पोहे फॅन क्लब

Submitted by प्राची on 22 November, 2013 - 23:42

पोहे, पौवा, पहुवा, चिवडा, चिडवा.... ही आणि अशी अनेक नावे असलेले गोरे गोरे, बारीक, शेलाट्या बांध्याचे पोहे. Happy
जाड पोहे, पात़ळ पोहे, भाजके पोहे, नायलॉन पोहे...अनेक रुपं
'पोहे' न खाल्लेला मराठी माणूस मिळणे अवघड आहे.
'पोहे' हा आयटम नसलेली किराणामालाची यादी मिळणे अवघड आहे.
कांदेपोहे, दडपे पोहे, कोळाचे पोके, मेतकूट पोहे, लावलेले पोहे.... अश्या बर्‍याच पाकृ आहेत पोह्यांच्या.

तुम्ही केलेले नवे नवे प्रयोग, जुन्या परंपरागत चालत आलेल्या पाककृती....सगळ्या या एका धाग्यावर एकत्र करू या.
पोहे फॅन क्ल्बचे सदस्य व्हा
जुन्या लिंक्स द्या.
नव्या पाकृ लिहा.

चला तर मग.... Happy

प्रतिसादात दिल्या गेलेल्या पाककृती आणि लिंक्स.

१. प्राची - कृती -
पातळ पोहे एका पसरट भांड्यात घ्या.
त्यावर चवीप्रमाणे मीठ, साखर, लाल तिखट, मेतकूट घाला. (मेतकूट भरपूर घालायचे.)
एका छोट्या कढईत तेल गरम करून त्यात मोहरी-जिरे, हिंग्,हळद यांची फोडणी करा.
गरम गरम फोडणी पोह्यांवर घालून हाताने सगळे नीट मिक्स करा. सगळा मसाला पोह्यांना नीट लागला पाहिजे.
पांढरा पोहा दिसता कामा नये.

हे झाले पोहे तयार. आता -
१. त्यावर नुसती काकडी किसून घाला आणि खा.
२. कांदा, टोमॅटो, कोथिंबीर बारीक चिरून घाला. वर किसलेली काकडी आणि लिंबू...अहाहा!!!!
३. चिराचिरी करायचा कंटाळा आलाय? नुसते पोहे वाटीत घेऊन आडवा हात मारा.

हे पोहे भरपूर प्रमाणात करून ठेवले तरी राहता डब्यात ३-४ दिवस.
मग जसे लागतील तसे वापरायचे. स्मित

२. अश्विनीमामी -
माझ्या साबा एक अद्वितिय प्रकार करतात. तो मी एकदाच खाल्ला आहे. पातळ पोहे तळून घ्यायचे. त्यात हल्के तळलेले काजू, ओले खोबरे टोमाटो मिरची कोथिंबीर इत्यादी. पाव्हण्यांसाठी केले होते त्यामुळे फार हाणता आले नव्हते.

३. पौर्णिमा -
पातळ पोहे, तेल, तिखट, काळा मसाला, मीठ, दाणे आणि कोथिंबीर! ऑस्सम लागतात हे पोहे. पोहे भिजवायचे नाहीत, तसेच कच्चे खायचे.
४. प्राची -
जाड पोहे घ्यायचे. त्यावर लाल तिखट, साखर, मीठ, बारीक चिरलेला कांदा, कोथिंबीर, ओले खोबरे घालायचे. आणि पाण्याचा हात लावत लावत मिक्स करायचे सगळे. पोहे ओलसर होतील एवढे पाणी लावायचे म्हणजे मसाला चांगला लागतो पोह्यांना. झाले पोहे तयार.
५.योगेश कुलकर्णी -
एक वाटी साधे कच्चे पातळ पोहे अन १ ते दीड वाटी आमरस. एका बोलमध्ये घ्यायचे अन ५ मींट मुरले की हाणायचे.
६.योगेश कुलकर्णी -
भाजक्या पोह्यात सातूच पीठ घालायचं काकडी चोच्वून / कोच्वून घालायची तिखट मीठ घालायचं वर फोडणी घालायची. अप्रतीम लागतो हा प्रकार.
७.भरत मयेकर
इंदोरी पोहे
८. योगेश कुलकर्णी -
नेहेमीचे फोडणीचे पोहे भिजवून घ्यायचे त्यात आवडीनुसार भाजके दाणे वा खारे दाणे / फुटाणे घालायचे. कोथिंबीर हवी असेल तर. त्यात एकाच ठिकाणावर मीठ, चवीपुरती साखर, तिखट, चिमूट हळद घालायची (हे सगळं पसरून नाही घालायचं) मग टेस्पूनभर तेलाची जीरं मोहोरीची खमंग फोडणी त्या तिखटामिठावर ओतायची, हवी तर वर बारीक चिरून हिमी घालायची. व्यवस्थित सगळं मिसळायचं, थोडी भुजिया शेव असेल तर उत्तमच! अन खायचं एकट्यानी. एका बोलमध्ये पटकन होणारा पण तरीही पोट भरणारा प्रकार.
९. लक्ष्मी गोडबोले -
आधी कांदापोहे करुन घ्यायचे नेहमीप्रमाणे.
मग तव्यात आम्लेट करायचं .. ते अर्धवट झालं की प्लेटभर कांदेपोहे त्यात घालायचे आणि उलथन्याने हलवायचे... आम्लेट फाटून त्याचे तुकडे तुकडे होतील .. ते पोह्यात मिक्स होतात ...
१०.के अंजली -
भिजवलेले जाडे पोहे+ उकडलेला बटाटा+ भिजवून वाटलेले मूग+तिखट्मीठ्कोथिंबीर असं सगळं मिक्स करुन याचे आप्पे किंवा पॅटीस पण छान होतात.
११. आरती. - आलेपाक.

विषय: 
पाककला
शब्दखुणा: 
पोहे
पोह्याचे पदार्थ
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

लहान्पणी माझ स्वप्न होतं पोह्याच्या शेतकर्‍याशी लग्न करायच. पोहे शेतात उगवतात असा समज होता तेव्हा.>>> Lol

Submitted by प्राची on 25 November, 2013 - 06:48

लहान्पणी माझ स्वप्न होतं पोह्याच्या शेतकर्‍याशी लग्न करायच. >>>> Biggrin

इन्नाला 'पोहे फॅन नं. १' चा किताब द्या!

Submitted by मामी on 25 November, 2013 - 06:58

पोह्यांचा शेतकरी Lol
सुप्रसिद्ध इंदोरी पोहे, नागपुरी तर्रीवाले पोहे वगैरे खाऊनही मला पुण्याचेच टपरीवर मिळणारे साधे पोहे जास्त आवडतात. (गरवारे कॉलेजसमोर्च्या टपरीवरचे).
चिमुरी, इंदोरी पोहे म्हणजे वाफेवर मऊ करायचे, त्यात मीठ-साखर-हळद-बडीशोप-हि.मिरची घालून वरुन अगदी कमी तेला ची हिंगाची फोडणी द्यायची. वरुन जीरावन पावडर, बारीक कांदा, कोथिंबीर, रतलामी किंवा इंदोरी शेव अन डाळिंबाचे दाणे घालायचे. ही बेसिक रेसिपी.

Submitted by नताशा on 25 November, 2013 - 11:12

नागपूरचे माझे दीर चना पोहे करायचे. काळ्या हरभर्याची मसालेदार उसळ करून ती कान्दे बटाटे घालून केलेल्या पोह्यावर घालून द्यायची. वर भरपूर कोथिम्बीर नि लिम्बाचा रस घालायचा. सही लागतात.

Submitted by सुपरमॉम on 25 November, 2013 - 11:49

मामी वांगी घालुन करुन बघणारच आता.

बरं, दडपे पोह्यात कांदा,टोमॅटो, काकडी कोचुन, ओले खोबरे, भाजके दाणे, कोथिंबीर, लिंबाचा रस व उडीदाची फोडणी ह्या combination शिवाय अजुन काही वेगळे combination कोणी वापरत असेल तर प्लिज लिहावे.

Submitted by सुनिधी on 25 November, 2013 - 14:13

सुनिधी कैरीच्या दिवसात दडपे पोहे करतांना, लिंबाऐवजी कैरीचा कीस घालून बघ, मला आवडतात. आम्हीतर कैरी, कांदा, ओले खोबरे आणि तेल, तिखट-मीठ, हवा असल्यास तळलेल्या पोह्याचा पापड घालून मस्त तिखट पोहे करतो, फोडणीपण घालत नाही, मस्त लागतात.

Submitted by अन्जू on 25 November, 2013 - 14:22

मस्तच Happy
हा बाफ आज वाचल्यावर आधी पोहे केले. वांगी पोहे पण मस्तच लागतात, खूप छान आठवण दिलीत मामी वांगी पोह्यांची. (कृष्णा काठची वांगी घातलेले पोहे)

Submitted by अनुश्री. on 25 November, 2013 - 19:22

श्री, मटण घालुन पोहे नाही केले कधी ,पण पातळ पोह्यांवर शिजवलेले मटण/ चिकन घालुन नेहमी खाते. मस्त लागतात असे पोहे.

Submitted by विद्याक on 25 November, 2013 - 19:22

काय सुन्दर बाफ आहे....मी पण पोहे क्लब ची खूप मोठी फॅन आहे ..:)
माझे खास घरगुती पोहे- दूध पोहे
जाड पोहे भिजवून त्यात दूध, मीठ घालायचे आणी वर जीरे, मोहरी, तळलेल्या मिरच्याची फोडणी..अप्रतीम सुन्दर लागतात..!!

Submitted by माउ on 25 November, 2013 - 20:37

मला पण पोह्याचे सर्व प्रकार आवडतात. दडपे पोहे सगळ्यात जास्त.
हे आमचे दहि-पोहे. लेकाच्या शाळेत नो फायर कुकिंग ची स्पर्धा होती त्या साठी केले होते.

dahipohe.jpg

Submitted by _प्राची_ on 25 November, 2013 - 21:44

मॅक्सा मला माहीतिये पण एकदम बेडूक / खेकडा म्हटलं असतं तर बरं नसतं दिसल म्हणून फोटो पोस्ट्णारीलाच विचारलं... Proud

Submitted by योकु on 25 November, 2013 - 22:14

मॅक्सा मला माहीतिये पण एकदम बेडूक / खेकडा म्हटलं असतं तर बरं नसतं दिसल म्हणून फोटो पोस्ट्णारीलाच विचारलं... >>> मग म्हणायचं की तो मोर कित्ती सुंदर दिसतोय! Happy

मस्त दिसताहेत दडपे पोहे. Happy

Submitted by मामी on 26 November, 2013 - 00:11

नताशा धन्यवाद.. म्हणजे इंदोरी पोहे करताना ते आधी नेहमीसारखे परतुन नाही घ्यायचे का? की परतुन झाल्यावर वाफेवर करायचे परत? डिटेल रेसिपी लिहा की कोणीतरी प्लीज

Submitted by चिमुरी on 26 November, 2013 - 00:19

इंदूरी पोह्यांच्या कृतीची ही लिंक
http://jayawagle.blogspot.in/2010/01/indori-kande-poha-and-battle-of-sex...
आधीच्या पानावरही दिली होती.

अरुंधती कुलकर्णी यांनी दिलेली पद्धत :
http://www.maayboli.com/node/38475?page=23

पण इंदूरी पोह्यांवर खोबर्‍याऐवजी शेव जाडी, बारीक, झणझणीत तिखट, कशीही पण शेव मस्ट. रतलामी शेव असेल तर मज्जा.

Submitted by भरत. on 26 November, 2013 - 00:28

आमच्याकडे वेगळ्या प्रकारे करतात दडपे पोहे.
पातळ पोहे नारळाच्या पाण्याने भिजवून घ्यायचे. मग वरून मीठ, पादेलोण, बारीक चिरलेली हिरवी मिरची, कोथिंबीर, थोडे आले किसून, ओले खोबरे घालून मिक्स करायचे आणि दडपून ठेवायचे थोडा वेळ. नारळाचे पाणी आणि खोबरे यामुळे मस्त मऊ होतात पोहे. पण हे लगेच खायचे केल्यावर. सकाळी केलेले दुपारपर्यंत कडक होतात. Happy

Submitted by प्राची on 26 November, 2013 - 00:41

Pages