पोहे फॅन क्लब

मीपण लंचला पोहेच खाल्ले, मटार-कांदा-शेगदाणे घालून केलेले.

वा पाणी सुटल. तोंडाला.

रावण पोहे नाही लिहिले कुणी? माझी आजी करायची. व्याप आहेत पण जबरी लागतात.
पोहे तळून घ्यायचे. चणाडाळ भिजवून, शिजवून, तिची गूळ, गोडा मसाला घालून उसळ करायची. तळलेल्या पोह्यांवर ही उसळ, भरपूर लाल ति़खट आणि आले-लिंबाचा रस घालून खायचे... स्वर्गसुख!!!
ह्या पोह्यांना हे नाव कुणी ठेवलं राम जाणे

पोहे तळायचे! कमीच आहे म्हणायचा व्याप अन कॅलरीज!

गंमतीचं राहू देत पण खरंच मस्त लागत असणार हे. गणपतीविसर्जनाची आठवण येते ही डाळ पाहून. एक अत्यंत आवडता प्रकार. एक वेरीएशन म्हणजे पोहे तळायच्या ऐवजी कुरकुरीत भाजून घेता येतील... करून पहायला हवं

जागूच्या ची ही पौष्टिक दडपे पोहे ची रेसीपी... यातल्या पोस्टींमध्ये बरेच व्हेरीएशन्स दिलेले आहेत.

रिक्षा :p

http://www.maayboli.com/node/61241

करून बघायला हवं.

आमच्या इथे इंदोरी नमकीन नावाची आउटलेट्स आहेत. स्विगीवर आहेत. आम्हाला हल्लीच शोध लागला आहे. मस्त असतात तिथले पोहे!

ईथेही गेल्या काही काळात ईंदोरी पोह्याचे स्टॉल बरेच आढळू लागलेत.
मी कधी गेलो नाही अजून चव बघायला.
ते गार्निशिंग बघूनच ईच्छा होत नाही बहुतेक
मला पोहे किंवा अंडाभुर्जी कमी फाफटपसारा असलेले आवडतात.

९ वा पॉईंट च पालन सगळ्यांनीच करायला हवं. पोह्यांवर नकोच तो अत्याचार

शेंगदाण्यांशिवाय पोह्याला बिलकुल मजा नाही. हवेत म्हणजे हवेतच!

ऋन्मेष, एकदा खाऊन पहा, आवडतील! बदल म्हणून खायला छान लागतात.

मलाही पोह्यांत शेंगदाणे आवडत नाहीत.

मला शेंगदाण्यात पोहे आवडत नाहीत, पण पोह्यात शेंगदाणे आवडतात. मात्र ते चांगले भाजले गेलेले असले पाहिजेत. ते म्हणजे शेंगदाणे, पोहे नाही.

मला तीनपैकी एका चमचात शेंगदाणा आलेला आवडतो.

मलाही पोह्यात शेंगदाणे आवडत नाहीत, फोडणीच्या भातात वगैरे पण नाहीत. नवऱ्यासाठी घालावे लागतात, मी एकही खात नाही त्यातला, हा हा हा.

ते गार्निशिंग बघूनच ईच्छा होत नाही बहुतेक>>> अगदी अनुमोदन. इंदौरी पोह्यात फरसाण घालून भेळ बनवून ठेवतात.

शेंगदाणे अगदी कुरकुरीत तळलेले असतिल तर छान लागतात पोह्यात.

कोथरुडात खाल्लेले इंदोरी पोहे फार फार फार फार गोड होते.

कोथरुडात खाल्लेले इंदोरी पोहे फार फार फार फार गोड होते.

आपले नेहमीचे वाफाळते कांदेपोहे, वरून घातलेलं खोबरं, कोथिंबीर, लिंबू आणि मिरगुंड ह्याला तोड नाही.
इंदोरला जाऊन ह्या पोह्यांचा स्टाॅल टाकण्याची इच्छा होते आहे.

इंदोरी पोहे कधी खाल्ले नाहीत, पण ते पोहे आणि सेव परमल वेगवेगळ्या ठिकाणी जाऊन खाणारा राजीव नेमा आपला फेव्हरेट आहे.

पोह्यात शेंगदाणे देशावरचे लोकं जास्त टाकतात बहुधा.
काही ठिकाणी तर शेंगदाण्यात पोहे टाकलेले पाहिले आहेत.
आमच्याकडे कधीच नाही टाकत. ते मुळातच टाकत नव्हते वा मला पित्ताचा फार त्रास आहे म्हणून टाकत नाही याची कल्पना नाही.
मी सिंधुदुर्ग आणि बायको कराड-सातारा असल्याने हा शेंगदाणा डिफरन्स आमच्याकडे नेहमी वादाचा विषय असतो.

बाकी वैयक्तिक आवड म्हणाल तर जसे लाडवात बेदाणा वा मनुका तसे एखाद्या घासाला पोह्यात शेंगदाणा ठिक आहे. पण कांदेपोह्याचे शेंगदाणा पोहे करू नये.. दर दुसर्‍या चमच्याला येणारा शेंगदाणा वेचून बायकोच्या ताटात सरकवणे हा छळ आहे

इंदोरी पोहे खाल्ले नाहीत कधी..सोसायटीच्या बाहेर च एक स्टॉल आहे.. पण कधी खायची इच्छा झाली नाही..
बटाटे पोहे आवडतात.. भरपूर बटाटे, ओले खोबरे, कोथिंबीर घातलेला. थोडासा लिंबू पिळलेला.
प्रत्येक घासाला एक बटाट्याची फोड आली पाहिजे..

पोह्यात शेंगदाणे हवेत, बटाटे हवेत, कोथिंबीर हवी, वरुन किसुन शिवरलेले ओलं खोबरं हव आणी आवडत असल्यास झिरो साईजची पिवळी शेवही हवीच सोबत लिंबाची फोड.

लिंबाची फोड कामाची नाही. लिंबू तर अख्खा पिळावा. ते सुद्धा आधी कोथींबीर टाकावी. मग लिंबू पिळायला घ्यावे. कोथींबीर तरंगेपर्यंत पिळत राहावा.

जोक्स द अपार्ट,
आमच्याकडे लिंबू आहे की नाही हे बघूनच पोहे केले जातात. नो लिंबू नो पोहे.

मुद्दा 10 आणि 11 अगदी अगदी मनाला भिडले.
नीट कांदा परतलेले, थोडा कढीपत्ता, थोडी मिरची, थोडे बटाटे तुकडे,नीट भिजलेले आणि 7 मिनिट शिजवलेले, मीठ आणि थोडी साखर घातलेले, बनवतानाच लिंबू पिळलेले आणि वर हिरवीगार कोथिंबीर घातलेले पोहे आवडतात.
पोह्यांवर सांबार किंवा चटणी टाकणे बोअर होते.
शेव घातल्यास 1 साईझ ची, 0 साईझ शेव ला स्वतःची चव नसते.
(इतके लिहिल्यावर उद्या पोहे करावे लागणारच )

मी पोह्यात साखर नाही घालत. ती अगदी चिमुटभर घातली तरी मला पोहे गोड लागतात, सेम सांज्यात वगैरे. तीच चव पुढे येते.

मी पण पोहे फॅन क्लब मध्ये.
ही वाचुन आता पोहे खावेसे वाटत आहे. मला ओले खोबरे आवडत नाही पोह्या मध्ये. आणी मोहरी पेक्षा जीरे च लागते . कोथिंबीर हवीच.
फोडणीला.शेंगदाणे घातलेले पोहे मी अजुन नाही खाल्ले आहेत.

आमच्याकडे पोहे केले तर वरून (इतर) मंडळींना भाजलेले दाणे लागत्तातच, शिवाय वरून बारीक चिरलेला टोमॅटो. नाहीतर पोहे कोरडे लागतात; कितीही पाण्याचा अगदी हबका मारून शिजवले तरी. मला टोमॅटॉ - दाणे नको असतात, पण सवयीने दाणे घालून खाते. टोमॅटॉ बिग नो!!
मला साधे कांदेपोहे, कधीतरी त्यातच बटाटा पातळ काचर्‍या करून, मऊ लुसलुशीत शिजले की ताजं ओलं खोबरं आणि बारीक चिरलेली कोथिंबीर इतकंच फक्त मनापासून आवडतं मला. बाकी चातुर्मासात कोबी- बटाटे - असल्यास फ्रोझन मटार, वरून तेच पुन्हा टो- दा - खो - को...

ह्यात इंदूरी काय आहे ?

आपण असेच करतो ना ?

.