किल्ला ओळखा

जोरात बोंबलू ही नये

प्रचि २२:

हा किल्ला काही वर्षापुर्वीच प्रकाशात आलाय. आख्खा फोटो दिलाय त्यामुळे लगेच ओळखा..

पन्हाळगड आहे का?

हा किल्ला काही वर्षापुर्वीच प्रकाशात आलाय. <<<<<<<
सचिन जोशी ने शोधलेला ?????
वरंधा घाटातला

स्_सा... होय. आता नावही दे.

आता नावही दे. << तेच तर आठवत नाहिये, जासलोड गड का काहिसे ???
हा किल्ला रायगडाच्या संरक्षण करणार्‍या किल्ल्यांच्या रांगेतला असे सचिन जोशी यांनी सांगितले होते. या किल्ल्याच्या शोधाची सुरवातही त्यांनी अशीच केली होती. गुगल अर्थ च्या मदतीने रायगडा भोवती आधी असलेले किल्ली मांडले तेव्हा या किल्ल्याच्या दिशेला हा भाग मोकळा दिसला, आणि शोधाची दिशा नक्की केली

मनमोहनगड

सारिका.. तो किल्ला शांत बसून आहे म्हणून 'मनमोहन'गड का?

सारिका आणि स्_सा - बरोबर. नाव आहे मोहनगड / जासलोगड.

किल्ले आणि जी.पी. एस. तंत्रज्ञानाचा वापर या बद्दल च्या एका व्याख्यानात त्यांनी या किल्ल्या बद्दल सांगीतले होते. जी.पी. एस. च्या सहाय्याने अनेक किल्ल्यांचे मॅपिंग त्यानी केले आहे

प्रचि २३ : जिल्हा पुणे

लोहगड

रोहन, अगदी बरोबर

मोहनगड हा किल्ला सर्वात आधी पाळंदे सरांनी शोधला आहे, फक्त नावाबाबत संभ्रम असल्याने त्यांनी केवळ दुर्ग असा उल्लेख त्यांच्या डोंगरवेडा या पुस्तकात आढळतो. स्थानिक लोक त्यास जानाईचा डोंगर म्हणतात.

प्रचि. २३ पुरंदर असावा.

शिवनेरी?

स_सा, सारीका, रोहन -
माझ्या माहीती प्रमाणे जासलोडगड किंवा मोहनगड पुणे जिल्ह्यात आहे आणी वरच्या प्रची २२ चा किल्ला हा पन्हळगड (पन्हाळगड नव्हे) आहे..
जासलोडगड हा बांदलांच्या अख्त्यारीत होता आणी तो पुण्याच्या मुळशी भागात आहे.. ह्या किल्ल्यावर जायचे म्हणजे एकतर लोणावळा-घनगड मार्गे जावे लागते किंवा ताम्हीणी - निवे मार्गे यावे लागते कारण हा किल्ला मुळाशी धरणाच्या एकदम आत आहे..

पन्हळगड रायगड जिल्ह्यात येतो आणी रायगड किल्ल्याचा परीसरात असलेल्या किल्ल्यांमध्ये मोडतो. हा दुर्लक्षीत किल्ला सचीन जोशींच्या शोधामुळे प्रकाशात आला. ह्या किल्ल्यावर जायचे म्हणजे मुंबई-गोवा महामार्गावर माणगावच्या पुढे लोणेरे म्हणून गाव आहे तिथून आत जाणार्‍या रस्त्याने अंदाजे ८ कि.मी. वर असणार्‍या पन्हळघर गावात यायचे (ह्या गावाला स्थानीक गावकरी पलनघर म्हणतात :)). गावात असलेल्या मशीदी/महारवाड्याच्या पाठीमागची वाट सरळ किल्ल्यावर जाते.. किल्ल्यावर काहीही अवशेष नाही. नाही म्हणायला किल्ल्याची खूण म्हणून वरती थोडी तटबंदी आणी पाण्याच्या टाक्या आहेत..

पन्हळघर गाव शिवकालीन असला पाहीजे कारण ह्या गावावर रायगडावरच्या घरांना पावसात लागणारे झाप (गवताच्या पेंढ्या) पुरवण्याची जबाबदारी होती. पन्हळ्गडाच्या किल्लेदारावर ह्या कामावर देखरेख करायची जबाबदारी असण्याची शक्यता आहे.. पन्हळघर आणी आजूबाजूला खूप मोठा गवताळ भाग आहे आणी हे बघता रायगडावरच्या सर्व घरांना येथून गवत पुरवठा करता येऊ शकत असावा..

अवांतर - पन्हळघर गावातून एक वाट सरळ रायगडावर जाते आणी गावापाठीमागच्या डोंगरधारेवरून सरळ रायगड खोर्‍यात उतरते (महाड - पाचाड - रायगड रस्त्यावरील मेढा गावात). ह्या रस्त्याने आम्ही दोन वेळा लोणेरे ते रायगड असे चालत गेलो आहे :). लोणेरे ते रायगड चालत जायला ८ तास लागतात.

क्र. २३ पुरंदर ?

प्रचि क्र. २३ पुरंदर च असावा ..
मस्त माहिती मनोज ..

थांब आता... म्यापच उघडतो

प्रचि क्र. २३ - जिव धन

(महाड - पाचाड - रायगड रस्त्यावरील मेढा गावात). > आम्ही माणगाव वरुन गाडीने गेलो होतो... तो हाच मार्ग असावा. >>> इंद्रा तो हा मार्ग नसावा कारण पन्हळघर गावाच्या पुढे गाडी जात नाही. पुढे सर्व डोंगरातला ट्रेक आहे..

तुम्ही माणगाववरून रायगडला गेला असाल तर तुम्ही, एक मार्ग माणगाव गावातून जोर गाव आणी पुढे चनाट खोर्‍यातून डायरेक्ट पाचाडला जातो, ह्या मार्गे गेला असु शकाल.. तुम्हाला वाटेत कोंझर गाव लागले होते का? कारण ह्या मार्गावर कोंझर लागत नाही. महाड-पाचाड रस्त्यावर कोंझर लागते.
पुर्वी हा चनाट खोर्‍यातला मार्ग खूप वापरात होता आणी रोहा, नागोठणे, चौल बंदरातून रायगड मार्गे देशावर जायला ह्या रस्त्याचा वापर करायचे.. ह्याच वाटेवर एक पुरातन मंदीर, दगडावरचे कोरलेल्या आकृत्या आणी बरेच बघायला मिळते.. रायगडावर जायला सध्याच्या प्रचलीत महाड-पाचाड रस्त्याशिवाय एकदातरी ह्याही रस्त्याने जायला हवेच..

प्रचि. २३>> निमगिरी किंवा दुर्ग ढाकोबा

मनोज पाच वर्षांपुर्वी गेलो होतो. त्यामुळे गावांची नावं लक्षात नाहीत. बैलगाडी रस्ता होता. वाटेत एके ठिकाणी रस्ता नदीच्या पात्रातून जात होता>>> येस्स.. इंद्रा ह्याच रस्त्याबद्द्ल मी बोलत होतो..
प्रची २३ ओळखीचा वाटतोय पण लक्षात येत नाहीये..

पुण्याच्या उत्तरेला जुन्नर तालुका आहे..

२३. विसापूर??

इंद्रा तुच सांग आता..

पुणे जिल्ह्याच्या वायव्य भागामध्ये गेल्याचं आठवत नाहीये.. त्यामुळे माझा पास आहे