राजस्थानी दाल बाटी

चवदार पाककृती. थंडी पडल्यावर करून बघायला हवी.

आधी पाण्यात उकडून घेऊन, आप्पेपात्रात बाट्या तळण्याची आयडिया मस्तं आहे.

माझ्या अगदी आवडता प्रकार हा.
मी अगदी राजस्थानात एका रस्त्यावरच्या ढाब्यावर खाल्ला होता. थेट गोवर्‍यातच भाजल्या होत्या. आम्ही तिघे होतो. त्याने किती खाणार असे विचारले आम्ही प्रत्येकी ४/४ अशी ऑर्डर दिली.
डाळ शिजत होती. त्याने आधी २ बाट्या कुस्करून त्यात भरपूर तूप घालून दिल्या. त्याच आम्हा तिघांना संपेनात. मग डाळीबरोबर तिघात मिळून २ बाट्याच खाऊ शकलो... अप्रतिम प्रकार असतो.

आता लहर आली की घरी करतो. इथे अगदी कोळसा वगैरे पेटवून करतो. कोळश्यावरच डाळ शिजवतो. दोन्हीला मस्त चव येते.

वॉव, मस्त रेस्पी एकदम.

फोटू मंगताय.

फोटो तुफान लाळगाळू! आप्पेपात्रातून तळलेल्या बाट्या कसल्या देखण्या आहेत!

आप्पेपात्रातून तळलेल्या बाट्या कसल्या देखण्या आहेत!>>>+१!
सॉलिड आलेत फोटो.

मस्त रेसिपी, मी पण साधारणतः अशीच करते .. पण बाटी पाण्यात उकडून , गार झाल्यावर तेलात तळते
एकदा बेक करून पाहिली पण म्हणावी तशी खरपूस झाली नाही मग तो नाद सोडुन दिला ..
आता ही आप्पे पात्राची आयडीया आवडली... पुढच्या वेळेस अशीच करेन...

दिवाळीत भावजयीने केली होती पध्दत सेमच फक्त तिने त्या तळल्या होत्या. जाड कणिक दिलीये त्याच्या करुन पाहीन. आप्पे पात्राची आयडीया लई भारी !

आहाहा मस्त फोटो !!
आप्पेपात्रातून तळलेल्या बाट्या कसल्या देखण्या आहेत! >> +११

तोंपासु फोटो!

मानुषीताई, मस्त फोटो. वर्णनही मस्त आहे.

दाल बाटी हे वन डिश मील आहे कां?

मेरे पास आप्पे पात्र नहीं है. तव्यावर शॅलो फ्राय केल्या तर चालतील कां? :प

मानुषीताई धन्यवाद.:स्मित: खूप मस्त आहे कृती आणी सोप्पी देखील. अप्पेपात्राची आयडीया अफाट आवडली. काम एकदम सोप्पे झाले.

आउटडोअर्स, केकपात्र असेल तर त्यात पण भाजता येईल कदाचीत. अप्पेपात्र नसते तर मी हाच पर्याय ठेवणार होते.

माझ्या पण अगदी आवडीची डिश आहे ही!

इथे वर कृतीमधे फोटो टाकता येत नाहीत का?>> नाही देता येत. पण एक उपाय आहे. प्रतिसादामधे तुम्ही जसे फोटो टाकले तसे टाकायचे आणि ती लिन्क कॉपी करुन परत आपली रेसेपी संपादीत करुन त्यात ती लिंक तुम्हाला हव्या ठिकाणी पेस्ट करता येते हे आता अ‍ॅडमिननी वाचायला नको

चित्रावळ काढून ठेवा अख्ख्या माबोच्या नावानं. नाहितर पोट दुखणार नक्की

मानुषी तै फोटो फारच जबरी आहे, तुम्ही पण दिनेश च्या लायनीत उभं राहून जळवा आम्हाला

भारी फोटो. रेसिपीपण मस्त वाटतेय.

तयार बाट्यांचे फोटो अगदी जानलेवा आहेत.

ती वाटण घातलेली डाळ तर नुसती सुद्धा वाटीत घेऊन खायला मस्त लागते. वरून भरपूर तूप हवं मात्र.

खूप दिवसांत केल्या नाहीत बाट्या. आता करणं भाग आहे

मस्त मस्त! फोटो तोपासु! आप्पेपात्राची आयडिया आवडली!

मानुषी, मस्तच आयडिया आहे!!
भारी फोटो!!

मस्त लागतो हा प्रकार. आणि त्या बाट्या तुपात बुडबून काढलेल्या असतात त्यामुळे १ खाल्ली तरी पोट भरतं.
ते बाटी कुस्करून गूळ/साखर घलून लाडू/चुरमा ह प्रकार पण भन्नाट लागतो.
फोटो खरच मस्त आलेत.

दोन थेंब तेलात रेसिपी, गरिबांची रेसिपी मारवाडी कशी काय?

आप्पेपात्रातल्या बाट्या मस्त दिसतायत. एक दोनदा अगदी ऑथेंटिक बाट्या खाल्ल्या आहेत. अशा करून बघायला हव्यात.

मला इथे रवाळ कणिक मिळणार नाहीये आणि आप्पेपात्रही बाजारात शोधावं लागेल.तस्मात्, फोटो टाकलेत - कुफेहेपा?

मस्त फोटो! मला पण करून बघायचा जाम मोह होतो आहे. मुलांना अन नवर्‍याला आवडेल की नाही कोण जाणे. मला हे असले वरणफळे वर्गातले पदार्थ आवडतात. यात गरम मसाला हा कोणता स्पेसिफिक वापरला का? रजवाडी मसाला मिळतो तो वापरला तर ?

एक चमचा तेलात राजस्थानी/मारवाडी पदार्थ होणे शक्यच नाही हे अगदी खरंय.
मूगडाळ म्हणजे पिवळी की हिरवी सालासकट?

वरदा, साधी कणिक घेऊन त्यात थोडा रवा घातला तर चालतो.

मै, मी रोजच्या स्वयंपाकातला गरम मसाला घालते वरणात. चांगला लागतो.

मैत्रेयी , माझ्या तरी मुलीला हा प्रकार खुप आवडतो.. आणि बाकी माहितीतल्या मुलांना पण आवडतो हे पाहिलं आहे ..
(तिला वरणफळं खुप आवडतात म्हणुन पण हा पदार्थ आवडत असेल कदाचित)

एक चमचा तेलात राजस्थानी/मारवाडी पदार्थ होणे शक्यच नाही हे अगदी खरंय. >>> म्हणुनच मी आतापर्यंत तळून घेत होते..

धन्यवाद, सिंडे
जरा कडाक्याची थंडी पडली की करून बघेन

जबरी फोटो.
दालबाटी माझा अत्यंत आवडता पदार्थ. बेस्ट वन डीश मिल एव्हर. महिन्यातून एकदातरी केला जातोच.
इथे मी साध्या कणकेत रवा मिसळून बाट्या करते, पण तूपात तळण्याची हिंमत होते नाही म्हणून त्या अवन मध्ये बेक करते.

रूनी, अवन मध्ये बेक केल्यावर क्रिस्पी (आतून पण) होतात का? मी केल्या होत्या तेंव्हा बाहेरून क्रिस्पी आणि आतुन कच्च्या वाटत होत्या ...

मी तेलातच तळते पण बाट्या खुप काही तेलकट होत नाहीत .. एकदा एका मैत्रीणी ने बार्बिक्यु मध्ये केल्या होत्या.. त्या एक्दम अप्रतीम झाल्या होत्या ..