का, एवढी काय कंजूषी करता.

मला तर गोड आवडतं. अनुभव वगैरे विचार करे पर्यंत फस्त होते . मराठवाड्यात पण साखरेचीच करतात बहुतकरून.
करंजीचा भाऊ मोदक मानतात त्यामुळे आई एक मोदक तरी करते /देते. मोदक करताना एक तरी करंजी करतेच. मी पण ती परंपरा पाळते. बहीणीला भाऊ आणि भावाला बहीण म्हणून. काय योग्य दिवशी चर्चा होते आहे.
राखीपौर्णिमेच्या शुभेच्छा सर्वांना.

अवांतर --- @ देवकी, भरत

WordHippo वर मुस्तकबा / बिल = future, outlook, recipient, futurity, aftertime असे दिलेय.

http://sites.middlebury.edu/arabiclinguistics/files/2012/03/arabic_word_...
इथे --- काळ, लिंग, वचन, नाम, क्रियापद यानुसार शब्दरचना बदलण्याचे अरेबिक व्याकरण नियम दिलेत + उदाहरणे.
book = किताब तर books = कुतुब
maktab = office desk तर maktaba = library

थोडक्यात अरेबिक उर्दू उगमाचे शब्द + मराठीकरण, उच्चाराच्या लिखीत स्वरूपावरून न बघता, त्यातील अरेबिक छटेसहच लक्षात घ्यावे लागेल.
मुस्तकबाल / बल / बील / बिल ---- हे चार वेगळे आयटेम पण असू शकतील.
यापेक्षा जास्त मलाही क्लिअर झालेले नाही.

करताय का मग सर्वांसाठी ! >>>> खाता येतात फक्त. करताना करंज्या येतात. मुरड नाही जमत. कातणे फिरवते.

काय असतो मुरडकानवला? >>>> खाऊगल्लीत हल्लीच पिळापिळाचे डिझाईनवाल्या करंज्या होत्या त्या.... दुमड घातल्यावर मुरडून बंद केलेली. निरोपाच्या गोडाला करतात. कानवला करंजी टेक्निकल फरक नाही माहीत.

साखरेतही मिश्रीला चव असायची, पांढऱ्या शुभ्र स्फटिक साखरेपेक्षा.
आता मिळणाऱ्या मिश्रीला ती चव येत नाही.

गुळाचे गोड पदार्थ जास्त खमंग आणि चविष्ट वाटतात, पिवळट / तपकिरी रंगही छान येतो.
खरवस पण. चीक + साखर + दूध ऐवजी चीक + गूळ + नारळाचे दूध.
साखरेचे पदार्थ गोरे दिसतात. बाकी गोडखाऊ असल्याने गपागप खायचे माहीत.

शब्द्कोशानुसार का = हारोळी
बारकावे कोण सांगेल ? >>>>> आपला प्रश्नार्थक का? का हा?

साखर श्रीमंतांची तर गूळ गरीबाचा.>>>
काही पदार्थ दोन्ही समप्रमाणात घालून करतात ते जुन्या समीकरणानुसार मध्यमवर्गीय असावे . गंमत केली हं.

मला आता फुलोऱ्यावरच्या पर्फेक्ट करंज्यांंची आठवण येत आहे. फुलोऱ्याचा मान त्यांनाच मिळायचा , महालक्ष्मी विसर्जन केल्यावर खायला मिळायच्या. कमी बाखर /सारण असलेल्या करंज्यांंना चुलत आजोबा 'फुंकन्या' म्हणायचे.
अवांतर पुरे करते. Sorry.

अरे वा! कुमारसर्,कोडे नेहमीप्रमाणेच छान.भरत नेहमीप्रमाणेच प्रथम क्रमांकावर.

बाकी मस्त चर्चा चाललेय!

मस्त चर्चा चालली आहे.. हारोळी हा शब्द पहिल्यांदाच ऐकला.

कारवी
कानवला/ करंजी/ हारोळी यातील बारकावे / फरक कुणाला माहित आहेत का ? >>>>>>>
मला नक्की नाही माहीत. आम्ही करंज्याच म्हणतो. गूळ/साखर/रवा/खोबरे/खाज्याच्या/वाफवलेल्या/तळलेल्या कुठलेही व्हर्जन असेल तरीही.

कानवला = मोठा आकार + तुम्ही म्हणताय तशी मुरड + मुरड घातल्याने येणारा एका बाजूला कानासारखा आकार

करंजी = मध्यम आकार + मुरड नाही म्हणून कडा जुळवून, दाबून बंद करायच्या -- त्यामुळे येणारा करंज बीचा आकार

हारोळी = अजून लहान आकार --- मग एकत्र गुंफून हार करून देवांना / डोहाळतुली / मुलांच्या वाडीभरणाला गळ्यात घालणे. या साठी योग्य आकाराची ती हारोळी ---- हा अंदाज आहे.

कारवी धन्यवाद, हारोळी नव्हते माहिती . सगळ्या करंज्या असायच्या आमच्यासाठी.
खूप छान चर्चा झाली.

काही पदार्थ दोन्ही समप्रमाणात घालून करतात ते जुन्या समीकरणानुसार मध्यमवर्गीय असावे Happy . गंमत केली हं. >>> @ मी_अस्मिता
आम्ही पण गूळ-साखर निम्मेवालेच. चव आणि सारणाचा ओलसरपणा नीट जमून येतो इति घरातल्या सुगरणी, आम्ही अंधानुकरणी.
कमी सारणाच्या करंज्या = खुळखुळा

Sorry. अवांतर नव्हे...... परीक्षा संपल्यावरचा विरंगुळा आहे हा. दुसर्‍या पेपरच्या आधीचा. यातच माबोची गंमत आहे. कोणाकडूनही कधीही काहीतरी शिकता येतेच. चुकीचे समज स्पष्टीकरणासह दूर होतात.

कारवी धन्यवाद, हारोळी नव्हते माहिती >>>> अजून कुमार सरांचे उत्तर यायचेय. मी माझ्या समजुतीप्रमाणे संगितलेय. चुकीचेही असू शकते.

म्हणजे चक्क बरोबर आहे? अजून काही तपशील असतील तर सांगा जरूर.

आज कोणी नाही इथे? श्रमपरिहार दिन?

कुमारसर,जरा सर्वसामान्यांसाठी पण द्या ना!