इंटरमिटंट फास्टिंग ( IF ) - अनुभव

सई, तुमच्या प्रतिसादातल्या खालील वाक्यांत विसंगती आहे.

१. आयएफचा खरा फायदा खाण्याच्या वेळेत पोटभर खाता येणे हा आहे. त्यामुळे आयएफ करून आहारही कमी करायचा हे योग्य नाही.

२. म्हणून आपल्या वजनाप्रमाणे जेवढे उष्मांक वजन टिकवून ठेवण्यास लागतात त्यापेक्षा रोज फक्त ३००-५०० कमी खावेत.

माझ्यामते इथे कोणी "आहार खूप कमी केला पाहिजे" अशा अर्थाचे विधान केलेले नाही, निदान मला तरी दिसले नाही, नजरेतून सुटले असल्यास माहित नाही.

>>>म्हणून आपल्या वजनाप्रमाणे जेवढे उष्मांक वजन टिकवून ठेवण्यास लागतात त्यापेक्षा रोज फक्त ३००-५०० कमी खावेत.
माझ्यामते इथे कोणी "आहार खूप कमी केला पाहिजे" अशा अर्थाचे विधान केलेले नाही, निदान मला तरी दिसले नाही, नजरेतून सुटले असल्यास माहित नाही.

वरती २४ / ३६ तास उपास करायच्या डिस्कशन मध्ये आणि नंतरच्या मानिनी यांच्या प्रतिसादावर ती कमेंट होती.
२४ तास उपास झाल्यावर तुम्ही काय खाता याचे पण डिस्कशन झाले पाहिजे. उपास आणि खाणे या दोन्हीच्या समन्वयाने वजन कमी करायचे आहे. आणि २४ तास उपाशी राहिल्यानंतर किंवा १६/१८ कितीही तास काहीही न खाता राहिल्या नंतर खाण्याच्या वेळात सगळी पोषणमूल्ये खाण्यावर भर दिला पाहिजे.

ओके.... गॉट इट.

मी ऊठल्यावर मस्त मगभरून दुधाचा चहा साखरेऐवजी सुगरफ्री घालून घेते
नंतर कधी एक ऐपल किंवा काहीच नाही.
दुपारी अन रात्री एक चपाती,.थोडीशी.भाजी .
रात्रीच्या जेवणानंतर साधारण अर्धातास.शतपावली.
ह्या अश्या दिनक्रमाने फक्त बाहेरचे.जंकफुड.टाळुन माझे वजन 10 किलोने कमी झाले ते पण फक्त दोन महिन्यात >>>> ही माझी आधीची पोष्ट वाचुन जर कुणाला असे वाटत असेल की हे अन्न खुप कमी आहे किंवा मी ऊपाशी असते तर असे काही नाही, कारण पुर्वीपासुन माझे जेवन तसे कमीच आहे हां पण जंक फुड खुप जास्त खायला सुरुवात झाली होती मध्यंतरी जे आता बंद केलेय.
तसेही मी हे सर्व चालु करण्यापुर्वी आमच्या फॅ. डॉकशी डिस्कस केलेय अन त्यांच्या सल्ल्यानुसार वागतेय. आणी मला खरचं खुप हलके आणी पॉझीटिव्ह वाटतेय.
अजुन एक काल लिहायचे राहीले की जेव्हा कधी चपाती खायचा कंटाळा येतो तेव्हा मी भात खाते.
अगदी मध्यंतरी वडापावसुद्धा खाल्ला पण त्यावेळेला डिनर स्कीप केले.

>>>>२. म्हणून आपल्या वजनाप्रमाणे जेवढे उष्मांक वजन टिकवून ठेवण्यास लागतात त्यापेक्षा रोज फक्त ३००-५०० कमी खावेत.

टी डी इ इ प्रमाणे कॅल्क्युलेट केलेले उष्मांक हे आपले आत्ताचे वजन टिकवून ठेवण्यासाठी खायचे उष्मांक असतात. समजा तुमचा TDEE २००० आहे आणि तुमचे वजन ६५ किलो आहे, तर तुम्ही रोज २००० उष्मांक खाल्ले तर तुमचे वजन कमी होणार नाही. जर हेतू वजन कमी करायचा असेल तर २०००-५०० अर्थात १५०० उष्मांक रोज खाल्ले तर तुमचे "डेफिसिट" तयार होते. याचा अर्थ तेवढे उष्मांक शरीर साठवलेल्या चरबीतून घेणार आणि परिणामी तुमचे वजन कमी होणार.

काही लोक ५०० उष्मांक कमी खातील, काही २०० खातील आणि काही एकदम १००० खातील. यातील अर्थात २००० च्या ऐवजी १००० च उष्मांक खाणार्याचे वजन झपाट्याने कमी होईल. पण तुम्ही जर सतत १००० उष्मांकांपेक्षा कमी खात राहिलात तर वजन कमी होईल पण ते तसेच कमी ठेवण्यासाठी प्रचंड मेहनत घ्यावी लागेल. सतत कमी खाऊन केलेले डाएट हे सस्टेनेबल नाही.

हेच जर त्या व्यक्तीने ५०० उष्मांक कमी खाल्ले आणि त्या जोडीला ५०० उष्मांकांचा व्यायाम केला तर १००० चे डेफिसिट आहार कमी न करता होते. फक्त व्यायाम केलेले उष्मांक व्यायाम केला आहे म्हणून जास्त खाल्ले तरी चालेल या भावनेनी परत खायचे नाहीत.

आयएफमुळे हे १५०० उष्मांक ८ तासातच खाल्ले जातात. आणि उरलेला वेळ निग्रहाने उपास करता येतो. १५०० उष्मांक जर ५ वेळा थोडे थोडे खाऊन घेतले तर:
१. प्रत्येक वेळेस मोजमापात गडबड होऊ शकते
२. ३०० उष्मांकांनी बऱ्याच लोकांना पोट भरल्याची भावना येत नाही ( १ पोळी = १००, भाजी = ८०, आमटी = १४०). तयार मिळणारी कित्येक उत्पादने अशी असतात ज्यात मीठ आणि साखर खूप असते. त्यामुळे एकदा खाल्ले की अजून खावेसे वाटण्याची शक्यता जास्त आणि त्यामुळे अतिखाणे होऊ शकते.
३. सतत लो कॅलरी स्नॅकच्या तयारीत खूप दमछाक होते, खासकरून ज्यांना लहान मुले आणि इतर जबाबदाऱ्या आहेत त्यांची. त्यामुळे मधेच ताक प्या, मग एकच मूठ शेंगदाणे खा अशा गोष्टी जमत नाहीत. आणि कधी कधी वैतागून जास्त खाल्ले जाते.
४. एखाद्या दिवशी बाहेर जायचे असेल तर सगळे १३०० उष्मांक एकाच जेवणात खाण्याची मुभा मिळते आणि नंतर २४ तास उपास करता येतो. आणि तुम्ही साधारण महाराष्ट्रीयन भरपेट जेवण मोजले तर १३०० उष्मांक होतच नाहीत. अगदीच जंक फूड खाल्ले आणि खूप शीत पेये प्यायली तरच एका जेवणात १३०० उष्मांक खाल्ले जातात.

म्हणून आयएफ करत असाल तर खाण्याच्या वेळात तुमच्या वजनाप्रमाणे (वजन कमी करण्यासाठी) जितके उष्मांक लागतात तेवढे खाणे जरूरीचे आहे असे माझे म्हणणे आहे.

मी ऊठल्यावर मस्त मगभरून दुधाचा चहा साखरेऐवजी सुगरफ्री घालून घेते
>> मी मानिनी, शुगरफ्री किंवा आर्टीफिशल स्वीटनर्स हे आरोग्यासाठी खूप घातक आहेत. इथे ह्यावर लिहिलेले तर आहेच पण आपण ह्यावर अधिक माहिती मिळवावी.

नलिनी, मी ईथे वाचुन डॉकला विचारले या बद्दल, तर ते बोलले की जे काही नॅचरल नसते किंवा सबस्टीस्ट्युट म्हणुया आपण ते शरिरासाठी चांगले नसते पण जर आपण ते योग्य प्रमाणात घेतले तर काही प्रॉब्लेम नाही.

तसेही मी दिवसात एकदाच चहा घेते, तोही अगदी गोड नसतो. मी एक किंवा अगदीच ईच्छा झाली तर दोन छोट्या गोळ्या घालते त्यात. सो आय गेस इट इज ओके

नो इट्स नॉट ओके. डॉ सांगतात ते सगळं प्रमाण मानू नका. स्वतः रीसर्च करा. आर्टिफिशियल स्वीटनर्स अजिबात चांगली नाहीत.

मला आज आयेफ जमले नाही. कडकडून भुक लागल्याने १०:३० ला वाटीभर फोडणीचा भात खाल्ला. व कॉफी. उद्या ट्राय करते परत.. पण रात्रीच्या जेवणाची वेळ्च चुकतीय. १० जरा उशीर आहे.

मी मानिनी,
तुम्ही साखर का बरे बंद केली? मग तुम्ही साखरच अर्धा चमचा वापरू शकताकी दोन गोळ्यांऐवजी.

नलिनी, मला साखर आवडत नाही, मी गोड पदार्थ शक्यतो टाळतेच किंवा खुप कमी खाते

आणी प्लिज मला तुम्ही नका म्हणु, अरे तुरे केले तरी आवडेल

मी मानिनी, तुला गोड पदार्थ आवडत नाहीत ते भारीच आहे पण लवकरात लवकर सुगरफ्री वापरणे बंद कर. अगदीच वाटले तर चमचा- अर्धा चमचा साखर बरी. त्याबद्दल अधिक वाचशीलच.

साखर आवडत नाही आणि आर्टीफिशल शुगर आवडते. आश्चर्य वाटले जरा.

साखर आवडत नाही आणि आर्टीफिशल शुगर आवडते. आश्चर्य वाटले जरा. >>> आश्चर्य काय त्यात तसेही मी शुगरफ्री काही ते आवडते म्हणुन नाही तर अगदी पहिल्यापासुन मला असे वाटायचे की ते साखरेपेक्षा जास्त चांगले असते म्हणुन घेते

सई केसकर, तुमचे शेवटचे 2 मोठे प्रतिसाद आवडले.

>>>सई केसकर, तुमचे शेवटचे 2 मोठे प्रतिसाद आवडले.
@ सिम्बा

"तुम्ही" नको!!
धन्यवाद!

सई, प्रतिसाद माहितीपूर्ण आहेत. धन्यवाद.

आज चौथा दिवस आहे, छान वाटत आहे. भूक अशी जाणवत राहते पण उत्साह आहे, एनर्जी, फोकस उत्तम आहे.

माझे रुटीन सकाळी नाश्ता व दुपारी जेवण संध्याकाळी स्नॅक्स (नट्स) असे विपश्यना स्टाईल केले आहे , कॅलरी इंटेक कमी केला आहे.

साखर, बेकरी बंद केलं आहे. 4 पोळ्यांएवजी 2 पोळ्या घेत आहे, घरीच केलेलं तूप वाढवलं आहे आहारात . Carb लगेच कमी करणार नाही. हा रुटीन महिनाभर बघू मग पुढचे....

31st ऑक्टोबर पर्यंत 20 किलो कमी करायचं टार्गेट आहे.

सर्वांचे परत एकदा आभार

शुभेच्छा नानाकळा.
तुम्हाला हायपोग्लायसेमिया आहे तेव्हा कार्ब्ज जरा जपूनच कमी करा.

@ नानाकळा

कार्ब्स कमी कायची आवश्यकता नाही. फक्त कार्ब्स हुशारीने खायचे. जसे की दिवसातील एक जेवण (नाश्ता) कारब्समुक्त ठेवायचा. त्यात व्हेजिटेरियन असाल तर मिश्र डाळीचे धिरडे, मोड आलेल्या कडधान्यांची उसळ (पाव नाही), पनीर घालून केलेले भाज्यांचे सॅलड, उकडलेल्या भाज्या आणि उसळ असे पदार्थ खायचे. दुसऱ्या जेवणात कार्ब्स जरूर खायचे.

साखर बंद केली की ५० % विजय होतोच. एकदा साखर पूर्ण बंद झाली की मग इतर गोष्टी कमी कराव्या लागत नाहीत. कार्ब्स कमी केले तरी त्या जागी प्रोटीन किंवा फायबर जास्त खाल्ले गेले पाहिजे. म्हणजे भूक भूक होत नाही.

मानव, सई, खूप खूप धन्यवाद!

>>>सई, रोज एक आंबा? थोडक्यात रोज ४७ ग्रॅम साखर?
हा हा! हो!
त्यासाठी मी काय काय त्याग केले आहेत यावर एक वेगळा लेख लिहीन.

>> वजन वाढायला ब्रेफफास्ट न करणे हे कारणीभूत नसून जंक फुड सारखे खात राहणे हे आहे.<<

असं ब्लँकेट स्टेटमेंट, वन साइझ फिट्स ऑल वजन कमी करण्याकरता लागु होत नाहि. मी वर म्हटल्याप्रमाणे प्रत्येक व्यक्तिची केस (मेटबॉलिझ्म, लाइफस्टाइल वगैरे) वेगळी असल्याने एकाला झालेला फायदा/नुकसान दुसर्‍याला विरुद्ध टोकाचा रिझल्ट देऊ शकतो.

जंक फुड आणि वेट लॉस याचा संबंध खोडणारं हे उदाहरण रोचक आहे...

>>दोनदा लिहिल्यासारखे कुणी काय करतं आणि कुणाला काय लागू होतं त्यामुळे ते दुसर्‍याला लागू होईल असे अजिबात नाही.<<

एक्झॅटली माय पॉइंट...

असे अपवाद सर्वत्र आढळतात.
जंक फूड सतत खात रहाणे हे वजनवाढीच्या मुख्य कारणांपैकी एक आहेच. ते ब्लॅंकेट स्टेटमेंट आहे असे वाटत नाही

मानिनी, तुम्ही फक्त दुधाचा चहा घेता? बासुंदी Happy >>> . हो ना अगदी असेच बोलतात सगळे पण मला पाणी अन दुध घातलेला चहा नाही आवडत.

जंक फूड सतत खात रहाणे हे वजनवाढीच्या मुख्य कारणांपैकी एक आहेच >>>> मी स्वःत एक ऊदाहरण आहे याचे. जंक फुड एक व्यसन कधी होते ते कळत सुद्दधा नाही
अगदी आता डायटिंगवर असताना सुद्दधा किमान आठवडा पंधरावड्यात एकदातरी तंदुरी /लॉलिपॉप खातेच खाते मग भले डिनर स्कीप करावे लागले तरी चालेल

माझ्या मम्मीने माझ्यावर घेतलेल्या मेहनतीमुळे अन.पाठपुराव्यामुळे मी वजन कमी करायचे मनावर घेतले नाहीतर माझेही काही खरे नव्हते लवकरच मी पण XXXL पर्यंत पो चली असती.

Wafer हा प्रकारच वाईट आहे, आम्ही वर्षातून एकदा असे पदार्थ खातो, त्यामुळे चवीत व गुणवत्तेत पडत चाललेला फरक स्पष्ट जाणवतो, लेज, बालाजी, कुरकुरे, सगळे पॅक पदार्थ खूप मीठ असतं, आणि काहीतरी मसाला जो addict करतो, पॅकेज्ड फूड पासून 100 हात लाम्ब असलेलं केव्हाही बरं, त्यापेक्षा ऊसाचा रस प्यावा नाहीतर सरळ वडापाव खावा काहीच उपाय नसेल तर