निसर्गाच्या गप्पा (भाग २५)

जागू जाऊ नकोसच. तु ३ तास खर्च करुन येणारेस हे विसरु नकोस. मुलांना कदाचित बरे वाटेल पण आपण वैतागतो. मीही वैतागले..

टीना, कोकणात माहेरच्या गावात वांदर टोळ्या असंच सर्व उध्वस्त करतात. सासरी नाहीयेत.

खूप दिवसांनी आले. वाचत होते सगळं पण पीसी चा प्रॉब्लेम असल्याने लिहीणं कठीण जात होतं .

जागु, अडेनियम मस्त .शेडेड पहिल्यांदाच पाहिलं

नमस्कार,
खुप दिवसांनी इथल्या गप्पा आणि फोटो पाहुन छान वाटलं.

टीना, जिथे जिथे वानरे आहेत तिथे तिथे हा उच्छाद आहे. नॅशनल जीओग्रफिक च्या एका फिल्ममधे तर ती दारू प्यायला सोकावलीत असेही दाखवलेय.

त्यांचा अधिवास आपण बिघडवलेला नाही, त्यांचा नैसर्गिक शत्रु म्हणजे वाघ कमी झालाय.

शिवाय माणसांनी केलेल्या लाडानेच सोकावलीत ती.

साधना शनिवार रविवारी गर्दी असणे सहाजिक आहे. मला जायचे होते आज शेवटचा दिवस असल्याने पण बाहेरचे ऊन बघुन आळशीपणा केला व गेलेच नाही. फोटो काढले असतील तर टाक ना इथे जमल्यास.

काल एकांकडे हे अतिशय सुवासिक आणि भले मोठे फुल पहायला मिळाले - हे रात्री फुलते असे त्यांनी सांगितले
Brugmansia किंवा Angel's Trumpet असे याचे नाव आणि Solanaceae कुळातले -

(All parts of Brugmansia are poisonous, with the seeds and leaves being especially dangerous.)

शशांकजी, सुंदर फोटो. नाव किती सार्थ आहे !

मस्त शेडेड एडेनियम. माझ्याकडचेही एडेनियम (साधे लाल) फुलले आहे सध्या.
शशांक मस्त आहेत फोटो. अशी उलटी लटकलेली फुलं प्रथमच पहातेय.

केरळमध्ये अशी उलटी लटकलेली फुलं खूप पाहिली होती थेक्कडी हुन पेरियारला जाताना.

अय्यो.. काल रात्री पाहिले ते हे आहे काय?????????????????????????????????????????????

काखेत कळसा आणि गावाला वळसा या म्हणीचे यापेक्षा जास्त सुयोजित उदाहरण सापडणार नाही असे वाटतेय आता. मी कित्ती कित्ती हुश्शार आहे रे देवा...........

माझ्या गावी ढिगानी पडलीत ही फुले. सध्या इतकी फुललीत सगळीकडे की झाडे फुलांच्या भारांनी वाकुन पडायचा धोका निर्माण झालाय. पांढरी आणि गुलाबी दोन्ही.

माझ्या डोक्यात कसला ब्लॉक आहे माहित नाही पण गावी ह्या फुलांच्या मी जवळही गेले नाही. कारण ही फुले पाहल्यावर माझ्या सब्कॉन्सस माईंडने मला या फुलांपासुन लांब राहाय्चा सल्ला दिला. का ते तेव्हा अजिबात माहित नव्हते. आता आठवतेय की यांना पाहुन बहुतेक मेंदुने धोत्र्याची फुलांशी यांची सांगड घातली आणि मग धोत्रा म्हटला की त्यापासुन जरा लांबच राहिले जाते. म्हणुन यांच्यापासुनही मी लांब राहिले. नाहीतर नक्कीच हातात घेऊन पाहिले असते. खुप मोठ्ठी फुले आहेत ही. खालचा फुललेला भाग आपल्या पंजाएवढा किंवा त्यापेक्षाही थोडा जास्त मोठा पाहिला गावी.

हे रात्रीच फुलते का ते माहित नाही पण एकदा फुलले की मग ते फुललेच. मावळायचे नाव घेतच नाही. फुले तशीच राहतात दोन तिन दिवस तरी. अर्थात हा माझा अंदाज कारण झुडपे इतकी प्रचंड बहरलेली होती त्यामुळे ती सगळी फुले एकाच दिवशी नक्कीच फुललेली नसणार असे वाटले.

सध्या कॉम्प उघडत नाही त्यामुळे इथे फोटो टाकले जात नाहीत. आता एक्दा बैठक मारुन बसतेच.

आता आठवतेय की यांना पाहुन बहुतेक मेंदुने धोत्र्याची फुलांशी यांची सांगड घातली आणि मग धोत्रा म्हटला की त्यापासुन जरा लांबच राहिले जाते. >>>>> बरोबर आहे तुझे साधना - ही फुले धोत्र्याच्या फुलासारखीच - त्याच कुळातील आणि तेवढीच विषारीही ....

Datura is a genus of nine species of poisonous vespertine flowering plants belonging to the family Solanaceae. They are known as angel's trumpets, sometimes sharing that name with the closely related genus Brugmansia, and commonly known as daturas. They are also sometimes called moonflowers, one of several plant species to be so. (विकिपीडीयावरुन साभार ...)

(All parts of Brugmansia are poisonous, with the seeds and leaves being especially dangerous.)

हे नंतर वाचले. वाचुन खुपच आनंद झाला. मी मुर्ख असले तरी माझा मेंदू शहाणा आहे याची खात्री पटली. उगीच नाही त्याने मला दुर ठेवले या झाडापासुन. नाहीतर फुल दिसले की मी वास घ्यायला धावते लगेच.

नाहीतर फुल दिसले की मी वास घ्यायला धावते लगेच. >>>> एवढेही विषारी नसते की वास घेतला की लगेच विषबाधा झालीच त्या व्यक्तिला ....
आणि या सगळ्या वनस्पतींमधे औषधी गुणधर्मही असतातच - फरक एवढाच की योग्य मात्रा माहित पाहिजे तसेच औषध तोंडावाटे घ्यायचे की त्वचेला बाहेरुन लावायचे हे माहित पाहिजे ..
(साधे प्यायचे पाणी जरी अति घेतले तरी ते बाधकच की .... )

अमंत्रमक्षरं नास्ति वनस्पतिरनौषधम् ।
अयोग्यः पुरुषो नास्ति योजकस्तत्र दुर्लभः ॥
(There is no letter in the alphabet that never occurs in any verse. No herb exists that is not part of some medicine. Likewise, no person is completely useless. It is however difficult to find a manager who can use him appropriately.)

हो. तेही आहेच. पण विषारी असेल तर गावी बहुतेक कुंपणाला कसे काय? थेट विष बाधत नसणार. किंवा थोडेफार विषारी आहे म्हणुन कुंपणाला लावलेले असावे. म्हणजे गुराढोरांनी तोंड नको घालायला आत.

छान आहे मंत्र..

पण माझा मुड बिघडला आता. माझा सल्लु आत चालला

वा लागोपाठ सात आठ धागे आणि वेगवेगळी फुले आणि सुंगधित गप्पा वाचून फुलांच्या बागेतून आल्यासारखे वाटत आहे.

सध्या बहावा मस्त फुलला आहे. नळ स्टॉप चोकातून म्हात्रे पुलाकडे जातान रस्ता दुभाजकावर बहावा लावला आहे. सगळी झाडे बहरली आहेत त्यामुळे तो रस्ता मस्तच दिसत आहे.

पण मला एक शंका आहे. बहावा हे काही छोटे झुडूप नाही. चांगले मोठे झाड असते. मग रस्ता दुभाजकावर ते लावणे किती योग्य आहे? पुढे ते पडण्याची भीती नाही का

व्वा मस्त गप्पा...
Angels Trumplet ब द्द्ल भन्नाट माहिती....

आमच्या घ राच्या मागे ब हावा/ अमलताश असा काही नटला आहे की येता जाता लक्ष वे धुन घेतोय.....:)

हे हिरवे पिटुकली फुलं कshaacee आहेत...

vattakaka volubilis वट्टाकाका व्हाॅल्युबिलीस असं नाव आहे ह्या वेलीचं !!! कसलं अगडबंब नाव आहे ना!!! मराठीत हरणदोडी म्हणतात. ही खरंतर दूधवेलच! आपल्याकडे मराठीत इतक्या सुंदर फुलांना अशी का नावं ठेवलियेत देव जाणे!!!

हरण दोडी नाव आव ड ले... क्या बात है शां क ली... के व ढी माहीती आहे तु म्हा दोघंना ही...

वाह............आत्ता वाचून संपली ..किती माहिती.. किती फुलं... नवीन नावं कळली..

ओह टीना... सो सॅड!!!!

सर्व फुलं खूपच सुरेख आहेत..

एंजल्स ट्रंपेट... सो क्यूट..
ह्म्म्म!!.. लहानपणी धतूरा बघितलाय .. घरासमोरच्या मोकळ्या मैदानात कुणीही न लावता
भरघोस धतूरा फुलायचा.. तेंव्हा आसपास ची गरीब गुरीब जनता येऊन घेऊन जायची , नशा करण्याकरता..
कधी डोस जास्त झाला तर एखादा जीव ही गमवायचा

धोत्रा, किती सहज सगळीकडे माजतो ना ? केनयातही आहे. तिथेही तो शंकराला वाहतात. इथे अंगोलातल्या वाळूतही माजलेला दिसतो सगळीकडे.

मी कार पार्क करायला ऑफिसातल्या ज्या जंगलात जायचे त्या तिथे ही वेल होती. गेल्या वर्षी फोटो टाकलेले इथे. या वर्षी ते जंगल साफ करुन तिथे अजुन एक मोठा कार पार्क बांधताहेत, त्यामुळे वेल गडप.

आता ही वेल बहुतेक माझ्या टेकडीवर कुठेतरी आहे. फळे येऊन गेल्यावर जे त्रिकोणी रिकामे कोन उरतात ते हल्ली खुप दिसताहेत रस्त्यावर एका ठिकाणी पडलेले.