इंटरमिटंट फास्टिंग ( IF ) - अनुभव

सकाळच्या चहाला दहा बारा बिस्किटे खायचो, संध्याकाळी चहाला दहा बारा बिस्किटे >> बापरे, मला नुसतं वाचूनच घाम फुटला, अन तुम्ही आरामात २ वेळेला एवढं रिचवायचात >>>> त्यात काय... जो पर्यंत शरीर काही दुष्परीनाम दाखवत नाही किंवा स्वःतालाच ते जाणवत नाही तो पर्यंत आपल्याला त्याचे काहीच वाटत नाही हा माझा स्वानुभव आहे.

बरोबर, मलाही हे दहाबारा बिस्किटे म्हणजे भयंकर प्रकार आहे हे आता आता कळले... नाहीतर काय मन भरेपर्यंत तोंड चालूच...

ग्लुकोजच पाकीट उघडल की चहाबरोबर ते संपतच त्यामुळे १०/१२ खुप नाहीयेत :प

८ तासाची विन्डो ठेवायची ठरवल तर सकाळ्ची चांगली की दुपारची? ८ ते ४ किंवा १२ ते ८?

तुमची लाइफस्टाइल कशी आहे त्यावर अवलंबून असावे. तुम्हाला जी योग्य वाटेल ती ठेवा... मला सकाळी ८ ते ४ सोयिस्कर आणि उपयुक्त वाटते.

२८ एप्रिल पासुन १६ - ८ अशी सुरुवात केली, सकाळचा नाश्ता व दोन्ही वेळचा चहा बंद केला आहे - फारसा त्रास काही वाटला नाही कारण दुपारचे व रात्रीचे जेवण नेहमीप्रमाणे सुरु आहे. भुकेची जाणीव झाल्यास पाणी पितो, काल चतुर्थी असल्यामुळे ठरवुन काहिहि न खाता एक ग्लास उसाचा रस पिऊन २४ तास न जेवता राहू शकलो. या १५ दिवसात फायदा म्हणजे वजन ३ किलो (७७ - ७४) कमी झाले व आता महिन्यानंतर रक्त चेक करुन cholesterol level बघायची आहे. IF बद्दल प्रत्येकाची वेगवेगळी मते, अनुभव असतील, मला मात्र सध्यातरी यात काही अपायकारक वाटत नाहीये

आज 15 वा दिवस आहे. वजन 500 ग्रॅम कमी झाले असावे. वजन केले आत्ताच. 98.something होते ते 98 शार्प आहे आता. अर्थात हे फारच नेग्लिजीबल आहे. ईंचेस मध्ये काही फरक नाही.

चेहऱ्यावर ग्लो व स्किन टोन सुधारला आहे. बाकी विशेष फरक नाही. 16:8 चालू आहे, सोबत व्यायाम तासभर.

फार उत्साहवर्धक स्थिती नाही पण आता सातत्य ठेवणार आहे. खरे सांगायचे तर i am not happy right now. प ठिके,

मी आठवडाभर काटेकोर पालन करते पण रविवारच्या सुटीच्या दिवशी बोर्‍या वाजतो. सगळी जेवणं लेट होतात.
मग सोमवार पण बोंबलतो
पण सोमवार पासुन रेटुन नेते पुन्हा शनिवारपर्यंत

मला फायदा होतोय, वजन फक्त 1 किलोने कमी झालेय पण ईंचेस कमी होताहेत. पण मी अजून पूर्ण फॉलो करत नाहीये आणि काही कारणांमुळे रोजचे चालणे बंद पडलेय. लवकरच ते सुरू करेन आणि फास्टिंग च्या वेळाही नियमित करण्याचा प्रयत्न करेन. दुसरे महत्वाचे लक्षात आलेय की आधी मी जेवण स्किप केले की ऍसिडिटी व्हायची. ती अजून झालेली नाही.

मी बिनसाखरेचा चहा पिण्यापर्यत मजल गाठलिये, सध्या कार्ब कट डाउन चाललय, बाकी १६/८ जमत नाहिये अजुन , १२-१३ तास फास्टिन्ग आहे, अधल मधल स्नॅकिन्ग पुर्ण बन्द केलय पण आम्हि आरभशुर असल्याने सातत्य टिकवणच जमल पाहिजे.

आरंभशूर मी पण

मी पण प्रयत्न करतीये.. 14 -10 आरामात जमलय.. पण नाष्ट्याच्यावेळी फार खा खा होतीये..
हळूहळू वेळ वाढवेन..

मी १२-१३ तासाचं फास्टिंग करतेय. रात्री ८-८.३० ते १०-१०.३०
पण सगळा आहार नीट घेतला जात नाहीये. सकाळी ब्रेफाला केळं खाते. त्यानंतर क्वचित एखादं फळ खाल्लं जातंय कारण मधेच चहा होतो मग फळं खावं वाटत नाही.
आणि महत्वाचं म्हणजे बिस्किटं सुटलेली नाहीत. मोनॅको जीरा

वेळेअभावी, मुलांमधे, हेल्पिंग हॅन्ड नसल्याने पालेभाज्या वैगेरे जमत नाहीत. इतर भाज्या, अंडी, चिकन खाल्लं जातंय

गेला आठवडाभर १४ तासाचे फास्टिंग काही त्रास न होता जमले. सध्या काही काळ हेच सुरु ठेवणार आहे.

जरा मोठी पोस्ट होईल पण बरेच दिवस झाले लिहायची होती आता लिहितेच. नियमित पळत असल्याने त्यासाठी अजून थोडे वजन कमी केले पाहिजे हे माहित होते. त्यात बॉडी फॅट कॅल्क्युलेटरने २७ टक्के फॅट दाखवले. मला गेले २ वर्षे झाली ३-४ किलो वजन कमी करायचं आहे आणि कितीही व्यायाम, डाएट केली तरी ते होत नव्हतं.

कारणं मुख्यं ३:
१. मी पाचही दिवस सॅलड आणि सूप खाऊन राहू शकते. जेवणही सर्व समतोल असतं आणि रात्री ८-८.३० ला होतंच. पण रोज रात्री साधारण दहा वाजता गोड काहीतरी खायची हुक्की येते आणि ते खाल्लं जातंच. ते बंद करणं जमत नव्हतं.
२. पाच दिवस केलेलं सर्व डायट विकेंडला बोंबलतं. त्यात कधी वाईन, स्वीट्स, बाहेरचं जेवण यातलं काहीतरी एक तरी होतंच.
३. डायट करूनही वजन कमी होत नाहीये याची चिडचिड वाढून कधीतरी उगाच जास्त खाल्ले जात होते.

मी सईचा लेख वाचल्यावरही IF करायचा विचार करत होते पण तितका नाही जितका या लेखानंतर केला. गेले तीन आठवडे चालू आहे आणि हा चौथा. दिवसा १२-८ च्या दरम्यान जेवण आणि स्नॅक खाल्ले जातात. बाकी काळ आराम.

सुरुवातीचा आठवडा सकाळी ब्लॅक कॉफी घेतली. तसा काही चवीचा प्रॉब्लेम नाहीये ना साखर घेण्याचा, चहाही लागतोच असे नाही पण तरीही सकाळी डोके दुखत होते. आणि रात्रीही १० वाजले की गोड खायची इच्छा होत होती. IF मुळे ते खाणे बंद झाले. रात्रीही डोके दुखत होते. आता ते कमी झाले आहे. सकाळचा चहा आता घेतला नाही तरी चालतो आणि घेतला तर बिनसाखरेचा फक्त थोडे दूध घालून घेतो, नवराही बिनसाखरेचा चहा घेत आहे.

मला नाश्त्याची सवय कधीच नव्हती त्यामुळे बाकीच्या डायट मध्ये ब्रेकफास्ट केलाच पाहिजे म्हणून उगाच काहीतरी खावे लागायचे(ओट्स, ठेपला असं काहीतरी) आणि मग जेवण कमी त्यामुळे अजून चिडचिड. आता IF मध्ये ब्रेकफास्टच्या टेन्शन नाहीये त्यामुळे बरे आहे असे वाटते. शिवाय नीट दोन वेळचे जेवण करता येते. साधारण ५०० कॅलोरीज चे एक जेवण असे १२.३० ला आणि रात्री ८ ला होते. मध्ये खाणे बरेच कमी झाले आहे. चहा, काही स्नॅक धरले तरी १२०० पर्यंतच होते.

सध्या एक महिना झाला नोकरी नाहीये. त्यामुळे घरी राहून उगाच जास्त खाणे झाले असते ते सर्व टळले आहे शिवाय सकाळी १२ पर्यंत काय करायचे म्हणून व्यायामही सकाळीच होत आहे. वजन २.५ पाउंड कमी झाले आहे फक्त म्हणजे साधारण १ किलो. तरीही ते कमी झाले हे चांगले आहे कारण आधी तेही होत नव्हते. शनिवार रविवारी रात्री उशिरा पर्यंत बसून टीव्ही बघत खायची सवय बंद पडली. बसलो उशिरा तरी काही खात नाही त्यामुळे लवकर झोपणेही होत आहे. एकूणच सकारात्मक बदल आहेत. नवऱ्याचेही वजन ३ पाउंड कमी झालेय. मी IF च्या आधीही हाच डायट ठेवला होता आणि तसाच व्यायाम करत होते तरीही जो फरक पडला नव्हता तो आता दिसत आहे. शिवाय जेवण नीट होत असल्याने कॉन्स्टिपेशन किंवा बाकी त्रास नाहीत. आणि हो गोड खाल्ले तरी दिवसा खाल्ले जाते आणि त्यानुसार रात्रीचे जेवण कमी जास्त करता येते.
चांगली गोष्ट म्हणजे सध्याचे IF नियमित ठेवू शकते कारण नवीन जॉब मधेही जाताना सकाळी बिनसाखरेचा चहा घेऊन जायचे आणि एकदम १२ वाजता जेवायचे हे तर आरामात होऊ शकते. एकूणच छान बदल आहेत.
हे खाली चित्रात दोन जेवणाचे चार्ट आहेत. पोळी, भात खाऊनही व्यवस्थित चालू आहे.

थँक्सऑल.

विद्या.

आज वर्ल्ड हायपरटेन्शन डे असल्यामुळे मटात दोन बातम्या (?) आल्यात खाली त्याची लिंक देतीये, नक्की वाचा

http://maharashtratimes.indiatimes.com/lifestyle-news/health-news/reason...

http://maharashtratimes.indiatimes.com/maharashtra/mumbai-news/high-bloo...

इथली चर्चा वाचून म्हटलं आधी आपल्याला मुळात फास्टिंग जमतंय का आणि किती ते पाहावं. म्हणून एक दिवस करून पाहिलं, तर १३ तासांचं फास्टिंग करता आलं.
सकाळी उठल्यावर रोजची अर्धा कप कॉफीही घेतली नाही. जरा वेळाने पोटाने सिग्नल दिल्यावर अर्धा कप कोमट पाणी प्यायले. मग ११ वाजेपर्यंत ३-४ दा कोमट पाणीच प्यायले. त्यानंतर मात्र लक्षात आलं की आपलं कामात लक्ष लागत नाहीये. मग अर्धा कप कॉफी घेतली.
मुळात फास्टिंग जमलं याचा मला आनंद झाला. हा सवयीचा भाग आहे हे लक्षात आलं. (माहित होतंच, पण कधी करून पाहिलं नव्हतं.)
पण तरी आय.एफ.साठी मनाची अधिक तयारी करावी लागेल. (तरी गोड काहीच आवडत नसल्याने त्या आघाडीवर चिंता नाहीये.)
सध्या एकंदरच दिवसभरातला आहार थोडा थोडा कमी करते आहे.

इथल्या रिसेन्ट प्रतिसादांवरून असे वाटते आहे की माबोवर "मायबोली फिटनेस ट्रॅकर" अशा नावाचा एक धागा काढायला काही हरकत नाही.
तिथे आपण आपले इंडीव्हिजुअल गोल डिक्लेर करून रोज (किंवा आपल्या सोयीच्या इंटर्वलने) कुठपर्यंत आलो याबद्दल एक अपडेट टाकू शकतो. गोल काहीही असू शकतील. वेटलॉस पासून ते किती किमी पाळायचे इत्यादी. असा सर्वसमावेशक धागा काढायची कल्पना कशी वाटते? तसेही आपण दिवसातून कितीतरीवेळा मायबोलीवर येतो. त्यातच हे विधायक कार्यदेखील होऊन जाईल! काय?

वरील एवढ्या कळकळीचे कारण हे सुद्धा आहे की माझासुद्धा आता मानसिक प्लॅटू आला आहे. आणि असा एखादा ग्रुप मला अकाऊंटेबल ठेवणार असेल तर कदाचित माझा उत्साह परत येऊ शकेल.

तिथे आपण आपले इंडीव्हिजुअल गोल डिक्लेर करून रोज (किंवा आपल्या सोयीच्या इंटर्वलने) कुठपर्यंत आलो याबद्दल एक अपडेट टाकू शकतो. गोल काहीही असू शकतील. वेटलॉस पासून ते किती किमी पाळायचे इत्यादी.>>असा धागा वाचल्याचे आठवते आहे.

केदार्,सई -
गेले १५ दिवस आयेफ करतोय. जे कधी मला शक्य होइल असे वाटले नवते. सकाळी नाश्ता , दुपारी जेवण , ४ ला चहा ते डायरेक्ट दुसरे दिवशी नाष्टा. वजन ट्रॅक करतोय फारसा फरक नाही पण मला हलकं वाटत्य , पण सकाळी केलेले वजन अन संध्याकाळी केलेले वजन यात १.५- १.८ किलो चा फरक येतोय संध्याकाळी वाढते. असे का बरे होत असावे? वजन काटा बरोबर आहे.

रात्रभरात खालेल्या अन्न पाण्याचे पचन होऊन प्रातःर्विधी, घाम द्वारा विसर्जन यामुळे असा फरक दिसतो.

>>>वजन ट्रॅक करतोय फारसा फरक नाही पण मला हलकं वाटत्य , पण सकाळी केलेले वजन अन संध्याकाळी केलेले वजन यात १.५- १.८ किलो चा फरक येतोय Sad संध्याकाळी वाढते. असे का बरे होत असावे? वजन काटा बरोबर आहे.

आपले शरीर हे एक पोते आहे. दिवसभर खाऊन त्यात आपण काहीबाही भरत असतो. त्यामुळे सकाळी उपाशीपोटी आणि रात्री १-१.५ किलोचा फरक होणे साहजिक आहे.
शक्यतो वजन करताना खालील नियम पाळावे

१. रोजचे वजन एकाच वेळी करायचे. शक्यतो सकाळी बाथरूमची ट्रिप झाल्यावर पण काहीही खायच्या आधी (पाणी सुद्धा प्यायचे नाही)
२. वजन करताना साधारण सारख्या पेहेरावात करायचे (रोज करायचे असल्यास) कारण त्यामुळे ३००-४०० ग्रामचा फरक पडतो.

पण तुम्हाला अगदीच घाई नसेल आणि तुमचा १ आठवडा खाण्यावर ताबा राहत असेल तर मी आठवड्यातून एकदाच वजन करायचा सल्ला देईन. ज्यांना अगदी २० किलो वगैरे कमी करायचे आहे त्यांना रोज वजन केल्याचा फायदा होतो कारण त्यांचे वजनही दिसून येईल एवढे रोज कमी होते.

Ok.,, thanks.

काल माझ्या डायट प्रोग्रामला ४ महीने पुर्ण झाले अन वजन २१ किलोने
मस्त वाटतेयं

२१ किलो कमी???? ग्रेट. मी मानिनी

बाप्रे !! २१ किलो !
मी बरोबर १५ दिवस केले अन लग्नाला गावी गेलो. बर्‍या पैकी कमी झाले होते वजन १५ दिवसात . निदान इंचेस तरी झाले असतील कारण या वेळी आई सह बाकी नोटीश्यांनी बारीक झालास रे अशी टीपण्णी केली. परत इथे आल्यावर रुटीन कोलमडले. मी संध्याकाळी ६-६.३० ला कलींगड खात होतो वाडगाभर ते बंद झाले या पावसामुळे. आता पर्यंत रात्री उपाशी झोपणे ही अशक्य कोटीतली गोष्ट वाटत होती ती आता ईत्की अवघड गोष्ट वाटत नाही. अभी भी हिंम्मत हारी नैये. गेले असंख्य दिवस प्रयत्न करुनही कमी न होणारे वजन निदान २-४ कि ने तरी कमी झाले याचा अधिक आनंद आहे मला. म्हणजे कसं ना ते आपलं चावी सापडल्याचा आनंद झालाय::फिदी: अता कंट्रोल ठेवून वजन मेंटेन करणार. मला अजून६-७ कि कमी कराय्चेत पाहू. सई केदार जागत्ता ठेवा रे हा धागा.

मानिनी , ग्रेट! अभिनंदन! फोटो टाक बिफोर आफ्टर अजून काही लोकं मोटीवेट होतील ...

Thanks☺
मंजुताई, खरतर केला असता फोटो अपलोड . पण मला सोशल वेबसाईटवर पर्सनल फोटो टाकायला नाही आवडत

अभिनंदन मानिनी.
शक्य असल्यास आता वजन किती आहे ते सांगा.

२६ फेबला माझे वजन ८२.७ होते अन आता ६१.३ म्हणजे एकुण २१.४ किलो कमी झाले.

मला अजुन १५ किलो कमी करायचेत बघु कसे काय जमेल