मालिका परीक्षण: स्टार प्लसवरचे महाभारत !! ( दर्जा: * * * * )

गुरु द्रोण कुणाकडूनच रोखले जात नव्हते. पाच पांडव, सात्यकी, दृष्टद्युम्न वगैरे सगळे महारथी मिळून पण द्रोणाचार्यांना हरवू शकले नसते. एकटे द्रोण या सगळ्यांना भारी ठरत होते म्हणून त्यांचा वीक पोइण्ट म्हणजे त्यांच्या मुलाचा मृत्यू झाल्याची बातमी पांडव पसरवतात. खरे तर पांडव अश्वत्थाम्याला पण मारू शकत नव्हते. हे द्रोण पण जाणून होते. मात्र आपण धर्माने वागलो नाही म्हणून आपला मुलगा मरण पावला या विचाराने त्यांनी शस्त्रे टाकून ते निरिच्छ भावनेने/ विरक्ती येवून ते ध्यानाला बसले. तेव्हा द्रुपदपुत्र दृष्टद्युम्न त्यांना मारून टाकतो. हातात शास्त्र असताना आणि छल/कपट न करता द्रोणांना हरवणे पांडवाना शक्यच नव्हते.

धर्माने बोललेल्या या असत्यवचनामुळे नेहेमी दोन इंच हवेच चालणारा त्याचा रथ जमिनीवर येतो. जुन्या महाभारतात हे बहूतेक दाखवले होते.

हो कांदापोहे बरोबर, आधीच्या महाभारतात रथ जमीनीवर येतो असं दाखवलं होतं.

घटोत्कच हा राक्षस असतो. राक्षसाला रात्री अतोनात शक्ती प्राप्त होत असते. घटोत्कच लढतो तो रात्री. राक्षस असल्यामुळे तो अजस्त्र शरीर धारण करुन शत्रूचा पाडाव करतो. दिव्यास्त्र लागून धारातिर्थी पडतो ते ही रात्रीच. त्यामुळे त्याचे शरीर अवाढव्यच असते. पण सुर्य उगवल्या बरोबर लगेच त्याचे राक्षसी शरीर लहान होते... कारण दिवसा राक्षसाची मायावी शक्ती काम करत नाही किंवा कमी काम करते. (हे सगळं कृष्ण सांगतो की!)

घटोत्कच आधीच का येत नाही याचेही उत्तर त्यांच्या संवादात आहे. नियमा प्रमाणे युद्ध हे दिवसाच करायचे असते. घटोत्कचची सगळी शक्ती ही रात्रीची... म्हणजे दिवसाच्या युद्धात तो काही कामाचा नव्हता. अभिमन्यूवधानंतर नियम भंगाची मालिका सुरु होते. त्यामुळे घटोत्कचला महत्व प्राप्त होतो. घटोत्कच कौरवाना चिरडतो ते युद्ध रात्रीचे युद्ध असते.
----
सुर्य ग्रह्ण नाही... कृष्णाने चक्र पाथवून सुर्य झाकला होता. त्यावेली मामाश्री युद्धभूमिवर दूर कुठेतरी असतात. लगेच अंधार झाल्यावर मामाश्रीना कळतं ना की अवेळीच अंधार झालाय ते. मामाश्री लगेच पुटपुटतात की ही कृष्णाची खेळी आहे म्हणून. अन मग धावत धावत येतात पण तोवर जयद्रथ मरायला हजर झालेला असतो.
-----
भीम उडी मारतो तेंव्हा दिव्यास्त्र दुभंगते तो सीन मात्र निव्वड मुर्खपणा होता.
----

असे काही नाही....महाभारतात फक्त शकुनी कडेच "घड्याळ" असते.. मे महिन्यात अचानक ५ - ५.३० ला अंधार कसा झाला म्हणुन तो घड्याळ बघतो.... मग त्याला वाटते की कृष्णाने काहीतरी केले म्हणुन अंधार झाला....

अभिमन्युचा मृत्यु युद्धाच्या १३ व्या दिवशी झाला आहे त्याप्रमाणे दुसर्‍या दिवशी म्हणजे १४ व्या दिवशी जयद्रथाचा वध करुन संध्याकाळी किंवा रात्री त्याच्या अंतिमसंस्काराच्या वेळी कौरव आक्रमण करतात, रात्री घटोत्कच लढुन त्याचा मृत्यु होतो सकाळ होते तो १५ वा दिवस १५ व्या दिवशी घटोत्कचावर अंतिमसंस्कार होतात नंतर १६ व्या दिवशी जेव्हा लढायला सुरुवात होते ज्यावेळेस गुरुद्रोण ला मारण्याबाबत चर्चा होते आणी द्रौपदीचे वडील मरतात तेव्हा ह्या मालिकेत " युद्ध का १५ वा दिवस" अस म्हणतात ते नाही समजलं , एकतर काही गडबड झालीये दिवस दाखवण्यात किंवा जर सकाळी घटोत्कचाचे अंतिमसंस्कार करुन जेवणानंतर युद्ध सुरु केलं असेल.

द्रुपद मेल्यावर द्रौपदीला दुखः होणे स्वाभाविक आहे मात्र ती द्रोणाचार्यांवर चिडणे, त्यांचा वध आवश्यक आहे म्हणून दृष्ट्द्युम्न्ला टिळा लावणे वगैरे फिल्मी गोष्टी घुसडल्या आहेत. युद्ध म्हटल्यावर संहार हा होणारच. आणि त्यात द्रोणांपुढे द्रुपद किस झाड कि पत्ती. द्रोणाचार्य द्रुपदाला समोरासमोर लढाईत मारतात मात्र द्रौपदीचा आवेश असा असतो कि जणू काही त्यांनी तिच्या पित्याला कपटाने मारले आहे.
वास्तविक पाहता द्रोण आणि द्रुपद यांच्यातल्या वैरामध्ये चूक द्रुपदाचीच असते. द्रोणाला द्रुपद कधीच हरवू शकत नसतो. द्रोण द्रुपदाचे राज्य जिंकून त्याला परत त्याचे अर्धे राज्य देतात. चिडलेला द्रुपद द्रोणाला ठार मारण्यासाठी पुत्रप्राप्तीचा यज्ञ करतो वर अर्जुनाला जावई करून घेतो. स्वतःच्या मुलाला द्रोणांकडेच शिकायला पाठवतो वर त्याच्या हातूनच द्रोणांचा वध होईल अश्या अर्थाचा आशीर्वाद मिळवतो. एवढे करूनपण स्वतःच द्रोणाकडून मारतो आणि त्याचा मुलगा आपल्या गुरूला (द्रोणाला) तो निशस्त्र अवस्थेत धायानाला बसलेला असताना भ्याडपणे मारतो. द्रुपद आणि त्याचा मुलगा दृष्टद्युम्न म्हणजे नुसते सुडाने जाळणारे साप होते असे म्हटल तर चूक ठरणार नाही.

मत्स्यनरेश विराट (अभिमन्यूचे सासरे) हे सुद्धा द्रोणांकडून मारले जातात आणि नंतर त्याच दिवशी द्रुपदाचा वध होतो. मात्र या महाभारतात विराटाचा मृत्यू अभिमन्यु मरण पावलेल्या रात्री होतो असे दाखवले आहे.

द्रुपद मेल्यावर द्रौपदीला दुखः होणे स्वाभाविक आहे मात्र ती द्रोणाचार्यांवर चिडणे, त्यांचा वध आवश्यक आहे म्हणून दृष्ट्द्युम्न्ला टिळा लावणे वगैरे फिल्मी गोष्टी घुसडल्या आहेत. >>> युद्ध चालू झाल्यापासून अति फिल्मीपणा चालू आहे. द्रौपदीला म्हणे तिची सर्व मुले मरणार हे माहित अस्तं तरीही "धर्मस्थापने"साठी ती हे युद्ध होउ देते. कृष्णाला प्ण पुढे काय घडणार हे माहित असतं. यामुळे त्या युद्धामधला संहारकपणा, क्रूरता आणि हिंसा सगळीच फिल्मी होऊन गेलेली आहे.

हो नंदिनी करेक्ट, आता फिल्मीपणा चालू आहे. नाहीतर हे महाभारत छान वाटलं होतं.

द्रोणाचं कॅरेक्टर करणारा अभिनेता खूपच अप्रतिम. त्याची डोळ्यांतून अभिनय करण्याची कला तर लाजवाब. वीररस, कारुण्य, नैराश्य, पश्चात्ताप, पुत्रप्रेम आणि हतबलता या सर्व गोष्टींचा अचूक अभिनय.

हो मला पण द्रोणाचे काम करणारा कोण अभिनेता आहे तो आवडतो. सुरुवातीपासूनच त्याचे काम मस्त आहे. विशेषतः डोळ्यातले भाव.

निसार खान आहे द्रोण बनलेला. सोनी च्या सी. आय. डी. / क्राईम पेट्रोल मालिकेत ही दिसतो कधी कधी पोलिस म्हणून.

तो निसार खान 'युद्ध' मध्ये पण आहे.

महाभारत युद्ध रोज होत नव्हते. एक दिवस युद्ध एक दिवस विराम असे युद्ध होत होते.

पैकी सतरा दिवस युद्ध सतरा दिवस विराम. झाले. मग अर्धा दिवस युद्ध झाले. मग विराम. मग पुन्हा अर्धा दिवस युद्ध .

अशा प्रकारे सतरा व दोन अर्धे असे अठरा दिवस युद्ध झाले.

इति डॉ. वर्तकांचे कोणते तरी पुस्तक

म्हणजे एकुन ३७. दिवस युद्ध. सुरु होते

तो निसार खान 'युद्ध' मध्ये पण आहे>> हाच निसार खान तोंड काळं करून गोरं बनविण्याच्या औषधाच्या जाहिरातीतंही मी पाहिला... काय पण दिवस असतात एकेकावर.. महाभारतामुळे त्याला ‘अच्छे दिन’ येतील अशी अपेक्षा आहे.

हो टोच्या, तिथेपण आहे तो.

युद्ध चालू झाल्यापासून अति फिल्मीपणा चालू आहे. द्रौपदीला म्हणे तिची सर्व मुले मरणार हे माहित अस्तं तरीही "धर्मस्थापने"साठी ती हे युद्ध होउ देते. कृष्णाला प्ण पुढे काय घडणार हे माहित असतं. यामुळे त्या युद्धामधला संहारकपणा, क्रूरता आणि हिंसा सगळीच फिल्मी होऊन गेलेली आहे.
सहमत.

त्यात आता गाणी नि नाच दाखवले की झाली पूर्ण हिंदी फिल्म. भारतीय इंग्रजीत लिहीलेले (on the roof, in the rain, u and me, love करेंगे! )हिंदी फिल्म संगीत असलेले ठेकेबाज, धमाल नाच असलेले काही सीन टाकायला पाहिजेत. युद्ध चालू असले तरी इकडे युद्ध नि तिकडे पहा काय चालले आहे असे दाखवायला! बलरामाच्या द्वारकेत! तो युद्धावर गेलाच नव्हता, फक्त सैन्य गेले. बाकीचे लोक होतेच!!

कर्णवधाच्या आधीचे कृष्णाचे डायलॉग सुंदर लिहिले होते आणि कृष्णाने ते खूप छान आपल्यापर्यंत पोचवले. मस्त कृष्ण छा गया. कर्णाने पण छान काम केलं. टचिंग होतं सगळं.

कृष्ण जेव्हा म्हणतो कर्णाला की 'तुझ्या रथाचे चाक जमिनीत अडकलंय आणि तू नि:शस्त्र आहेस अशावेळी तुला मारावे लागते ह्यातच समज तुझे सामर्थ्य किती आहे ते'. अगदी डोळ्यातून पाणी आले तेव्हा. किती सुंदर डायलॉग.

कृष्ण जेव्हा म्हणतो कर्णाला की .....किती सुंदर डायलॉग.
अनुमोदन.
भीष्म, द्रोण नि कर्ण या तिघांनाही मरणापूर्वी कृष्ण त्यांचे काय चुकले हे सांगतो. स्वार्थी विचारांपेक्षा . समाजकल्याण महत्वाचे हा खरा धर्म. हे कृष्ण त्यांना पटवून देतो, त्यामुळे मरताना ते सगळे शांतचित्त होतात.

तेंव्हा सर्व महाभारताचे सार की स्वार्थापेक्षा समाजकल्याण महत्वाचे.

हो एक अभिमन्युचा वध सोडला तर भीष्म, द्रोण , जयद्रथ आणि कर्णाचा वध चांगला दाख व लाय, दुशासनाचा देखील फील्मी वाटला.

900