पोहे फॅन क्लब

नुक्तेच एका मैत्रीणीकडे बंगाली पंचफोरन घालून केलेले बटाटेपोहे खाल्ले. वेगळेच लागले चवीला पण छान झाले होते.

अरुंधती - तांदळाची कणी भिजवून, ती फुलवून तिचे नेहमीसारखे फोडणीचे पोहे करायचे. रुचकर लागतात अतिशय! - कनी फुलवून पोहे कसे करायचे. डिटेल्स मध्ये सांग ना.

सगळ्या रेसिपी वाचून तोपासु नाही तर पोटात कावळे कलकलायला लागले ... पोहे आहाहा कोणत्याही फोर्म मध्ये.

चकली ब्लॉगवर आज ही रेसिपी दिसली- http://chakali.blogspot.com/2013/10/vangi-pohe-vangyache-pohe.html

आपण पोहे फक्त तांदळाचेच धरूया नको.
मक्याचे, गव्हाचे पोहे पण भारी असतात.
मक्याच्या पोह्याचा भरपूर दाणे आणि खोबरं घातलेला चिवडा, त्यावरून बारीक चिरलेला कांदा, कोथिंबीर... आणि बरोबर एक कडक आल्याचा चहा... अहाहा स्वर्ग!!

गव्हाचे पोहे नवीन मला. ठाण्यात / मुंबईत मिळतील कुठे?

गव्हाचे पोहे डोंबिवलीत मिळतात. इथे तांदळाचे सुद्धा पफ पोहे म्हणून एक प्रक्कर मिळतो. मी तेच वापरते दड्पे पोहे करायला!! अजिबात वातड होत नाहीत ते केल्यावर बराच वेळ ठेवले तरी!!!

रोचीन, डोंबिवलीत गव्हाचे पोहे कुठे मिळतात, मला सांग, मीपण आणेन.

कोकणात गेल्यावर माझ्या माहेरी, आमचे घर डोंगराच्या पायथ्याशी आहे. आम्ही जेव्हा डोंगरावर फिरायला जात असू तेव्हा घरून तेल, तिखट, मीठ, कांदा, कैरी (मे महिन्यात गेलो तर) आणि ओले खोबरे घालून केलेले पोहे आणि पळसाची पाने असे बरोबर घ्यायचो, डोंगरावर गेल्यावर थोडी सपाट जागा आणि झरा शोधून बसायचो, मस्त पळसाच्या पानावर पोहे खायचो आणि झऱ्याचे पाणी प्यायचो.

सो लक्की!

मक्याचे, गव्हाचे पोहे कुठे मिळतात?

मक्याचे पोहे तर कुठेही मिळतात. तो तसला वरील चिवडा मला मस्त बनवता येतो. तळीव मक्याचे पोहे खाण्यात काहीतरी ग्रेट सूख आहे. बिग बास्केट . कॉम वर ऑनलाइन खरेदी करता येतील. मुंबईत होम डिलेवरी आहे.

ऑरगॅनिक फूड स्टोअर्स म ध्ये गव्हाचे पोहे असतात.

अंजु, गव्हाचे पोहे मानपाडा रोड्वर आरती स्टोअर्स आहे ना, तिकडे मिळतील!! तीथेच तांदळाचे पफ पोहे पण मिळतील!!! त्याचे दडपे पोहे खुप छान होतात!!! ते ही आणून बघ!!!

रोचीन, मानपाडा रोड वर कुठेशी आहे हे आरती स्टोअर्स?

मीपण आरती स्टो. नक्की कुठे मानपाडा रोडवर, विचारायलाच आले.

माबो वरच मी शेअर केलेली ही रेस्पी..

http://www.maayboli.com/node/43074

वल्लरीच : काकूने सांगितलेली कृती :

तांदळाच्या कणीचे पोहे :

तांदळाच्या कण्या गुलाबीसर रंगावर कोरड्या परतून घ्यायच्या व किमान २-३ तास थंड पाण्यात भिजवायच्या. पोहे करायचे असतील तेव्हा तांदळाच्या कण्या पाण्यातून उपसायच्या, निथळून घ्यायच्या. फोडणीच्या पोह्यांना करतो त्याप्रमाणे पण थोड्या जास्त तेलाची फोडणी करायची (हळद, मोहरी, हिरवी मिरची इ.) व त्यात ह्या निथळलेल्या कण्या घालून परतायच्या. चवीनुसार मीठ घालायचे. थोडा वेळ पुरेश्या परतल्या की वाफेचे झाकण ठेवायचे व दर पाच-पाच मिनिटांनी कण्यांवर पाण्याचा एक हबका मारून परतत राहायचे. असे साधारण तासभर करावे लागते, इति काकू. जर वेळेवर परतले नाही तर कण्या खालून करपू शकतात. खायला देताना वरून कोथिंबीर, सुके खोबरे, लिंबाचा रस घालून देणे.

>>>मानपाडा रोड वर कुठेशी आहे हे आरती स्टोअर्स??

बकूल ऑइल डेपो माहीत आहे का??त्याच्या शेजारीच आहे. जेमिनीचं चपलांचं दूकान आहे ना, त्याच्या सामोरच्या बाजूला (रस्ता क्रॉस करून) साधारण!!! तुम्ही दोघीजणी पश्चिमेला रहाता का??

प्राची, तू दिलेली पहिलीच मेतकूट घातलेल्या पोह्यांची रेसिपी आमच्याकडे जबरदस्त हिट झालीये. एकदम मस्त, यम्मी...

सिकेपी स्टाईल सोडे घालून पोहे - माझ्या काकीआजीची पद्धत

आले, लसूण, कोथिंबीर, हिरवी मिरची असे हिरवे वाटण १/४ कप धूवून घेतलेल्या सोड्यांना चोळून ठेवायचे. पातेल्यात १ चमचा तेल तापवून त्यात सोडे परतायचे. वरुन हळद, तिखट आणि मीठ घालून अगदी थोडे पाणी घालून एक वाफ काढायची. सोडे शिजेपर्यंत दुसर्‍या पातेल्यात हिंग, मोहरी कढीपत्त्याची फोडणी करून त्यात बारीक चिरलेला अर्धा कांदा घालायचा. जरा रंग बदलला की एका बटाट्याच्या पातळ काचर्‍या टाकून परतून घ्यायचे. परतताना हळद आणि हिरवी मिरची चिरुन टाकायची. थोडे पाणी घालायचे. बटाटा शिजला की भिजवून ठेवलेले १ कप पोहे, मीठ आणि साखर घालून नीट ढवळायचे आणि एक वाफ काढायची. आता त्यात शिजवून घेतलेले सोडे घालून हलक्या हाताने परतायचे. वर बारीक चिरलेली कोथिंबीर आणि आवडत असेल तर ओले खोबरे घालायचे. वाढताना जोडीला लिंबाची फोड!

रोचीन, मी मानपाडा रोडला, आगरवाल हॉलच्या पुढच्या गल्लीत राहते, तुम्ही सांगता ते नाना-नानी पार्कच्या जवळपास आहे का? ओके, मी शोधून काढेन बकुल ऑईल डेपो.

>>नाना-नानी पार्कच्या जवळपास आहे का?
नाही, नाही ते खुप पुढे राहीलें. हे स्टेशन्च्या जवळ आहे. शिवाजी पुतळा आहे ना, त्याच्या समोरच्या लाईनीत, आरती स्टो. आणि बकूल ऑईल डेपो फेमस आहे. तीथे कोणालाही विचारलं तर कोणीहि सांगेल.

आज अखेर मेतकूट पोहे करून खाण्याचा योग जुळून आला. भाजलेले पातळ पोहे आयते मिळाले होतेच, त्यात तिखट मीठ साखर आणि भरपूर मेतकूट घालून कालवले आणि कांदा टोमॅटो कोथिंबीर बारीक चिरून घालून खाल्ले. फोडणी घातली नाही. एकदम मस्त झाले होते. आवडलेच.

ओके रोचीन धन्यवाद. मेतकुट पोहे मी केले नाहीत कधी आता करून बघेन.

आज मी मेतकुट घालून पोहे केले, कोकणातून अनायासे पोहे आलेच आहेत, ते मावेमध्ये १ मिनिट भाजले, त्यात तेल, तिखट, मीठ, मेतकुट आणि थोडे जिरे एवढंच घातले, छान झाले, आवडले मला.

रोचीन, नवऱ्याला आज आरती स्टो. सापडले, त्याने गव्हाचे पोहे आणि तांदुळाचे पफ पोहे आणले. आज मी डाळिंब्याची आमटी केली होती त्यात घालून खाल्ले, चांगले लागले, आता इतर प्रकार करून बघेन.

गव्हाचे पोहे, तांदळाचे पफ पोहे ठाण्यात कुठे मिळतिल?

मी सुदधा ह्या फॅनक्लबात

तांदुळाचे पफ पोहे - he kaay asate?

माझ्या साबुंच्या माहेरगावचे(हैदराबाद्जवळ) कालवलेले पोहे लिहिलेत का कोणी ऑलरेडी? त्यात मेतकूट आणि चटणीची पूड असं दोन्ही भरपूर असतं. दरवेळी भारतातून निघालो की एक मोठी पिशवी भरून कालवलेले पोहे बॅगेत असतातच.

मला मात्र दडपे पोहेच फार आवडतात. आणि मग कांदे/बटाटे/मटार पोहे इ. इ.

चटणीची पूड म्हणजे काय?

कालवलेले पोहे म्हणजे हे असे का? त्या मसाल्यालाच चटणी म्हणते आहेस का?

मटण घालुन कोणी पोहे केलेत का ? हाहा>>

मटण घालून नाही पण चिकन लिवर घालून केले होते.