रात्रीस खेळ चाले १

अन्जू धनेशचे चान्गले यमक जुळले.

पण ह्या लोकान्ची गम्मत वाटते. यान्चे कायम मागचे सपाट आणी पुढचे पाठ असते. मागे जाहीरातीत गणेश गेल्याचे सुचीत केले. मग काल दाखवलेच नाही ( बरे केले ते, नाहीतर मला वाईट वाटले असते) मायबोली वाचतात की काय हे? गणेश गेल्याचे सुचीत करताना अण्णान्च्या फोटोच्या खोलीचा दरवाजा भीतीदायक पद्धतीने उघडला गेल्याचे दाखवलेय. आता असले काही दाखवु नये म्हणजे झाले.

अजून वेळ आहे भोंडला संपायला >>>>>पण मी खिरापत गट्ट्म केली !!

सगळेच प्रतिसाद

क्लिओपात्रा आम्हाला पण ठेव खिरापत

रश्मी, मस्तय गाणे.
पाचोळी >>>> झकास
कायबाय करतलंय तरी? सगळेच सुसाट सुटलेसत.

यांचे दिग्दर्शक,पटकथालेखक,संवादलेखक गजनी असावेत. एक स्टोरी दाखवतात आणि विसरून जातात.

तो सुसल्या वकिलाशी बोलतांना त्याचे (तिचे) कपडे घामाने इतके भिजलेले दाखवलेत (झंपी म्हणाली तसं)..
मी घरात फॅन/ वीज नसेल अशी मनाची समजुत घालून वेळ मारोन नेली. असंही ती त्या माळ्यावरच्या खोलीतंच बसून असते ना मोस्ट ऑफ द टाईम.

पण झंपीच्या भावना पोचल्या.. यक्स..

<< देविकाच्या आयेक कळून चुकलांहा, अभिरामाचो मासो गळाक येवस्थित अडाकलोहा ! गळाचो दोरो कधीं सैल सोडायचो कधी खेचायचो, ह्येच्यात एक्सपर्ट दिसता ती !! >> आज गळाचो दोरो येवस्थित खेचल्यान देविकाच्या आयेन !!

हो ना चान्गलीच जहान्बाज निघाली देविकाची आई. पार घरा पर्यन्त आणुन सोडले तिने देविकाला. आता उद्या दत्ता काय दिवाळी करतो बघु.

देवकी आणी बाकी सार्‍याना धन्यवाद गाणे आवडल्याबद्दल.:स्मित:

इन्दुने छान बदल केलेत.:स्मित:

इंदू ते खिडकीत होता धनेश कर ग हेडरमध्ये, माझ्याकडून चुकून होती झालं होतं .

आज अर्ध बघितलं आधीचे. शंकुतला नरे ने चांगलं काम केलं, छान सुनावलं वकिलाला.

रश्मी, देवकी थांकू.

हो रश्मी मस्त लिहिलंस. क्लिओने पण मस्त लिहिलं.

वकिलकाका सुसल्याबरोबर तिच्या खोलीत जातात. ती त्यांना चहा देते तेव्हा ते विचारतात की तु वेगळी चुल पेटवलीस का? त्यावर ती हलकासा मानेला झटका देऊन सांगते की हे लोकं मला काय त्यांच्या स्वयंपाकघरात रांधू देणार? मी वेगळी चुल केली आहे. ते म्हणतात की घरात येऊ दिले ना? मग स्वयंपाक घरात पण घेतील. मग ते चहाचा एकच घोट पीतात तेवढ्यात ती पेपरवरच्या सहीचा मुद्दा उपस्थीत करते. म्हणे तुम्हाला नदीकाठची जमिन हवी आहे ना तर मी सही करेन पण मला माझ्या अवशीचे दागीने हवेत. माझ्या आईने जेव्हा झाडाला टांगुन जीव दिला तेव्हा तीच्या अंगावर दागीने होते. पण तिला खाली उतरवल्यावर नाथाने ते सगळे दागीने नाईकांना दिलेत, मला ते मिळवून द्या. इकडे दत्ता कान देऊन ऐकण्याचा प्रयत्न करतो. वैतागुन वकिलकाकांना एकेरी संबोधतो. त्यावर माधव समजावण्याचा प्रयत्न करतो. दत्ता म्हणतो कि तुला काय फरक पडणार नाही तु निघून जाशील मुंबईला आणि आम्हला भोगावे लागेल. सरिता माईंना म्हणते, तरी सांगत होते तिला घरातून बाहेर काढा बाहेर काढा पण कोणी ऐकेल तर माझे, त्यावर निलीमा म्हणते कि असे काही होणार नाही कागदपत्र मिळाली कि सगळे प्रश्न सुटतील. दत्ता म्हणतो कि कागदपत्र कुठेय? वकिलाकडेच आहेत. सरिता म्हणते "जमीन वकिलकाकांना मिळाली तर मी गप्प बसणार नाही." त्यावर माई सांगतात की मी जमीन त्यांना मिळू देणार नाही व समजावतात कि तुम्हा भावांमधे एकी नाही हे सगळ्यांना दिसतय, म्हणुन सुसल्याची हिंमत झाली घरात यायची.ते वकिल उंबर्यावरून घरात आले. त्यांची हिम्मत कशी झाली जमीन मागायची.
तेवढ्यात अभिराम फोन बंद करता करता येतो. नाईककाका थोड्यावेळाने खाली येतात. माई त्यांना सांगतात कि तुम्हाला हे वागणे शोभत नाही. ह्यांनी तुमच्यावर विश्वास ठेवला आणि तुम्ही विश्वासघात केला. वकिलकाका म्हणतात कि मला पण वाईट वाटते असे वागायला पण मला तसे भाग पडले. मला सगळ्यांनी परके केले, निदान ती जमीन नावावर करून त्यांची आठवण म्हणुन ठेवीन. मी मृत्युपत्राप्रमाणे वाटण्या करेन पण जमीन माझ्या नावावर करून द्या. दत्ता म्हणतो की आम्ही सही करणार नाही, ती जमीन तुम्हाला मिळणार नाही मग वकिलकाका पण नीक्षुन सांगतात की वाटण्या पण होणार नाहीत. तेवढ्यात अभिराम पुढे येतो व त्यांना म्हणतो की आम्ही तुमचे सगळे ऐकुन घेतले. ती कागदपत्र घरच्यांना नाही कळणार पण मला इन आणि आउट सगळे माहित आहे. मी प्राॅपर्टी घेईन आणि लग्न पण करेन. तो वकिलकाकांना एक महिन्याची मुदत देतो.
रात्री माई व्हर्यांड्यात येतात तर झाडाखालील दिवा विझला असतो. त्या नाथाच्या बायकोला लावायला सांगतात.तेवढ्यात सरिता येते आणि सांगते कि जे काही चालले आहे ते बरोबर नाही, माई म्हणतात कि मला कळतय पण ही भावंड एकत्र यायला हवीत.
देवीका व तिचे आईवडील जीपमधुन येतांना दाखवतात तिची आई सांगते कि तु फोन लाव. ती फोन लावते आणि सांगते कि आम्ही येतोय, तिची आई फोन लगेच हिसकाऊन घेउन बंद करून टाकते. माई त्याला विचारतात कि काय झाले तो एवढेच सांगतो कि देवीका आईवडिलांबरोबर येतेय. त्या वैतागतात कि कशाला येताय? तुला सांगितले कि थोडा धीर धर म्हणुन. देवीका आणि आईवडील फाटकापर्यंत जीप आणतात. तिची आई सांगते कि बॅग उचला. ते म्हणतात कि कशाला? त्यावर ती म्हणते कि त्याशिवाय हे नाईक लोकं वठणीवर येणार नाहीत. तिचे वडील नाईकांना हाका मारतात, दत्ता धाऊन जातो, माधव त्याला थांबवतो. आणि त्यांना इथे यायचे कारण विचारतो. ते म्हणतात कि आम्ही मुलीला सोडायला आलोय. तुमचा मुलगा हिला फोन करतो, चोरून भेटतो. माई म्हणतात कि तो असे करणार नाही, मग ते उलट तपासणी करतात. सरिता म्हणते कि तुमची मुलगीच भेटत असेल वगैरे पण त्या म्हणतात कि विचारा अभिरामरावांना. शेवटी अभिराम बजावतो कि देवीकाला कोणी बोलायचे नाही. मी तिच्याशीच लग्न करणार आहे आणि तेही येत्या दोन महिन्यात.

छान अपडेट्स, भगवती.

वरच्या अपडेटस नंतर आता पोस्टमार्टमः-
१. सुसल्या 'विजय दिनानाथ चौहान... हाईं' स्टाईल ने काल वकील काकांशी का बोलत होती ?
२. नायकांच्या वाड्याला नक्की किती खोल्या - दरवाजे आहेत? किचन खाली असताना, सुसल्याने गरमा गरम वाफाळता चहा माडीवरच्या खोलीत कसा काय पिकवला. वकिल काकांशी सगळे चर्चा करत असताना, अभिराम शेवटी आतून बाहेर येतो. परवा तो फोनवर बाहेर बोलत थांबला होता, काल अचानक आतून बाहेर कसा आला ? आणि तो ही कधी एकदा सगळ्यांचे डायलॉग संपतात आणि मी बाहेर येऊन जमीनीच्या विषयाबरोबर नेहमी प्रमाणेच 'बाबा लगीन' करतो या आवेशात.
३. देविकाचे लाऊडस्पिकर बाबा, आकाशी कलरचा झब्बा-कुर्ता घालून का वावरत होते, बॅगाही होत्याच बरोबर, जमल्यास लगेचच नायकांच्या अंगणात देविका-अभिरामाचा बार उडवून द्यावा असा विचार होता का ?
४. शेवटी भावनांचा उद्रेक होऊन बाष्पगदगदीत झालेल्या देविका कडे अभिराम जातो तेव्हा उगीचच फुलाला-फुल किंवा फुलावर बागडणारा भुंगा असले 'प्रतिकात्मक' काही दाखवतात का अशी धास्ती वाटली

>>परवा तो फोनवर बाहेर बोलत थांबला होता, काल अचानक आतून बाहेर कसा आला ?

मला वाटतं तो मागच्या दाराबाहेर बोलत होता.बोलणं संपल्यावर घरातून पुढच्या भागात आला.

गरमा गरम वाफाळता चहा माडीवरच्या खोलीत कसा काय पिकवला.. किचन तर खाली>>>>>> तिने वेगळी चूल मांडली आहे. असं ती वकीलांना सांगते.
बादवे तिच्या ड्रेसबरोबर एक ओढणी द्यायला हवी होती निलीमाने

काल सुशल्या वकिलासोबत बोलताना कसली पोझ घेऊन उभी होती. अगोचर मुलगी आहे अगदी. बाकी देविकाच्या आईवडिलांनी नाईकांच्या घरी यायला रात्रीचा मुहूर्त का काढला? सिरियलीचं नाव सार्थक करायला? मला तर तिच्या आईचा एकंदरीत अवतार बघता देविका अभिरामला 'मै तुम्हारे बच्चेकी मां बननेवाली हू' असं म्हणते का काय अशी जबरदस्त भीती वाटू लागली. कारण ते छायाला बघतात तेव्हा त्या गवताच्या गंजीमागे लपतात. ट्रॅडिशिनली ह्या असल्या जागा म्हणजे 'रूप तेरा मस्ताना' ला खुलं आमंत्रण.

देविकाची आई त्या दिवशी अभिरामला फोनवर म्हणते की तुम्ही फोन करत जाऊ नका लोकांना कळलं तर काय म्हणतील? आता लोकांनी काय ह्यांचा फोन टॅप केलाय त्यांना कळायला? ही मुलुखमैदान बोंबलली तरच कळणार. फोन करायला का आक्षेप? अभिराम काय फोनमधून येऊन देविकाला काय करणार आहे? मला तर ती देविकाच्या आईचं काम करणारी बाई अजिबात आवडत नाही. खूप लाऊड अभिनय करते.

काल माई अभिरामकडे तो वकिलाला बोलतो तेव्हा अभिमानाने काय बघत होती? तो एका अर्थी भावांच्या विरोधातच बोलला. आणि ते कागदपत्रांचं घरातल्यांना कळत नाही म्हणजे काय? तू काय तो शहाणा आणि बाकी सगळे मूर्ख. ह्याला खोपच्यात घेऊन खर्चापानी करायला हवं एकदा. काल कसले मोठे डोळे करून बघत होता. मला तर वाटलंबाहेर येतात आता खोबणीच्या. देविकाची पार अलका कुबल झाली होती. रडताना अशी काही अ‍ॅक्टिंग करते की वाटतं हिच्या पोटातच दुखतंय.

>>बादवे तिच्या ड्रेसबरोबर एक ओढणी द्यायला हवी होती निलीमाने

+१००००००....मी दरवेळी हेच मनात म्हणते. आधी निलिमाचा ड्रेस तिला एव्हढा फिट्ट बसणंच अशक्य आहे. एका धुण्यात एव्हढा आकसला ड्रेस? मला तर तिला पाहिलं की 'मेरे दर्जीसे आज मेरी जंग हो गयी. कल चोली सिलायी आज तंग हो गयी' ह्याच ओळी आठवतात.

मी_इंदू, पुढले प्रश्नः

१४. गुरवाने सगळ्यांनी घरात रहा म्हणूनही गणेश ऐनवेळी का बाहेर गेला होता?
१५. दारावर कोणी थाप मारली?
१६. आर्चिसने गणेशला कसला विधी करताना पाहिलं?
१७. गणेशला ट्रकने उडवलं तो योगायोग का घातपात?
१८. नाथाच्या बायकोला झाडाजवळ दिवा लावताना दागिन्यांचा आवाज येतो त्याचं रहस्य काय?
१९. गुरव गणेशला बरं करायला आला आणि टरकला का? तो अंगणात दिसलेला माणूस कोण? गुरवाने घराबाहेर जाऊन वर का पाहिलं?

आणि एक आत्ता आठवलं साखरपुड्याच्या दिवशी देविका आणि नार्वेकर कंपनी निघत असताना दारावरच्या पोळ्यातून तिच्या अंगावर काहीतरी पडतं, मग ती ओरडते, निलिमा तिचा हात पुसून देते. आणि नाईकांपैकी कोणीतरी ते पोळं काढायला सांगतं. ते काढलं की नाही शेवटी??

'रूप तेरा मस्ताना' ला खुलं आमंत्रण>>>
'एडाधोप' मधली मुक्ता बर्वे आठवली मला... पोटुशी !!!

भगवती, नाथाच्या बायकोला झाडाजवळ दागिन्यांचा आवाज येतो आणि ती घाबरून पळ काढते ते राहिलं.

>>तो वकिलकाकांना एक महिन्याची मुदत देतो.

मला वाटतं २ महिन्यांची मुदत दिली त्याने.

स्वप्ना सही! निलीमा पण भारीच आहे. असला ड्रेस घरात घालत होती का ती ? हो, मला पण वाटले की अभिरामला मै तुम्हारे बच्चे की मा बनने वाली हू असले आईच्या शिकवणीवरुन बोलते की काय.:फिदी: कारण आईचे बोलणे आणी अविर्भाव तसाच वाटला.

सुसल्या: (वकिलाला चाय देत) मग काय वकिलानू, आजकाल काय चाललाहा?
वकिलः (तिच्याकडे निरखून बघत) काही नाही, फॉग चाललाहा.

रडताना अशी काही अ‍ॅक्टिंग करते की वाटतं हिच्या पोटातच दुखतंय.>>>>>>>>>>>>>> हो हो हो हो अगदी बरोबर

आणि तो अभिराम एव्हढा येडचाप आहे की देविकाने तसलं काही म्हटलं असतं तर त्याने विश्वासही ठेवला असता.

मुलुखमैदान अशक्य हसतेय.. ऑफिसमध्ये स्वप्नाच्या कमेंट्स वाचण बंद करायला हव. मेलं मोकळेपणाने हसता पण येत नाही..

<< ते कागदपत्रांचं घरातल्यांना कळत नाही म्हणजे काय? तू काय तो शहाणा आणि बाकी सगळे मूर्ख >> कशात काय नाय तरी अभिराम आत्तांच स्वतःला अर्धा 'कलेक्टर' झाल्याचंच समजतोय ना; म्हणून तो असं म्हणाला !!!
<< 'मेरे दर्जीसे आज मेरी जंग हो गयी. कल चोली सिलायी आज तंग हो गयी' >> 'दर्जा' म्हणा किंवा 'दर्जी', एकंदरीतच या सिरीयलच्या शिलाईत ढिसाळपणाचे धागे बाहेर लोंबकळताना दिसतातच !

दागिन्यांचा आवाज येतो>>>
मला पैंजणाचा आवाज आला, आणि मग 'शांताबाई' सुरु होतं की काय अशी शंका आली !