निसर्गाच्या गप्पा (भाग २५)

जिप्सी, आता मला नीटसं आठवत नाहीय पण आकार साधारण असाच होता. पण इथे पाकळ्या थोड्या जाडसर आणि अतिशुभ्र दिसत आहेत. त्या फुलाच्या कागदी आणि किंचित हिरवट झाक असलेल्या होत्या. आमच्या ग्रूप्मध्ये कोणाकडे या फुलाचा फोटो सापडला तर इथे टाकेन. नुवारा एलिया मधल्या देवळात खूपच गर्दी होती. तिथल्या बुद्धमूर्तीसमोर या फुलांची सुंदर सजावट असते. पण गर्दीमुळे नीटसे फोटो काढताच आले नाहीत.

जिप्सी ते पांढरं फूल मॅग्नोलिया आहे का?

हे कसले झाड आहे रे? अनंताच्या कुळातले वाटतेय पानांवरुन

jaaguu, dhanyavaad g ! devanagari umatat nahiye ...

मंजूताई कालच वाचली मुलाखत. खूप छान घेतलीस!

जिप्स्याने फोटो टाकलाय ते फुल ओंजळीएवढे असते.. इथे आर्चने लिहिले होते त्यावर. न्यू झीलंडला खुप दिसतात.

हीराताई - तुम्ही टाकलेली पांढरी फुले - Ceylon ironwood ची होती का ? जरा गुगलून पहाणार का ??

@शशांक पुरंदरे,
सिलॉन आयर्न्वुड नावाचे झाड गूगलवर मेसुआ फरीआ (mesua ferrea) या जातीचे दिसतेय. त्यालाच त्यांनी नागकेसर, नागचंपा असेही म्हटलेय. हे ऑर्नॅमेंटल झाड असून श्रीलंकेचा राष्ट्रीय तरू आहे. ह्याची पाने लाल होतात. पण मुख्य म्हणजे ह्याला बट्रेसेस असतात जे मी पाहिलेल्या झाडाला नव्हते.
ह्या नागकेसराचाही माझ्या मनात खूप गोंधळ होतो. पुन्नाग, उद्दालक ही वेगवेगळी झाडे आहेत ना? प्रश्न अगदी बालिश आहे पण दर वेळी सुंदरकाण्ड वाचताना गोंधळायला होते.

पांढरा बहावा .... आ हा हा!

मस्त फोटो.
बहाव्यात आणखी एक गडद छटाही असते.. मी पनवेलला अ‍ॅक्सीस बँकेच्या आवारात बघितलाय.

गूगलवर पण कधी कधी गोंधळ घालतात.. नागचंपा आणि नागकेसर वेगळेच. mesua ferrea म्हणजे नागकेसर. हा मसाला आहे. औषधही आहे.

नागचंपा बहुतेक कैलाशपतिला म्हणत असत. ( फुलांमधे नागाच्या फणीसारखा आकार असतो म्हणून ) शिवाय नागफणी हे फुलही वेगळेच ( अळूच्या कुळातले. )

आहाहा.. किती नाजुक आहे बहावा..

हे अकॉर्न चं झाडाहे नं??

>> श्रीलंकेतले कमळासारखी फुले असलेले झाड >>
प्रत्यक्ष बघताना काय भारी वाटलं असेल! त्याला छान वासही असेल ना?
जागू,
तू टाकलेला फोटो मला कावळीच्या वेलाचा वाटतोय.
हीरा,
उंडीच्या फुलांनाही नागचंपा आणि पुन्नाग अशी संस्कृत नावे आहेत.
सुरंगीलाही पुन्नाग म्हणतात.

आमच्या घरात आम्ही सगळ्या खिडक्यांमध्ये चिमण्यांना घरटी करण्यासाठी खोकी लावून ठेवली आहेत. सगळ्या खोक्यात चिमण्यांनी घरटी केली आहेत. पण सध्या त्यात भांगपाडी मैनांनी घूसखोरी केली आहे. दिवसभर चिमण्या आणि मैनांची भांडणं चालू असतात. काल सकाळी पाहिलं तर या भांडणात खिडकीतल्या कुंडीत एक चिमणीचं पिल्लू मरून पडलं होतं.
चिमण्यांनी आता पुन्हा घरट्याची डागडुजी करयला सुरुवात केली आहे. आज लक्षात आलं की गवती चहाची कुंडी भुंडी झाली आहे आणि एका कुंडीत फूटभर वाढलेलं हँगिंगही गायब! या आगाऊ बायांनी ते सगळं आपल्या घरट्यात भरलंय

अर्रे माझ्या प्रश्नाचं उत्तर कोण देतंय??????

सगळी माहिती आणि फोटो मस्त.

वर्षु, झाड कसल आहे ते नाही माहित पण दिसतय सुंदर.

बर्षू, अकॉर्न म्हणजे ओकची फळे ( आईस एज चित्रपटात आहेत ती ) हे कदाचित पाईन नट्स ( चिलगोजा ) असू शकेल. पण मोठे झाले तरच कळेल.

जागू, फुले असती तर कळले असते. पाने बकुळीसारखी आणि फळे छोट्या तोरणांसारखी दिसताहेत. पण दोन्ही नाहीत.

ओके.. इथले लोकं या वृक्षाला चिल म्हणतात.. या झाडाच्या चिकापासून कपडा तयार होतो असं ऐकलं..

हां पाईन कोनच असावा.. इथे जंगलं च्या जंगलं या आणी देवदाराच्या उत्तुंग ( 'उंच' या शब्दाची उंची अपुरीच पडते देवदारा च्या हाईट करता ) वृक्षांनी गच्च भरलेली आहेत..

देवदाराची पानं इतक्या जवळून पहिल्यांदाच पाहायला मिळाली.. अगदी हातात घेता येतील इतक्या जवळून

अर्थात त्याकरता मला समुद्र सपाटी हून ७००० फूट उंचावर जावं लागलं

>> राणीच्या बागेतले झाड >>
हा एखादा ixora असू शकेल.

राणीच्या बागेतले झाड >>.. कॉफी च तर नसेल ना?